10 - دي روشـتـة ولا طـلبـات الـبـيـت

صلوا على خير الأنام 🤎

أردفت تاج بحنق و هي تقوم بفتح باب مكتبها :

- ليتنا نستطيع فعلها يا رجل ما كنا لنفكر كل هذا

و دلفوا الي المكتب و صدموا عندما رأوا ثلاثة شباب و فتاتين يجلسون على

الاريكة في المكتب ليضحك احدهم و

و هو سيف و يقول بمرح :

- والله و ليكم وحشه يا ثلث العصابة

فاردف الفتي الآخر و اسمه يوسف :

- اي رايكم في المفاجاة دي حلوة صح

اردفت أحدي الفتيات بمرح و هي ملاذ :

- اهلا اهلا بـالممثلين

هتفت الفتاه الاخري بضحك و هي ليليان :

- بقي يولاد المجانين تمثلوا علي اهلكم انكم فاقدين الذاكرة

لتصرخ فجر بفرح وهي تقول :

- وحشتوني يا مجانين

اقتربتا الفتاتين منهن و ضموهمن بقوة و شوق رغم أنهم لم يفترقوا سوا من اسبوعين او اقل

هتفت تاج بفرحة :

- وحشتوني يـ جزم جيتو امتى

قفز سيف فوق تيم و يوسف فوق فهد و سقطوا أرضاً فصرخا تيم و فهد بألم تحت ضحكات الجميع

و يتبقي ذلك الشاب فهو اصغر منهم بالسن و نظر لهم وقال وهو يأكل بار شوكولاته :

- ما تقعدوا بقا اي كل السلامات دي ايش حال ما

انتو سايبين بعض من حوالي اسبوع

اردف تيم بغيظ :

-اي اللي جاب الرخم دا

ابتسم سراج بإستفزاز وهو يقول :

-ازيك اتيمو عامل اي

أردف تيم بغيظ فهو اخر مرة رأي سراج بها وضع له مفرقعات في حذائه :

-كنت كويس قبل ما اشوف وشك

-شكرا شكرا

اردف فهد بتسائل وهو ينظر لهم :

-انتو جيتو امتى

يوسف : امبارح بالليل

فجر بغيظ : و مقلتوش اه يا انداااال

ابتسمت ملاذ بمرح قائلة :

-اسكوووتشيييي هو انا مقولتلكيش

هزت رأسها بلا و علامات البلاهة تعلو وجهها لتقول ليليان بحماس :

-جبنا سندوتشات شاورما لينا كلنا و مزودين تومية

ليقفز الاربعة بحماس شديد

~•~•~•~•~•~•~•~•~•~

وبعد 15 دقيقة

كان التسعة يأكلون بمرحهم المعتاد و فجأة صدح صوت تاج الغاضب وهي تمسك شعر سراج من الخلف و تهتف بحنق :

-ولاه يا نسخة سيف انت عارف لو قربت من شاورما بتاعتي هعمل فيك اي

ليمسك هو الآخر بـ حجابها و يجذبها منه

ليبدأوا في قول تلك الجملة الشهيرة عندك كل المصريين فتلك بالنسبة للأطفال كانت لعبة شهيرة جدا وهي لعبة "سيب وانا اسيب"

زادت ضحكات تيم و فهد و فجر و يوسف و سيف و ملاذ و ليليان عليهما و اقترب يوسف منهما و حرر شعر سراج من بين يدي تاج و حجاب تاج من بين يدي بدر

فوقفت تاج تعدل من وضع ححابها ثم ركضت تجاه سراج و الذي اختبأ خلف تيم

الذي يضحك بقوة وهو يحاول ابعاد تاج

عن سراج الذي يشبه الفأر المبلول

هتفت تاج بحنق و هي تحاول الوصول إلي سراج المختبئ خلف تيم :

-اوعى يا تيم سيبني عليه المقشف دا ... دا عايز ياخد الشاورما بتاعتي سيبني عليه

نظر لها سراج بغيظ و تظاهر بالشجاعة و اردف بطريقة سيدات الحارات عند الشجار ( الردح ) :

-بقا انا مقشف يا مقلحفة ... اي يـ بت مبتشوفيش نفسك في المرايا ولا اي يختي دا انتي شوية و هيجبولك شامبو ضد الجرب

نظرت له تاج بصدمة و اردفت بضيق و صراخ :

