البارت الثامن والعشرين 🦋

نبدأ ✨

وداخل أحد المكاتب كان يجلس صقر وهو ينظر لهذا الشاب الذى يقترب منه وهو ينظر له بعيون حزينه وهو يقول :- للاسف لسه معرفتش مين الطرف التالت

نفخ صقر بضيق وهو يمسح وجهه بغضب ويقول :- انا لازم اعرف مين الشخص ده هو بيعمل حاجة انا مش فاهمها

نظر له الشاب بضيق وهو يقول :- جابر رفض يقول اى حاجه وكل إللى اعرفه منه أنه بدء ياذي حد معين بس مش عارف ازاى وانت وجود بخير

هز رأسه وهو ينهض بغضب ويقول :- فراس كان فى المستشفى انهارده

نظر له بصدمه وهو ينهض ويقول بذعر :- هو كويس حصل ايه

قال بقلق لم يختفى تجاه فراس :- الأطباء بيقولوا أنه كويس ومفيش حاجة بس انا مش مطمن

جلس بحزن وهو يقول :- انا اسف بحاول اعرف اى حاجة ولغيت دلوقتى مفيش فايدة والغريبة أن الشخص إللى عايز ياذيك من العيله

تنفس صقر بضيق وهو يدير له رأسه ويقول :- وانا زهقت من لعب العيال ده انا عايز اعرف مين بـ اى طريقه

هز له رأسه وهو ينهض ويقول :- وانا هحاول اعرف مين

نظر له صقر وهو يقول بتأكيد :- حاول تخلى بالك من نفسك لو هما عرفوا انك بتجيب اخبار ليا هياذوك

ابتسم له وهو يقول بتأكيد :- حاضر متقلقش عن ازنك

غادر هذا الشاب من الغرفه وقام صقر بجلوس من جديد وهو يضع يده خلف رأسه وهو يفكر فى من يكون عدوه الجديد والمسؤول عن كل شئ يحدث...،،،

✨✨✨✨✨✨✨✨✨✨✨✨✨✨

* فى اليوم التالى *

كان يهبط يونس وهو يستعد للذهاب الى المنزل وهو يتحدث مع سيلين التى تسير معه إلى الخارج حتى أوقفه عن السير صوت عمر وهو يقول :- يونس

توقف يونس وهو ينظر إلى عمر بصدمه وردد اسمه بتعجب :- عمر

اقترب منه عمر وهو يقف أمامه ويقول بهدوء :- ممكن اتكلم معك

نظر يونس إلى سيلين التى قالت وهى تغادر :- عن ازنكم

غادرت سيلين وقال يونس وهو يهز رأسه :- انا سامعك

قال عمر وهو ينظر له بتردد :- كنت عايز منك طلب

نظر له يونس بتعجب وقال وهو يضع يده على كتفه :- إللى انت عايزه ياعمر

نظر له بتعجب من حنانه وقال وهو يبتعد عنه :- انت محامى وانا عايز منك اوراق بالاملاك إللى تخصنى

نظر له يونس بصدمه من حديثه وقال بحزن :- عمر انت لسه بتفكر بطريقه دي

قال عمر وهو ينظر له بجمود :- دى مش طريقه ده حقى

قال يونس بنفى :- ده مش حق ده كره والكره آخره خسارت كل حاجة حلوة ياعمر

نظر له عمر بصمت وهو يراه يقترب منه ويضع يده على وجهه ويقول :- عمر انا ما صدقت رجعت تحبنى وعرفت غلطك انا مش عايز اخسر اخويا تانى العيله دى بتحبك وانا بحبك علشان خاطرى لو بتحبنى حاول تفهم كلامى ليك وشوف إللى بيحصل حواليك صح

نظر له عمر بشرود ثم قام بالابتعاد عنه بسرعه وهو يقول بغضب :- لا مش عايز افهم حاجة لو مش عايز تكون معايا بلاش عن ازنك

نظر له بحزن وهو يغادر أمامه بقلب بارد ليس بقلب عمر شقيقه الذى يعرفه، كان يفكر فيه حتى اقتربت من رقية وهى تقول بحزن :- متزعلش يايونس عمر كرهه دلوقتى اكبر من حبه ليك

قال يونس وهو ينظر لها بحزن :- انا مش عايز اخسر اخويا انا ماليش غيره يا عمتي

نظرت له وهى تضع يدها على وجهه بحنان :- عارفه ياحبيبى بس موت أمه قدام عينه ده حاجة صعب على قلبه وبذات أنها ماتت على ايد جود اكيد هيكره كل واحد فيكم

نظر لها يونس بحزن وقال صقر وهو يقترب منه بتأكيد :- عمتى رقيه معها حق

نظرت رقيه لـ صقر بحنان اكثر وهى تقول :- صقر انت هنا ياحبيبى حاول تكون مع يونس بلاش تسيبوا بعض

