.

صوتو ⭐⭐⭐⭐

علقو .....

قصة

اجتياح

الفصل : ٢٥

نجوى

من اليوم الي راحو عزيز وهمام لبغداد علمود جدي واني عيني عالطريق اتاني رجعتهم وكل يوم يمر و يروح  واني ادعي لألله يرجعهم سالمين

سيري : مو احسن مني خسرت ابوهة وتخاف تخسر عزيز  وما يبقالهة احد  وفوك كل هذا هي هنا لا تعرف احد ولا متعودة عالعيشة هنا  كلشي صعب عليها على طول متمددة بفراشهة ودايرة وجها للحايط

واميرة بدال ما تخفف عنها گاعدة وتتغزل  بعزيز بحكم هي صديقته من زمان وعايشين سوة تحجيلها شلون جاونو يطلعون سوة  ومرة ضايعين بالجبال يومين يلا لاگينهم  وانوب تكول الها شكد جنت ثولة وعلى نياتي لو محصلة منه بوسة حضنه  ضلينا يومين وحدنا 

وسيري  من كل عقلها انفعلت وبينت عليها الغيرة   واميرة مستمرة تحجيلها كل ذكرياتهم سوة  خلت عدها شك بأن اميرة للأن حاطة عينها على عزيز 

مادري شلون مرن الجم يوم واني انتظرهم  ومحمود كل مايصير عنده فراغ يجي يطمن علي يعرفني متعلقة بيهم  وانتظرهم على نار وهم يدور اي امل نرجع سوة 

بعد ما شفت محاولاته وياي قررت انطيه فرصة واطلع من حب عزيز الي من طرف واحد  واللگى حياتي ويا محمود ايجوز راح اتقبله واحبه بعد الزواج الله اعلم  قررت احجيله ورة ما يرجعون

بيومهة جنت كاعدة وانتظرهم اني وسيري  واميرة الي زلگت عليها عافت عزيز انوب تسألها شلون هيج هي ناعمة وحلوة و شعرها هذا حقيقي لو صبغ

وجان نسمع صوت سيارة اتقربت رأسًا كمت ركض ع الصوت  وشفتها سيارة بيضة جبيرة مو نفس الي راحو بيها  حسيت بخيبة امل مو همة  بعدني اريد ارجع  انفتح الباب ونزل همام جان يسوق بيها 

شهكت بفرحة وركضت عليه  ردت اسأل  وين جدي  بس هو سبقني وفتح الباب الخلفي جان كاعدين بيه عزيز وجدي

فرحتي  بشوفة  جدي  جانت  اكثر من كلهم  لأنه كلشي بالنسبة لي  هو ابوي وامي واخواني الما شفتهم ولا عرفتهم  وخسارته تعني خسارة كل اهلي وناسي 

من نزلوه  من السيارة رأسا دخلت  بحضنه و  حظنته وكمت ابجي بشهگات ممصدگة رجع  بخير وسلامة  ما جنت اريد اعوفه  اريد اجلب بيه لأخر عمري 

لكن ابو محمود  من اجى  بعدني  عنه بحجة خل يرتاح بعدهة اجت سيري  بقت واگفة شوي بعيد عن جدي وتباوعله ببرود  ماجان عدها اي مشاعر تجاهه  من شافهة ساكتة گال الها

اصلان : البقية بحياتج بنتي رغم كلشي سواه بس  يبقى ابني  وخسارته وجعت گلبي

سيري : اصلًا كله سببك  ما عرفت تنطيه حب واهتمام

ما عرفت تسال شنو يحب وشنو  يريد  ، بعمرك ماحسسته انه ابنك  ولازم تحبه وتعامله بحب وحنان، جنت محسسه انه مجرد خادم ينفذ كلامك ومايعترض على اي شي  واذا اعترض تستغني عته وتبدله كأنه شي رخيص عندك  ولا كأنه ابنك من صلبك

عزيز : سيري  مو وقتها هسة

نجوى

سكتت وراحت يم عزيز الي حاوطهة بأديه بكل حنان حتى يخفف عن حزنهة  وانفعالها

بعدين  ابو محمود من شاف الجو متوتر اقترح  ندخله جوة  حتى يرتاح الوگفة ماتفيده

دخلناه وگعدت يمه لازمة اديه  وكلي سرور هسة البيت صار له حياة برجعة جدي  وهمام  وعزيز حسيت بهاي الدقايق من اجمل ايام عمري  وما اريدهن يخلصن ويبقن طول العمر  

