البارت الاول 🦋

نبدأ 🙈🌜

ودخل احد الغرف الموجوده في المنزل ،كان يقف هذا الصغير وهو ينظر لهذا الكتاب الذى يوضع على المنضدى ، بعيون طفل تلمع بفرحة كبير ، رفع بيدو وهو يمدها للامام حتى يمسك هذا الكتاب فهو يعشق الكاتب الذى قام بكتابته، ولكن لا يستطيع أن يصل إليه بسبب علو المنضدى التى لا يصل قدمه الصغيرة اليها، نفخ بغيظ وهو يرفع بقدمه للأعلى قليلاً ويضع طرف أصابعه على الكتاب وهو يقربه منه، ولكن فجاء سقط من جوار الكتاب هذا الحاسوب الذى سيفتح عليه طاقه من الجحيم ،صرخ بصوت منخفض وهو يضع يده على فمه سريعاً، وقام بالانحناء حتى يصلح ماتسبب فيه من ضرر، قرب يده بخوف وتردد حتى منع اقتربه، يد أحدهم وهى تسحبه للأعلى بغضب، وهو ينظر إلى تلك العينان التى تشبه عينين الصقر التى ستهجم على الفريسه بغضب هالك بلع رايقه بتوتر هو يقول :- ص.صقر

ضغط الآخر على يده بشدة وهو يقول بصرخ فى وجهه :- انت حيوان مش بتفهم الف مره قولت بلاش تقرب من حاج دي

تكونت الدموع فى عين الصغير وهو يقول :- ا.انا اسف كنت عايز الكتاب بس من غير ما اقصد وقع 

نطق الآخر بصوت همس يحمل الغضب قائلاً :- من غير قصد تمام شيل كل الزجاج اللى فى الارض يلا

نظر إليه الآخر بخوف وقال :- بس انا هتعور

ابتسام صقر بسخريه وهو يجلس على الكرسى الذى يكون أمام فراس وقال :- والله ده انت وشطرتك فيها ... يلا شيــل

هز فراس رأسه بخوف من نبرة صقر المخيفه وهو يقول :- ح.حاضر

نظر إليه صقر بترقب وهو ينزل على أقدمه ويقوم بوضع يده على حطام الزجاج الذى خرج من الحاسوب ، ظل فراس يحاول أن يزيل كل شئ تحطم ووقع على الارض ببطء حتى لا ينجرح ولكن صرخ فيه صقر بضيق وهو يقول :- بسرعه شويه

انتفض جسد فراس وهو يقوم باللم بسرعه حتى جرحت يده ،وهو يصرخ بالم صرخه اوجعت قلب صقر الذى جاء يقترب منه حتى راء أمه تركض فى اتجاه فراس الذى القي بجسده بين احضان أمه التى بضمه بخوف وهى تنظر إلى جرح يده الذى شهقة عليه بفزع وهى تقول :- فراس ايه ده ياحبيبى

رفع فراس عينه التى تلمع مثل السماء الصافيه التى يحطها الحزن والدموع وهو يقول :- م.مفيش

صرخت الام بزعر وهى تنظر إلى جرح الصغير الذى في يده بخوف وهى تقول :- مفيش ازاي.. ايه إللى حصل هنا والدم ده منين

استدارت وهى تنظر إلى ابنها الآخر وهو يجلس لا يعطى اى رد فعل سوا النظر الى فراس بجمود قالت وهى تنظر له بستفهم وقلق :- صقر .. ايه إللى حصل هنا انت السبب مش كدا

نظر إليها صقر بهدوء حتى عانق فراس يده بقوة وهو يقول بنفى :- لا يا ماما صقر ملوش دعوه انا إللى كسرت الاب توب وحولت أنظف مكانه معرفتش