ابتسم لها صقر وهو يقول :- اكيد ياعمتى يونس روح شغلك دلوقتى وبعدين نتكلم

هز يونس رأسه وهو يغادر تحت أنظار رقيه التى قالت بحزن :- ربنا يكون فى عونه

نظر لها صقر بتأكيد وهو يقول بستفهام :- اومال فين فرح بدور عليها

إشارة إلى المطبخ وهى تقول :- بتعمل اكل لفراس

هز رأسه وهو يقول :- فهمت انا هروح لفراس عن ازنك

هزت راسها بتأكيد وهى تغادر بعيداً عنه وقام هو بالمغادرة للأعلى وهو يتوجه إلى غرفة فراس ....،،،،

✨✨✨✨✨✨✨✨✨✨✨✨✨✨

* دخل غرفة فراس *

كان ينام على الفراش يشعر بثقل شديد على معدته حاول انا يتنفس بهدوء وهو ينهض ويجلس باستقامة وهو يمسك تلك الأدوية الموضوعه بجواره وهو يفتحها ويضعها داخل فمه وهو يشعر بتعب شديد يقطع امعاءه الداخلية بشدة كأن هناك سكاكين حادة تشق بطنه، وبعد الانتهاء من أخذ الادويه التى يشعر أنها تزيد من وجعه وضع يده على فمه وهو يشعر بالغثيان، نهض بسرعه وهو يتوجه إلى حمام الغرفه بجواره وهو ينزل كل مافى بطنه ولكن شعر بصدمه وهو يرى الدماء تخرج من فمه، رجع للخلف بصدمه وهو ينظر للحوض أمامه دون فعل شئ وهو يشعر بتعب أكثر يمزق جسده،! جلس أرضاً داخل الحمام هو لا يعلم ماذا يفعل، وفجاءة رفع عينه إلى جسد أخيه الذى يقف على الباب وهو يراه يجلس على الارض بمعالم التعب التى تظهر عليه اقترب منه بذعر وهو يقول بخوف من رأيته بهذا الشكل :- فراس

حاول فراس النهوض وهو يقول :- ا.انا كويس

نظر صقر إلى الحوض وهو يسير فى جهته قائلا برعب وهو يدير له رأسه وقام بجلوس فى مستواه :- فراس ايه الدم ده

هز فراس رأسه وهو يضع يده على معدته بالم ويقول :- مش عارف بطنى ياصقر

وضع صقر يده على بطنه بخوف عليه وهو يقوم برفعه بين يديه ومساعدته للخارج وهو يقول بقلق  :- متخفش

ادمعه عين فراس وهو يرا خوف أخيه عليه بسببه وقال بتعب فى صوته :- انا اسف

وضع صقر فراس على السرير وقال وهو يجلس بجواره ويسير على رأسه بقلق :- على ايه

قال فراس وهو ينظر له بدموع والم لا يستطيع التكلم بسببه :- عل.شان دايماً بسبب ليك التعب والخوف بسببى

نظر له صقر وقام بالابتسامه له بحزن وهو يقبل جبينه ويقول :- علشان انت اغلى حاجة فى حياتى وخوفي ده مفيش حد شافوا غيرك ومفيش حد يستاهلوا غيرك

ابتسم فراس بضعف وقام صقر بوضع رأسه على الوسادة براحة وهو يمسك التلفون بسرعه وهو ينظر له ويضغط بعض الارقام ويقوم بالاتصال على شقيقه الآخر وهو يقول :- جود تعالا على اوضة فراس بسرعه وهات عشق وقدس معاك واياك تحسس حد بحاجة

قال بغضب وهو ينظر إلى وجع فراس وهو يضغط على بطنه أمامه بالم وهو يقول :- اسمع الكلام ياجود

اغلق الخط فى وجهه وهو يجلس بجوار فراس بوجه مذعور عليه لا يعلم ماذا يحدث له ولكن أن حدث مكروه له لن يستطيع التحمل، وبعد مرور وقت ليس بطويل كان يجتمع جود فوق رأس فراس وبجواره عشق التى تعطي لـ فراس أحد الحقن وهى تشعر بالخوف الشديد عليه من تلك الأعراض التى تظهر عليه، وفى أحد الجهات الآخرة كانت تمسك قدس أحد التحليل الخاص بفراس وهى تنظر لها قليلاً والى فراس بخوف شديد عليه قليلاً حتى اقترب جود منها وهو يقول بقلق :- التحليل مفيش فيها حاجة ابداً

قالت عشق وهى تمسك يد فراس وتستشعر نبضه :- نبض قلبه سليم مفيش حاجة ظاهره عليه ولا أى اعراض مرضيه

