.

تعليق ..

تصويت ....

قصة اجتياح

الكاتبة ندى البياتي

النهااااااااااية

.....

مرام

فتحت الباب قابلني بأبتسامته العفوية  : هلو

مرام : هلا اتفضل

دخل مستغرب وجوه ولد حرى : خطارج بعدهم موجودين !

مرام : اي بعدهم

حرك راسه بأسى بس اتضاهر بأنه مامهتم  ردت اخفف الموقف  وكلت اتفضل  ليش واكف بالباب  

اشرتله  يدخل  ومشيت جدامه

للقنفة

كعد واني كعدت بمسافة عنه  بقينا ساكتين اني وياه گطع الصمت وسأل على سليم ما شافه

اياد : وين سليم

مرام : سليم قبل شوي طلع  ويا اصدقائه ... اضطريتة اكذب عليه لأن ما اريده يسمع كلامنا لو ردة فعل اياد

اياد : حرمات ما شفته

مرام : بجي بعد شوي

اتقربت علينا حرى بعد ما لبست جبتهة فوك التراك  وخلت على راسها شال

حرى : ست مرام  اني والولد  راح انزل جوى  يم بابا  حتى  تاخذون راحتكم

مرام

احمحمت  واستجمعت ثقتي بنفسي  وكلت بجدية :   لا وين رايحة  خليج هنا ما تريدين تشوفين زوجج المستقبلي وتتعرفين عليه 

كلامي جان قنبلة بالنسبة الهم  اثنينهم باوعولي بطريقة مستنكرين بيها كلامي  اياد ما حجى شي بس حرى اتلعثمت بالحجي

حرى : ست مرام  شدتگولين  يا زوج  هذا

مرام : شوفي حبيبتي اعرف الموضوع صدمج بس صدگيني ماراح تلگين احسن من  اياد يكون زوج الج واب  ولأولادج  وما راح يخليكم تحتاجون شي

حرى : اعذريني ست اني ممفكرة ارتبط حاليا  وراح  نازلة يم بابا يلا امشو  نروح

اياد : لحظة مدام

مرام

اندارت عليه متوترة  شايلة ابنها ودود  طلع اياد من جيبه  رصاصة  وخلاها بيدها بدون مايلامسها

اياد : كولي لأبوج سوالف الزعاطيط ماتمشي وياي  وما اكو داعي لهاي الرصاصة

مرام

اخذتها وطلعت من الشقى بقينا اني واياد بس  كلش صار عندي فضول اعرف شنو سر،هالرصاصة : اياد شنو هاي الرصاصة  الي انطيتها للبنية

اياد : هاي رسالة تهديد قبل لا  ادخل للشقى  اجى يمي وخلاها بجيبي  وگال 

كل ماتريد تجي لهنا اتفقدها حتى لا تلكهة مستقرة بكصتك وماخذة روحك  وراح قبل لا يسمع جوابي

مرام

خليت ايدي على حلگي  : يعني هو گالك هيج  اني اسفة .. كعد على مسند القنفة وشابك ايديه

اياد : يمعودة واحد بوخة  مايخوف جلبي  وبعدين تعالي جنتي تكدرين تكولين لي اني اريد ارجع لزيد  بكل بساطة ليش تحرجين البنية وتدخلينها بالموضوع حتى توصلين لي الفكرة

مرام

حكيت راسي  من ورة وجاوبته : بس اني ما دخلتها بالموضوع اني جنت قاصدة الحجي الگلته  البنية خوش بنية ومسكينة  و شفت انت احسن واحد ينطيها الامان هنا من بعد الله

اياد : اذا تريدين ترجعين لزيد ما امنعج  حياتج و مشاعرج  و انتي حرة بيهن   بس لاتكولينها بهاي الطريقة لاتحسسيني  ان اني مثير للشفقة وتريدين تخففين عن ذنبج وياي وتزوجيني شلون ماجان حتى تريحين ضميرج 

مرام : ياااا والله ابد مو هذا قصدي وانت تعرفني اني مو من هذا النوع بس شفت...

اياد : لاتكملين  خليني اكدر اطلع من هاي الخسارة وبعدين  افكر مرة ثانية بالزواج

مرام : اني اسفة اياد ماجنت اريد نوصل لهاي النقطة  بس شسوي لگلبي بعده يريده رغم كلشي سواه 

اياد : لاتسوين شي بس امشي وراه صدگيني مرام اني مو اناني واحب اشوفج سعيدة ومتهنية بحياتج وجنت حاب اكون اني سبب سعادتج بس مازال سعادتج ويا غيري يلا  الله يهنيج ويسعدج وينسيج كلشي وياه  ولا تفكرين بأي شي ممكن يعكر مزاجج

مرام : تدري اياد اني شكد  احترمك واعزك  واتمنى لك السعادة وراحة البال لأن انت انسان صريح  ومتفهم  وابد ما عندك حيل وخداع  و ابد ممتندمة على معرفتي بيك  كل هاي السنين و اتمنى نبقى على نفس ما احنى  ومانتغير على بعضنا 

اياد : ههههههه لا هو احنى لازم نتغير على بعض ولازم بعد مانتشاوف شنو مخبل تجيني طلقة طايحة من رجلج بسبب غيرته  عليج

