7 - احداهما مجنون و الآخر دون عقل

صلوا على خير البشر ♥️

~~~~~~~~~~~~~~~~~~~~~~~~~~~

" دكتور نفسي محتاج علاج و دكتور مخ و اعصاب معندوش مخ "

عنوان غريب بس هتفهموا معناه بعد شوية

~~~~~~~~~~~~~~~~~~~~~~~~~~~

البارت دا بمناسبة انكم وحشتوني اوي والله

و عشان وعد بالانتقام وصلت 140 ألف قراءة

💃🏻💃🏻💃🏻💃🏻

~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~

أما قبل قليل في مكان آخر :-

كان يجلس بغيظ شديد في سيارة صديقه وينظر لـ النافذة بحنق طفولي لا يدل انه في الواحدة و الثلاثون من عمره ويجلس بجانبه امام عجلة القيادة "زين" و الذي يبتسم بشماته فهو بحث عن اكثر طبيب يمكن ان يكون مجنون في تصرفاته حتى يستطيع جعل ذلك العنيد ان يتكلم و نظر بجواره وجده مازال بذلك الوجه الطفولي فضحك وهتف بعدم تصديق و ضحك :

-يخرب بيت الطفولة اللي جواك دي ولاه انت زعلان بجد ولا اي ماكنتش كام طلقة يعني

طالعه بغيظ شديد فهو هدده بسلاحه و اطلق بعض الرصاصات في الهواء حتى يأتي معه و بـ الفعل ذهب معه رغماً عنه فكان يهدده بـ سلاحه حتى دخل مروان السيارة فهتف بـ حنق طفولي :

-مش عشان انا عنيد تروح انت مطلعلي سلاحك و ضاربلي كام طلقة في الهوا يعني وريني بقا هينطقني ازاي

-متتحدنيش عشان انا موَديك لواحد ميعرفش العقل اصلا

-طب يا زين هو مجنون انا اجن لو عنيد انا اعند وريني هيخليني اتكلم ازاي

-ماشي يا مروان عشان تعرف ان اللي بيتحدى الفهد بيخسر

-اي يابابا دانا مروان ياض ومش هيقدر عليا

ضحك زين بخفة واردف بهدوء :

-مروان

-نعم

-ابقي وريني مش هتتكلم ازاي

~~~~~~~~~~~~~~~

وبعد قليل في *مشفى النور*

الساعة الرابعة عصراً :-

كان يسير بغيظ وزين يمسك كتفه و يسحبه اما مروان فيحاول الافلات منه هاتفاً بحنق طفولي :

-ما تسيب امي بقا قولنا مش رايح في حتة

-اتخرص يا مروان

-سيبني ياض .... ولاه ازين انا الكبير على فكرة .... طب احترم السنتين اللي بينا طيب .... ما تسيب اللي خلفوني بقا

طالعه بسخرية ثم تركه كاد مروان ان يركض خارج المشفى لكن وقف بتوتر حين رأى زين يخرج سلاحه من جيبه و يسحب اجزاءه و يشير له بأن يسير امامه بصمت

فحرك مروان رأسه لأعلى و اسفل بـ بلاهة و طاعه و توتر و هو يبتسم بغباء وتحرك معه و جلس في المكان الذي اشار اليه زين وقال بـ بلاهة و طفوله :

- كدا صح

حاول كتم ضحكته على طفولته التي لا تليق بشاب بالغ في الواحدة و الثلاثون من عمره و اومأ بـ رأسه بـ نعم ولم يظهر على وجهه اي تعابير غير البرود ولكن بداخله يضحك على ذلك الشاب الصغير او الطفل الكبير

~~~~~~~~~~~~~~~

أما بعد قليل :-

رفع سماعه المكتب و طلب مروه السكرتيره

- مروه دخلي الحالة اللي عليها

الدور

- تمام يا دكتور فهد بس صاحبه هيدخل معاه

- تمام ماشي دخليهم

بعد ثوانٍ طُرِق الباب و دلف منه شابين و جلسا أمام فهد

ابتسم فهد و أردف و هو يناظر كلاهما :

