5 - صعقات كهربية و نومة المختلين

صلوا علي خير الأنام 🤎

~~~~~~~~~~~~~~~~~~~~

في صباح اليوم التالي تحديدا في

مقابر آل صياد :-

نجدهم يفقون امام أربعة قبور ينتظرون عامل المقابر بأن يقوم بفتح القبور و قلوبهم تخفق

بشده فمن المحتمل أن يكون أطفالهم علي قيد

الحياه بعدما ظلوا ساعه كامله يفكرون في معني

الجمله حتي توصلوا الي أن من المحتمل أن يكون أطفالهم علي قيد الحياة

فاقوا من شرودهم علي صوت العامل و هو يقول :

- خلاص يا بيه فتحت الترب

اومأوا له و رحل هو و اقترب ادهم من أحدي

القبور و نظر بداخلها فوجد ورقه موضوعه

اخذها و فتحها فوجد بها تلك الجمله التي ردت

روحه لجسده مره اخري

" الاموات احياء و الجناه اموات و السر في ابن الشافعي العدو القديم و تحليل الـ DNA "

اخد الورقه و رفع رأسه و نظر لهم بسعاده

شديده مردفاً بسعاده :

- ولادنا عايشين

نظروا له بفرحه عارمة هل حقاً أطفالهم الان أصبحوا شباباً

~~~~~~~~~~~~~~~

بعد قليل في قصر آل الصياد :

نظر لهم الجميع بصدمه خاصتا تلك منبع الحقد و الشر

اول من تحدث منهم كان هلال الذي أردف :

- يعني اي ... تيم و فهد و فجر و تاج لسه عايشين

ازاي انا مش فاهم حاجه

اجاب عليه ادهم موضحاً و نبرته تغمرها الفرحه :

- امبارح لما مسك و بلال رجعوا يارا و لارا لاحظوا حاجه في سلسلة مسك و لما مسك نامت طلعوا

جابوها و طلعت ورقه و كان فيها جملة غريبة

« الاحياء اموات و الاموات احياء و السر في الأربعة قبور و العدو القديم »

فضلنا نفكر كتير لحد ما وصلنا أننا نفتح القبور

و لقينا في قبر فيهم ورقه فيها جمله كمان

" الاموات احياء و الجناه اموات و السر في ابن الشافعي العدو القديم و تحليل الـ DNA "

واحنا فعلا بعتنا عينه من العضم اللي في التربة

مع عينة دم منا علي المستشفي بتاعتنا عشان

تتحلل ....

أردف فارس سريعاً بعدما آفاق من صدمته :

- سعد الشافعي ... انا ماسك القضية بتاعته و

هو شغال في المافيا و الشركات ستارة علي

اعماله المشبوهة و شغله في المافيا

أردف كرم بتفكير :

- طب فرضاً سعد طلع يعرف مكانهم أو حاجه

عنهم احنا هنعرف شكلهم ازاي

- انا هقولك هنعرفهم ازاي ....

و اخرج صوره من جيبه بها شابين و فتاتين

يشبهون بعضهم بشده و يبدوا أنهم في

الرابعه و العشرون من عمرهم و أدارها ليراها الجميع

نظر الجميع للصوره بعدم فهم و أردفت جاكلين

بـ حيره من هذا الشبه الذي بينها و بين أحدي الفتاتين :

- مين اللي في الصوره دول يا ادهم

أردف ادهم بابتسامة سعيده :

- دول ولادنا يا ماما دي صورتهم مع بعض

حقاً هذا لا يصدق فهل سيعود الاحفاد مره اخري بعد أكثر من ثمانية عشر عاماً

أردف هلال بحزم و جديه :