نظرت الأم إلى صقر الذى مازال يسلط نظره على فراس وهى تقول :- صقر الكلام ده صح

رفع صقر نظره لها وهو يقول :- عن ازنك عندى حاجات اهم لازم اعملها

أمسكت الام يد ابنها الكبير وهى تمنعه عن الحركه وتنظر إلى الآخر وتقول بحنان :- فراس حبيب ماما روح على اوضتك وانا خمس دقيقة وجايه ماشي

هز فراس رأسه بتأكيد وهو يركض للخارج بسرعه

اما صقر نظر إلى أمه التى نظرت إليه بضيق وقالت :- صقر انا متاكد انك ليك ايد فى إللى حصل ده

صقر ببرود :- ايه إللى حصل

صرخت الام فى وجهه وهى تقول بغضب :- بلاش برود انت بتعمل كدا ليه حرام عليك ده اخوك

نظر إليها صقر بنفور وقال وجمود واضح على وجهه :- وانا قولتلك انى مش بحبه انتو ليه مش فاهمين

نظرت إليه الام بصدمه وقال :- صقر انت ازاى بتفكر بشكل ده مش كل الناس بيكون عندهم اخوات مش اى حد بيعرفوا قيمة الكلمة دى بس انت عندك بلاش تخسر اخوك

نظر إليها صقر بعيون تحمل البرود وقال :- والله ده شي خاص بيا انا

نظرت إليه أمه بحزن وقالت بسخرية :- بس هو بيحبك حتى بعد كل إللى بتعملوا معه بيدفع عنك وبيتعالق بيك اكتر

نظر إليها صقر بجمود وهو يخطو للخارج بدون رد فعل وهو يقول :- عن ازنك ياماما

نظرت إليه أمه بحزن وهى تدعى داخل قلبها بلين قلبه، ثم ركضت إلى الخارج حتى ترا هذا الصغير...،،،

✨✨✨✨✨✨✨✨✨✨✨✨✨✨

* ودخل الغرفة الآخر *

دخلت وهى تنظر إليه وهو يجلس على الفراش ويمسك يده التى يضع عليها الشاش الطبى والقطن بعد تضميد الجرح جيداً

ابتسمت بحب وحنان وهى تقترب وتجلس أسفل منه وتقول :- ليه مستنتش اساعدك

ابتسم بمرح وهو ينظر لها ويقول :- مكنتش عايز اتعبك ياماما انتى كنتى عند الدكتور صح انهارده علشان كدا

ابتسمت الام وهى تقبل جبينه بحب وتقول :- ولا تعب ولا حاجة وبعدين احنا مش اتفقنا حرام الكذب يافراس

لوا فراس فمه وهو يخفض رأسه أرضاً ويقول بحزن :- اسف ياماما بس صقر ميقصدش هو قالى أصلح إللى كسرته وانا كنت بعمل كدا

نظرت إليه بنفى وهى تضع يدها على يده برفق وتقول :- طيب كويس كدا انك اتعورت بشكل ده

نظر فراس إلى يده وقال بحزن :- انا ياماما بحب صقر اوى اوى بس

نظرت إليه أمه بحزن وقالت :- بس ايه

رفع الصغير عينه لامه بتردد وقالت :- بس هو مش بيحبنى وانا بعمل حاجات كتير علشان يحبنى مفيش فايدة

نظرت له الام بحزن وهى تحاول أن تتكلم حتى قطع توترها اقتراب زوجها منها وهو يجلس على أقدمه بجواره ويقول بحب وهو ينظر لـ فراس :- وانا مش قولتلك قبل كدا مش من الضروري يكون الحب متبادل المهم انك تسعى علشان تفوز بحبه يعنى تعمل اى شئ حتى لو كان مستحيل

ابتسم فراس وهو ينظر إلى والده الذى حمله بين يديه وهو يقول :- وانا هعمل اى حاجة انا بحبكم كلكم اوى اوى

امسك الاب يد ابنه الصغير التى جرحت وهو يقبلها بحنان ويقول :- انت بطلى الصغير إللى ممكن نعمل اى حاجة علشانه