قالت قدس وهى تنظر لـ فراس بتعجب :- دى تانى مره والتحليل سليمه

قال جود بذهول :- سبب الدم ده ايه

صرخ صقر فى وجههم جميعاً وهو يجلس بجوار فراس بغضب :- امال انتو التلاته موجودين ليه غير عشان تعرفوا السبب ده شغلكم

قالت عشق بحزن :- اهدا ياصقر فراس هيكون كويس متقلقش

قال جود بتأكيد وهو ينظر له :-  معها حق ممكن يكون التهاب معدة مش اكتر

هزت قدس راسها وقالت بشك :- انت عملت تحليل تسمم

هز جود رأسه وهو يقول :- ايوه ومفيش حاجة فى جسمه

قالت قدس بقلق :- معقوله بسبب أنه فقد كليه من جسمه

قالت عشق بتأكيد :- احتمال اه أو لا

قال صقر بقلق أكثر وهو ينظر لتعب فراس المتعب لقلبه أكثر :- اومال ليه هو تعبان

قالت عشق بحزن على فراس :- خير أن شاء الله أن هاخد عينه من دمه وهنتاكد تانى  ياصقر متقلقش

قال جود بنفاذ صبر :- خلينا نروح بيه المستشفى ياصقر

قال صقر بنفى وقلق عليه  :- لا هنا امان ليه

قالت عشق بتعجب :- من مين

نظر لها صقر وقال وهو يشير لهم بالخروج :- اطلعوا كلكم ولو مفيش حد هيقدر يساعده انا اتصرف

قالت قدس بتوتر :- خلينا جانبه

نظر لها صقر وقالت عشق وهى تسحب يدها للخارج :- حاضر ياصقر يالا يا قدس

هزت قدس راسها بدموع وهى تغادر مع عشق للخارج، وقام جود بنظر لـ فراس بحزن فهو الاخر لا يريد حدوث شئ سئ له بعد أن اعتبره شقيقه الثانى، اقترب منه وهو يضع يده على رأسه وقام بنظر الى صقر الحزين وخرج للخارج بقلة حيله منه،،،....

اما صقر ظل جالس بجواره ويقوم بنظر له وهو ينام امامه بتعب...،،،

✨✨✨✨✨✨✨✨✨✨✨✨✨✨

* فى غرفة عشق *

اقتربت منها فرح وهى تنظر لها بقلق وخوف :- طمنينى فراس كويس

نظرت لها عشق بتردد وهى تقول :- هو كويس بس تقريباً التهاب فى المعده مش اكتر

قالت فرح بقلق أكثر :- طيب خلينا نروح بيه المستشفى

قالت عشق بضيق :- صقر رافض بيقول هنا امان له

قالت فرح بحزن عليه :- صقر متعلق بفراس انا خايفه عليه اوى فراس مايستهلش كل اللى بيحصل معه ده

قالت عشق بتائيد :- معاكى حق بس ماتقلقيش صقر مش هيسيبه وانتى قولتى ده فراس روح صقر

هزت راسها بقلق على شقيقها الصغير وقالت :- ربنا يستر

وضعت عشق يدها على بطن اختها وهى تقول بقلق عليها :- المهم انتى خالى بالك من نفسك الحمل أمر مش ساهل علشان التوتر ده وقله الاهتمام يافرح

نظرت لها فرح بتأكيد وهى تقول :- حاضر ياعشق انا هروح ارتاح عن ازنك

هزت عشق راسها وهى تراها تغادر وقامت بنهوض وهى تخرج خلفها، ولكن أوقفها اقترب مراد منها وهو يدخل إلى الغرفه ويقول بقلق ظهر على وجهه :- عشق ايه إللى حصل

نظرت له عشق وهى تعانقه بشدة وتنفجر فى البكاء وهى تقول بخوف :- مراد انا خايفه انا والله تعبت فراس تعبان وجهاد اخوك انا مش عارفه اعمل ايه

تنهد مراد وهو يشدد من احتضانها ويقول بحنان وهو يسير على رأسها :- هشش اهدى كل حاجة هتكون بخير وبعدين ده أمر طبيعى مفيش حياة سهله يا قلب مراد

بكت أكثر وهى تبتعد عنه وتقول :- بس هما ذنبهم  ايه

قال بحزن وهو يمسك يدها ويجلس على الفراش وقال بنفى :- زى مافراس وجهاد وبحر أو اى حد بيتاذا منهم احنا كمان بنتاذا بسبب عجزنا اننا بنشوف ألم كل واحد فيهم ومش عارفين نساعدهم حاولى تكونى قويه ياعشق