- ها مين الحاله

اشار زين علي مروان وهو يدس سلاحه بجيبه و هتف بغيظ من ذلك العنيد :

- هو اللي متلقح جنبي دا

هتف مروان بغيظ فهو لم ينسى تلك الطلقات التي جعلته يركض الى السيارة و يجلس بها و يأتي الى ذلك الطبيب رغما عنه :

- ما تعدل ملافظك ياض انا دكتور قد الدنيا

اردف فهد و هو يكتم ضحكته :

- طب نبدأ قبل ما الجنان يطلع .. ها يا دوك اسمك اي

لم يرد مروان فـ نغزه زين بغيظ فتأوه بغيظ و هتف بحنق :

- اااه خلاص يخويا هتكلم .. مروان الدميري

- عاشت الاسامي ي مارو عندك كام سنه

- 31 سنه و مشاء الله عليا

ضحك فهد و أردف :

- معنس يعني

ابتسم مروان بغرور مضحك و أردف وهو يرفع رأسه لأعلى :

- طبعا يا دكتورة معنس قد الدنيا و النسوان كلها بتجري وراي

ابتسم فهد ابتسامة واسعه جدا و أردف :

- نسوااااان

هتف زين بغيظ و هو ينظر إلي مروان :

- متركزش معاه يا دكتور دا مجنون

هتف فهد بمرح مما جعل زين يفتح فمه بصدمه :

- ايوا يا عم نسوان يجي تيم يسمعك عشان يقتنع ان مش انا لوحدي اللي سرسجي و صايع و مجنون

هتف مروان بفضول لمعرفة من هذا التيم :

- الا قولي يا فهود مين تيم دا

أردف فهد بابتسامة بلهاء :

- بص يا برنيس تيم دا يبقي ابن عمي و توأمي و اخويا في الرضاعة

هتف مروان باهتمام و فضول :

- امممممممم عندكم اخوات

- ايوا طبعا انا عندي اختي التوأم فجر و هو اخته التوأم تاج و تيم العاقل اللي فينا مش طول الوقت عاقل بس اكتر واحد صبور فينا

ابتسم مروان ابتسامة واسعه بلهاء و هتف :

- والله يا دكترة شكلنا هنعمر مع بعض

- اوي اوي اوي .. المهم جايلي ليه يسطا انا شايف النفسية زي الفل

هتف مروان بحنق و غيظ طفوليين :

- والله يخويا معرف الواد زينو دا هو اللي مرزوع جنبي دا ايوا هو اللي جايبني غصب عني معرفش لي

هتف زين بعدما آفاق من صدمته فهو قد اصاب الاختيار بالفعل هذا طبيب مجنون :

- حضرتك يا دكتور دا عنده فقدان ذاكره و مش عايز يتكلم أو يفتكر

- امممم قولتلي فقدان ذاكره ... طب السبب اي

هتف زين بحيره :

- والله يا دكتور مش عارف بس تقريباً بسبب خبطه و حاسس ان في عامل نفسي عشان كدا جبته هنا

- اممممم عامل نفسي و خبطة يبقي هنحتاج

تيم ... و رفع سماعه المكتب و طلب سكرتيره

مكتب تيم و هي نهي أردف عندما جاءه الرد

منها :

- نهي ابعتيلي دكتور تيم بسرعه

- تمام يا دكتور

و اغلق

- ها تحب تبقي علي الكرسي ولا علي الـ شيزلونج

- الشيزلونج طبعا

و نهض مروان سريعاً و استلقي عليه

اقترب فهد و جلس على الكرسي المجاور له و هتف بـ هدوء :

- ها اي اخر حاجه فاكرها

- مش فاكر

- طب مين اخر حد شوفته قبل ما يغمي عليك

مروان و هو يصطنع التفكير :

- امممممم مش فاكر

تنهد فهد بغيظ و هتف بنفاذ صبر :

- طب مين عيلتك

هتف الآخر ببسمة بلهاء :