لليل اختفو عزيز وهمام واني واميرة وامهة و سيري واگفة ويانة نسوي عشة بمناسبة رجعة جدي صبينا عشى وگعدنا احنى  وبيت ابو محمود عائلة وحدة  وبعدهم ما راجعين ضل بالي عليهم

همست لسيري : ماتعرفين وين راحو عزيز وهمام

سيري : لا 

نجوى : وين اختفو فجأة

سيري : مو جانو هنا  قبل ساعتين

نجوى : اي بس مدري وين راحو   دورت عليهم ما اكو

اتلفتت سيري حواليها : حتى اميرة ما اكو

نجوى : اميرة شعليهة

سيري : هاي الحقيرة اليوم اگلب الدنيا على راسهة اذا لگيتهة يم عزيز وتتمايع ادري بيها مرخصة نفسها عليه ماتكول هو عنده حبيبة

نجوى

گامت من مكانهة تدور عليهم  وحاطة ببالها بس تلگاهم تخلص عليهم لو تفضحها جدام اهلها

ما تعرف اميرة حتى جدام ابوهة تتغزل بيهم وما تخاف واهلها ماخذين الأمر على انه بس تهذي كل مرة يرزلونه ويگولون الهة كبرتي عيب بس مايفيد الي يعجبها عادي تتغزل بيه جدام الكل بدون ماتضم شي

سيري : خالة وين بنتج

نشمية : اميرة راحت تجيب اللبن من بيتنا اني دزيتهة هسة على جية

دخلت اميرة بيدهة دولكة اللبن تفر بعيونهة من عصبية سيري بعدين عبرت من يمهة وخلت الدولكة يم الأكل وكعدت يم امهة

حاولت سيري تهدا اعصابهة وتسوي نفسها طبيعية بعدها ما رجعت لمكانهة دخلو اثنينهم والمشكلة صابرين نسخة وحدة ماينعرفون نفس الملابس نفس الشعر نفس الوگفة

سيري داخت ماتعرف اي واحد بيهم عزيز وكذلك كلهم نفس حالة سيري ما كدرو يعرفون منو بيهم عزيز ومنو بيهم همام

ضليت ادور فد علامة اكدر اعرفهم من خلالهة عجزت مامخلين اي اثر يفصلهم عن الشبه

بعد ما يأسو الكل من معرفتهم

سيري : عزيز لاتسوي هيج ترى هسة انزعكم ملابسكم واعرفك من الأصابة

كل الگاعدين ضحكو عليها بنظرها جان هذا اقرب حل حتى ينعرفون لكن جدي خفف عنها الوضع و حجة بضحكة

اصلان : على كيفج بنتي ترى هم معروفين ما يحتاج تنزعينهم ملابسهم جدام الأوادم تعالي يمي اني اگولج

الي عاليمين همام والي عاليسار عزيز

صفنت سيري شوي واتقربت على جهة الي اشار بيهة لعزيز وحاجته بصيغة امر صاكةعلى سنونهة : ارفع بلوزتك خل نشوف

نجوى

ضحك على عقلها ورفعها وفعلا جان هو عزيز لأن الصابة صايرة جوة صدرة عكس همام الي اصابته بخاصرته

سألته سيري بدهشة : هاي شلون گدرت تفرق بينهم بسهولة

اصلان : اصلاً الفرق واضح وضوح الشمس بينهم ،

لو شكد ما جان عزيز ممثل ويكدر يتقمص شخصية اخوه ويصير مثله حتى يخلونه نخربط بيناتهم

لكن مايعرف انه يشبه ابوه و عنده نفس الأعاقة الي يمكن محد منتبه الها وهي  رجله اليمنى تتقدم على رجله اليسرى من يوكف مايصيرن بمستوى واحد بيهن اختلافى بينما رجلين همام مابيهن شي بمستوة واحد

نجوى

باوعنا كلنا لرجليه وفعلا جانت رجله اليمنى تتقدم عن رجله اليسرى بشي بسيط بالكاد يبين