هزت عشق راسها وهى تنظر له وتقول :- حاضر

قال هو يعيد من جديد بقلق :- طمنيني فراس بخير

قالت بنفى وهى تنظر بعيداً عنه :- مش عارف بكره هتظهر العينة

قال مراد وهو ينظر لها بحنان :- خير ماتقلقيش من حاجة مفيش حاجة باذن الله

قالت وهى تنظر له برجاء :- يارب

✨✨✨✨✨✨✨✨✨✨✨✨✨✨

* فى صباح اليوم التالى *

نهض فراس من النوم وهو ينظر حوله ولا يرا أحد هبط من على الفراش وهو يدخل الحمام بنشاط فى جسده عكس البارحة، وبعد ثوانى خرج وهو يرتدى ملابسه ويقوم بفرضه وهو يحمد الله على تحسن حالته وبعد الانتهاء من كل هذا هبط للاسفل وقام بالاقتراب من غرفة المكتب وهو يطرق بخفة حتى أذن له من فى الداخل بالدخول، فتح الباب وهو ينظر إلى من فى الداخل وهو يقول بصوت منخفض :- ممكن ادخل

رفع صقر عينه عن ما كانا ينظر إليه وهو ينهض من على الكرسي الذى يجلس عليه وهو يقترب من فراس الذى دخل وهو يغلق الباب خلفه عند رأيت اقتراب صقر منه وهو يعانقه بقوة ولهفه وهو يقول بقلق :-انت بخير

قال فراس وهو يدمع بحب كبير لـ صقر وهو يقول :- انت احلى حاجة فى حياتى ياصقر 

ابتعد صقر عنه وهو ينظر له ويقول بغضب :- لسه تعبان

نظر له بنفى وقال وهو يبتسم لـ صقر :- لا انا كويس

تنفس صقر براحة وقال بتأكيد :- لو لسه تعبان قول يافراس

نفى فراس برأسه وهو يقول بحب وهو ينظر لقلق صقر بحزن :- والله انا كويس

هز صقر رأسه وهو يمسك بيده ويجلس على أحد الكرسي ويقول بشك :- هصدقك يافراس بس ده مايمنعش انك هتستمر على العلاج

هز فراس رأسه وقال بقلق عليه :- صقر متخفش عليا

جاء يجيب صقر حتى قطع كلامه دخول بحر وهو يركض فى جهة صقر وخلفه صخر و مراد وباقى الشباب وهو يقول :- صقر الفرح باقى عليه ٣ايام عايزين نجهز انا وفراس كل حاجة

قال صقر بنفى وهو ينظر له بغيظ :- أولاً متدخلش المكتب بطريقه دى تانى ثانياً مش موافق عايز تعمل حاجة نيلها لوحدك

قال بحر بغيظ :- ليه بقا وبعدين كلكم رافضين تساعدوني هو انا لوحدى إللى هتزوج ولا ايه

قال مراد بضيق :- اديك قولته إللى هيتزوج انا مش هتزوج يبقا متجبش سيرتى

قال يونس بنفى :- انت بدبسني يعنى وتخلع انت طيب وانا كمان ماليش دعوه

ابتسم جود بلا مبالاة وهو يقول :- انا مش عايز فرح أصلاً

قال بحر بغيظ :- انتو ناس معندهاش دم أصلاً

قال فراس وهو يشير له بيده :- انا هساعدك

نظر له صقر بغضب وقال بنفى :- لا

بحر بضيق :- لا ليه

قال صقر بتأكيد :- علشان فراس عريس هو كمان

نظر الجميع لـ فراس بصدمه ومنهم فراس الذى قال :- انا

قال بحر بتعجب :- انت بتتكلم جد

هز صقر رأسه وقال :- ايوه وفى نفس يوم فرحكم انتو

قال يونس بتعجب :- مين العروسه

صقر وهو ينظر إلى فراس المصدوم :- قدس  اخت اثير هى بنت كويسه وانا مش هلاقي احسن منها لـ فراس

نظر فراس لـ صقر وهو يقوم بالاشارة بدهشه :- بس هى مش هتوافق

قال مراد بتعجب :- ليه بتقول كدا

نظر فراس أرضاً بتردد وقال صخر وهو ينظر له :- انك تكون مش بتتكلم ده مش غلط منك يافراس صدقنى بالعكس دى ميزه مختلفه فيك عن اى حد

قال مراد بموافقة :- صخر معه حق و قدس مش زى البنت إللى بتهتام بحاجة مش بيدك انت

قال يونس بحنان :- وبعدين مين إللى ترفض وحد زيك

قال بحر بغيظ :- أولاً هاعدي انى اخر من يعلم بالحوار ده بس لو مش عاجبها وفرت انا مش عايز حد يشاركني فيك أصلاً