هز فراس قدمه بضحك وهو ينظر لامه بحب ويقول :- متزعليش ياماما وعد مش هكذب تانى ابدا

ابتسمت الام بدموع وهى تنظر إليه بفخر وتقول :- ياروح ماما ربنا يحفظك ليا ياحبيبى

نظر الاب لـ فراس وقال :- تسمح ليا اتكلم مع ماما شويه

حك فراس رأسه بتفكير وقال :- موافق

هبط من على قدم والده وهو يقبل خد أمه ويقول هو يغادر بعيداً :- عن اذنكم

نظرت الأم لـ فراس وهى تقول بتحذير :- خلى بالك من نفسك

تنهدت وهى تنظر لزوجها الذي امسك بيدها بحب وقام بمساعدتها على الجلوس بجواره وهو يقول :- مالك يافيروز فى ايه

لمعت الدموع فى عينها وهى تنظر له بحزن وتقول :- صقر .. صقر بيكره فراس يانجم الدين

امسك يدها وهو ينظر لها بهدوء ونبره ثابتة  وقال :- ده مش حقيقى ياحبيبتى

هزت راسها وهى تضع يدها على شعرها وتقول :- لا هو قالى كدا انا سمعتها منه

ابتسم بثقه وهو يعانق وجهها بين يديه ويقول :- فيروز مش دائماً إلى بيطلع من لسانه بيكون الصح صقر بيكره فراس علشان حاسس أنه جه بعد العمر ده كله واخد أمه وابوه منه هو مش شايف حاجة غير كدا بس صدقينى صقر بيحب فراس وبكره هتعرفى أن كلامى صح

مسحت دموعها التى تنزل من عينها وهى تقول :- اكيد صقر بيحب فراس

هز رأسه من جديد وهو ينظر لها ويقول :- فيروز صقر ده ابن مين مش ابننا لو بيكره فراس هيجيب كره ده منين هما اخوات بيحبوا بعض صقر ذكى وفوق ماتتخيلى

ابتسمت براحة وهى تنظر له وتقول :- معاك حق انا اسفة انى بتعبك بافكاري وكمان بعد اللى حصل

تنهد وهو يتطلع فيها بضيق وقال :- قولتلك وهرجع اعيد الخلفه دى بايدين ربنا وهو اكيد عارف الاحسن لينا ومدام مفيش نصيب لينا تانى نحمد ربنا ونرضا بـ صقر وفراس

لمعت الدموع فى عينها من جديد وهى تقول :- ربنا يخليك ليا يا نجم انا مش عارفة من غيرك هعمل ايه

قبلها من يدها بحب وهو يقول :- بالعكس أنا اللى من غيرك اعمل ايه..  الحمدالله يافيروز ان ربنا كرمنا بـ صقر وفراس ده كدا نعمه كبير قولى ربنا يحفظ لينا النعمه دى ونحمد ربنا دائماً عليها

عانقته بحب وهى تحمد ربها كثيراً على هذه النعمه التى لا حصر لها ،،،،....

✨✨✨✨✨✨✨✨✨✨✨✨✨✨

* وفى اليوم التالى *

اجتمعت عائلة الصياد معاً وهم يتحدثون فى كثير من الأمور، تحت أنظار فراس التى ينظر إلى صقر من خلالها وهو يحمل بين يديه عدت اوراق وهو لا يعطيه اى اهتمام حتى قطع نظراته صوت جده الذى قال وهو ينظر لـ صقر  :- صقر ياترا شوفت الملف إللى عطيته ليك

قال صقر وهو مازال نظره معلق على الأوراق التى بين يديه :- ايوه الاوراق إللى بعتها فيها غلط أن حليت الموضوع بس ياريت انت كمان تعرف الغلط بنفسك

نظر شريف إلى والده بصدمه وقال :- غلط ايه يابابا انت بتستشير طفل فى أمور الشغل

تناول رسلان القليل من فنجان القهوة التى بين يديه وقال :- وفيه ايه يا شريف عندك مانع