- دلوقتي .. هنروح لسعد الشافعي لانه طرف الخيط عشان نوصل ليهم

~~~~~~~~~~~~~~~

ابتسموا من خلف كاميرات المراقبه ابتسامه تسليه و هم يرون افراد العائلة يصعدون للاعلي لتبديل

ملابسهم ليذهبوا لهذا الاحمق المسمي سعد الشافعي

ارجعوا ظهورهم علي الاريكة بابتسامه واسعه

أردف فهد بابتسامة سعيده بها كل معاني الحماس :

- اووووف اخيرا هطلع موهبتي المدفونه في

التمثيل دول هيتجننوا

اردفت فجر بتحذير :

- فهد فهد فهد تلاته فهد ركز بالله عليك و متظتش في الظيطه متندمجش اوي يخويا عشان منرحش

في داهية

هتف فهد بثقه و هو يمسح على خصلات شعره بغرور مضحك :

- عيب عليكي يا بت دا انا الفهد بردو

هتفت تاج بسخرية :

- اه الفهد... احنا مش هنروح في داهية غير

بسبب غرورك دا

أردف تيم بدون مقدمات و هدوء :

- انا جعان

نظروا له ببلاهه فأعاد هو حديثه قائلاً :

- جعااااااااان اي بتكلم هيروغليفي

هتف ثلاثتهم بابتسامه غبية :

- تصدق احنا كمان جعانين

تيم بتفكر :

- طب ناكل اي دلوقتي

هتفت تاج بابتسامه حماسية :

- احنا نعمل معكرونه بالبشاميل اي رايكم

- لاااااا انسي

- لي بس يا تيمو

- انتي مش فاكره اخر مره عملنا فيها معكرونه

بشاميل سوا اي اللي حصل

اكمل فهد علي حديث تيم مردفاً :

- المطبخ اتملي دقيق و بيض و فيروز كانت بتصوت

- يسطا متقلقش احنا عاقلين هاديين و هنعمل اكل زي الناس

أردف فهد بتردد :

- ماشي يا تاج اما نشوف اخرتها

~~~~~~~~~

أما بعد قليل في المطبخ :

نجد المطبخ مليئ بالدقيق و هؤلاء الاربعة المجانين يقفون و ملابسهم مليئه بالدقيق و

الكاتشب و وجوههم ملطخة أيضا بالكاتشب و الدقيق و المكان حولهم غير مرتب إطلاقاً و أمامهم

عجينة البيتزا و صينية المعكرونه بالبشاميل

اردفت تاج بابتسامه واسعه :

- مش قولتلكم هنعمل اكل زي الناس

اردفت فجر بسخرية :

- لا واضح أنو زي الناس يختي بأماره الدقيق

اللي مالي المكان هو و الكاتشب

اردفت الاخري بحنق و غيظ :

- وانا مالي يا لمبي مش انتي يا اذكي اخواتك

اللي وانتي بتجيبي الدقيق وقعتيه كلو فوقنا

و علي الارض و الكاتشب تيم و هو بيقتح

ازازة الكاتشب مفتحهاش زي الناس الطبيعيين لا

دا فتحها و هو يدلقها علي الارض و ياخد و يحط

علي وشنا

ضمها فهد من خصرها و هو يقول بابتسامه بلهاء :

- طبعا يا تاجي انا الوحيد اللي عملت زي الناس

صح

- يخويا اتنيل دا انت اكتر واحد جبتلي شلل ... في حد عاااااااقل يسوي البيض علي النار بعدها

يحطه في البشاميل ازااااااااي و بعدين في حد

بيحط بيض في البشاميل دا بيبقي زفر .... ولا

البيتزا بقي ... بقي يا عاقل لا عاقل اي ... بقي يا

مجنون يبن المجانين في حد يحط نشا مع

البيتزا لي عايزنا ناكل حطب لا وكمان كنت عايز

تحط قرفة لي يخويا

أردف فهد بغيظ :

- الله كنت عايزكم تأكلوا سينابون مع بيتزا

انا غلطان يعني

نظرت له تاج بنظرات غريبة و مخيفة جعلته

يبتلع لعابه بتوتر و يركض هارباً خارج المطبخ

ركضت تاج خلفه و هي تصرخ به :

- ده انا بحمد ربنا اني شوفتك وانت بتحط

النشا والا كان زمان سنانا متكسره ... منك لله يبن لارا و ادم

توقف عن الركض و وضع يداه في خصره و قال

بغيظ :

- مالهم لارا و ادم ابنهم يبنت يارا و ادهم

وضعت تاج يداها في خصرها و اردفت ببرود

و ابتسامه باردة :