قال جود بسخرية :- انت عبيط صقر لسه قايل لينا كلنا بالخبر ده حتى هو مايعرفش

نظر له بحر بغيظ وقال صقر بتأكيد :- قدس معندهاش مانع وهى موافقة وكل حاجة جاهزه

قال بحر بغيظ :- يبقا يساعدني بقا

نظر له صقر بغضب وقال بحر بنفى ممزوج بخوف :- مفيش  داعي

ابتسم صقر وقال بقلة حيلة منه :- بحر مفيش داعى انك تتعب نفسك كل حاجة هتم من غير ماتتعب معاليك

ابتسم بحر بفرحة وهو يقول :- طيب والله حلو اروح اعمل شويه حاجة تعالا معايا يافراس

هز فراس رأسه وهو ينهض تحت أنظار صقر القلق عليه وهو ينظر إلى صخر الذى قال بتأكيد :- متخفش عليه فى حراس هيكونوا وراهم

هز صقر رأسه وقال مراد بستفهام :- اكيد مفيش حاجة خطيرة

قال جود بتأيد :- اكيد عشق راحت تطمن من خلال التحليل

قال يونس بتعجب :- بس هو ظاهر عليه أنه بخير

قال جود بذهول :- فعلاً ودى حاجة غريبة

نظر صخر الى صقر الذى يجلس بصمت وقال :- فى حاجة قلقاك

نظر له صقر وقال لـ يونس بستفهام :- عمر لازم يحضر الفرح

هز يونس رأسه بحزن وقال :- هو اكيد مش هيسيب ياسمين فى يوم زى ده

نظر له صقر بجمود وقال :- ماشي انا هروح عند عشق

قال مراد بدهشة :- بس هى راحت علشان تجيبهم وتيجى

هز صقر رأسه وهو يغادر ويقول :- عايز اطمن على اخويا يامراد

هز مراد رأسه وقال جود وهو يسير خلفه :- انا جاى معاك

نظر الشباب لبعضهم البعض بقلق من القادم عليهم ...،،،،

✨✨✨✨✨✨✨✨✨✨✨✨✨✨

*فى أحد الأماكن التى فى المستشفى *

كانت تقف تلك المرأة وهى تنظر إلى أحد الاوراق وهى تقول :- الاوراق دى لازم تتغير بأوراق تانيه زى إللى قابلهم بظبط

قالت أحد النساء وهى تقف معها :- ماتقلقيش إللى طلبتي بيه حصل

قالت وهى تبتسم لها بإعجاب :- كويس والفلوس إللى عايزها هتكون ليكى المهم مفيش حاجة غلط تظهر غير إللى أمرت بيه

هزت رأسه بنفى وهى تقول :- متقلقيش التحليل زى ماطلبتي مفيش فيها حاجة

ابتسمت باتساع أكثر وهى تقول :- كويس خدى فلوسك

أمسكت تلك السيدة المال بين يديها وهى تقول بفرحة :- شكرا ليكى همشي انا قبل ما يجي حد عن ازنك

هزت تلك المراة راسها وهى تنظر لها وهى تغادر بعيداً عنها ولكن اوقفتها وهى تقول بأمر :- التحليل تكون بين ايدين الدكتوره عشق بس انتى فاهمه

هزت راسها بطاعة وهى تقول :- متقلقيش

تركتها تغادر وقامت هى بنظر حولها وهى تغادر خلفها...،،،

✨✨✨✨✨✨✨✨✨✨✨✨✨✨

وعند عشق اقتربت من تلك الممرضة وهى تقول بقلق :- التحليل ظهرت

هزت الممرضة راسها وهى تنظر لها وتقول :- ايوه يا دكتورة اتفضلى

" نظرت لها عشق بصمت وهى تمد يدها وتضع التحليل حولهم بقلق وهى تسمى الله وتفتحهم بخوف حتى قرات ما بدخل هذه الأوراق وهى تبتسم براحة وتقول :- الحمد لله

اقترب صقر منها وهو يقف خلفها ويقول :- عشق

ابتسمت عشق وهى تستدير وتقول :- كويس انك جيت

قال صقر بقلق :- طمنينى هو كويس

هزت راسها وهى تعطى لـ جود التحليل وهى تقول بفرحة :- الحمد لله مفيش حاجة خطيره التهاب فى المعدة والأمعاء بس يعنى هو بخير مع العلاج هيتحسن

تنفس صقر براحة وقال بقلق :- يعنى مفيش حاجة خطيرة عليه

هز جود راسه بنفى وقال بابتسامه :- لا مفيش

ابتسم براحة وهو ينظر لـ جود ويقول :- الحمد لله أنا هروح الشركة

قالت عشق بتأكيد :- تمام وانا عندى شغل هعملوا عن ازنكم

هز صقر رأسه وهى تغادر أمامه وقال صقر وهو يعانق جود ويقول :- متزعلش منى لو كنت مقصر فى حقك