مرام : ان شاء الله تلگى المرة الي تلوكلك 

اياد : الله كريم   واللگاها

مرام  

حجاها واتوجه للباب يريد يروح  حسيت بكسرته رغم هو مبين هالشي  فتح الباب صار بوجهنا  زيد واگف على اعصابه لبسه اياد ومشى  خلاه مشتعل بناره  وحتى اكوله اني موافقة عليك كتله

مرام : اول شرط الي اتبطل غيرة  ومتتدخل بأصدقائي ومعارفي واولهم  اياد

زيد : كلهم اي بس اياد  ما اكدر اوعدج بأي لحظة اخلص عليه

مرام : يهون عليك بنتك تترمل من جديد

زيد : لو بس هو يبقى ما انطيه بنتي شفتي شكد نذل حاط عينه على حبيبتي وبنتي يعني متقصدني

مرام : ممتقصدك اني اقترحت عليه  الموضوع  بس رفض 

زيد : احسن شنو قحط زلم حتى هو ياخذها

هسة عوفينا منه هذا الغثة تعالي كوليلي شوكت اخذج لحضني وابقى ابوس بيج لحد مايرتوي ضمأي  ترى الجفاف وصل لسابع قارة اريد اتهنى وياج  بعد ما اتحمل اخاف فجأة وبعد ما اسيطر على نفسي

مرام : شو من جنت شاب ماجنت هيج تحجي

زيد : انتي ما سامعة الشايب رومنسي اكثر من الشاب هههه   اشبعج غزل وحب وكلشي بس خل نعقد لحظة ما اعوفج  حتى ابنج وبنتي واحفادي كلهم اتبرى منهم  كلمن يحير بنفسه خوما نبقى حايرين بيهم

مرام : خطية ذولا خلفتنا مالهم غيرنا

حجيتها وطوقت ايدي على ركبته  وهو هم حاوط خصري باديه سحبني لعنده وشم رگبتي جنت خايف اموت  وانتي مو وياي  بس الف الحمد لله من رجعتي لي بعد كل هاي السنين 

مرام

جان ذايب ويحجي كأنه بحلم وخايف يصحى منه ومايريد يعوفني واني هم نفس الشي  جنت خايفة هاي اللحظات ماتدوم النا قاطعتنا حرى

حرى : بابااااا

وخر مني  وكال بعصبية : احترگو  اهل بابا بجهنم  واحد  واحد

حرى :  باباعيب منا العالم  شوي اثگل شو رجعت مراهق شأكول لأولادي هسة

زيد : كوليلهم جدكم وكع بالحب ومايريد احد يطلعه خلوني براحتي

هزت  حرى ايدها بالهوى  ماعاجبهة  : الله يثبت عليك العقل

مرام

ضحكت من كل گلبي  ليش هو بقى عنده عقل سكتت وگتلهم اتفضلو  ليش واكفين هنا  زيد ما صدك رأسن دخل ولحگته حرى واولادهة  ورة ما دخلو سديت الباب  وباوعت لصورة تميم  الله يرحمك  يا من انطيتني امل بالحياة  تلمست الصورة ثواني ورحت گعدت يم زيد اخذ ايدي ويتلمسها بحنان   وبنته  تفر بيدهة مصدومة من ابوهة

........

نجوى

ما حسيت الا واحد  خلة ايده  على حلگي والثانية سحبي على صدره   لزك ضهري على صدره الموقف هذا ذكرني بحجي ايوب لمن راد يعتدي علي

و  بدون اي تفكير  شجعت نفسي و  عضيت جف ايده بكل قوتي بحيث خليت اسنوني  ينبتن بلحمه  بي من صاح وخر ايده ينفض بيها عرفته هذا همام

همام : شبيج اتخبلتي

احجي وارجف  لو ينفخ علي اگع وگلبي صار يدك اسرع من الحصان    : هو انت لو اني  التخبلت شلون تجي من ورة وتفززني  

زم شفايفه  وسوة نفسه ممسيوي شي وحجى بعفوية  : ردت اسويلج مفاجئة اسف اذا خوفتج

فتحت عيوني على وسعهن  شلون يكولها بكل هالبرود :،خوفتني !!!! لا  گول جلطتني  يبست دمي بجسمي  وهسة على لحظة گلبي يطلع من صدري  ... كعدت بالگاع اسحب نفس بالگوة  رجلي ارتخن  مابيهن يكفن ما اهتميت للوصخ البلكاع بعد ما ضل بية حيل    اجى كعد بمستواي جان شكله خايف علي  من  فعلته

همام : ما قصدت اخوفج  بس ردت اتغزل بيج 

نجوى

من هبطتي حتى ما استوعبت كلامه رديت عليه منفعلة  : اذا هيج الغزل عندك عمي  ما اريد  ما اريييييييييد

بعدني رايدة روحي  حتى غزلك يتخلف عن غزل الناس والعالم  همزين ما متت بمكاني

همام :  الخلل بيج بكد ما عندج جفاف عاطفي ماتحملتي بس لزمتج خربطتي هاي لو حاجي شسوين

نجوى : لا والله صدك تحجي اخاف تشاقة ،  جايني من ورة عبالك رايد تخطفني وتكول اني ما اتحمل 

همام : لعد شلون اتغزل بيج ما اعرف 

نجوى

اخذت صفنة لحد ما استوعبت هو ليش يريد يتغزل بية حجيت بتوتر ومابيتنله اني فهمت السالفة  : وليش تريد تتغزل بية شنو المناسبة