- ابنهم مجنون يروحي ... ابنهم مجنون ... أمه

كانت بترضعه جنان شوفت بسيطة ازاي

- لا والله انا برده اللي مجنون ... امال مين اللي لما

كنا في مهمه في انجلترا من اربع شهور علقت

زعيم المافيا فى جنينه قصره و تحته ذئاب عشان

تاخد منه المعلومات

هتفت تاج باحراج قليلا لان فعلتها تلك كانت مجنونة حقاً :

- احم أنا

أردف هو بانتصار و سخريه :

- ها يختي عرفتي مين فينا المجنون ولا لسه

اردفت هي بغيظ :

- ولا مين لما كنا في المهمه الاخيره قعد

تاكل في موز و يرميه عليهم لحد ما افتكروه

قرد ملبوس

حمحم فهد باحراج قائلاً :

- احم احم انا

- يبقي تعادل يا روحي

اقترب منها فهد و وضع يده علي كتفها و ضمها له

مردفاً بجديه مضحكه :

- بصي يا توتة يختي خلي فضايحنا دي سر

مبينا نزل بعض بيها و احنا لوحدنا عشان

في هنا اتنين هيمسكوها علينا زله

- انا بقول كدا برده يا فهود ... يلا نطلع نغير

هدومنا دي و ننزل ناكل

- يلا يا روحي

و صعد كل منهما لغرفته تحت نظرات الملل من

تيم و فجر

أردف تيم بملل و فقدان امل :

- فهد و تاج هيفضلوا قط و فار ... طول عمرهم

بحسهم ضراير معرفش لي

اردفت فجر بضحك :

- والله الاتنين دول مجانين ما يصدقوا يمسكوا

حاجه علي بعض و يزلوا بعض بيها في كل خناقه

و بعدها يقولوا و أكملت و هي تقلدهم :

- خلي فضايحنا دي سر مبينا نزل بعض بيها لوحدنا ... والله مجانين

قهقه تيم بشده وهو يقول :

- والله يا بنتي احنا الاربعة هنحتاج زياره للثرايا

الصفراء بعد ما المهمه دي تخلص

~~~~~~~~~~~~~~~

أما في فيلا سعد الشافعي :

كان يجلس علي إحدى الارائك و هو يتحدث في

هاتفه بغضب :

- يعني اي ... عرفوا أني السبب في اللي حصل زمان

- ايوا زي ما بقولك كدا و هم جاينلك دلوقتي

- لا بقولك اي اتصرفي و امنعيهم بأي شكل

- يحبيبي ابعدهم ازاي بس

- شيرييييييين المسكنه دي مش عليا زي ما ساعدتني تخرجيني منها يأما قسماً بربي

هعترف بكل حاجه و انتي يا قطه هتروحي

في الرجلين

- هههههههه ضحكتني يا سعد والله ... طب يا

حبيبي لما تبقي تلحق تنطق حرف واحد بعد

اللي هيعملوه فيك ابقي اتكلم ... بااي يا ... يا بيبي

و قفلت في وشه تحت غضبه و نظراته الناريه

تتوعد لـ تلك الحقودة بالكثير و الكثير

استقام سريعاً و هو عازم علي الهرب لكن كيف

سيهرب من رجال الصياد

قبل أن يخطي خطوة واحدة تجاه الباب

وجد الباب يدفع بقوة حتي سقط أرضاً و هو

محكم و ظهر من خلفه فارس و صقر و جاسم

و جاسر و ادم و ادهم و كرم و كريم و هلال

أما عن يامن فهو قد بقي مع السيدات في المنزل

لحمايتهم

ابتلع سعد لعابه بتوتر أو لنقل رعب ليس خوفاً

فقط لكنه تظاهر بالشجاعة و صرخ بغضب يخفي

خوفه به :

- انتو مجانين ازاي تدخلوا بيتي كدا

أردف ادم بخبث و هو يقترب منه ببطئ :

- تؤ تؤ اهدي يا كدا يا سوسو لسه بدري علي الانفعال دا

أردف الآخر بغضب :

- انت مجنون يا راجل انت سوسو مين وبعدين انت يتقرب كدا لي

أردف ادم و هو يبتسم بخبث و يرفع كُميه لتظهر عضلات زراعيه :

- تؤ تؤ يا سعوده متقلقش انا مش منهم انا بس هعمل حاجه صغننة قد كده ... يلا يا رجالة عشان دا طور هايج محتاج يتربط

جلس هلال علي أحدي الارائك و رفع قدميه علي الطاوله و هو يراقب أحفاده واولاده باستمتاع  لما سيفعلوه بهذا الاحمق ... نعم احمق لانه قام باللعب مع آل الصياد