-  بقا انا جربانة ... بقا يا مقشف يا مقلحف ياللي متسواش في سوق الرجالة ربع جنيه مخروم بتقول عليا انا جربانه ايش حال م انت مقمل و ريحتك فايحة واحنا ساكتين

هتف سراج بحنق من خلف تيم :

- ولا يا تيم عديني كدا دي بتردحلي سيبني

ابتعد تيم من أمامه بلا مبالاة و أخذ ساندويتش الشاورما الذي تتشاجر تاج مع بدر بسببه

هتف سراج بغيظ و هو يتراجع إلى الخلف :

- مين دا اللي ميسواش في سوق الرجالة ربع جنيه مخروم ياللي شعرك مقشة قديمة كل شعرة في حتة ياللي لسانك زي المبرد يا صفرا يا معنسة يا مقشفة يا معفنة يا اللي مبتستحميش غير في المناسبات ياللي معندكيش صابون في بيتكم

مال سيف علي تيم الذي يأكل الساندويتش بأستنتاع و هتف بهمس :

- ولا اتيم انت قد انك تاكل ساندويتش الشاورما بتاعها

اجاب عليه الاخر بلا مبالاه :

- لا

- امال بتاكله لي

- اصل عيني كانت عليه من اول ما شفته

- هو عروسة يبني

نظرت تاج تجاه تيم فوجدته قد التهم نصف الساندويتش فـ صرخت به بضيق :

- تيييييييييم يا طفس كلت الساندويتش بتااااااااااعي

نظر لها تيم بتوتر و ابتسم بغباء و بادلته تاج بشر

~~~~~~~~~~~~~~~

اما في مكان آخر و تحديداً أحدي المدارس الخاصة في باريس :-

في أحدي الفصول التي تجمع طلاب الطف الثاني الثانوي

نجد فتاتين و فتي جالسون علي مقاعد متجاورة و ينظرون إلي المعلم بخبث

فتحت روان و هي الفتاه الاولي هاتفها دون أن يراها احد و ارسلت رسالة لشقيقتها التوأم رزان و ابن عمهما ركان محتواها « حطيتوا الحاجه في مكانها ولا هتتنفخوا »

ارسل ركان رسالة محتواها « عيب عليك يـ كبير طبعا حطيناها و هتشوفي دلوقتي مسرحيه عنبببببب »

« ماشي يخويا اما نشوف »

أنهي المعلم شرحه و كتب بضعة مسائل علي اللوحة الزكية و جلس علي كرسيه و ياريته ما قعد

فـ عندما جلس هذا المسكين علي المقعد الخاص و فرد قدمه به سمع صوت فرقعة عالي جدا و دلو من الألوان سكب فوقه و حاول الوقوف من المقعد لكنه لم يستطع و كل هذا تحت ضحكات الطلاب العالية جداً شعر المعلم بالاحراج و من كثرة خجله فعل شيئ زاد الطين بلة امسك بكلتي يديه مسندي المقعد و استقام بقوة و سرعة حتي تمزق

سرواله من الخلف و ظهر لباسه الداخلي الذي عليه رسومات قطط 🐈و قلوب ♥️

لحظة زهول ثم انفجر جميع الطلاب بالضحك و زادت ابتسامه هؤلاء الشياطين اتساعاً و شماتة فـ هذا المعلم دائماً يثير غيظهم ... الان فقط انتقموا منه اشد انتقام

~~~~

بعد ساعة في مكتب مدير المدرسة

نجد ركان و روان و رزان جالسون علي اريكة بجوار بعضهم و يقلبون أعينهم بملل غير عابئين

للسيد انور مدير المدرسه الذي كاد أو بالمعني الأصح قد أصابه الجنون من أفعالهم المجنونة

التي تجعله يشفق علي المعلمين

صاح بهم انور بجنون و هو يكاد ينتف شعره من شده غضبه :

- ايييييييييييي البروووووود دا ها انتو جايبين البرود دا منين ها منييييييييييييين

هتفت رزان بملل و سخرية فهم قد اعتادوا علي هذا :

- من الفريزر يا مستر دا برود اكيد  يعني مش هنجيبه من الدولاب

هتف انور بحنق و غيظ :

- اخرسي يا اص المصايب أنتي ... يعني سبتلكم مصر و روحت روسيا جيتو ورايا انتو و البلاوي التانيين ... سبتلكم روسيا و جيت فرنسا برضو ورايا ... اي ها اطفش منكم اروووووووووح فييييييييين ... دا انا خايف اروح النار تيجو ورايا