- بص يا فهد يخويا الحاج جيمي دا اللي رباني إنما عيلتي الحقيقه مش فاكرها

نظر له فهد بشك و عدم فهم و هتف :

- طب فاكر مين من اخواتك

نظر له مروان بزهول و هتف بغباء :

- اي دا انا عندي اخوات طب انت عرفت منين

نظر فهد الي زين باستغراب و هتف مستغرباً :

- هو بيشتغل اي

هتف مروان بغيظ و هو يجذب فهد :

- دكتور قلب و اوعيه دمويه اي مشبهش ولا مشبهش

في هذا الوقف فتح تيم بالباب و دلف و هو يبتسم بهدوء

هتف فهد بغيظ بعدما وقف و اتجه الي مكتبه :

- تيم تعالي يخويا انت خلقك واسع و هتستحمل انما انا هخلص عليه من غباءه

نظر له تيم باستغراب و جلس علي الكرسي و هتف :

- طب عايزني في أي

- فاقد الذاكره بسبب ضرر علي موضع الذاكره ( الحصين ) و برضو في عامل نفسي

اومأ له تيم بتفهم و هتف بابتسامه و هو ينظر إلي مروان :

- ها اسمك اي

- مروان الدميري

- عندك كام سنه

- اممممم تقريباً كدا 31 سنه

- تمام ... اي سبب فقدانك للذاكره

- تقريباً مش فاكر

- ازاي يعني مش فاكر

أردف مروان ببلاهة شديدة :

- اه والله يا تيم يخويا مش فاكر

- طب بتشتغل اي

- انا وبكل فخر دكتور قلب و اوعيه دمويه

- حلو اوي يا دكتور ... طيب مين عيلتك

ابتسم مروان ببلاهه و غباء و هتف بـ إبتسامه غبية بعض الشيء :

- بص يسطا عشان دا موضوع معقد شويه عيلتي اللي ربيتني هي الدميري و تحديدا جيمي إنما عيلتي الحقيقه مش فاكرها

- طيب انت عندك اخوات

هتف مروان بلا مبالاه :

- أه الواد يحيي ابن جيمي

- طب مش فاكر اي حد من عيلتك الحقيقيه

هتف مروان باستعباط :

- لا مش فاكر خالص خالص اومال انا جايلك ليه

نظر له تيم بشك و هتف :

- طب اي اخر حاجه فاكرها

مروان ببساطه :

- مش فاكر

- اللهم طولك ي روح ... طب مين اخر حد شوفته

اصطنع مروان التفكير و أردف بابتسامه غبية :

- امممممم مش فاكر

- طب فقدت الذاكرة وانت عندك كام سنه

- والله يخويا انا هقولك ... ااااا مش فاكر

تنهد تيم و هتف بنفاذ صبر :

- طب اي الضغط النفسي اللي يخليك تفقد الذاكرة

او اي الاسباب اللي خلتك تفقد الذاكرة

هتف مروان ببسمه بلهاء :

- مش فاكر ايتها حاجه يسطا اومال انا متنيل قاعد هنا ليه مكنت زماني نازل رغي مع آسر و يزيد

تنهد تيم بضيق دلالة علي أنه اقترب أن يقفد أعصابه و تخرج شخصيته المجنونه :

- طب بتجيلك احلام فيا اسره اطفال شباب اي حاجه تدل ان ليك عيلة

نظر له مروان ببلاهه و هتف باستهبال :

- أنا تؤ تؤ محصلش يخويا محصلشششش

نظر تيم بغيظ الي زين و هتف بغيظ :

- طب دا يفتكر ازاي وهو بيستعبط ها ها ازااااااي

هتف زين بغيظ و حنق :

- يا دكتور دا بيستعبط و مش عايز يتكلم و انا

حاسس أنه فاكر حاجه

نظر له مروان بغيظ و هتف :

- اه يا ندل طب خد اول قلم حتي

هتف زين بحنق :

- اخرس يلا خلينا نخلص ... ها يا دكتور هتخلوه ينطق ازاي عشان انا لو زهقت هديله طلقة في نص راسه و اخلص