من شافهة گبل قدمها بنفس مستوى رجله الثانية عود يدارك الوضع : حتى هاي لگفتها خربت علينا المفاجأة عود ردنا نشوفكم تعرفون تفرقون بينا لو لا

سيري : انا جنت راح استخدم طريقتي اخليكم تنزعون ملابسكم واعرفكم

عزيز : همزين اصاباتنة صايرة فوك جان انفضحنا ويا سيري تخلينا ننزع غصبًا علينا كل ماتشوفنا سوى ههههههه

لكزته على جتفه

عزيز : هاي عرفتي نقطة اختلافنا باوعي لرجلينا وعوفي نزع الملابس

همام : غير اذا فكرت بهالشي بس مجرد تفكير اصفعهة كف اخليها من بعد ميل تفرق بينا

نجوى

ضحك عزيز على كلام همام لكن خزرته  سيري خلته يسكت حضن ايدهة واجو كعدو بمكاني

عزيز : گومي منا نجوى شنو ماخذة المكان خاوة

نجوى

گومني وگعد هو و سيري على يمينه

برطمت وحجيت بزعل : شكد نحيس كل هالأماكن تكومني من يم جدي ما تدري شكد مشتاقتله وجنت احسب دقيقة دقيقة لرجعته

عزيز : قابل هو بس جدج ترى كلنا عدنا حصة بيه واذا جنتي تحسبين الدقايق

نجوى

كعدت من الجهة الاخرى مبوزة بوجه عزيز. اخذني جدي لحظنه ومسح على شعري

اصلان : لا عليج بيه يغار منج لأن محبتج بگلبي اكبر منه بسته من راسه بأبتسامة رضى

بعدين اشر لهمام يجي يكعد يمي

اجى وكعد ما عاجبه الوضع يمكن هو هم يغار مني لأن جدي يعاملني بحينة اكثر منهم

اصلان : اتمنى تبقى لمتنا هيج حلوة طول العمر ومايفرقنا شي

واعوضكم عن كل الي خسرتوه بحياتكم

قاطعتنا سيري بعزم  : جدي اني اقترح لو نبني بيت غير هذا لأن ما يكفي وانجيب اثاث و كهرباء او نرجع للمدينة العيشة هنا مستحيلة

عزيز : على اساس كلتي تروحين وياي لأخر الدنيا ومايهمج شي،

سيري : وبعدني على رأيي بس الواحد ما يهلك نفسه بنفسه

انت شايف هذا البيت شكدوته اشلون نعيش بيه

همام : على كيفج يالصفرا ترى ندري انتي من نعومة اضافرج عايشة بفيلا وخدم وحشم وناس تسهر على راحتج بس هسة اتغير الوضع يعني حالج حالنا وان ما عجبج ارجعي لبغداد هناك عيشي براحتج

صكت على سنونهة بغيظ : عزيز احجي وياه هو شعليه يجاوب من مكانه

عزيز : ماتحجين انتي وياه عود من يحجي وياي اجاوبه

نفخت و دارت وجهة بزعل وكتفت اديهة

اصلان : همام لاتحجي عليهة هي متعلمة على عيشة الترف وحقهة تگول هيج بنتي سوي الي تريدينه وابني البيت الي تحلمين بيه هنا

قاطعه همام مرة ثانية : وجفينا شرج

ضحكت لاحظت همام يحب يستفزهة بالكلام وهي بساع تتحسس منه مدري هي حساسة وماتتحمل الكلام

ابو محمود : صدك ابو تميم هذا البيت ما عاد يكفيكم لازم تكبرونه هاي احفادك كثيرو ولازم تأمن مستقبلهم باجر عگبة يتزوجون

محمود : لا تخاف عليهم اني راح اطلعهم للسراحة وياي من باجر اريدكم تكونون نشطين ترى وقت الشغل لا لخاطر عمك ولا لخاطر خالك الي يتهاون گبل اعاقبه

همام : ديلا اشلون ذلة انوب محمود صار يتامر بينا ويمننا بالشغل يمه

محمود : غير اريد مصلحتكم لازم تدبرون عيشتكم حتى تكونون نفسكم و تتزوجون خوما تبقون عالة على گلب جدكم هو يشتغل ويوكلكم