همام : هيج عاجبني  وبكيفي

نجوى : ما اكو واحد يتغزل بدون سبب  بس لأن عاجبه يتغزل

همام : اني هذا الواحد  ومنا وغاد  راح اتعودي  عالوضع الجديد  

نجوى :  شبيك  همام ياوضع هذا

همام : وضعنا اريدج تهتمين بية مثل ما اني اهتم بيج 

نجوى : اني مهتمة بيك ممقصرة 

همام :  لا مقصرة  شلون جنتي تهتمين بعزيز  اريدج تهتمين بية واكثر بعد

نجوى :  اشلون يعني

همام  : اريدج تحببني مثل ما جنتي تحبين عزيز واكثر منه اضعاف المرات

نجوى

گالها وطلع ينفض بملابسه بقيت بمكاني ممستوعبة يمكن لو كلها تكولي همام معجب ويحبج  بيج ما اصدگ 

طلعت وراه  دايخة هو من شوكت كام يفكر بية اشو من اجى لحد ما راح هو معبس ويريد حجى حتى يجرحني بكلامه  اخذت نفس قوي وگلت  اخاف مقلب  من عزيز  يريد يوكعني حتى ما انتبهت لرجليه وشفته عزيز لو همام

بس هو عزيز شمدريه اني جنت احبه  ضليت اليوم كله دايخة  فكرة توديني وفكرة تجيبني   كلهم حسو علي وضعي متخربط لحد ما بالليل واكفة يم التانكي انتظر السطل يمتلي مي  و جاني صوت همام

همام : شقررتي

نجوى :  شنو ؟

همام : راح تهتمين بية مو مثل ما اتفقنا الصبح

نجوى 

درت راسي  وحجيت بخجل : شنو هي بالكوة واني ما اعرف كلشي عليك

همام :   مو مشكلة نتعرف  شورانا

نجوى

خجلت من كلامه ما متعودة عليه هيج يحجي وياي  شلت السطل ودخلته جوة بدون ما  انطيه جواب

مرت الأيام بينا هادية و حلوة منشغلين برعاية جدي وعلاجه

مانريده يتعب  بدى همام تتغير  ونفسيته احسن من قبل تقريبا رجعت علاقته بجدي بشكل  ملحوض  من اشوفهم سوى مابينهم شي  افرح ما اريد شي يعكر حياتنا

بس كل ماننجمع عالأكل يبدي ملاسن همام وسيري الي ماتتحمل كلمة منه وتخلصهة عليه

عزيز احجي وياه

عزيز خليه يسكت

عزيز ليش ساكت ما تدافع عني

وهو يرد عليهة : مو عزيز ما عنده شغل وعمل يضل بس يودي ويجيب حجي بينكم وتالي اطلع اني النمام والموخوش ادمي الي اخرب بينكم وانتو الزنينين، تتعاركون اتعاركو بينكم والسبع يطلع الدم

سيري : ها هيج صارت متدافع لي

اصلان : همام عوف بت عمك وركز بحياتك احسنلك

همام : مركز بحياتي بس كلامهة يغث كوة يخليني احجي هاي الصفرة من الله ما اطيقها

نجوى

بعد فترى وتفاديا لجدالاتهم قرر جدي يزوج عزيز وسيري ويبني الهم بيت خاص وطبعًا مو مثل ما جانت تحلم سيري

البيت جان بسيط من بلوك بس بخريطة مرتبة مو مثل باقي البيوت القديمة ساعدوه الناس الطيبة بالقرية بالبناء لحد ما كمل

سيري :يعني هذا راح يكون بيت احلامنا

عزيز : امممم

سيري : بس مابيه شي فارغ شلون نعيش بيه

عزيز : المهم بيه اني وانتي وحبنا وشوي شوي نترسه اثاث واطفال

سيري : ان شاء الله بس اني اختار الأثاث الي راح نشتريه

عزيز : اكيد انتي تختارينه شوفي  اكو هنا على بعد مسافة قريبة شركة مالت اثاث منزلي كله ماركة اجنبية شنو رأيج نشتري منهم

سيري: صدگ والله !! امشي خل انروح نشوف

عزيز

باوعتلها  صفح مشت عليهة الجذبة وفوگاهة تريد تروح تشتري. شوي و حست بالمقلب ضربتني على جتفي

سيري : هاا ناصب علي حظرتك وماخذني على كد عقلي

عزيز : ليش انتي ما شفتي القرية طايح حظها كل الي بيها مجبورين يسكنون بيها وين اكو اثاث فاخر حبيبتي لازم تتعودين عالعيشة هنا وماتبقين تشكين منها

سيري : والله دا احاول مرات اصمد ومرات أيأس لأن فوگ طاقتي

عزيز : لاتنسين انتي الي اقترحتي لو بآخر الدنيا تجين وياي ومايهمج شي

سيري : يبوو ذليتني بهالكلمة. وبعدين ترى انا كتلك اروح وياك بس ما گلت اعيش عالحجار توقعت راح تاخذني نعيش بالخارج مو هنا

عزيز

حظنتهة بحنان امسح على ضهرهة : تحملي كلشي يهون بس ينراد له صبر والاثاث راح نشتريه بس خل يهدي الوضع نجيب كل الي نريده