نظر تيم الي فهد بخبث و قد ظهرت شخصيته المجنونه و هتف بـ ابتسامة ماكرة :

- انا هقولك هينطق ازاي ... فهد هات المعلوم من الدرج التاني

اومأ له فهد و هو يبتسم ابتسامته المجنونه و هتف و هو يفتح درج مكتبه و يبحث عن شيء ما :

- والله يا زين يخويا هو مجاش بالادب يبقا يجي بقلة الادب معانا هينطق يعني هينطق

نظر له مروان بتوتر و ضم يداه الي صدره و هتف بطريقه مضحكه :

- اي اوعي تقول انك منهم و هتتحمرش بيا عشان

اعترف ... اه انا كنت شاكك فيك من الاول ... بقا يا زين بعد العمر دا كله بعد 13 سنه تعمل فيا كدا اخس عليك

يا عرة الصحااااب اخسسسس صحاب ملهمش امان

نظروا له بزهول و اخرج فهد حبلاً من الدرج و هتف بشر :

- لا يسطا انا هربطك زي البقره اللي داخله علي الدبح ... ايدك معايا يا اخ زين انت و تيم

ابتسم زين بشر فاخيرا قد جائته الفرصه ليخرج

جنونه علي مروان

و بعد عشر دقائق نجد مروان مكبلاً في الكرسي

فكانت قدماه مكبلتان في الشيزلونج و مرفوعتان الي الاعلي قليلا ولا يرتدي حذائه أو جوربيه حتي و يداه مكبلتان في مسندا الفراش و كانت هيئته

مضحكة خصوصا معالم وجهه التي تشبه معالم

وجه الطفل الغاضب

و كان تيم يجلس علي يمين مروان و فهد يجلس

علي يساره و كل منهما يمسك في يده ريشة

و زين يجلس أمام الشيزلونج و على وجهه معالم

الشماته و هتف بتشفي :

- اخيرا حد هيقدر يخليك تنطق يبن جمال

نظر له مروان بغيظ و هتف بحنق :

- منك لله يا زين يبن امينه جايبني لدكتور نفسي

محتاج علاج و دكتور مخ و اعصاب معندوش مخ اصلا

نظر له تيم برفعه حاجب فاردف زين و هو ينظر

الي تيم بشماتة :

- بص يا باشا دا ولا صاحبي ولا اعرفه اعمل فيه اللي انت عايزه المهم ينطق اشطا

ابتسم تيم بخبث و هتف بنفس الخبث الظاهر على وجهه :

- بس كدا من عنيا ... ها يا اخ مروان فقدت الذاكره وانت عندك كام سنة

- مش فااااكر اوما انا مربوط الربطة السودا دي ليه

هتف تيم بمكر :

- خلاص انا يخليك تفتكر

و استقام من علي كرسيه و اقترب من قدما مروان

و بدأ يدغدغه بالريشة

ضحك مروان بقوه و حاول تحريك قدميه و هتف باستسلام :

- ههههههههههه خلاااااااااااااااااص وربنا هتكلم هتكلم منك لله يابن امينه

ابتسم تيم بانتصار و عاد و جلس علي كرسيه

و هتف :

- ها فقدت الذاكره و انت عندك كام سنه

هتف مروان بحزن داخلي وعلى ملامحه معالم اللا مبالاه :

- مره و انا 15 سنه و كان عامل نفسي بس مش فاكره و مره و انا 17 و تقريباً كانت بسبب خبطه

هتف فهد بهدوء :

- بتشوف احلام فيها عيله مثلا

- اه كذا مره

هتف تيم بتركيز :

- فاكر إذا كان عندك اخوات ولا لا

- الصراحه مش عارف بس حلمت حلم خلاني استنتج اني عندي اخ

- اي هي الحلم يا مروان

تنهد مروان و هتف :

- مظنش انه هيفيد يعني

طالعه الجميع بغيظ و هتف زين بحنق :

