27 - ذكـرايـات الـفـهـد

صلوا على خير الأنام 🤎

فرك فهد رقبته بتوتر و بعض الاحراج من الواضح انه ضربه بكل قوته و لكنه الفهد لن يظهر احراجه ابدا و قرر استخدام نظام "قلب الترابيزة" فقال بغيظ :

- عادي يعني اخوك الكبير و اعمل اللي انا عايزه ... ولا هتعملي زي اخوك التاني و تديني بوكس في وشي و واحد تاني في معدتي و تقولي انت السبب انت اللي خلتني مدمن يلا قول قول مانا بقيت ملطشة اي حد عايز يعلق غلطه على حد تاني يقول فهد اصل انا شماعة الغطات اللي بتعلقوا عليها غلطاطكم

هتف ادم يبرر و يا ليته لم يتحدث :

- هو ميقصدش يبني والـ

و قبل أن ينهي كلمته قاطعه فهد بحنق و غيظ قائلاً :

- انت بالذات متتكلمش مش كفاية معرفتش تربي الحلوف اللي مش متربي فارس، اخرتها يمد ايده

علي اخوه الكبير، الله علي التربية

صفق صقر بزهول و هو يقول بصدمة :

- الله عليك يبني والله استاذ في قلب الطرابيزة جامد يباشا استمر

نهره فهد قائلاً بغيظ :

- اسكت يخويا اسكت ي بتاع ليليان اسكت يخويا اخرس ي ظابط علي ما تفرج

تنهد جاسر براحه لكنه فتح عيناه بصدمة عندما هتف فهد :

- و استاذ جاسر ااااااه بقي تروح مهمة وانا في العمليات لي يخويا فردة شراب انا ولا فردة

كوتشي اي مفيش احساس ولا ضمير و اه صح

ازاي ياض تهرب مارك ها متقوليش قولت للواء

عشان مش مصدقك انت اصلا وش اجرام

و نظر إلي اسراء و سارة مرادفاً بغيظ :

- وانتو محليش التعب غير وانا داخل العمليات، لي متعبتوش قبلها ولا بعدها لي ها لي ولا حليت

وانا داخل العمليات

ضحكوا بقوة فهم في حالة من الذهول علي الشلل علي ضحك و بعد أن هدأوا قليلاً هتفت لين بهدوء :

- انت اي آخر حاجة فاكرها

- الحفلة اللي جدو هلال عملها و قلبت مذبحة القلعة و تقريباً خدت ضربة علي راسي و كذا رصاصه

تاج : فعلاً انت خدت رصاصه في كتفك و واحدة في قلبك و واحده في ضهرك و واحدة في رجلك و ضربة علي راسك و بقالك شهر في غيبوبه

هتف فهد بصدمة و زهول :

- يااااااه شهر كامل في غيبوبه و معظم الأحداث اللي قولتها حصلت

فجر : ايوا انت أكيد لما كُنا بنحكيلك كنت بتجمع الأحداث في دماغك و تعمل سيناريو و في

كام افتكاسة في النص كِدا بس مش مشكلة

اهم حاجة انك رجعت بالسلامة

نظر إليهم بهدوء هاتفاً بإهتمام :

- معلش بقي حد يفهمني اي اللي حصل وانا في غيبوبه انا اه عارف أن كيان رجعت و واجهت عيلتها و أن وعد و زين و رعد جولي و كانوا

بيتكلموا معايا و أن صقر ويامن السفله بدل ما

يشجعوني اني أخرج من الغيبوبة كانوا عاملين

يحكولي معكساتهم لملاذ و ليليان

جلس تيم بجواره علي الفراش و هتف بأريحية :

- بص بقي ... احنا طبعاً بعد ما الحفلة قلبت مذبحة القلعة صقر اتصاب في صدره وانت

خدت اربع رصاصات واحدة في قلبك و واحده في ضهرك و واحدة في رجلك و الأخيرة في كتفك و أخيراً ضربة في راسك عشان يجيبوا

اجلك و نقلناكم علي المستشفي هِنا صقر حالته

مكنتش خطيرة اوي بس قلبه وقف مرة وانت بقي

كنت بتطلع في الروح خلاص و قلبك وقف اربع

مرات في العملية و كان عندك نزيف و حالتك كانت صعبة اوي ي عيني و الممرضات كُل واحدة