حاوطتني بأديهة مثل الطفل الي يجلب بأمه : كلشي يهون مادام انت وياي

بعدت راسهة بأيدي بست خدودهة وحدة ورة الثاني : صدگي سنة وحدة وتصيرين بنت قرية معدلة

حتى تسرحين بالغنم والبقر بالوديان وحدج بدون ما تدورين مساعدة هههههه

سيري : تتوقع اكدر اسويها

اخذت لي صفنة افكر : ليش اجذب عليج ، ما اتوقع تدبرينها لذاك من البداية

راح ادزج للزرع ويا البنات تزرعين وتحصدين

لأن مابية حيل تروحين للحظاير  وترجعين البقرة رافستج ومسگطتج واخلص عمري اداري بيج

سيري : هاااا هيج يعني تشك بقدراتي اشوف بعد سنة شلون احلب البقر بحترافية

عزيز : هسة عوفي الحلال والمال وكلشي فكري بس بعرسنا

جلبت برگبتي وقدمت جسمهة لزك لجسمي بجراءة منتظرة ابوسهة

عزيز : اگلج اشو ما اكو مستحى ولاخجل مثل البنات شو ماخذة راحتج

سيري : هو انت حبيبي وراح تصير زوجي عود ليش استحي منك

عزيز : قنعتيني بصراحة،

لعد اذا طلعنا مصخمينهة من هالغرفة لا تلوميني

سيري : عدم المستحى شي والاستهتار شي ثاني اني لگيت بيك الأمان والحب الي فاقدته من حياتي عادي احظنك و اضم نفسي داخل ضلوعك بس مو معناهة تلعب بكيفك هنا اشوفك وجهي الثاني الي

عزيز : عاد مشهودتلج هاي ،

المرة الماضية خليتي رصاصة جوة گلبي المرة الثاني براسي مباشرتًا اذا لعبت من وراج

سيري : لاتذكرني عفية اريد انسى كلشي

عزيز: تمام خلينا نطلع جاي نجيب الشبهة لأرواحنة

عزيز 

طلعنا من بيت احلامنا ورحنا لعند جدي الي كاعد على الكرسي الذبحة القلبية هواي مأثرة عليه متعبته من شفته كاعد عالكرسي حسيته صار شخص هرم جاي يذبل يوم بعد يوم قبل جان رغم كبر سنه بس نشيط وضهره مستقيم ومايهمه شي اما الان كل الي يسويه يكعد عالكرسي ويباوع النا

كعدت يمه بالكاع وخذت ايده افركهة على كيفي

اصلان : عجبك البيت !

عزيز : اي عجبني وعجب سيري هم

اصلان : الله يهنيكم بيه وتشوفون الخير عليه

عزيز : امين

ابتسمت بوجهه وتابعت المساج ايده بخفة

ورة فترى سوينا حفلة زواج على تقاليد القرية واجو كل الي بنفسهم يتزوجون عسى ياخذون الي يتمنونهم لاحظت محمود ماله خلگ  ولا جان اله نفس بالعرس بس مجبور يجي

حتى  اهله مو على طبيعتهم

عزيز : محمود شبيك ضايج مو عوايدك

محمود : لا ليش بس الشمس ضاربتني وشوي دايخ

عزيز  : والشمس ما ضربتك الا بيوم عرسي  واني كلت  راح احجي ويا  نجوى علمودك

محمود : لا لا تحجي وياهة حاجيتهة مرة ورفضت  واني عندي عزة نفس المايريدني ما اريده 

عزيز

ضل بنفسي اعرف هي  ليش رافضته محمود  مابيه اي عيب يخليها ترفضه بس بعد نجوى عناد اذا كالت لا، لو كلها تصير ضدهة ماتغير رأيها

تلطش عليه

نجوى

ما جنت اتوقع اكدر اتجاوز هيج مرحلة ان اشوف الشخص الي عشت وياه طفولتي وشبابي وحبيته ومتعلقة بيه لدرجة اغار عليه من ظلي يتزوج غيري واني ما يلتفت لي ولا يحس بالقهر الي بگلبي

لكن كان كلام همام صحيح عمرها مشاعري ما ابد كانت حب

انما هي مجرد امتلاك جنت اريده الي وحدي لانه يعرفني ويفهمني ويدافع لي ومهتم بية اكثر من الباقين لذلك متعلقة بيه واخاف لا اخسره يوم من الأيام لحتى اترسخت ببالي فكرة ان هاي المشاعر هي مشاعر حب وهيام

اما الان بوجود سيري وياي طول الوقت وبنفس البيت خلاني اوعي على نفسي واميز شنو المشاعر الي جنت احس بيها تجاهه

و هواي تحسنت من تملك المشاعر

راحة نفسية من تتخلص من احاسيس هي مو الك بس تخدع نفسك انها الك ومايجي من وراه بس الشقاء والوهن

علاقتي بهمام اتطورت وعبرت مرحلة الصداقة والاهتمام وصلت للحب المتبادل بينا بس اثنينا مو شجعان حتى نعترف لبعض بأن احنى نحب بعض 

مكتفين بالاهتمام والكلام الي نتبادله والطلعات الي نطلعها للجبل من نضوج من القرية وكأنه نلكى راحتنة بأي كلام عدا كلام العشق والغرام كأي حبيبين يتبادلونه من يكونون سوى