- ما كنا ماشيين كويس انطق

-لا يعم انا مش عايز انا افتكرت الواد هيتحمرش بيا و في الآخر بيقولي وحشتني

هتف بها بغيظ فـ اردف فهد بهدوء فتلك الأحلام يكون لها سبب في ما حدث بماضي او ما شابه :

- طيب ممكن تقول يعم يمكن الاقي حاجة

هتف ببلاهة :

- تلاقي اي

استقام فهد من علي كرسيه و هتف بغيظ :

- لا بقا ولا وربنا اعملها انطق ياض

- زين انت جايبني لدكتور مجنون صح

- هتغلط هعمل معاك الصح

هتف بها فهد بحنق منه فـ هتف الآخر بغيظ

- خلاص ياعم هقولك ... و بدأ يرجع بذاكرته لـ الليله الماضيه :-

F.B

" كان المكان اسود بالكامل فلم يرى شيء وحاول ان يتحرك و تحرطك بالفعل لكن بصعوبة قليلا

و كان يسير وسط هذا الظلام الدامس بلا هدف حتى سمع صوت احدهم ينادي بـ اسمه

" مروان "

فنظر حوله بخوف من ذلك المكان و هذا الصوت فهو حقا يشبه صوته بشدة

وفجأة شعر بأحدهم يجذبه بقوة فحاول الإستنجاد بأحدهم لكن ذلك الشخص كان يكمم فمه لم يستطيع التكلم بسببه

فـ استسلم له و اصبح يسير معه لأنه ادرك ان لا يوجد احد و بعد بضعة ثوان كان يشعر باصطدام ظهره بحائط و شعر بـ جبين هذا الشخص يوضع

علي جبينه و انفه تلامس انف الآخر

و ظهر ضوء خافت يكاد يكون معدوم الظهور

فحاول التمعن بالنظر ولكن كل ما رآه هي تلك المقبلتان العسليتان التان تشبهان مقبلتيه بشدة ... لا ليست تشبهها هي نفسها فكان و كأنه ينظر في مرآه وحين حاول ان يبعده لم يقدر فكان ذلك الشخص يحاصره بين يديه و لم يتكلم ولا كلمة واحدة

فنظر حوله بخوف و توتر وحاول دفعه لابعاده حتى استطاع أبعاده و اصبح الضوء اقوى قليلا وكأنهم وقت بزوغ الفجر

و نظر له حتى يعرف من هو و وجده يبتسم إبتسامة شوق فـ صُدم مروان حين رآه انه ..... انه ..... نسخة منه ... هما يشبهان الانعكاس في المرآه ... لا تعلم من منهما الإنعكاس و من منهما الشخص الذي ينظر لـ المرآة ولم يتكلم اي احد منهما فقد ينظران لبعضهما ... احدهما ينظر بشوق و الآخر ينظر بصدمة واخيرا تكلم احدهما هاتفاً بصدمة :

- ا . ا . ا . ازاي

- وحشتني

استيقظ مروان بفزع من هذا الحلم او الكابوس هو لا يعرف ما هذا ولما تراوضه تلك الاحلام ولكن كل مرة تكون لأسرة سعيدا بغض النظر عن الشخص الذي يطالعهم بغل و حقد من بعيد و لكن تلك المرة مختلفة فكان ذلك الذي يشبهه بشده و يطالعه بشوق حقاً حلم مخيف بالنسبه له فكيف لا يتلكم و حين يتكلم يكون صوته مشابه له بشدة ويهتف بـ كلمة واحد فقط وهي "وحشتني"

- وحش لما يلهفك يبعيد انا قولت هتتحمرش بيازمنك لله سيبت ركبي الله يسيب ركبك

E.F.B

- بس دا هو الحلم

اردف فهد بزهول :

- يعني الشاب دا كان نسخه منك

- ايوا حسيت نفسي ببص للمراية حرفيا كان نسخة انا كنت بحاول الاقي اختلاف دا حتى نفس قصة الشعر

أما عن زين عندما استمع الي هذا الحلم خطرت في ذهنه صورة ادم فهو نسخة طبق الأصل من مروان شعر بـ حيرة شديدة لكنه آفاق من شروده