تخرج تقول مفيش امل و جهزوا الكفن بتاعه

لحد ما بمعجزة من عند ربنا اتكتبلك عمر جديد

و طلعت بس حالتك كانت خطرة و دخلت في

غيبوبة و بقينا كُل شوية حد فينا يدخل يتكلم

معاك شويه حتي جاد كان بيدخلك ساعات و

بيقعد بحكيلك عن جود و جنانها واكيد انت

في حاجات مش فاكرها و حاجات عقلك الباطن

ترجمها غلط زي أن فارس ضربك بالبوكس و إن بلال مدمن و طبعاً بعد ما انت دخلت الغيبوبة

بأربع ايام لين عرفت و نزلت مصر و نزل وراها

اسد ، و فيروز و شغف و آسر هيجوا انهاردة و

رهف و ليث رجعوا روسيا تاني عشان الشغل

اللي اتعطل 3 اسابيع و مارك زرعنا فيه جهاز

تعقب و بنحاول نوصله تاني بس ابن الـ ذكي و

مش بيروح لـ واطسون امنه شاكك أنه متراقب

و في الأيام دي فعلاً فارس كان هيضرب بالنار

هو و ملاك و جاسر و الياس عملوا حادثة

هتف فهد ببلاهة و فمه مفتوح بصدمة :

- اي دا يعني انا خدت اربع رصاصات، لي إن شاء الله كنت لوحة نيشان وانا مش واخد بالي

ضربت تاج حقاً فوق الاخر و هي تقول بقلة حيلة :

- فهد هو فهد مش هيتغير و لو بيموت لازم يحط الـ touch بتاعه

هتف فهد بحنق و غيظ :

- و ماله فهد ي بنت ادهم

- اهبل يروحي انت اهبل

- انا اهبل ي عبيطة

- انا عبيطة ي متخلف

- انا متخلف ي سلعوة

- سلعوة في عينك ي برص جعان

- برص فـ عينك ي سحلية ي مبقعه

- انا مبقعة ي بقرة

- بقي انا بقرة ي انثي الخرتيت

كان الجميع يطالعهم بزهول عدي لين و تيم

فهم معتادون عليهم و علي شجارهم الذي ينتهي بهم بفقرة عشق ممنوع بعدما يتم فقع و شلل الآخرين

فصرخ بهم ادهم و رأسه يكاد ينفجر بسببهم :

- ينااااااااس خلاص خلاااااااااص أهدوا بقي يولاد المجانين

نظر له فهد بغيظ و لهم جميعاً بغيظ و هتف بحنق :

- بقي كِدا ... طب برا بقا عشان عايز اتخمد انا واحد لسة فايق من غيبوبة و موت يلا بقا طرقوني عايز ارتاح

جذبته تاج من شعره قائلة بغيظ :

- تصدق ياض الخوف اللي كنت هموت بسببه عليك خسارة فيك اتفو عليك ي

معفن

و تركت شعره و همت للخروج خلف الباقيين

لكنه سحبها سريعاً مِن يدها و هو يضحك بقوة و لين تتابعهما و تضحك بخفة و هتف فهد بعدما سقطت تاج بين أحضانه :

- ي مجنونة راحة فين

هتفت بضيق و هي تدير وجهها للجهة الاخري :

- خارجة عايز حاجة

ضمها بقوة و هو يضحك و لثم خَدَيها و هو يقول بضحك :

- لا شكلك كِدا زعلني مني لا اخص عليا و ادي راسك ابوسها اهو ها ابوس تاني ولا اتصالحتي

ضحكت بخفه و هتفت :

- لا خلاص اتصالحت

دفعها بخفة من الفراش و هتف بمزاح :

- طب يلا طرقيني بقي و سيبيني مع مُزتي

شوية

هتفت تاج و هي تقف لتخرج من الغرفة :

- وربنا سافل و هتفضل طول عمرك سااااافل ربنا معاكي يـ لين يبنتي خدتي اكتر واحد سافل في العيلة

و خرجت من الغرفة و أغلقت الباب خلفها و في لحظتها كان فهد قد سحب لين له مُسقطاً إياها بين ذراعيه و هو يقول بغمزة

عابثة مرحة :

- وحشتيني يا فازلين حياتي

ضحكت بقوة و هي استند برأسها علي صدرة قائلة بـ حُب :

- وانت كمان وحشتيني اوي ي فهوودي

رفع يده علي رأسها و بدأ في نزع حجابها

و هو ينظر إلي عيناها العسليتان اللتان

تلمعان بعشقه لكن تحولت معالم وجهه الي الاستنكار و هو يقول :