اشوف بعيونه شكد مهتم بية

مو مثل عزيز عادي يطلع مشاعره

صعب يعترف بمشاعره مرات احسه مايعرف يحجي بالغزل والحب ويتهرب منه  خصوصًا بعد عملة ذاك اليوم بالحضيرة ههههههه

يمكن ينتظرني اني اعترف له وانا مثله هم ماخذة وضع التغليس ما ادري شوكت نتنحنح ونعترف لبعض بدال هذا اللف والدوران

ساعدت البنات بترتيب سيري فستان احمر مطرز خاص بالأعراس يمنا ما يلبسن فستان ابيض يلبسنه لونه احمر والطرحة من نفس لونه

وانوب هي شگرة و بشرنها ناعمة طلع ثوب العرس يخبل عليها تمنيت الهة حياة سعيدة ويا عزيز من كل گلبي

سيري : حبيبتي نجوى يوم الج وتاخذين همام وتخلصيني منه

حتى عوفني بحالي

نجوى : ياااا يجوز بباله غير وحدة گبل جلبتيه بية

سيري : صدگيني ما اكو اي وحدة بباله هو غير مسطور بيج بس انتي مغشمة حالج وعاجبتج الشغلة

غمزت لي بمعنى تعرف كلشي احمريت خجل هاي كلها تعرف بينا وانا جنت مأمنة عود بس اني اعرف بمشاعره الي ضامهن علي

اميرة : مستحيل اشو سويتنها صدك على الأقل عوفن لي واحد شنو ما شايفات رجال بحياتجن اثنينهم حجزتنهم وخليتني افر باذاني وين انطي وجهي

سيري : انتي روحي دوري بعيد عنهم. ترى والله اشوفج وجهي الثاني اذا لمحتج تتمايعين ويا عزيز هذا ملكي اني

نجوى

ضربتهة بقبضة ايدهة على

ضهرهة خلتها تكح من الضربة : گبر شبساع شفتيه وصار ملكج وكمتي ماتخلين احد يحجي وياه

ترى من احنى زغار نلعب ونتعارك ونتصالح ونسولف سوى وانتي عاشرتيه سنة وگمتي تسوين تفرقة بينا وبينه وتريدين يكطع علاقته بينا

سيري : ما اسوي تفرقة بس انا اغار عليه ما اريد وحدة تباوع له بنظرات استهتارية  وانتي نظراتج مو راحة والله افكس عيونج وما ارحمج

اميرة : عجل ما تحجين على نجوى لو بس گدرتج علي

سيري : شبيهة نجوى

نجوى

عضيت شفتي بخزرة تريد تفضحنا وتگلب العرس عزى سيري غيرتها جنونية والحمد لله افتهمت علي وتداركت الموقف

اميرة : نجوى على طول تحجي وياه ليش ماتكولين الهة لا تحجين وياه لو بس لأن انا فقيرة

سيري : نجوى اخته

اميرة : من دبش  نايمة ورجليج بالشمس

اندارت علي وكلها فضول  : شنو يعني هاي الكلمة

اتلاحگت للوضع وگلت : يعني معناهة اي صح كلامج

سيري : والثانية

نجوى : يا ثانية

سيري نايمة ورجليج بالشمس !

نجوى  : هاي يعني بكد ما مأمنة بيه  نايمة ورجليج بالشمس

اتقربت على اميرة وندستها

يلا اميرة لا تسولفين خل يجهزنها

اميرة : طيرتن واهسي گلت اليوم اعرض الزواج على همام وطلع محجوز شكد حظي فگر

اني  واخوي الله بلانا بيكم ماعدكم محنة علينا فوگ ما نحبكم

نجوى

كعدت بالگاع  وقهورة وتحجي  وتمسح بخشمها  واحنى كملنا تجهيز وطلعنا بالجول الحفلة عالطبيعة الكل ترگص وتصفگ على صوت الموسيقى بكل فرح

الحفلة بسيطة بس مليانة سعادة من الگلب الي يغني والي يرگص كلها من گلبها تأدي واجبهة وسعادتهة

بدون ما تصنع او تمثل حتى يثبتون الباقين ان هم فرحانين حالهم حال الناس بس بداخلهم غل وحقد

اجى همام وگف يمي بدون مايحجي و اني صافنة بيه قاطع صفنتي وهمس

همام : اريد اعترفلج بشي  بصراحة انتي محلية الفستان مو هو الي محليج وهنياله شلون لازك عليج 

نجوى

خجلت من كلامه بس ابتسامتي فضحتني  بقيت اتمايل بجسمي من الفرحة بعدين حسيت على روحي  وكفت بستقامة : صاير حلو تسولف

همام : اعجبج بالغزل اذا تريدين بس كولي

نجوى : لا فدوى كله ولا الغزل مالك  ترى ما لاگية روحي بالشارع  بعد الخرعة مالت ذاك اليوم مارايحة مني هههههه

همام : يعني متحبين اتغزل بيج

نجوى : مو جربته مرة المجرب لايجرب

همام : ههههه اي فعلا  عضيتي ايدي وطلعتي دمها انتي مال غزل انتي بس اني ما اتوب ابد

نجوى : هاااا انوب طلع الصوج بية

همام : طبعا اني ردت احظنج بس،

لأن ماحجيتي لمحمود وخليتني احس بالخسارة  لأن بيومها  بديت اتعلق بيج  وارتاحيتلج وثقت بيج  واني بحياتي كلها ما وثقت بس بأثنين انتي و زيد

نجوى : وجدي

اندار على جهة جدي ورجع اندار علي  : جدي ثعلب مكار اكون اكبر  غبي اذا اثق بيه 

همام : ليش ؟!