أردف ركان بابتسامه بلهاء :

- لا يا مستر متقلقش دا المكان الوحيد اللي مش هنعرف نيجي وراك فيه

- لي يخويا تكونوش ملايكة وانا ظالم

أردف ركان بخبث تنافيه البراءة التي تملأ وجهه :

- اصلنا مش بناخد مس كرستين و نخرج كل يوم من ورا مراتتنا و تدخل معاها امممممم

قاطع كلامه يد انور التي وضعت علي فمه و أردف بصدمه :

- انت ياض عرفت الكلام دا منين

أزاح ركان يده من اعلي فمه و أردف بخبث :

- عيب عليك انا مش ابن هاشم الشرقاوي من فراغ يعني

ابتسمت روان بخبث و اردفت :

- دلوقتي كدا تكون طيب معانا الفيديوهات و الصور اللي مع مس كرستين في الحفظ و الصون هتغدر بينا الصور و الفيديوهات هيكونوا عند

مراتك ... ها اي رااااايك

قبل أن يجيب انور اقتحمت اسد و اسر المكتب و هتفا في الوقت نفسه :

- اي المصيبة الجديدة

نظر انور الي ركان و رزان و روان بتوتر و أردف ببسمة مهزوزة :

- لا مفيش مصايب المرادي دا انا جايبكم اشكر الاولاد المحترمين المطيعين دول قدامكم من كتر احترامهم مع المدرسين و تفوقهم و قد اي هم مهذبين

نظرا له اسر و اسد بزهول و هتف اسر بصدمة :

- اخواتنا محترمين

اكمل اسد بصدمة و زهول :

- مطيعين و مهذبين ... حضرتك متأكد انك بتتكلم عن ركان و روان و رزان

- ايوا هما يبني

نظرا له اسر و اسد بعدم تصديق و شك

اردفت اسر بشك :

- هم ماسكين عليك حاجه يا مستر

- ها ... لا لا طبعا دا مستواهم و حبيت اقولكم بس

نظرا له اسر و اسد بعدم تصديق لكن ليس باليد حيلة

أما عن ثلاثي الشر فقد ابتسموا بخبث و انتصار

~~~~

بعد وقت في فيلا احمد و هاشم الشرقاوي

دلفوا مع اخوتهم و فور أن رأتا روان و رزان والدهما احمد ركضتا إليه و احتضنتاه بشدة :

- ابووووووو حميييييييييد وحشتنا يراجل

ضحك احمد و هو يضمهن إليه بحنان هاتفاً :

- اه يا بيكاشة منك ليها

ابتعدتا رزان و روان عنه بسرعة و هتفت رزان بمرح :

- الحمد لله بعدنا قبل ما نيرة تيجي و تشوفنا في حضنك كدا

~~~~~~~~~~~~~~

اما في مشفي آل شرقاوي تحديداً في غرفة الكشف الملحقة بمكتبها :-

نجد شغف تقف بجوار الفراش و هي تمسك بذراع

السونار و تحركه علي بطن احدي الفتيات و يقف بجوارها زوجها

اردفت شغف بغيظ من تلك الفتاة :

- يـ مدام سارة قولتلك انتي حامل في واحد بس مش تلاته

- لا انا حامل في تلاتة انا متأكدة

- اووووف ماشي ... بشمهندس عمر خدها و شربها ميه و عصير كتير اوي لحد ما تقول عايزة ادخل الحمام و اياك ثم اياك تخليها تدخل

- حاضر يا دكتورة ... قومي يختي اما نشوف اخرتها

و اخذها و خرجا من الغرفة

جلست شغف فوق الفراش و ضربت كفاً فوق الاخر و هي تحدث نفسها :

( عادشي عادشي متشتغربوش منا كمان قربت أكلم نفسي بسبب أم الروايه دي 🙂 )

- يا ربي انا كان مالي و مال الشغلانة دي ... كان لازم يعني ادخل نسا و توليد ... يعني اهرب من المصريين لفرنسا الاقي كل الستات اللي بتجيلي مصرية ... حلوين المصريين بس دول مجانين وربنا مجانين

طُرق الباب و دلفت السكرتيرة و هتفت بالمصرية :

- ها ادخل اللي بعدها ولا اعملك عصير ليمون

- لا يختي دخلي اللي بعدها بجملة الشلل

خرجت السكرتيره و هي وضحك و دخلت الحاله و التي تبدو في التاسعه عشر من عمرها

و جلست

شغف : ها يا مدام بتشتكي من اي

هتفت الفتاه بلكنة سعوديه :