ابتسم جود وهو يعانقه ويقول :- فراس اخويا كمان وحقك انك تخاف عليه

ابتسم له صقر وقال وهو يغادر :- انا لازم امشي

هز جود رأسه وهو ينظر إلى صقر الذى يغادر أمامه براحة لعدم حدوث شى سئ لـ فراس...،،،

✨✨✨✨✨✨✨✨✨✨✨✨✨✨

* فى الباحة الخارجيه للقصر *

كان يقف فراس بجوار بحر الذى كان يقف وهو ينظر إلى المكان بحماس وهو يقول :- انا مبسوط انى اخيراً هتزوج بنت المجانين دى

ابتسم له فراس وهو يشير له ويقول :- بلاش تقول كدا بدل ما تسمعك

قال بحر بغرور :- مش بخاف

نظر له فراس بسخرية وهو يقول :- كذاب

قال بحر بضيق :- شويه بس مش كتير

نظر له فراس بضحك وقال بحر بقلق :- تفتكر عمر هيحضر فرحه معنا

نظر له فراس وهو يقول بحزن :- مش عارف

قال بحر بضيق :- انا بتمنى عمر يرجع لينا ونبقا زى الاول

قال فراس وهو يشير له :- وانا متاكد اننا هنرجع زى الاول عمر طيب ومفيش زيه

قال بحر بتعجب :- لسه بتوثق فيه

هز فراس رأسه وقال وهو يحرك يده :- ايوه عمر مش وحش

ابتسم بحر له وقال برجاء :- معاك حق المهم تيجى نفكر نروح شهر عسل فين

أشار فراس بنفى :- لا مش عايز

قال بحر وهو يضربه على رأسه بغيظ :- انت رخم

نظر له فراس بغيظ وهو يقترب منه حتى أوقفه شعوره بتعب وهو يسعل بشدة وهو يضع يده على فمه حتى قال بحر بقلق :- انت كويس يافراس

هز فراس رأسه وهو مازال يسعل حتى ركض بحر لداخل حتى يحضر شئ ما وهو يقول :-هروح اجيب ميه

نظر له فراس وهو يغادر للداخل وقام بنزع يده عن فمه وهو يكح بشده وشعر بالحزن لرأيت الدماء مره اخرى على يده، حاول اخراج مناديل ورقيه من ملابسه حتى يخفى اثر الدماء قبل رأيت اى احد له، ولكن قبل أن يخفيها راء صوت يخرج من جواره وهو يحمل صدمه قائلاً :- فراس ايه الدم ده

نظر فراس بجواره إلى عمر الذى ينظر له بعلامات مذعورة وهو يقترب منه ويقول :- ايه الدم ده رد جاي من بقك

نظر له فراس بتوتر وهو يهز رأسه ويشير له وهو يقول :- لا

نظر له بغضب وهو يمسك يده و يقول :- انت كذاب

ابعد فراس يده عنه وهو يشير له عند نهوضه ويقول :- ابعد عنى وانت من أمتى بتخاف عليا

نظر له عمر بصدمه وقال بضيق :- انا

قال فراس وهو يقترب منه بنظرات حزين ويشير له :-  انت مالكش الحق تسالني

نظر له عمر وهو يقول بغضب :- صقر عارف انك تعبان

لمعت الدموع فى عين فراس وهو يغادر ويقول :- مالكش دعوة

نظر له عمر وهو ينزع الدم عن يده بذلك المنديل الذى أخرجه من جيب بنطاله وهو يشعر بالقلق عليه،،،

أما فراس دخل إلى الداخل وهو يتنفس بتعب وهو يصعد للأعلى حتى أوقفه بحر الذى يحمل كاس الماء بين يديه وهو يقول :- رايح فين خد اشرب

نظر له فراس بابتسامه وهو ياخذ كاس الماء ويشرب منه لعل يهدأ وجعه...،،،،

✨✨✨✨✨✨✨✨✨✨✨⁦✨✨✨

* بعد مرور ثلاثة ايام *

" فى يوم الزفاف كل الشباب العائله "

" وداخل أحد الفنادق المشهوره عالمياً كان حفل ضخم يحضره اكبر رجال الاعمال سلطة وثراء وهم يأتون من كل أنحاء العالم لحضور حفل زواج ابناء عائله الصياد إكبر العائلات فى أنحاء العالم فـ تلك العائله تملك من الثراء وسلطة مايكفي لحضور جميع الأشخاص المسؤولين فى البلد وخارجها من الداخليه وغيرها فذلك الحفل كان يقام داخل اكبر الفنادق التى تملكها عائلة الصياد الذى يقع فيها أحد القاعه الكبيرة والخاصه التى قاموا بتجهيزها علي اكمل وجه من الفخامه ورقه لهذا الزفاف