علي فتح باب المكتب و دخول تاج التي شهقت

بقوه و ختفت بصدمة :

- يولاد المجانين انتو بتربطوا المرضي بتوعكم

أطلق مروان صوت صفير عالي بـ إعجاب و هتف وهو يغمز لها :

- اوباااا دي بدأت تندع ... مين الصاروخ دي

ضربه تيم علي رأسه بغيرة و غيظ و اردف :

- اتلم يا حيوان دي اختي

هتفت تاج باستغراب من شكل مروان :

- مين الاخ دا

قبل أن يجيب أحدهم فتحت فجر الباب و هتفت بـ صدمت عندما رأت مروان مكبل اليدين القدمين فاردفت بزهول :

- يخرب بيتكم وصل بيكم الجنان انكم تربطوا المرضي بتوعكم

صفر مروان بإعجاب و هتف بغمزة :

- أوبااااا دي مين الصاروخ دي كمان

ضربه فهد علي رأسه و هتف بغيره و حنق منه لا يعلم اذا كان قادما للعلاج ام لـ الاستعباط و التغزل :

- دي اختي ياض ... و بعدين انا عايز افهم يالا انت ... هو انت جاي تتعالج ولا تعاكس في خلق الله و تستعبط

هتف مروان بهيام و هو ينظر إلي فجر و تاج :

- والله يا فهد يخويا لو صواريخ زي دول اعاكس عادي طبعا

أشارت تاج الي تيم بمعني " هل هو مجنون "

اشار لها تيم بمعنا " نعم إنه مجنون "

فـ هتف زين باستغراب من هذا الشبه الكبير الذي

بين هؤلاء الأربعة حتي أنه يصعب التفرقة بينهم :

- ممكن سؤال انتو ازاي شبه بعض كدا دا انا اتلخبطت بين البنتين دول

اجاب تيم و هو يرجع ظهره لـ الخلف :

- بص يا زين يخويا انت مبقتش غريب و شكلنا معمرين مع بعض ... احنا الاربعه ولاد عم و خالة ... بتنطبق عليهم اي

توأم متشابهة اتجوزوا توأم متشابهة و خلفوا توأم متشابهه

اصل ابويا و عمي توأم متشابهة و امي و خالتي توأم متشابهه و احنا الاربعة ولادهم واحنا صغيرين كانوا يلبسونا تيشرتات عليها أسامينا

عشان بيتلخبطوا بينا ... احنا تقريباً العيله كلها

توأم ... شكلها جينات

أومأ له زين بفهم و أيضاً بعض الزهول

فـ هتف مروان بحنق موجهاً حديثه لـ فهد :

- فهد فكني أحيات عيالك اشيخ عشان منظري بقا عرة قدام المزتين وانا شبه البقره اللي داخله علي الدبح كدا فكني انا غلطان اني جيت معاه اصلا

ضحك جميعهم عليه بشده و فك فهد تلك الاحبال عنه فـ هتف مروان بتساؤل :

- ها الجلسه الجاية أمتي

- بعد اسبوع

- حلو اوي انسي انك تشوفني تاني

أخرج زين سلاحه و فك صمام الأمان ووجه نظره لمروان مع ابتسامه مرعبة فـ ابتلع مروان لعابه بتوتر و هو يبتسم ببلاهه :

- اقصد انسي انك متشوفنيش تاني انا بايت في المستشفي لحد ما افتكر ... سلام انا بقي

و فر هارباً الي الخارج

أخرج تيم روشتة فارغه من جيب البالطو الطبي

و كتب بها بعض الادوية و هتف بهدوء :

- دا هيساعد في تنشيط الذاكره بس اهم حاجه ينتظم عليه تمام

أبتسم زين و أردف :