همام :  تدرين جدي هو الي دبرلي مكيدة حتى اتخارب ويا جماعتي  وامرهم يقتلوني

نجوى :  لاء جدي ميسويها هو يحبكم اثنينكم انتو بمكان ولده اكيد فاهم الموضوع غلط

همام : بلى فاهمه صح من جنت ببغداد حتى نرجعه ما فوتت  هاي السالفة ورحت لعند ادريس  وهو حجالي عن الوصية الي امنه عليها  وطلع جدي  مقابل يشطبون اسمي واكون مطارد ينطيه كل الكنز الي عنده

ومن واجهته  ما نكر  طلع لي بعذر انه حتى يفتح عيوني ناس مثل ذولا بحفنة فلوس يبعون كل الي وياهم والعليهم ماعدهم صاحب صديق 

نجوى : شفت هو رايد مصلحتك  سوى هيج علمودك 

همام :  شيلينا من هاي السيرة 

شنو رأيج نصير من مثلهم

نجوى

حجاهة واللتفت على عزيز وسيري اني فهمت السالفة بس غشمت روحي  : شلون يعني ، ما فهمت ؟

حجاهة بتردد وخجل : يعني نتزوج  شعدنا باقين هيج

نجوى : اهاا  اذا تريد نتزوج ذاك جدي وروح حاجيه شوف شيكولك يمكن ما يقبل بيك

همام : و ليش ما يقبل بية !

نجوى : يعني كلشي يصير ايجوز ما يقبل بيك هو شيعرف عنك حتى يزوجني الك

همام : يعرف كلشي مايحتاج يسأل

نجوى : روح اساله وشوف

همام : اي  اروح اسأله شنو يعني

نجوى

درت راسي كاتمة الضحكة اعرفه ما راح يكوله بقيت اراقبه من بعيد واگف يم جدي بس ماحجى شي رجعت انداريت عكس اتجاهم اهز بايدي واغم بحظي اذا لجدي ما گدر يگول شوكت يفتح الموضوع ونتزوج

شكلي راح ابقى انتظر لحد ما يصير عنده شجاعة ويطلبني من جدي  لحظات وصاح جدي علي رحت ركض عليه

نجوى : أأمرني جدي

اصلان : بنتي اجاج  واحد يطلب ايدج

نجوى

الأبتسامة شكت حلكي وگلت بخجل وتوتر   منو بس صدمني من كال واحد من القرية وفلش كل احلامي

اصلان : واحد من القرية  ابن حجي منعم انتي اتعرفينه

نجوى

اتكورت ملامحي ياحجي منعم هذا ؟! ما اتذكر اكو واحد اسمه منعم ولا عنده ولد  قاطعني و اردف

اصلان  : شبيج نسيته هذا القبل جان رايدج وكال بس تكبر هي لأبني ما اخلي احد  ياخذها غيره

نجوى

ازدادت حيرتي وبين علي مافاهمة شي اشو ما اتذكر معقولة صاير عندي نسيان

اصلان : تذكرتيه مو ابن حجي منعم

نجوى

اشرلي بعيونه حتى اسوي نفسي متذكرته وهمام واكف يريد يعترض بس ما يكدر  لحد ما عرفت هذا مقلب من جدي حتى يخلي همام يغار خشيت بالعبة وياه ونصبنا على همام  : هاا اي  اي اتذكرته ابن حجي منعم  اشلون ما اتذكره شعجب فانحك بالموضوع   عبالي ناسيني 

اصلان : لا ما ناسيج البارحة حجة وياي وكال اشمنتظرين  الولد كبرو والعمر يمشي ونريد نشوف احفادنا

همام : اي  ويكبرون شنو يعني عسى ما يعجزون  هو شدخله بيهم خل ينسى السالفة احسنله 

اصلان : شنو ينسى السالفة  عيب الرجال من زمان منطيني كلام  واني وافقت عليه

همام :  هي كلمة وحدة اكولها ما اعيدها مرة ثانية  نجوى شيل ايدك منها انت ما اتصدك تسمع واحد يكولك كبل تكول اخذوها   نوب هاديها لحجي ايوب

نوب هاديها لحجي مصخم 

شنو مالها والي  بكيفك تهدي

اصلان : وانت شعليك حفيدتي واني ولي امرها ابيعها  اهديها اگعدها بالبيت  بكيفي ملكي وحر بيه

همام : لا مو بكيفك منا وغاد شيل ايدك منها  اكو غيرك اولى بيها

اصلان : ومنو هذا الأولى بيها ؟؟

همام : انت شعليك لازم كلشي تعرف

اصلان : غير حفيدتي لازم اعرف امشي  بابا امشي  البارحة جي  وكام  يعلمنا بشغلنا  

نجوى

جدي بقى يستفز بيه  وهو من كل عقله ماخذ كلام جدي  بجد  ويتجادل وياه  انتبهو علينا الموجودين حتى  عزيز عاف سيري  و اتقرب علينا

عزيز : شكو شبيكم !