عزيز : هو اذا انت صاحب الشغل وصارلك عمر لا مكون نفسك ولا متزوج تريد احنى نشتغل يمك حتى نكون نفسنا ونتزوج

محمود : اذا جنت مگابل بومة مثلك اربع وعشرين ساعة طبعًا لا اكون نفسي ولا اتزوج

همام : انت معليك بعيشتنة ولا احد يتدخل بية ترى بعدني اكفخ لا عبالكم بطلت وصرت حباب

مسلم : غير محمود بالبداية عباله انت ملبوس و الجن المتلبس بيك يمشي ويكفخ بالأوادم هههههه

محمود : والله شكله جان يوحي انهُ ملبوس واللابسه جن من الجنون الخطيرة قابل چاذب اني ماشفتوه شلون جان يتصرف

عزيز : يبين فـايتني جثير مستجدات بغيابي احجو لي و اصدموني لا تضمون علي

اميرة : اني احجي لك من اول ما اجى اخوك لحد ماراح

عزيز : اي والله اريد اعرف شسوى من. وراي كاتل ناهب متحرش ترى جان متقمص شخصيتي يعني اني الي يطيح حظي

اميرة : لا وين رحت بس من گعد حالته مگلوبة ومسوي نفسه شقاوة ياهو يعبر من جدامه ياخذ له كف ودفرة ويعبر بسبب وبدون سبب

سيري : خلونا ناكل الاكل برد مو طيب اذا يبرد

نجوى

حجتهة خازرة عزيز بنظراتهة

هو هم سكت وتعشينا باوعت لهمام ياكل بشهية عكس قبل جان يريد احد يصيحه لو ما ياكل الا يجوع فد مرة

انطيته صحني اني بمجرد شوفتهم كلهم سوة شبعتي

همام : و انت ؟

نجوى : اني شبعت

عزيز : اشو قبل جنتي ماتخلين شي ما تاكلينه لو هذا حظي الأغبر

نجوى : شوف من يحجي هو انت جنت ماتخلي شي ماتاكله

سيري : تحجون صدگ ! ماتخلون شي ماتاكلونه مو شي غريب

عزيز : شنو الغريب بالموضوع

سيري : ليش هو شكو بالبيت حتى تاكلوه اشو شكله فارغ و حتى ثلاجة ماعدكم !!

بقو صافنين عليها ماعدهم جواب الهة

عزيز : هسة شحجاج طيرتي جبهاتنة

سيري : قابل شكلت اني

عزيز : لا گلتي شي  بس ممنتبهة هههههه

نجوى

من شفت الوجو  حلو وكلنا ملتمين احنى وبيت ابو محمود  قررت افاتحهم بموضوعي ويا  محمود  اتشجعت واخذت نفس وگلت  من بعد اذنكم اريد احجي شي  بخصوصنا اني ومحمود

كلهم رفعو راسهم علي واولهم محمود  ردت اكمل الحجي  انتبهت لهمام يباوعلي بطريقة الي افتهمته منه انه مايريدني اكمل واحجي ومن الجهة الثانية محمود جان ينتظري اكمل  حتى يعرف شنو هالموضوع   اتوترت وبلعت ريجي بقيت مثل بلاع الموس لا  اكدر اكمل ولا اكدر اسكت  

تالي استسلمت وگلت بكلمات مخربطة وصوت مرتجف  بالكوة موزانته  اني اعتذر من كلبي لأن جرحت مشاعره بيوم من الايام اتمنى ما يضل بكلبه ونرجع مثل گبل  اخوى و اصدقاء ... احجي وعيوني بعيونه شفته شلون  انكسر خاطره بس كابر على روحه

محمود : اعتذارج مقبول  مايحتاج تكولين تضلين غالية علي وشوكت ما احتاجيتي اني  موجود  يمج

بعد العشة والتعلولة كلمن راح لبيته ولفراشه  ونام اني وسيري بغرفة وجدي واحفاده بغرفة

ومثل كل يوم كعدت من غبشة افتر عالدجاج واشوف الناقص  ما كعدت احد بيهم خليتهم نايمين  شكلهم تعبانين وسيري ماتعكد من وكت

دخلت على خرابة الصخول اتفقدهن سديت الباب  خفيف حتى لاتطلع الصخلة الثولة وتضيع دربها

بعدني  جاي اتفقد اذا منقصات علف لو مي  ما حسيت الا واحد خلة ايده على حلگي  والثاني على خصري  ولزگ ضهري على صدره

........