- تمام يا دكتور شكرا

و اخذ الروشته و دلف خارجاً

~~~~~~~~~~~~~~~

*في الاسفل*

هبط زين و اعطي الروشتة لمروان و هتف بشيء من الحدة :

- دي الادويه بتاعتك خدها فاهم

اخذ مروان الروشتة و وضعها في جيب بنطاله وهو ينوي الا يأخذ شيئا من الاساس

و رفع كميه و اردف و هو يستعد للركض وراء زين :

- بقا يا زين الكلب جايبني لدكتور نفسي محتاج علاج و دكتور مخ و اعصاب معندوش مخ اصلا

نظر له زين بتوتر و ابتسم ببلاهه و ركض سريعاً و مروان خلفه و هو يسبه بـ جميع لغات العالم

~~~~~~~~~~~~~~~

~~~~~~~~~~~~~~~~~

الساعه الثالثة عصراً في إحدى غابات روسيا نجد قصراً عملاقاً بالون الاسود

كـ قلوب سكانه هذا القصر هو منبع للشر أو بالأصح هو وكر الأفاعي

ندلف داخله لنجد رجلاً في الخامسة و الثلاثون من عمره يجلس علي كرسي فخم عملاق مرصع بالماس و الذهب ... يجلس بكل هيبه و علي وجهه

معالم الشر و الخبث و يقف أمامه رجل و هو يخفض رأسة أرضاً بخوف من هذا الشخص ولما

لا يخافه و هو واطسون والستون من اقوي زعماء المافيا في العالم و هو زعيم المافيا الروسية

أردف واطسون قال روسية لـ مارك مساعدة و ذراعه الأيمن :

- مارك هل جهزت انت و الرجال للهجوم علي قصر الصياد

أردف مارك بجدية :

- نعم سيدي نحن فقط ننتظر اشارتك للذهاب الي مِصر

ابتسم واطسون بخبث و الشر يشع من عينيه :

- حسناً مارك في تمام الساعه السابعة مساءً

اذهب انت و رجالك الي مصر انت ولا تأتي

إلا و في يدك رأسا الصقر و النسر ...

و هما صقر و جاسر الصياد

اومأ له مارك بطاعة و هرول مسرعاً الي الخارج

بينما هذا الخبيث ارجع ظهره الي الخلف علي كرسيه الهزاز الذي يتحرك للامام و الخلف و اشعل

سيجارته و أردف و هو يخرج دخان سيجارته :

- حسناً ايها الصقر انت و النسر رأسيكما ستكون بين يدي بعد

بضعة ساعات فقط ... و اكمل بالمصرية المتقنة :

- وقتها بس هوريكوا ازاي تقربوا لنسل

آل مايستر

... و اكمل بفحيح افعي :

- و قريب اوي هخلص من العقبة التانية في حياتي و هي فريق الهلاك اقوي فريق في الاستخبارات الروسيه ... اعرف بس هويتهم و

نهايتهم علي ايديا دول ... رأس الصقر و النسر لـ انطونيون اخويا

و رأس رباعي الهلاك لـ نيكولاس عمي

و ابتسم ابتسامته الخبيثة التي تشع بالشر و الكره و أيضاً الغرور و الخبث

~~~~~~~~~~~~~~~

أما في نفس هذا التوقيت تحديداً قصر الهلاك الذي في روسيا :-

نجد رهف تجلس علي الاريكة و تمسك

بمعلقة كبيرة و تمسك في يدها الاخري برطمان

النوتيلا

و تلتهم منه بشراهة و تلذذ

أردف ليث و هو ينظر لها بزهول :

- يخربيتك انتي بتاكلي بمعلقة ياكل بيها خمس اشخاص

نظرت له بغيظ أخفته سريعاً و تحولت نظراتها الي براءة :

- انت بتبصلي في النوتيلا يا ليثو حرام عليك

انا هفتاتة و دايخة

شعر ليث بتأنيب ضمير من برائتها المصطنعة و اقترب منها و ضمها و هتف بحنان و هو يقبل

رأسها :

- حقك عليا يا قلب ليثو كولي براحتك و لو عايزة معلقة أكبر قوليلي

ابتسمت رهف بانتصار و أسندت رأسها علي صدره

و أكملت اكل النوتيلا بشراهة و هي تراقب هذا الشجار

فكان داغر يمسك دالا من ملابسها من الخلف و

يحركها للخلف و للامام بغيظ بسبب فارق الطول

الشاسع الذي بينهما و يردف بغيظ :