نظر شريف إلى والده بسخرية وقال :- اكيد عندى مانع

قال نجم الدين بصوت يحمل الهدوء :- اهدا يا شريف

نظر صقر إلى عمه بمكر ممزوج بستفهام وقال :-  اولاً انا مش طفل ياعمى انا عندى ١٧سنه وكمان دى مش اول مره امسك شغل فى ايدى

نظر شريف له بصدمه من كلامه الجريء وقال لولده :- ايه الكلام اللى بيقولوا ده

ردت نهال على زوجها بسخرية وقالت :- هو الشركة هتمسكها اطفال ولا ايه ياعمى

ابتسم رسلان ونظر إلى زوجة ابنه بعيون حادة وقال :- صقر مش صغير هو له سنتين بيمسك مشاريع مهمة للشركة وكمان كسبنا كتير اوى من ذكائه

ضغط شريف على يده بغضب وقال :- يعنى هو له سنتين بيشتغل فى الشركة وانا اخر من يعلم

نجم بضيق :- خلاص ياشريف وفيها ايه يعنى صقر زكى وتعلم الشغل بسرعه وكمان مفيش داعى للكلام ده كله

شريف بسخرية :- طبعاً وانت هتقول ايه غير كدا ماهو ابنك

نظرت فيروز إلى شريف بعد صمت طويل وقالت :- والله ياشريف لو مدايق اوى كدا أستلم الشغل شويه يمكن تنفع فى حاجة

نظر شريف لـ فيروز بغضب وقال :- فيروز نسيتى نفسك

قال نجم الدين بحدة ونظرات غاضبه لأخيه :- شريف صوتك عالي احترم نفسك دى مراتى

رسلان بصوت جوهري :- كفاية كلام ياشريف لو مش عجبك اللى بيحصل اتفضل الشركة قدمك يمكن تنفع

جاء شريف يخرج صوته حتى أمسكت زوجته بيده وهى تشير له بصمت ثم نظر له والده بسخرية وقال وهو ينظر لابنه الأكبر :- نجم الدين انت وفيروز هتسافروا علشان البضاعه الجديدة الى جايه من الهند

نظر شريف له بصدمه وقال :- بس الشغل ده كان لـ نهال

نظر رسلان إلى زوجة ابنه الصغير وقال :- كفاية على نهال الصفقة إللى خسرتها المره إللى فاتت

نهال بضيق :- بس ياباشا الصفقه دى غرقت

نظر لها رسلان بنفى :- دى شئ يرجع لشغلك انتى انا قولت كلمتي وخلص الكلام

فيروز بتردد وهى تنظر لوالد زوجها :- بس يابابا فراس الفترة دى مش هينفع يفضل لوحده

ضغط صقر على يده بصمت تحت انظار الجد الذى ينظر لهم هم الاثنان وهو يرا حفيده الذى يجلس ينظر لأخيه طول الوقت كما هو ابتسم رسلان وهو يشير لحفيده الصغير بالاقتراب ويقول :- فراس تعالا هنا جانبى

هز فراس رأسه بتوتر وهو يجلس بجوار جده ويقول :- نعم ياجدو

ابتسم الجد وهو يضع يده داخل شعر حفيده ويقول :- انت عندك مانع بابا وماما يسافروا

نظر فراس إلى والدته التى تنظر له بحب وقال بنفى :- لا معنديش مدام هترجع تانى

هز الجد رأسه وهو ينظر له بحنان وقال بتأكيد لابنه :- فيروز يابنتى متخفيش فراس بينا كلنا وكمان انا هخليه طول الوقت جانب صقر

رفع صقر رأسه بضيق وهو ينظر لجده بعيون حادة ويقول :- جدى

نظر له جده بعند مماثل وقال :- انا قولت ايه يا صقر اخوك لازم تخلى بالك منه فى غياب اهلك انت فاهم

نظر له صقر بضيق وهو يتوعد لذلك الصغير الذى ينظر له بابتسامه لا تفارق وجهه،،..