لندن شقة مرام ....

زيد : طيب راح انطيج الوقت الي تريده بس لا تستخدمين الوقت للذكريات السيئة استخدميه لبداية حياة جديدة مشطوب كل الماضي منها وكأنَ اليوم اللتقينا واليوم اتعرفنا على بعض والبعدهة كلشي امحيه من ذاكرتج

مرام : ليش هو اني عندي ذكريات حلوة حتى ما استخدمه للذكريات التوجع الگلب من يوم العفتني تعرف شكد جان عمري وشگد هسة صار !!! ولا يوم ماعشت عيشة حلوة تستحق اذكرهة  كل ايامي مرن ضيم بضيم  كل ايامي جنت اللعن الساعة الصرت بيها 

زيد

شفت شكد وجع بكلامها وشكد معانية من بعدت عنها بحيث حتى من تحجي اكو خوف بعيونها و اني  هسة جاي ادور  نعيش حياة سعيدة  اخذت نفس بقهر  وكلت لبنتي  : يلا بنتي صيحي اولادج خل نروح منا من توافقين تتزوجيني  راح نجي ونطلب ايدج وتكونين زوجتي وملكي

وكفت حرى على طولها و

صاحتهم ومامستوعبة شي

طلعنا من العمارة وسألتني بحيرة : وهسة وين نروح انت ليش جبتنا لهنا بابا  ليش جبتنا تبهذل بينا

زيد : لا بنتي اني جبتكم حتى احميكم واامن الكم حياة صتفية قبل لا اموت

حرى :  يعني  راح تموت بابا

زيد

حجتهة برجفة  وخوف  حسيت بنفسي هواي داجيب طاري الموت جدامهم  فلطفت الجو وغيرت الموضوع :  يابة الاعمار بيد الله  قابل كلمن گال راح اموت وصدك مات هسة خليني اللگي حجة اقنع مرام بيها ترضى بية  ونتزوج  ترى بعد ما اصبر

باوعت للعمارة راح نأجر هنا قريب عنها ما اريد هذاك اللزگة يستغل الي صار ويتقدم الهة قبلي رحت للحارس وسألته والحمد لله طلع عراقي وخلصني من سالفتة اللغة

بس ما انطاني امل كل العمارة مأجرة ماباقي غير شقة هي بالأساس مخزن جوة العمارة متروك من زمان كالي اذا اريدهة حتى ياحاجي صاحب العمارة وافقت مجبور. حتى ابقى قريب عنها  واكدر اقنعها

اتصل بصاحب العمارة مافهمت شي من حجيهم بس عرفت هو جاي يحجي له عني شوي وسد التلفون

_ گالي راح يمر للعمارة يريد يشوفك وياخذ معلومات منك تعرف اجراءات زلازمة حتى يگدر يسكنك بعمارته

زيد : يعني هو وافق !!!

_ ليش اجذب عليك ما كال شي يأكد على موافقته بس كال راح امر للعمارة واشوفه وان شاء الله يوافق. واذا ما وافق تعالو ببيتي مفتوح الكم عين غطى وعين فراش

زيد : تسلم خل نشوف شيگول

دخلنا الرجال للغرفة المخصصة اله وضلينا نسولف هو يحجي لي عن حياته هنا و احنى نسمع منه

بدت الضوجة على وجه حرى  بسبب التعب و الوضع الي احنى بيه،

ورى ساعات اجى صاحب العمارة وماراد ياجرنا المخزن ما اقتنع بينا لو لا الحارس تكفلنا واضطريت انطيه جواز سفري كضمان لتأجيرنا المخزن يلا اقتنع مع كوووم نصايح لازم نطبقها وما نتجاوزها خلال فترة اقامتنا بالعمارة وافقنا عليها وسلمنا المفتاح

اول ما فتحنا الباب كفختنا ريحة العفونة عبالك گبر

_ گتلك المخزن متروك من زمان محد يستخدمه

زيد : مو مشكلة يتنظف ويرجع جديد

اخذنا الشقة ونضفناهة بس الرطوبة والعفونة البيها تشك الخشم شك بالگوة تنحمل حتى بعد التنظيف 