همام : شفت جدك الخليتنا نرجع لبغداد علموده    يريد ينطي نجوى لواحد مامعروفة گرعة ابو منين  لأبن حجي منعم

عزيز : منو هذا حجي منعم

همام : شعرفني واحد هنا يريد يموت بس مايعرف شلون 

عزيز : جدي وين اكو هنا واحد اسمه منعم

اصلان : اكو اكو  ليش ما اكو  وانت هم تعرفه 

عزيز : لا والله ما اعرفه  اشو ما اذكره اني

قابل جاي للقرية جديد

اصلان : عزيز امشي ولي  منا انت شجابك  روح لسيري تنتظرك  هسة تمل وتعوف العرس وتخليك

عزيز : غير اعرف منو هذا منعم شنو  سالفته ليش هيج متخامين من وراه 

همام : جدك يريد ينطي نجوى اله

عزيز : لحجي منعم !

همام.: لا،  لأبنه

عزيز : اكلكم دوختوني هو اني اعرف خجي مصخم حتى اعرف ابنه  احجو عدل  منين هذا ونجوى من كل عقلج رفضتي محمود علمود ابن هذا المامعروف

اكتلج هسة 

همام : يعني ما اكو واحد بهالأسم

عزيز : لا  ما اكو اني حافظ اهل القرية واحد واحد

نجوى

اندار على جدي بعد ما اكشف جدي ناصب عليه  جدي سوة نفسه متضاهر يسولف ويا الزلم  باوعلي بخزرة خلتني اخرط العافية وكبل اعترف على نفسي

نجوى : والله اني ما علي جدي هو اشرلي وكالي خل ننصب عليه شوية  مو هيج جدي 

عزيز :  شكو اشو اني مثل الاطرش بالزفة

اصلان  : هذا همام لا بيه خير يطلب ايد نجوى  ولا يخليها تشوف قسمتها  بس اللسان مابيه اي فايدة مايعرف بس  اربع وعشرين ساعة يركض وراهة

عزيز : هااا ولك ملعون شجابك على هذا الدرب  هسة مال اصورك وادزه لجماعتك واكوللهم ضربكم بوري معدل مخليكم عايشين بالجفاف والحسرة  وهو هنا گاعد يتمعشك بكيفه  ههههههاي

حجى بعصبية : سد حلگكككك 

نجوى

سكتنا اني وعزيز بس كوة لازمين نفسنا انوب هو من كل عقله صاير عصبي  وجدي يكوله د اطلبها وفضها من شنو مستحي  كلها تدري بيك رايد نجوى وساحل روحك عليها

انحصر بعد ماله اي جواب راد  يطلبني من جدي بس عزيز منعه

عزيز : لحظة لحظة لحظة  ما انطيها الك الا تنفذ شروطنا بالأول

همام : شنو هاي الشروط  بلا

عزيز : تكعد  على ركبك وتكول بكل حب  هل تتزوجيني  ولازم بيدك حلقة  انوب انت جاي حافي كلشي ما اكو بأيدك 

همام : هذني السوالف خل سيرين تمشهن عليك اني محد يكدر يمشيني بهيج سوالف 

نجوى

عجبني تفكير عزيز وحيل حبيت يسويها الي  كلت بحماس شابكة ادي  : صدك همام  لخاطري هو انت جم مرة تتقدملي  سوي مثل ما گال عزيز

همام : اتخبلتو انتو  كل عقلكم اني انحني  علمود مرة  اضرب نفسي طلقة احسنلي

نجوى

ضجت من ردت فعله  عاد شكو بيها لو يسوي قابل راح ينقص من عمره

عزيز : لاتنقهرين ننو  خل يضرب نفسه طلقة  ورة الاربعين اخلي محمود يتزوجج  و لو ليش ورة الاربعين بالسبعة مالته ازفج  وخل يفيده عناده كال ماينحني لمرة گال

همام :  انت لاتضل حشري  اني وياهة نتفاهم 

عزيز : ننو ابد لاتقبلين خليه يحنيلج ويطلب الزواج  منج  واذا مسواها يعني مايحبج  هذا داخل على طمع ميفيدج  عوفيه

همام :  كتلك سوالف سيري مشيهن عليك  اني صح رايدهة بس ما انحني اني عندي عزة نفس   

عزيز :  اي مو مشكلة شوكت تخلص عزة النفس مالتك عود تعال اخطب  هسة ماعندك مرة يمنا

همام : انت ليش ماتروح تولي يم الحية مالتك وجفيني شرك اني شلون اطلبها اطلبها معليك بينا

نجوى

دفع عزيز وخلاه يروح يم سيري 

: صدك همام سوي مثل ما گال  عزيز  لخاطري 

همام : ما اسوي هي كوة واعتبري نفسج صرتي الي هاي هي فضت

نجوى : ما اقبل اذا متسوي نفس الگاله عزيز انساني ولاتكول اكو  نجوى بهذا العالم

همس بنفاذ صبر وقرب حلكه ليم اذني : نجوى بلا هاي الحركات قدري وضعي ما اكدر اسوي هيج  كرامتي ماتسمحلي

صاح عزيز من مكانه بصوت : لاتخلينه يقشمرج الا  يكعد على   رجليه ويكولج تقبلين تتزوجيني يلا اقبلي

رد عليه همام بنفس بنبره : انت منين الله جابك علي  كلمة ثانية   وشوف شأسوي بيك

نجوى

كام عزيز يضحك على حرگة اعصاب همام  واني بقيت على موقفي الا ينحني على اركبه ويطلب ايدي سويتها عناد

من شاف ما اكو مفر وكلها رادت منه هيج استسلم  وكال ماجايب حلقة ماترهم الشغلة خلوها على غير مرة

نجوى

انحبطت  كدر يفلت من الموقف بس وحدة من الموجودات بالعرس نزعت محبسها وانطته اله

_ هاك لبسها الهة تتهنون بيه ان شاء

نجوى

باوعتله بخباثة ومكر يعني ماضل اله عذر اخذ المحبس  وكعد ركبة ونص بس متردد مايريد يسويها لو ما الكل جبره  حجاهة من فوك خشمه

همام : نجوى تقبلين تتزوجيني !