~~~~~~~~~

أما بعد دقائق نجد هذا الابله المدعو سعد مقيد

من قدميه و يديه علي كرسي خشبي و علي فمه

لاصق و يقف

امامه كل من صقر و فارس و جاسم و جاسر

و يجلس الكبار علي الارائك

أردف صقر ببرود و هو يدور حول سعد :

- ها يا سعسع تنطق الذوق ولا بالعافية

أطلق الاخر همهمات لانه لا يستطيع التحدث

بسبب فمه المغلق باللاصق

هتف فارس ببرود و هو يضع كلتا يديه في جيليه :

- يبني انت لسه هتسأل الاشكال دي مش بتيجي

غير بالضرب اسمع مني

- يبني عشان مبقاش ظالم لازم هدوء في ا

لاول ... انطق يلا يا سعسع خلينا نخلص

- اممممم امممممم امممممم

هتف صقر بغضب و ضيق :

- يا تنطق ياض هو انا هتحايل عليك

همهم الآخر بخوف من نظرات صقر :

- امممم امممم اممممم .. و ظل يحدق بعينيه علي هذا اللاصق الذي علي فمه

أردف جاسر و هو يرفع يده يتساءل :

- معلش يا صقوره مش المفروض تشيل اللصق

اللي علي بقه عشان يعرف يتكلم

اجاب عليه الاخر بتذكر :

- اه صح نسيت

نزع صقر هذا اللاصق الذي علي فم سعد بقوة فصرخ سعد بالم قائلاً :

- ااااااه براحة بتوجع

أردف الآخر بسخرية :

- معلش يا حبيبي المره الجايه هشيلها بـ فازلين

... و اكمل بغضب و هو يلكمه ... انت هتستعبط يروح امك

اقترب فارس بهدوء و ابعد صقر عن سعد و جلس

امامه قائلاً بهدوء مخيف :

- احكي من اول السبب اللي خلاك تولع في البيت

لحد اخر مره شوفت فيها تيم و تاج و فهد و فجر

بدأ الآخر في التحدث بخوف :

- انا كـ . كـ . كـ . كنت عايز اشارك اهلكم في صفقه

بس هم رفضوا عشان عرفوا أني شغال في الممنوعات و اني كمان شغال في المافيا و كانوا

عايزين يبلغوا عني

و . و . و . وانا الشيطان وسوسلي اني

انتقم منهم و أحرق قلبهم علي عيالهم ... عرفت في يوم أن اهلكم خدوكم عند الدكتور و استغليت

الفرصه و ولعت في القصر ... و اكمل بحقد ... بس اولادكم كانوا اءكيه زيكم و عرفوا يخرجوا

من الفيلا من غير إصابات ... انا وقتها خدتهم

و حطيت مكانهم جثث محروقة ... و خدت أولادكم و

وديتهم لـ . لـ . لـ برعي ... برعي دا رجل عصابات

و عنده كباريهات كتيره و كمان بيشتري مني المخدرات و بيوزعها علي حبايبنا ... معرفش

هو عمل في اولادكم اي ... انا كل اللي اعرفه

أن برعي اتقبض عليه بعدها بـ اربع سنين

و اولادكم في ظابط اسمه جاسر خدهم و سافر

روسيا غير كدا وربنا معرف اي حاجه

نظروا له جميعهم بصدمه شديده و في هذا الوقت

دلفت قوات الشرطة الي الداخل بعدما اعطي لهم

فارس اشاره بالدخول و أردف فارس ببرود :