- هو مش المفروض لما اقلعك الطرحة شعرك

الحريري ينزل يغطي اكتافك و عيونك

ضحكت بقوة و هي تقول :

- لا ي روحي دا في الروايات العادية مش

عند بيبو

- قولتيلي ماشي ي زوجتي العزيزة تعالي

بقي فـ حضني عشان عايز اقولك علي سر

كبير اوي

لكمته بخفه في صدره و هي تقول بغيظ ممزوج بالخجل :

- اتلم ي قليل الادب احنا في المستشفي

هتف هو بغمزة تحمل كُل معاني العبث :

- يعني لو روحنا اعمل اللي انا عايزه؟

صرخت صرخة مكتومة بغيظ منه و حاولت الإفلات مِن بين يديه لكنه كان يمسكها بإحكام

فهتف بنبرة بريئة و أعين اكثر براءة :

- انتي فهمتي اي ، دا انا هقولك سر خطير اسمعي مني بس

- ياض دا أنا اصدق نور ولا اصدق النظرة البريئة دي

- بوسة اخوية والله صدقني

رفعت إحدى حاجبيها بعدم تصديق و هتفت بسخرية :

- انت و اخوية مستحييييل

هتف هو بخبث و استغل هذا :

- طب هثبتلك عشان تعرفي انك زوجة ظالمة

و باس خدودها ( مقدرتش مقولهاش بـ العامية )

و هتف بنبرة بريئة :

- شوفتي بقي انك ظلماني

ضحكت بخفه و توسدت صدرة برأسها و هي تقول

بضحك :

- فاكر اول مرة اتقابلنا فيها ي فهود

ضحك بخفه و هو يقول و هو يحتضنها بقوة أكبر :

- و دا يوم يتنسي برضو دي كانت مقابلة مجنونة

و دعونا نعود الي الخلف تحديداً قبل عامين مِن الآن :-

دلفت إلي المشفي و هي تبتسم كالـ بلهاء فهي أخيراً أنهت دراستها و بدأت التدريب و سرحت

تُحدث ذاتها :

- ي سلام بقي ي بت ي لين لو تقابلي رجل الأعمال الثلاثيني القاسي البارد المتوحش اللي بيقلب بعد منتصف الليل بسبب أن الولية أمه خانت الحاج ابوه و يكون بقي فهد الفهود القاسي الجبروت و

تلسعيه كف علي وشه يقوم

سمعت شخصاً يُكمل حديثها و هو يقول :

- يقوم قايلك "انتي متعرفيش انا مين"

- ايوا صح ... اقوم مطنشاه و مشوحه بـ ايدي كدا هو و اقوله "هتكون مين يعني عيل توتو فرحان بعضلاته النفخ"

اكمل هذا الشخص بتسلية و حماس :

- يقوم هو قايلك "ماشي اما وريتك انا مين مبقاش انا" و يسيبك و يمشي

صقفت هي بحماس كالبلهاء :

- ايوا شاطر

و ثواني و استوعبت أن هذا صوت شخص و ليس

صوت عقلها الباطني فألتفتت له تقول باستغراب :

- انت مين ي اخينا انت و اصلا ازاي ترد عليا و تستغفلني

هتف هو بأستنكار :

- نعم يختي انا اللي استغفلتك ولا انتي اللي عبيطة و ماشية تكلمي نفسك

هتفت هي بغيظ و حنق :

- ولا هو انت فاكر عشان انت مز و قمر و بعيون رمادي زي القطط و شعرك حلو و مسبسب و بشرتك انقي من حياتي حياتي هسكتلك ...

لاااااا انسي دا انا لين الشرقاوي

كان يقف أمامها فاتحاً فمه بذهول :

ـ هو انتي كنتي بتعاكسيني ولا انا بيتهيقلي

هتفت هي بمزاح :

- لاااااا متركزش ... الا قولي اسمك اي يخويا

هتف هو ولازال مزهولاً :

- فهد الصياد

صرخت بفرحة و حماس اخافاه و وجدها تقول بفرحة :

- الله فهد الفهود القاسي الجبروت عديم الرومانسية كاره جنس النساء بس غريبة

اسمك فهد الصياد مش السيوفي أو المنشاوي

بس مش مشكلة الصياد الصياد المهم انا مش

هسيبك تفلت من ايدي دا انا ما صدقت اني

لقيت فهد الفهود يلا عشان اسكعك كف ابن

ناس

نظر لها فهد بصدمة و هو يكاد يصاب بالشلل من حديثها و هتف بزهول :