- والله مني عارفة يا دكتورة وش اقولك

- لا قولي عادي

اردفت الفتاة بحزن :

- يا دكتورة انا حامل بتوأم

هتفت شغف بعدم فهم :

- طب اي المشكلة

- كيف ... كيف يا دكتورة ... كيف حامل بـ توأم وانا متزوجة راجل واحد اهئ اهئ والله ما بعرف من وين جا الطفل التاني انا ما

خنت زوجي والله ما عرفت رجّال غيره  كيف حامل بطفلين كيف دكتورة كييييييف

نظرت لها شغف بـ فم مفتوح و عدم استيعاب

~~~~~~~~~~~~~~~

( الموضوع والله مفهوش اي اساءه السعوديين

والله انا بحبهم اوي بس حبيت اجرب اللهجة بتاعتهم في موقف و الصراحة حبيت اغير شويه )

~~~~~~~~~~~~~~~

أما عند لين :-

أنهت لين الكشف علي أحد الأطفال و أعطته قطعة حلوة و هي تبتسم بلطافة :

- حسناً يـ فتي تلك الحلوة لك لانك فتي مطيع و استعدت عافيتك سريعاً و كنت استمع الي الإرشادات

ابتسم الطفل بفرحة و اخذ منهي الحلوة و شكر لين و خرج سريعاً و هو يسحب والدته خلفه

ابتسمت لين ببلاهة و هي تميل برأسها جهة ليمين و تضع يدها علي بطنها و تهتف بـ بلاهة :

- أمتي بقي ابقي مامي و عندي ولد نسخة من ابوه ... اااااه علي ابوه و حلاوة ابوه المستقبلي

~~~~~~~~~~~~~~~

في مشفي النور :-

كانت تسير تاج في قسم الأورام السرطانية

و هي تتفقد المرضي واحداً واحداً و تحسن

من نفسياتهم و تبث الامل بهم فهي تسمي هذا القسم بـ ( امل جديد )

دلفت الي أحدي الغرف فوجدت فتاة صغيرة في عمر العاشرة يجلس علي الفراش و يظهر عليها الحزن

اقتربت منها تاج و جلست بجوارها و هتفت بمرح :

- رودي الحلوة زعلانة لي

هتفت الفتاة بحزن شديد :

- هو انا هموت يا تاج

- لا طبعا يـ قلب تاج انتي خلاص خفيتي و قريتي

تخرجي و ترجعي البيت و المدرسة و ترجعي لاصحابك

- طب لي طنط سهير الممرضه بتقول اني خلاص بموت و مش هشوف ماما و بابا تاني

ضمتها تاج سريعاً و هي تتوعد لـ تلك التي تدعي سهير و اردفت بحنان :

- هي بتضحك معاكي يا حبيبتي و بعدين انتي قمر و عسوله و الكل بيحبك و خلاص خفيتي و هترجعي البيت مع بابا و ماما تاني

هتفت رودينا بفرحة شديدة :

- بجد يعني خلاص الوجع هيروح و شعري هيرجع تاني

أدمعت عيني تاج و اردفت بصدق :

- اه والله يا حبيبتي خلاص كل الوجع هروح و هيبقي عندك شعر حلو

- عارفة يا تاج انا لما يبقي عندي شعر هلبس طرحة زي بتاعتك عشان يبقي شكلي حلو زيك

ابتسمت لها تاج بحب و بعد قليل غفت رودينا و خرجت تاج من الغرفة و هي تدعو لجميع مرضي السرطان بالشفاء

~~~~~~~~~~~~~~~

اما في قسم القلب و الأوعية الدموية :-

نجد فهد يتحرك في الممر و يلقى بمزح مع جميع المرضى فجيمع المرضى يحبونه فهو بمرحة و حنانه يخفف عن الكبير قبل الصغير ألمه و حزنه

دخل الي سيدة عجوز في احدي الغرف و كانت حفيدتها و هتف ممازحاً تلك العجوز:

- ايدا ايدا مين البدر المنور دا

ضحكت السيدة بخفة و اردفت بتعب :

- ربنا يكرمك يبني

- ها القمر يبشتكي من اي

- حاسة اني بموت و قلبي واجعني

- تفي من بقك يا ولية تموتي اي دا انتي لسة في عز شبابك ... هي القمر دي عندها كام سنة