- سعد الشافعي مطلوب القبض عليك بتهمة الشروع في قتل و خطف الاطفال و كمان

شغلك في المافيا و تجاره الممنوعات ... اقبضوا

عليه

اقترب منه أحد رجال الشرطة و فك فيضه و وضع الأصفاد في يده و أخذوه الي الخارج

أخرج ادهم هاتفه من جيبه و اتصل علي شخص

ما و هتف بغموض :

- ابراهيم تعالالي علي القصر حالا عشان في مصيبة

~~~~~~~~~~~~~~~

- نعم !! ... انت متأكد من اللي انت بتقوله دا يا ادهم

- اه والله يا إبراهيم دا الورق اللي لقيناه و معاه

صورهم و دا كمان تسجيل الاعتراف الزفت سعد

علي اللي عمله

و وضع الاوراق و الصوره أمامه ... فأمسكهم

ابراهيم يتفحصهم بدقة و خاصة الصورة

ليتأكد أنها ليست مفبركة أو مصنوعة بالذكاء الاصطناعي

أردف ابراهيم بدهشة بعدما انتهي من تفحص

الصورة :

- لا فعلاً الصورة حقيقية مش مفبركة أو ذكاء

اصطناعي

أردف هلال بهدوء :

- سعد اعترف أن في ظابط اسمه جاسر خدهم و سافر روسيا فا ممكن يبني لو ليك معارف هناك خليهم يحاولوا يوصلوا لاي معلومات عنهم

صمت الاخر قليلاً بتفكير ثم أردف :

- ايوا صح ارثر

أردف ادم باستغراب :

- ارثر مين ي إبراهيم

- ارثر دا صديق ليا و كمان لواء في الاستخبارات الروسيه و هو ممكن يساعدنا أننا تلاقيهم

~~~~~~~~~~~~~~~

في صباح اليوم التالي في فيلا ابطالنا :-

في أحدي الغرف العملاقة في هذه الفيلا الضخمه

نتعمق داخل تلك الغرفة لنجد ابطالنا نائمون علي

الارض و هيئتهم مبعثرة أكثر من الأركان حولهم

ننظر حولهم لنجد اطباق الفشار فارغة و ملقاة أرضاً و زجاجات البيبسي فارغة و ملقاة حولهم و شعورهم مرفوعه لاعلي بشكل مخيف فيبدو

أنهم قد تعرضوا لصعقات كهربية و بها بعض

من الفشار و أمامهم شاشه التلفاز التي تعرض

احد الافلام فيبدوا أنهم قد غفوا و هم يشاهدون إحدي الافلام

رن هاتف تاج تلك النائمه علي ظهرها و قدمها

علي بطن تيم ... فلم تنتبه له فأعاد المتصل

الاتصال مرة أخري ... و لم تجب أيضا ... فأعاد

المتصل الاتصال المره الثالثه و تلك المره أجابت

تاج بصوت يملأه النوم و عيناها مغلقتان :

- اممممم مين ابن المزعجه اللي بيتصل دلوقتي

- انا ابن مزعجة يا تاج

لم تجب تاج لأنها عادت للنوم مرة أخري

- تاج بت يا تاج قومي يا بت

لم تجب الاخري فـ يئس منها الأخر و قام بالاتصال علي فهد أربعة مرات و لم يجب فقام بالاتصال

للمره الخامسة ... هذه المرة اجاب فهد بنعاس و

هو يزيح قدم فجر التي علي وجهه :

- الو مين

اجاب الطرف الآخر بسخرية :

- بتاع الملامين يا حبيبي

اجاب فهد بعدم وعي و نعاس و هو يشعر

بـ فجر تضع قدمها علي بطنه :

- ايوا يا بتاع الملامين عايز مني اي ... بت يا فجر

شيلي رجلك من علي بطني

اردف الطرف الآخر و هو يكاد يجلط :

- قوووووم يااااااض

اجاب الآخر بنعاس قبل أن يغلق في وجه المتصل :

- طب يا ظريف فهد خارج الخدمة دلوقتي اتصل

علي تيم

و قفل في وشه

- اه يا جزم ماااااشي ... و قام بالاتصال علي

تيم الذي اجاب من المره الخامسة مردفاً بنعاس :

