سِر آخر

. ________________________ إقتحمو المكان وإستطاعو أن ينقذو الفتايات منه (على حسب ظنهم) وخرجوا لكن الفتايات لم يعترفو بأنهم كانو محتجزين، بل أصرو على أن عارف صديق قديم وهن كانو يتسلين فقط. __________________ كان صوت ضحكاتهم سويًا يملأ المكان، حتى أتت حوريه ونسمه وباقي العائله للإطمئنان. _ الحمدلله على سلامتك يا چوچو. قالتها ألاء بهدوء لتومئ لها چودي بإمتنان، لكنها لاحظت عبوث الشباب فسألتهم بحيره عمّا يغضبهم فقال نوح: _ الهوانم كانو هيموتو واتخطفو وفي الاخر قالو دا كنا بنتسلى، وطلعوه منها دول بيستهبلو، حتى مقالوش أن هو اللي عمل فيكي كده ده. فقالت چودي: _ يا جماعه مش مستاهله ده كلو اكيد هما عندهم سبب يعني، وبعدين أنا مسمحاه أصلًا. فقال ليل بغضب: _ وده ازاي ده بقى يختي؟ _ عادي مفيش حد وحش بمزاجه وهو اكيد كان عنده سبب برضو للي عمله بلاش ندخل في نوايا الناس. أكدت حبيبه ونجاة وألاء على حديثها ببلاهه، ليجدو أن الجميع ينظر لهم بزهول تام. _ نعم يماما نعم؟ انتو الأربعه أهبل من بعض، احنا اصلًا غلطانين إننا جينا كنتو خليكو مخطوفين احسن. بعد دقائق من مناقشاتهم الحاده، طرق أحدهم الباب وكان وجهه غير ظاهر بسبب تلك الورود التي حملها. دخل وقال بإبتسامه وهو يُظهِر وجهه: _ الحمدلله على سلامتك يا آنسه، أنا اكيد مكانش قصدي أعمل كده، مشكلتي مكانتش معاكي انتِ أنا متأسف جدًا. نظرت له ببلاهه وقالت: _ شوفتو يا جماعه قولتلكو مكانش قصده. بينما اقترب منه نوح وأمسكه من تلابيبه وقال: _ ولا انت عايز ايه يلا؟ _ وانت مالك يا أخو؟ حد داسلك على طرف؟ _ لا يا روح ماما، ومحدش يقدر، بس خليها في دماغك كلمه، اللي يقرب من حاجه تخص نوح بيتعلم عليه جامد اوي، وانت بقى قربت من أغلى حاجه عنده، دا غير أن لسانك خاطب لسانها وده مش مقبول للأسف. كاد أن يُخرج ماديته من جيب بنطاله لكن قاطعته حبيبه التي قالت بإبتسامه عريضه: _ الله يا نوح انت بجد قولت كده؟ فنظر لها بهيام وهو يقول: _ واكتر من كده كمان، يابت دا أنتِ الحته بتاعتي. نظرت بعيدًا بخجل، لكن سرعان ما تداركت الموقف وعلمت أن الجميع ينظر لها، فعادت ملامحها طبيعيه من جديد، وغمزت لنوح بأن يخفي ماديته، همست له بدون أن ينتبه لها أحد وقالت: _ ماما واقفه يا نحنح بلاش المطوه دلوقتي خلاص بقى سيبه. فقال الآخر بعد أن ترك عارف يرحل: _ م بلاش ام نحنح دي، بتضيع الهيبه خالص. حمحم وأكمل: _ مع انها ضايعه من يوم ما حبيتك. عبث وجهها وصرخت بصوت مسموع انتبه له الجميع: _ نعم يعنيا؟ لا يا حبيبي فوق دا انا الهيبه كلها. قال: _ هو في هيبه عسل كده؟ يخربيت حلاوتك. خجلت من جديد، وقالت: _ خلاص حصل خير سامحتك. فإستمعت لصوت صفير يوسف الذي قال وهو ينظر نحو نجاة: _ إوعدنا يا رب. بينما نظرت ألاء لحذيفه بملل وقالت: _ انت ليه مبتقوليش كده؟ دا انت بتعاملني كأني عسكري عندك. _ كل واحد يخليه في خيبته لو سمحتي، مش كل حاجه نشوفها لازم نقلدها. كادت تكمل ذلك النقاش عازمة أمرها على أن ينتهي بشجار عنيف فهي تعشق ذلك لكن ما أوقفها انه استلم اتصالًا من أحدهم، فخرج سريعًا وأخبرها ان لديه عمل هام. _______________________ بعد مرور يوم واحد، خرجت چودي من المشفى، بعد أن تأكد الطبيب من أنها أصبحت بحاله جيده. _ مرتاحه كده؟ _ اه تمام كده. _ ولا اجيب حاجه طيب تسندي عليها، طب محتاجه ترجعي لورا شويه؟ أمسكت بيده وقالت بإبتسامه هادئه: _ بس خلاص والله انا كده تمام. _ طيب هنزل أجيب الأكل، مش هتأخر عليكي. أومأت له بإبتسامه، وذهب هو لإحضار طعامها. بعد دقائق دخل من جديد وبيده الطعام، جلس بجانب الفراش ووضع الطعام أمامها، فحاولت الإعتدال، نهض سريعًا ليساعدها، وشرع هو في إطعامها، على الرغم من رفضها التام. ___________________ كان يجلس على الأريكه يمسك هاتفه بإهتمام، إقتربت منه وقالت: _ صباح الخير. ترك الهاتف جانبًا وقال بسعاده: _ صباح العسل. _ يا سلام خير حصل ايه للروقان ده كلو؟ _ كفايه اني شوفتك ده عندي بالدنيا يا نوجه. نظرت بعيدًا بخجل وقالت: _ شكرًا. أدرك أنها خجلت فصمت وهو يراقبها بحب، حتى قالت هي: _ كنت عايزه أقولك على حاجه كده. _ قولي. _ بس متزعلش مني انا مليش ذنب، بص امبارح بعد م مشينا من عند چودي رن عليا عارف، مش عارفه جاب رقمي منين بس هو قال إن هو غرضه مكانش معاك، هو كان بيزاولك بس، قالي أنا غرضي مع حوريه هانم، جيت اسأله عن السبب، اتهرب وقفل الخط. _وهو يعرف امي منين؟ قاطع حديثهم دخول الاء بسعاده كبيره وقالت: _ صباح النور والله صباح العسل. _ ايه يا بنتي الفرحه دي انتِ كمان خير؟ قالت بسعاده: _ النهارده أنا وحذيفه هننزل نختار ديكور بيتنا سوا، علشان هو قرر يعمل كل حاجه على زوقي. _ وليل عارف بالكلام ده؟ _ طبعًا يا چو دي اكتر حاجه مفرحاني أنه خلاص موافق، وكمان علاقته بقت كويسه مع حذيفه. _ طب يا حبيبتي ربنا يتمم بخير. قالتها نجاه بسعاده. _ يارب يا نجاه ياارب، يلا عن إذنكو بقى علشان هو مستنيني قدام الباب. قالتها وهرولت نحو الخارج بسرعه كبيره، وجدته ينتظرها خارج السياره فقالت: _ اتأخرت عليك؟ _ لا خالص دي هي نص ساعه بس. _ يا دوب لحد ما لبست وخلصت يا زوزو في ايه متبقاش قموص اوي كده. _ زوزو وقموص؟ لا دا كده كتير اوي. تعالت ضحكاتها من ردة فعله على أقوالها. _ يا ست أنتِ تقولي الي يعجبك طالما هشوف الضحكه القمر دي. _ طب يلا بطل نحنحه قدامنا طريق طويل. نظر لها بإشمأزاز وقال: _ تصدقي فيكي رجوله عن العسكري الي بيشتغل معايا. _ متشكرين يا رجوله والله. قالتها وهي تدخل للسياره بإبتسامه. ________________________ عادت من عملها مُرهَقه جلست على الأريكه بتعب فجاء يوسف بهدوء وجلس بجانبها، فما كان منها سِوى أنها أسندت رأسها على كتفه وظلت صامته حتى قال هو بهدوء: _ هو أنتِ تعرفي عارف منين؟ إنتبهت لحديثه وقالت بصوت مهزوز: _ معرفهوش. أمسك بيدها وقال: _ ماما أنا مش عيل صغير وعارف كويس اوي من حركاتك دي انك عرفاه، بس منين؟ نظرت له بغموض وقالت: _ سيب كل حاجه لوقتها. فقال وهو يعود لجلسته من جديد: _ وانا واثق انك هتحكيلي في الوقت المناسب. ابتسمت ونهضت لتصعد لغرفتها لكن فاجأها نوح الذي قال وهو يقترب منها: _ ايه يا مرات ابويا على فين؟ _ طالعه أنام. _ لا مفيش منه الكلام ده، هنتغدى الأول. _ مش عايزه. سحبها نوح من يدها برفق وقال: _ لا هتاكلي الاول. قال يوسف: _ ولا ابعد ايدك عن امي يلا. وإقترب منها يوسف ساحبًا إياها لأحضانه فقال نوح: _ إكمني يتيم يعني؟ طب والله مهسيبها غير لما احضنها. وسحبها لتستقر بأحضانه وهو يخرج للآخر لسانه ليشعل غيظه فكاد يوسف أن يتحدث لكن حوريه قالت وهي تحتضنهم معًا: _ يا حبايبي انتو الإتنين عندي واحد. قال نوح: _ مش هناكل طيب؟ إبتسمت حوريه وقالت: _ طيب خلاص مدام مُصِر أوي كده، يلا. ___________________ في اليوم التالي، وفي منزل حوريه ونوح.... _صباح الخير. قالها عارف وهو يبسُط يديه بتفاؤل بينما تسائل الجميع عن وجوده فقال: _ مفيش كنت قاعد زهقان قولت أجي أستقر في بيت خالتي بقى. أنهى جملته وغمز لحوريه بتلاعُب. بينما دق قلب الأخرى بخوف كبير مِن أن يُكشف ذلك السر الذي لطالما حاولت إخفائه بكُل الطُرُق. ____________________ يُتبَع... لـِ/ ندىٰ مُحَمًَد