الذى يضم ٥ من ابطالنا الذين عانوا للوصول لتلك اللحظه كان يقام الحفل بصحبه مجموع من الصحافة التى تصور هذا الحدث الكبير الذى جاء الجميع لرايته بحماس وفرحه "

( فى القاعة )

كان جميع الشباب يقفون وهم يستقبل كل واحد منهم زوجته وهم يهبطون واحده  تلوى الاخرى، بجمال يهز قلب كل شخص يراهم، فقام فراس بتسليم سيلين لـ يونس وقام صخر بتسليم كارما لـ بحر وقام عماد بتسليم ياسمين لـ عمر وبالخلف منهم قام صقر بتسليم قدس لـ فراس واثير لـ جود وهم يشعرون بالفرحة والسعادة فـ كل واحد منهم لم تقل جمالاً عن الآخرة ...،،،،

✨✨✨✨✨✨✨✨✨✨✨✨✨✨

عند يونس...

كان يرقص وهى بين يديه مثل الفراشه وهو ينظر لها بحب وقال :- انتى طلعه زى القمر

قالت بغيظ منه :- قصدك انى مكنتش حلوه قبل كدا

هز رأسه بنفى وهو يقول :- لا انتى طول الوقت قمر بس انتى انهاردة زايده حلاوه

نظرت له بضحك وهى تقول :- على العموم شكراً

قال بستفهام :- لسه مش موافقه على الزواج

هزت راسها بنفى وهى تقول :- لو كنت رافضة مكنش زمانك حضنى دلوقتى

نظر لها بغيظ وقال :- انتى مستفزة

قالت بستفزاز اكبر :- انت لسه شوفت حاجة كل إللى عملته معايا هيطلع من عينك

بلع رايقه بخوف وقال :- انتى متاكده انك سيلين

ابتسمت وهى تهز راسها وتقول :- ميه فى الميه

قال بخوف مره اخر :- ربنا يستر

ابتسمت بخبث وهى تنظر له...،،،

****************************

بالخلف منهم .. عند بحر....

كان يتميل بها وهى بين يديه ويقول بغيظ :- بت هو احنا مش اتفقنا الفستان ده لا

قالت وهى تنظر له بضيق :- وانا قولت هلبسه

نظر لها بدهشة وهو يقول :- بس انا زوجك والكلمه كلمتي

قالت بضحك :- عند امك ياحبيبى

قال وهو ينظر لها بصدمه :- نهارك اسود هو من اولها كدا

هزت راسها وهى تقول بحرق دم :- أن كان عاجبك

قال وهو ينظر لها بشر :- لا مش عاجبني وهتشوفى هعمل فيكى ايه

قالت بسخرية :- ولا انا ماصدقت اتزوجتك وانت عيل رخم كدا

نظر لها بشهقه وهو يقول :- لا بقا انتى  لسانك ده طول وانا هاقصه ليكى عشان ارتاح

ضربت كارما قدم بحر بكعب الجزمه الخاص بها تحت صرخات بحر المتالمه وهو يقول :- اه ياحيوانه

قالت وهى تقترب من أذنه بشر :- ولا لسانك ليوحشك ياوحش

بلع رايقه بصدمه وهو يقول :- نهار اسود بينها سنين طين على دماغك

ابتسمت وهى تهز راسها بثقه...،،،

***********************

بالقرب منهم...

كان يجلس عمر على المقاعد المخصصه لهم وهو ينظر إلى صمت ياسمين وهو يقول بقلق :- انتى كويسه

هزت راسها بتأكيد وهى تنظر له وتقول :- ايوه

قال بتعجب من برودها :- انتى مكنتيش عايزه الفرح

هزت راسها وهى تنظر له ببرود وتقول :- ايوه

قال بستفهم :- ليه

قالت بسخرية :- علشان مش انت عمر إللى كنت اتمني اكون معه دلوقتى

قال بضيق :- بس ياياسمين

قالت وهى تنظر بعيداً عنه :- انت اصلا جاى غصباً عنك يعنى مش هنفرق عن بعض كتير

نظر لها بصدمه اكبر وهو يقول :- ده مش حقيقى انا بحبك

قالت بحزن :- لو كنت بتحبنى مكنتش عملت كل ده مكنتش بعدت عنى ومفكرتش فى اى حاجة

نظر لها بصدمه وهو يقول :- بلاش الكلام فى الموضوع ده

قالت وهى تدير راسها له :- علشان عارف انى صح

نظر لها بضيق وقام بنهوض والابتعاد عنها...،،،

****************************

وبالقرب منهم

كان يجلس جود وهو ينظر الى اثير التى كانت يبدوا عليه الحزن اقترب منها وهو يمسك بيدها ويقول بقلق :- انتى كويسه يااثير شكلك مدايقه