اجتنا مرام فاتحة حلگهة من الدهشة : شجابركم تسكونون هنا هذا المخزن راح يموتكم

زيد : انتي الي جابرتنا وافقي علي حتى نأجر بغير مكان

مرام : زيد مو هيج تنحل فكر باحفادك. خطية هاي الرطوبة والعفونة راح تقتلهم

زيد : شعليج بينا احنى راضين لو حتى بحياتنا تدخلين

مرام : گتلك احفادك راح يتمرضون هنا انت ماتشتم العفونة لو شنو

زيد : اشتم العفونة و خطيتهم برگبتج 

مرام : هاااا اني شعلي

زيد : ماتوافقين علي واني گاعد هنا غصبًا عني وشيصير بينا انتي المسؤولة  

مرام : يعني اذا ما وافقت ما تطلع منا

زيد : ابد وتحملي ذنبنا

مرام : لاتحاول تذب الصوج بية اني شعلي انت تحمل ذنبهم ليش انت مو جدهم متحس ولو انت لو عندك احساس ما وصلت لهاي الحالة

راحت من يمنا  لشقتها

حرى : بابا الله يخليك طلعنا منا ما اريد ولدي يتأذون وين انطي وجهي بيهم  ما اندل كلشي

زيد : اصبري هالفترى  اذا ما وافقت نطلع منا

حرى : شيصبرني ما اكدر

زيد : حرى اصبري لخاطري بنتي

حرى : شكد تريد اصبري لحد ما يرحون من ايدي

زيد : محد يروح منج واني اشتم الهوة الي يقرب عليهم خل يتعداني بالأول

ورة جم شافت ودود يگح ونفسه ضايق عليه  رجعت النة مرة ثانية ترزل بينا

مرام : شوفه شلون يگح راح رأته تلتهب من العفونة وانت بعدك بعنادك

زيد : مازال تعرفين وافقي بية حتى نطلع ومانموت موتـ.....

قاطعتني وخلت ايدهة على حلگي حتى لا اكمل الجملة وكالت : لاكافي لاتجيب الموت على لسانك موافقة بس اطلع من هل مكان خطية الأولاد شنو ذنبهم

وخرت ايدهة من حلگي واني ممصدگ اخاف ناصبة علي ومع هذا الفرحة ترست گلبي  : دگولي هيج من البداية لو الة تعلين گلبي عل يلا توافقين 

قربت چفهة لحلگي وبسته وبعدها حظنهتا حضنة شوگ سنين طوال مفارگهة بيهن

وحرى مغمضة عيون ودود و تصيح علي : بابا لاجدامهم هاي انت عود  الجبير

زيد : خلينا نتزوج بساع ونفضها لأن حرى حالفة تنتقم مني وما تخليني اخذ راحتي وياج

زيد : خلينا نتزوج بساع ونفضها لأن حرى حالفة تنتقم مني وما تخليني اخذ راحتي وياج

مرام : اوگف  كتلك خل احجي ويا اياد  ما اريده يحس جاي اتجاهل وجوده 

زيد : اوهوو انوب علينا اياد  ترى والله  بالگوة مصبر روحي خلينا نعقد  ونتجفى الشر ....

اجى ببالي ابوسهة بوسة اطلع ضيم سنيني بس بنتي واحفادي  كلهم مگابليني وگاطعين علي رزقي

مرام

اتملصت منهم ورحتي  لشقتي  حسيت بنفسي مراهقة  رغم كل السواه بس من صدك ردته   واريد اعيش وياه  بس جنت خايفة من ردت فعل اياد  شلون تكون هو هم ما عافني بأسوء ايامي  وحبني وعرض علي الزواج  اكثر من مرة جنت بين نارين اتصلت على اياد لازم يجي واحجي وياه  وجها لوجه 

حجيت بأرتباك  : شلونك اياد

اياد : زين  خطارج بعده يمج لو ولى

مرام :  اياد تكدر تجيني اليوم ! اريد احجي وياك بموضوع كلش   مهم

اياد :  خير شنو هو

مرام : لازم تجي لأنه معقد شوي

اياد : يعني ماينحجي عالتلفون !