اصلان :  شوي تعب  نفسك واحجيها برقة  واحساس  شنو طالب راس بصل  من فوك تحجيها 

سحب نفس وحاول يضهر مشاعره واحاسيسه  : تقبلين تتزوجي  نجوى

نجوى

حركت راسي   والفرحة ماسايعتني واتلفت على الموجودين ماجنت متوقعة راح يسويهة مد لي ايده حتى يلبسني المحبس وقربت اصبعي  وخلا المحبس بيه على كعدته جر  جف ايدي وباسهة  لحضتها حسيت  ملكت الدنيا بس قاطع فرحتي عزيز اخذ صورة لهمام وهو جاثي ويبوس بأيدي  ويكوله الا اشوفهة لربعك  واكول الهم هاي تاليت  ريسكم  المرة حكمته  وصار امره بيدها

كام همام على حيله  ومد ايده حتى ينطيه التلفون وهذا معند ماينطيه 

همام : عزيز انطيني التلفون احسنلك  واتجفى شري

عزيز :  امشي لك زوج انطيك التلفون  حياتك هسة  صارت بيدي  بس تضوجني صورتك  تلكاها يم جماعتك  واخلي الكل يصنف عليك 

همام : هيج يعني بس اللزمك اخليك تتندم عالساعة الوكعت بيدي بيها

نجوى

هجم عليه حتى ياخذه منه بس عزيز طفر وانهزم  وهمام يركض وراه حتى ياخذ منه التلفون   وسيري بقت تضرب برجالها الكاع تصيح عليه حتى يرجع 

سيري : عزيز عوفه ارجع لاتخرب العرس علينا   عزيزززز ارجع

نجوى

جدي هم صاح عليهم حتى يرجعون بس صارو بعاد مايسمعون صوتنا سيري گلبتها مناحة والموجودين بقو بقلق لا واحد يكتل الاخر 

ورة نص ساعة رجعو اثنينهم ملابسهم عليها تراب  ومبهذلة وعزيز قاطه متشكك عليه ومبين عليه مكتول كتلة زينة  بس يستاهل ليش يتحارش بأخوه 

اني من شفت همام اعصابه واصلة لخشمه ينفض بملابسه  غلست وسويت نفسي ماعلي بشي بس جدي حجى عليهم ورزلهم اشلون هيج يسوون عافو الناس وراحو يتراكضون بالجولة  ما احترمو احد من المعازيم حجى عزيز بالكوة  لازم فجه يعدل بيه

عزيز : يابة امسحوها بوجهي بعد ماتنعاد

همام : لاعيدها حتى ما ارجعك حي اخاف هاي المرة بس كسرت التلفون على راسك و رجعتك لخاطر جدك 

المرة الجاي ادفنك بمكانك واجي

عزيز : هو انت شخليت بية  كسرتني ما خليت عضم صاغ مدري شلون   ادبرها ويا سيري يابة اليوم لا تنتظرون منا نيشان  من هسة انطيكم خبر عطلت وماضل بية خير 

نجوى

ضحكو كل الموجودين عليه  جدي كاله اخذ عروستك وروحو لبيتكم ارتاحو  فشلتنا الله يطيح حظك راح يعرج ليم سيري ولزم ايدها وهي تباوعله بعصبية بس لا راح تكتله هي هم  بالغرفة  وصلناهم لباب البيت  والبنات  والنسوان يصفگن ويهلهلن

وهو يكول الهن ضمنها لباجر

همة  دخلو  والناس  وكفو دقايق  وكلمن راح لبيته بقينا بس احنى وابو محمود   وام محمود

محمود ماشفته طول العرس  سألت عليه گالو رايح يسرح بالحلال عرفت هو تعمد يروح  بعدها همَ  هم راحو  لزم جدي ايد وايد همام  وحجى بجدية

اصلان : همام نجوى بأمانتك  دير بالك عليها وخليها بعيونك  ما اريدك فد يوم تزعلها لو تضوجها هاي الغالية والوفية مالتي

همام : ما يحتاج توصيني مستحيا افرط بشي ملكي لو على كطع راسي 

اصلان : ادري بيك كدها ومتخيب املي

نجوى : الله يخليك النا جدي ويديمك وفوك راسنا

اصلان : يلا امشو نرجع هذولا شغلتهم مطولة ما اكو داعي نبقى  مد ايده اليمنى لهمام ولزمها  واني جلبت بأيده اليسرى ومشينا لبيتنا  نخطط لعرسنا اني وهمام  وجدي 

النهاية

شلونها جانت القصة  لاتكولون اختصرتي ما احب الجر  والعر والاحداث المتكررة