- بقي يا دالا الكلب انتي تاخدي الهودي اللي لسه

جايبوا جديد ... يا شيخه دا انا حتي ملحقتش ألبسه

- خلاص بقي يا دغوري مكنش هودي يعني

- انا بس نفسي افهم اي المميز في هدومي عشان

تاخديها قبل ما ألبسها حتي ... منك لله يا شيخه

دا دولابك مليان هدوووووووووومي ليييييييييي

اردفت دالا بغيظ :

- ما تبطل ياض هز فيا هو انا كانز بيبسي قدامك

أردف الآخر بسخرية لاستفزازها :

- تؤ تؤ وانتي الصادقه علبة قطره يا اوزعه

هتفت الاخري بحنق و غيظ :

- ولاه ولاه ولاه انا مش اوزعه أنت اللي طويل و اهبل ... صح ي دموري

لنلتفت الي دامر لنجده يجلس و تجلس بين أحضانه دانا من الجهة اليمني و من الجهة اليسرى نور و يشاهدون التلفاز

أردف دامر و هو منشغل بالتلفاز :

- اه يا روحي صح هو اللي طويل و اهبل

نظر له داغر بغيظ و أردف :

- لا والله

- اه والله

اردفت دالا و هي تحاول أن تحرر نفسها من قبضة داغر :

- سيبني يلاه بقي هو انت قافش حرامي غسيل ... اااااه فينك يا تيمو يخويا انت اللي كنت

يتجيبلي حقيييييييييي

اردفت نور بشوق :

- اه والله وحشتوني اوي اوي اوي

و نظرت إلي ليث و اردفت :

- ليث عايزه اروح عند تيم و فهد

- مش هينفع يا نور عندهم شغل

دامر بإصرار :

- لا ودينا ليه

داغر : اه يا ليث عايزين نروح لهم

دانا و دالا بصوت واحد :

- ودييييييناااااااااااا ليييييييييهم ياااااا لييييييييث

أردف ليث بإصرار و عند :

- مش هيحصل

~~~~~~~~~~~~~~~

في الوقت ذاته في مصرنا الحبيبة :-

دخل قسم الشرطة و هو يرتدي بدلته الرسمية و

يسير بخطوات ثابته و قوة عكس شخصيته المرحة و كل من يراه يؤدي التحيه العسكريه بخوف و احترام و لما لا و هو المقدم جاسم كرم الصياد ظابط في أمن الدولة

دلف الي مكتبه الفخم و جلس وراء مكتبه و نظر هي الاوراق أمامه

بعد قليل ....

طُرِق الباب و دلف العسكري و ادي التحيه بالاحترام و اردف :

- سيادة المقدم اللواء عز الدين طالب حضرتك

اردف جاسم و هو يغلق الملف الذي أمامه :

- تمام روح انت و انا جاي وراك

خرج العسكري و استقام جاسم و توجه الي مكتب اللواء

~~~~~~~~~

دلف الي مكتب اللواء عز الدين و أردف بجدية و هو يؤدي التحيه العسكريه :

- تمام يا فندم ... حضرتك طلبتني

- ايوا يا سيادة المقدم اقعد

جلس جاسم و هو ينظر إلي اللواء بانتباه شديد

- جاتلنا إخبارية أن في هجوم هيحصل علي قصر الصياد بس أمتي مش عارف

نظر له جاسم بصدمة شديده و أردف :

- لي يا فندم اي اللي حصل

- واطسون والستون زعيم المافيا الروسيه عايز رأس صقر القوات الخاصه صقر ابن عمك و نسر القوات الخاصة جاسر اخوك

~~~~~~~~~~~~~~~

Habiba AL - Masry 🕊️

~~~~~~~~~~~~~~~~~~~~

تتوقعوا اي اللي هيحصل 🤔🤔

متنسوش التصويت اشطاااااااا

يتبع💫💫

#ابواب_الجحيم_الخمسة

Habiba Al-Masry 🤍🕊️