- انتي مجنونة يبت انتي كف اي اللي تضربيهولي دا

هتفت لين بغيظ و هي تمسك ملابسه :

- بص بقي انا مش هسيبك كيف و ايدي معلمه ي علي وشك ي علي قفاك منا مستحيل اسيب فرصه

تحقيق حلمي اني ابقي المقنونه و انت فهد الفهود القاسي البارد اللي أمه خانت ابوه و مرات ابوه حطت السيخ المحمي في صرصور دونك

امسكها من عنقها من الخلف و هو يقول بجنون :

- ي مجنونة يبنت المجانين انا مش فهد الفهود القاسي الجبروت انا فهد عادي

هتفت هي بتهديد و غيظ :

- بص ي فهد الفهود ي قاسي انت ... مهو ي اضربك بالقلم و انت تقولي انتي متعرفيش انا

مين نبدأ رواية الفهد و المقنونة ياما هصوت و ألم عليك الناس و اقول بيتحكرش بيا

هتف هو بغيظ و توعد :

- مهو لو انتي ضربتيني بالقلم انا كمان هصوت و ألم عليكي الناس و اقول عايزة تتغرغر بيا و لما موافقتش ضربتني

شهقت هي بصدمة و هي تقول :

- نعم يخويا اتغرغر بيك علي اي يعني عشان عيونك القططية مقويين قلبك يبقي تتفرعن علينا لا يخويااااااا

و بعدين سيب قفايا يسطا انا مش قدك ي باشا

والله انت طور الله اكبر عليك وانا عصفورة

والله

هزها بغيظ و هتف بجنون فـ تلك الفتاة هي الوحيدة بعد تاج التي أصابته بالجنون :

- انتي ي بلوة اتحدفتي عليا من انهي داهية

هتفت هي ببراءة مصطنعة :

- من كلية الطب اباشا قولت لبويا والله اني مش وش شغل مصدقنيش

ضحكت لين علي تلك الذكري التي رواها لها فهد بطريقة مضحكة و بعدما انتهي قال :

- دا انتي كنتي مجنونة بشكل

اردفت هي بغيظ و هي تمسكه مِن ملابسه :

- لا وانت اللي كنت سيد العاقلين يخويا ... الله يرحم يوم ما حطيتلي صرصار لعبلة في القهوة

امسكها هو الآخر من ملابسها و هتف بغيظ :

- والله يرحم برضو يوم ما كنت نايم في المكتب و جيتي رسمتيلي علي وشي بالالوان و خليتي منظري زبالة في المستشفي

- طب فاكر يوم ما اعترفتلي بـ حُبك

هتف فهد بهيام و هو يترك ملابسها و يعود ذكراياته الي الخلف :

- و دا يوم يتنسي برضو

و لنعود لقبل عام من الآن :-

كانت تركض سريعاً الي داخل المشفي بعد أن أتاها اتصال يخبرونها أن هُناك حالة خطيرة و

يجب أن تصل بسرعة

وقفت تأخد أنفاسها بتعب و فجأة شعرت بـ شيئ يوضع علي أنفها و غابت عن الوعي

و بعد وقت فتحت عيناها بصعوبة و نظرت إلي المكان حولها فوجدته يشبه المخازن القديمة و وجدت نفسها مقيدة القدمين و اليدين و أمامها يجلس رجل يرتدي قناعاً

علي وجهه لا يُظهر سِوا عينيه فهتفت

بإستغراب :

- انت مين ي اخينا انت و خاطفني لي؟

هتف الآخر بنبرة خشنة غليظة :

- انا مين فأنا رجل عصابات و مافيا، خطفتك

لي عشان انتي عجبتيني و

و قبل أن يُكمل حديثه وجدها تصرخ بحماس و هي تقول :

- الله اكبر ي بركة دُعاكي يمااااااا زعيم مافيا مرة واحدة لا لا دا كِدا كتير اوي قلبي لا يحتمل، قولي ي حليوة انت اسمك اي

فهد ولا اسد ولا نمر ولا صقر

كان يطالعها بصدمة ولكنه هتف بعدم استيعاب :