- ايوا مين

- تيم قوم ياض

أردف تيم بنعاس و هو ينزل الهاتف من علي

أذنه :

- نأسف علي هذا الخطأ في السيستم لكن تيم

خارج الخدمة الآن

أردف الآخر بغيظ و حنق :

- انت لسه هتتكلملي بالفصحى ... قوووم ياض

انا ارثر

فتح تيم عيناه بنعاس و هو يحرك قدمه علي علي

ظهر فهد يضعها فوق عنقه و يحرك قدم تاج من

علي بطنه :

- اي يا ارثر عايز اي ع الصبح كدا

أردف ارثر بارتياح :

- أخيراً حد فيكم اتكلم زي الناس الطبيعيين

أردف تيم بضيق و نعاس و هو يبعد قدم فهد التي

علي معدته :

- فهد انت ي زفت شيل رجلك اللي زي رجل البقرة

دي من علي بطني و انت يا ارثر اخلص قول عايز اي بدل وربنا لقفل في وشك و

اكمل نوم ...

- خلاص يخويا ... اللواء إبراهيم ابن عم ابوك و عمك يبقي صاحبي و كلمتي و قالي انهم عرفوا

بوجودكم و انكم في روسيا و بعتلي صورتكم

سوا و قالي اجيب معلومات عنكم

اعتدل تيم و هو يزيح يد تاج التي وضعتها لتوها

علي وجهه و أردف :

- اكتب في المعلومات اعمارنا اللي هي 25 و دراستنا للطب و أننا خلصناه و احنا 20 سنه

و تخصص كل واحد فينا و أننا نمتلك مجموعة

مستشفيات النور و بس كدا و سلام عشان

عايز انام

أردف ارثر سريعاً قبل أن يغلق تيم :

- استني ياض ... الاسم و البطايق و شهادات

الميلاد

- سهلة يا آرثر زور اربع بطايق و اربع شهادات

ميلاد باسم جاسر الرفاعي بس من غير اسم

الرفاعي و ابعتهم بسرعة ... سلام بقي عشان

انام

و اغلق في وجهه و عاد للنوم مره اخري

~~~~~~~~~~~~~~~

أردف ارثر بغيظ لفيروز و جميلة زوجته اللتان تضحكان بشده :

- شايفة يختي منك ليها تربيتكم السودة

اردفت جميلة بغيظ :

- ارثرررررررررر ... الولاد تربيتهم زي العسل و هم

سكر مش كدا يا حبيبي ولا الكنبة وحشتك

أردف الآخر بتوتر :

- طبعا يا روحي طبعا تربيه و نعم التربية

اردفت فيروز بقلق ام حقيقي :

- هم عاملين اي يا ارثر

- زي الفل يختي ... صحتهم زي الحصان تهد

جبااااال

وقفتا جميلة و فيروز سريعاً و اردفتا بسرعه :

- خمسه 🖐🏻 خمسههههه 🖐🏻 خمسههههه في عينك يا حسود هتحسد العيااااال خمسههههه 🖐🏻 خمسههههه 🖐🏻

~~~~~~~~~~~~~~~

أما بعد يومين كانت عائله آل صياد مجتمعه

و أمامهم خمسة ملفات ارسلها لهم آرثر أربعة بها صور و معلومات أولادهم و الخامس به معلومات

اخري عنهم

فتح فارس اول ملف و الذي اتضح أنه لـ تيم

و بدأ في قراءته بصوت مرتفع :

-

الاسم : تيم جاسر جسار احمد معتز

العمر : 25 عاماً

الحالة الأجتماعية : اعذب

الديانة : مسلم

الجنسية : روسي مصري

المهنة : دكتور مخ و اعصاب و ماجستير في الجراحة و انهي دراسته في سن العشرين

بسبب إنهاء ساعات الدراسة مُبكراً

اغلق فارس الملف و امسك الملف الآخر و الذي اتضح أنه لـ فهد و بدأ في قراءته بصوت مرتفع :