نظرت له حفيدتها باستغراب و هتفت :

- 70 سنه يا دكتور

- يوه يولية انتي لسه شباب ... دا جدي قدك كدا ر ناوي يخاوي عمامي بـ بنت أصله معندوش بنات ر عايز يخلف بنت اااه و كل ما حد يقوله يا راجل أحفادك بقوا اشحطه يقوله انا لسه في عز شبابي

... فرفشي كدا يولية و خاوي ولادك

نظرت تلك العجوز الي حفيدتها بصدمة و زهول و هتفت بصدمة :

- هو انت يبني الدكتور فهد الصياد

- ايوا انا مشبهش ولا مشبهش

هكذا هتف فهد بحنق و اكمل :

- يلا يختي اما اكشف عليكي اشوف فيكي حاجة ولا بتدلعي

ضمت الفتاه حاجبيها بزهول من هذا الطبيب

غريب الأطوار

و بدأ الكشف عليها بمهارة و بعد قليل اردف :

- جرا اي يولية ما صحتك ميه ميه اهو امال اي هموت هموت المهم هكتبلك شوية حاجات ترُم عضمك كدا

و بالفعل أخرج ورقة و كتب لها بعض الاشياء بجديه تامة و أعطاها الي حفيدة العجوز و أردف بجدية لا تناسبه مطلقاً :

- الحاجات دي تتنقذ بالنص بدل ما الولية تروح منكم و الحاج يطفش منها

اخذت الفتاه الورقة و فتحت فمها بزهول من

محتواها و بدأت تقرأها بصدمة :

-

تتفسح كل يوم لمدة ساعتين في مكان اخضر مليان زرع

تاكل ايس كريم فانيليا كل يوم في الفسحة

و انتي مروحة تجيبلها فرحتين بيض كدا و تسلقي واحدة و تحمريها و التانيه تحشيها

محشي ورق عنب

و كمان هاتي ستة سبعة كيلو مانجا و نصهم الولية تاكلهم و النص التاني بتعملوا عصير فريش

هتفت الفتاة بصدمه :

- هي دي روشتة ولا طلبات البيت

اكمل فهد بتذكر :

- و اه كل يوم حد يعملها مساج و ماسكات خلي الولية تنور و ترجع شباب تاني

ضحكت تلك العجوز بقوة و اردفت بضحك :

- ههههههههه والله يبني انت القعدة معاك لوحدها ترجع الواحد شباب من تاني

غمزلها فهد بمرح و أردف :

- كل ما تحسي نفسك عجزتي تعالي العبد لله

و هو يرجعك شباب تاني

~~~~~~~~~~~~~~~

أما في غرفة في قسم المخ والأعصاب :-

دلف تيم بابتسامه مرحة الي أحدي الغرف و أردف بمرح لتلك السيدة التي في الستون من عمرها :

- زوزو القمر عاملة اي يا مزة

ضحكت السيدة بخفه و اردفت بحنان :

- ربنا يرضى عنك و يسعدك يا تيم يبني و يجبر بخاطرك زي ما انت بتجبر بخاطري كدا

ابتسم تيم و اقترب يفحصها بمزح لا يخلو من حديثه :

- اومال فين البت امنيه

دخلت فتاة محجبة و ترتدي ملابس راسعه محتشمه و هتفت بغيظ :

- بتجيب في سيرتي ي سي تيم

- اهو جبنا سيرة في القط جه رشق منخيره في الكلام

- يبني اسكت دا انا مش مصدقه لحد دلوقتي انك تيم الصياد دا بقالنا زمن مشفناش بعض

زينب : والله يا تيم يبني احنا كنا مسافرين و لما رجعنا عرفنا بالحريق اللي حصل في القصر

و بجد زعلنا اوي ... و لما عملتلي العمليه من اسبوع و عرفت انك تيم الصياد فرحت اوي

ابتسم لها تيم و اكمل فحصها فتلك السيدة

كانت جارتهم في الصغر و امنيه هي ابنتها الصغري

انهي فحصها و أردف بمرح :

- لا ميه ميه يا زوزه صحتك بقت بومب

ضحكت زينب و اردفت :

-  بتقر عليا يا واد

- فــــــشــــــر انا أقر عليكي .. انا بحسد بس

~~~~~~~~~~~~~~~

يتبع💫💫

#ابواب_الجحيم_الخمسة

Habiba AL - Masry 🕊️

~~~~~~~~~~~~~~~

متنسوش الفوت ⭐⭐