مرام : لا

اياد : خير ان شاء الله بس ما اكدر اجي هذا الأسبوع لأن اني حاليًا بغير ولاية بسبب الشغل وصعب اجي يعني اذا بيه مجال احجيه بالتفلون واني مستعد اسمعج للأخر

مرام : ليش ما عندي خبر اني

اياد : ردت اكولج بس ما جنتي متفرغة  الي حايرة بخطارج المهم اخلص الشغل  ونحجي براحتنا

مرام : تمام الله وياك  منتظرتك

سديت التلفون وكعدت افكر شنو راح تكون ردة فعله وشلون اتجرأ واحجي وياه بهيج موضوع ياربي سهلها علي مالي غيرك

رجعت الهم العصر  جان مدد عالقنفة ومخلي ايده  على عيونه اتقربت يمه شبيه گلبي كل ما اتقرب عليه ينسى كل غدره لية مو هو عافني  وخلا حياتي تصير جحيم مو بسببه نواب شوفني نجوم الضهر شبية ما اكدر  اكرهه شبية ماصدكت من اجى نسيت كلشي  ورضيت بيه

بين ما اني صافنة عليه واعاتب بروحي فتح عيونه وبقى صافن علي  واحد يباوع للاخ نظراتنا گامت هي تحجي بدون ما ينطق لسانة  بعدين اتحمحمت حتى اغير الموضوع  وگلت : اجيت اخذ حرة والجهال يمي اذا بقو هنا راح يختنگون

زيد : واني ما تاخذيني وياهم !

مرام : انت مو هسة

زيد : شوكت

مرام : بعد

زيد : ترى جاي تلوعيني  بكلامج حسي بية شوي

مرام : تريد احس بيك وانت ماحسيت بية من عفتني على ذاك الطريق اترجاك ماتعوفني بس سويت البراسك   ... گام من مكانه ولزم ايدي  مو كتلج ابوج رفضني علمود الفلوس  خليت روحي بحلگ الموت وانترست من شعر راسي لحد اصابع رجلي ذنوب وتالي اللگاج ما اكو ومنهزمة  

مرام : طبعًا انهزم انت تعرف شصار بية من عفتني  شفت انواع الذل والعذاب لو گايلي انتظريني اجيب فلوس وارجع  جان بقى بگلبي امل بس انت رحت بدون ماتگول شي خليتني محطمة 

زيد : مرام ابوس ايدج كافي عتاب خلينا نبدي من جديد  لا كل ما احجي كلمة تذكريني ان اني سبب دمارج  وغلات سليم عندج خلينا ننسى

مرام

اجت  حرة وكلبت الموضوع : حرة اجيت اخذج وياي لشقتي خطية الاطفال هنا يختنگون

باوعت لأبوهة تريد تعرف رأييه اذا جان يقبل او لا

زيد : روحي وياهة احسنلكم

مرام

اتنهدت وصاحت عليهم اجوهة ركض بس ابنهة المريض  ما اجى هي راحت له

اتعودو على شقتي وارتاحو بيهة  واني ما بخلت عليهم بشي جبتلهم ملابس جديدة تناسبهم من المنضمة الخيرية 

حرة جانت مستحية من ملابسها الجديدة  رغم جانت مستورة  لأن من اجت لابسة عبا وحجاب 

طمتنهة ما اكو احد غيرنا ما اكو داعي تستحي

وحجتي  عن حياتهة بالعراق شلون اتزوجت وشلون ترملت جان حجيهة عن زوجها مختصر وبس جان واضح من لمعة عيونهة وهي تسولف بيه شگد تحبه بس  القدر ما خلاهم يكملون حياتهم سوة

زيد جان كل شوي يجي يتحجج بشغلة يريد يعرف جوابي كتله من احجي  ويا اياد انطيك جوابي وهذا الأمر مضوجه ليش مسوية قيمة لأياد  وانتظره حتى يجي 

خلص الأسبوع واجى اياد فتحو له ولد حرة الباب بدون مايعرفون منو الي دك الباب لأن ما كتلهم حتى لاينحرجون  ويرجعون للمخزن   امهم صاحت عليهم ما يفتحون الباب بدون اذن مني

كتله عادي عادي  احجي وانزع بالمريول   خليته بمكانه واتجهت للباب  وخايفة من ردت فعله

يتبع  ..