-

الاسم : فهد جاسر جسار احمد معتز

العمر : 25 عاماً

الحالة الأجتماعية : اعذب

الديانة : مسلم

الجنسية : روسي مصري

المهنة : دكتور نفسي و ماجستير في الجراحة و انهي دراسته في سن العشرين

بسبب إنهاء ساعات الدراسة مُبكراً

اغلق فارس الملف و امسك ملفاً اخر و اتضح أنه

لـ تاج :

-

الاسم : تاج جاسر جسار احمد معتز

العمر : 25 عاماً

الحالة الأجتماعية : اعذب

الديانة : مسلم

الجنسية : روسية مصرية

المهنة : دكتورة اورام و ماجستير في الجراحة و انهت دراسته في سن العشرين

بسبب إنهاء ساعات الدراسة مُبكراً

اغلق فارس الملف و أمسك ملف فجر و فتحه و

قرأه بصوت مرتفع :

-

الاسم : فجر جاسر جسار احمد معتز

العمر : 25 عاماً

الحالة الأجتماعية : اعذب

الديانة : مسلم

الجنسية : روسية مصرية

المهنة : دكتورة جلدية و ماجستير في الجراحة و انهت دراسته في سن العشرين

بسبب إنهاء ساعات الدراسة مُبكراً

اغلق ملف فجر أخذ الملف الذي به معلوماتهم

الاخري

فتحه فارس فوجد به رسالة من ارثر فـ بدأ

قراءتها :

- المعلومات دي محدش يعرفها لان جاسر هو

اللي قالي عليها قبل ما يتوفي

* تيم و تاج اخوات توأم و فهد و فجر توأم *

* جاسر ظابط و كان جاسوس عند برعي و لما

قبضوا عليه هو خد الاطفال و مكنش يعرف مين

اهلهم أو عائلتهم مكنش يعرف غير اسمائهم *

* معروف في روسيا انهم ولاد جاسر *

* عندهم مجموعة مستشفيات النور *

* نزلوا مصر من يومين و عنوانهم ****** في القاهره *

« دي المعلومات اللي قدرت اوصلها باقي المعلومات تقدروا انتو تعرفوها منهم »

اغلق فارس الملف و وضعه مع الملفات الاخري و

نظر للعائلة المصدومة من تلك المعلومات و أردف بهدوء :

- هنعمل اي دلوقتي

اجابت جاكلين بلهفه شديدة و شوق لاحفادها :

- اكيد هنروحلهم دلوقتي

أيدها الجميع بحماس و لهفة لكن أردف هلال

بهدوء و حكمة :

- اهدوا ... ادم و ادهم و يارا و لارا يروحوا الاول

يتكلموا معاهم و يعرفوهم بنفسهم و يشوفوا ردة

فعلهم لاني حاسس أنهم احتمال ميبقوش فاكرينا

اصلا

شهقوا جميعهم بخوف من تلك الفكره عدا تلك

واخيرا التي تتمني أن لا يتذكروهم

أردف ادهم بشوق كبير :

- طب نروح لهم أمتي يا بابا

- دلوقتي يا ولاد دلوقتي

~~~~~~~~~~~~~~~

بعد ساعتين امان فيلا ابطالنا :-

نجد ادهم و يارا و ادم و لارا يهبطون من سياراتهم و قلوبهم تخفق بشده

اقترب ادهم و وراءه ادم و و لارا و يارا و قام ادهم بالضغط علي زر الجرز

أما بالداخل :-

نسمع صوت صراخ تاج و هي تركض وراء تيم و فهد و فجر و هي تمسك في يدها ابو ورده

( الشبشب ) و تصرخ بهم بجنون :

- وربنا منا سيباكم يا شويه بقر بقي انا الإمبراطوره يتعمل في كدااااا

أردف تيم و هو يتفادي الشبشب :

- اهدي بس يا توتة يا حبيبتي مكنوش شوية

ميه دول

- شوية ميه اي يا جزمه دا انتو غرقتوني بـ 3

ازايز ميه

سمعوا جميعهم صوت رنين الجرز فأسرع فهد

يفتح الباب فـ صدم عندما رأي ادم و ادهم و يارا و لارا يقفون أمامه و فجأة وجدوا ...

~~~~~~~~~~~~~~~

يتبع💫💫

#ابواب_الجحيم_الخمسة