- ولا دا ولا دا ولا دا ولا دا انا نسر

- لولولولولولولولولولي نسر الله اكبر مش بطال برضو أهلاً بيك ي نسر النسور، طبعاً

ثلاثيني مُعقد تسفك الدماء صح ؟

اجابها بصدمة واضحة :

- عرفتي منين

اجابته بغرور و فخر :

- عيب عليك يابا دا انا خبرة 1000 رواية و 500 مسلسل تركي، ها امك خانت ابوك ولا

ابوك مرمطك

- ولا دا ولا دا دي صياغة بعيد عنك

هتفت هي ببلاهة كالخرقاء :

- يلا بقي فك ايدي عشان اسكعك كف و بعدها انت تجلدني و تضربني يلا فكني يلااااا

كلماتها جعلته يُصاب بأعراض الجلطه و الشلل و قال :

- تصدقي يبت انا غلطان اني اخترت واحدة مجنونة زيك

و أزال القناع عن وجهه و كان فهد فتفت هي بفرحة اكبر :

- اللهم صلي على النبي ... طلعت فهد الفهود،

وربنا كُنت شاكة فيك و في انك زعيم مافيا و قاسي و متحجر المشاعر يلا بقي هموت و اسكعك كف محترم

فتح فمه ببلاهة قائلاً بصدمة :

- يعني انا بقالي يومين بخطط اني اعترف بـ خُبي و بفكر في طريقة كريتف مجنونه تعجب

سيادتك و في الاخر تقولي "اسكعك كف محترم"

هتفت هي بغيظ مضحك :

- طب ما تعترف زي الخلق مش لازم مرمطه و تعشيم علي الفاضي

هتف بغيظ و هو يفك قيدها و يناظرها بـ قرف :

- تصدقي انا استاهل ضرب الشبشب اني قولت انفذلك حلمك و اللي هو انك تتخطفي

من رجل عصابات عشان بيحبك اتفو عليكي

عاد من تلك الذكري و هتف بضحك :

- طب فاكرة لما اتقدمتلك

ضحكت هي بقوة و هي تقول :

- و دا يوم يتنسي دا أسد كان خايف منك

- ما التوتر بيعمل اكتر من كِدا

و لـ  نوعد الي نلك الذكري :-

"احنا جايين هِنا ليه ؟"

هذا السؤال سأله تيم باستغراب و هو ينظر إلي فهد الذي جمعه هو و ايان و زين 

و أسد و آسر لأجل قول شيئ ما لا يعلمونه

تحمحم فهد و أخذ نفساً عميقاً ليخفف توتره و هتف بجدية تنافي حديثه الابلهم وجهاً هذا الحديث الي أسد :

" بص بصراحة و من غير لف و دوران انا عايز

اتجوزك "

توسعت عيني أسد بصدمة و كذلك الجميع من حديث هذا الاحمق حيث قام تيم بصفع جبينه من

بلاهة و غباء فهد بيقول أسد بصدمة :

"ايهههه!!!!"

رمش فهد بصدمة عندما استوعب ما قاله فهتف يزيد الطين بلة :

- لا لا اقصد عايز اتقدملك

و هذا ما قاله أسد بصدمة مرة أخري  "نعم!!!!"

وضع أيان يده علي وجهه يحاول عدم الضحك علي حديث فهد الغبي

بينما نظر زين الي فهد من وراء أسد و حرك يديه

جاعلاً اياهما بجوار بعضهما بمعني أنه يريد أن يناسبه و يقرأ الفاتحه فهتف فهد بغباء :

- و عايز اتقرب منك و امسك ايدك

ضرب زين علي وجهه بصدمة من هذا الغبي الذي سينتهي به الأمر عند شرطة الأدب

بينما انتفض أسد من مكانه هاتفاً بصدمة :

- مالك ياض في أي مش مظبوط انهارده ليه

مالك كدا اتعدل انا مش بتاع الكلام دا

هتف فهد سريعاً يبرر :

- لا وربنا مش قصدي اللي انت فهمته

نظر له تيم و أشار إليه من خلف أسد و قام بتحريك يديه كأنه يفتح بابً ما و يدخل منه

بمعني أن يقول فهد أنه يريد أن يدخل البيت

من بابه فهتف فهد بعدم وعي و بلاهة :

- و نروح انا و انت الشقة و ندخل من الباب

~~~~~~~~~~~~~~~

يتبع 💫💫

#ابواب_الجحيم_الخمسة

By / Habiba_Al Masry

~~~~~~~~~~~~~~~