نظرت له اثير بحزن وقالت :- انتى اكيد نفسك ترقص زيهم وتعيش زيهم بلاش تدمر حياتك ياجود احنا لسه فى البدايه

ابتسم لها وهو يقول :- بس انتى زى القمر على فكره

قالت بخجل وهى تنظر له :- انت سامع بقولك ايه

هز رأسه وقال بتأكيد :- ايوه سامع بس الكلام ده مش مهم عندى المهم انى اخد البنت إللى حبيتها ومش فارق عندى اى حاجة تانى

قالت بتعجب :- بس انت كدا بتنهي حياتك بزواجك منى

قال وهو ينظر لها بحب :- بالعكس دى احلى حياة والله

وضعت عينها أرضاً بتوتر وهى تقول :- جود

قال بغرام :- عيونه

قالت بخجل أكثر واكثر :- انت هتندم صدقنى

قال وهو ينظر لها بحب :- يوم مايحصل ده هاجي وقولك

نظرت له بصدمه من إجابته وقالت :- خليك عارف انك لو بصيت لحد غيرى هقتلك

ضحك باعجاب وهو يقول :- هو ده اللى انا عايزه وموافق

ابتسمت بتوتر وخجل وهى تدير راسها بعيداً عنه...،،،

**************************

أمامهم...

كان يرقص فراس وهو يشعر بالتعب والارهاق الشديد الذى يزيد مع مرور الوقت كأن روحه تسحب منه كل يوم أكثر عن اليوم الذى يليه، ولكن لا يريد اخبار اى احد حتى صقر فـ هو يخف أن يحزن قلبه عليه ولكن اليوم التعب تضعف عليه فوق العادة كأنه ينازع روحه، حاول عدم الاهتمام وهو ينظر إلى قدس التى بين يديه وهو يفكر فيها بعمق فـ هي جميله لدرجه نالت من قلبه من اول مره رآها فيها وهى تربعت على عرش قلبه ظل ينظر لها وهو يحاول التمسك وهى تقول بقلق :- انت كويس

ابتسم لها وهو يهز رأسه ويشير قائلاً :- كويس

ابتسمت له وهى تقول :- انت متاكد

ابتسم وهو ينظر لها وقال وهو يحرك شفتيه وإخراج الكلام فـ هى لها الحق الأن فى سماع صوته وهو يقول :- متاكد

نظرت له بصدمه وهى تفتح عينها لنهايه وتقول :- ا.انت

هز لها رأسه وهو يقول :- بتكلم متخفيش انا رجع صوتى

قالت بذهول ممزوج بفرحة :- امتى

قال بنفى وهو يبلع رايقه بتعب :- مش مهم امتى المهم انتى مبسوطه موافقه بيا

نظرت له بتوتر وقالت وهى تضع عينها أرضاً :- اكتر من اي حاجة تانيه يافراس انا فرحانة اوى

ابتسم لها وهو يقول :- يعنى مش معترضه انك اتزوجتى واحد زيى

قالت وهى تهز راسها بنفى :- لا انا فرحانه اوى انى معاك يافراس ا.انا بحبك

نظر لها بذهول وهو يقول :- انتى بتتكلمى جد

هزت راسها بتأكيد وقال وهو يشعر بضيق شديد على صدره وهو يقول :- ممكن نرجع مكانه

قالت وهى تنظر لوجهه الشاحب :- انت كويس

هز رأسه بصمت وهو يجلس مكانه وهو يعلق نظره الى مكان وقوف صقر وبجوار صخر واحد الأشخاص الآخرين كان ينظر له نظرات غريبه كأنه لن يراه مره اخر ظل ينظر له وهو يشعر بوجع ياكل كل قطعه وجزء فى جسده ....،،،،،

✨✨✨✨✨✨✨✨✨✨✨✨✨✨

وعند صقر...

اقترب منه رسلان وهو يقول بوجه يظهر عليه الحزن :- صقر ممكن نتكلم شويه

نظر له صقر بجمود وهو يقول بستفهام :- بخصوص ايه

نظر له رسلان بتوتر وهو يدير رأسه إلى عبد الرحمن الذى يقف بعيداً عنه ولا يتحدث :- بخصوص كل حاجة ياصقر حاجات كتير جه وقتها .. يمكن كنت خايف على عائلتى من الأسرار دى بس مفيش هرب من الحقيقه

نظر له صقر بتعجب وهو يهز رأسه يستغرب قائلاً :- تمام

ــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