✨✨✨✨✨✨✨✨✨✨✨✨✨✨

* وفى اليوم التالى *

كان يجلس صقر وهو يضع السماعات فى اذنه ويستمع إلى احد الموسيقى الاجنبيه الهادئة وينظر إلى مجموعة أوراق أخرى قد كلفه به جده لإنجاز أمرها فهو يعلم جيداً ما يفعل، ظل يستمع إلى الموسيقي والنظر إلى الملفات حت قطع انتباهه اقترب منه هذا الصغير الذي يدعو بـ فراس وهو يقف أمامه بجسد صغير وينظر له نظره تشعر صقر أنه الشرير الوحيد فى هذا المنزل تجاهه نزع السماعات من أذنه وهو يطم يديه ويقول بضيق :- واقف كدا ليه

نظر له فراس بتوتر وهو يحاول الكلام :- اصلى ماما مشغوله وانا عايز ...

نفخ صقر بضيق وقال :- عايز ايه

بلع فراس رايقه بتوتر وهو يشير بعينه إلى حذائه الذى لا يعرف كيفية عقده وهو يقول :- مش عارف اربطه

نظر إليه صقر بصدمه وهو يقول بستفهم :- والمطلوب

لعب فراس بصوابع يده وهو يقول :- عايزك تساعدني اربطهم

نظر إليه صقر بغضب وقال :- انت بتحلم صح ..أمشي من وشي

ظهر الحزن على وجه فراس وهو يقول :- صقر لو سمحت أنا مش عارف

ضغط صقر على أسنانه بضيق وهو يمسك ملابسه ويقول بغضب :- بقولك أمشي من وشى احسن لك انا مش الخدام بتاعك كمان يلا

دمعت عين فراس وهو يبتعد عنه وينظر إليه صخر الذى يقف بعيداً عنهم قليلاً، وينظر إلى ما يفعله صديقه بضيق، اقترب من فراس وهو ينحنى الى الاسفل ويقترب من رباط الحذاء الخاص بهذا الطفل وهو يساعده على هذا الأمر وبعد الانتهاء نظر إليه وقال :- كدا كويس

نظر إليهم فراس برضا وقال :- كويس شكراً ليك

نهض صخر وهو يلعب فى شعر فراس ويقول :- ولا يهمك روح العب مع بحر يلا

هز فراس راسه بحزن وهو يغادر بعيداً تحت أنظار صقر الذى اقترب منه صخر وقال :- ليه بتعمل معه كدا

نظر صقر الي اخيه بشرود وهو يركض بعيداً  :- بسال السؤال ده لـ نفسي كتير

صخر بستفهام :- و الاجابه

تكلم صقر وهو يرجع إلى وجه الجمود من جديد :- ارجع شغلك ياصخر

هز صخر رأسه وهو يرجع إلى تأدية ما امر بفعله ويقول بجمود مماثل :- تحت امرك

تنهد صقر وهو يضع السماعات على أذنه من جديد وينظر للأوراق ...،،،

✨✨✨✨✨✨✨✨✨✨✨✨✨✨

* وبعد مرور عدت ايام *

كانت تجلس فيروز وهى تقوم بإعداد مستلزمات السفر من حقائب لها ولزوجها تنهدت بقلق وهى تضع يدها على قلبها وتنظر إلى زوجها الذى يرتدى الملابس بجوارها وقالت :- نجم انا مش مطمنه

اقترب منها نجم وهو يقول بقلق :- فى ايه حصل حاجة

وضعت فيروز يدها على قلبها وهى تقول :- مش عارفة حاسة بـ حاجه مش كويسه

ابتسم نجم عليه بقلة حيلة وقال :- يافيروز ياحبيبتى ده مش اول مره نسافر وبعدين متقلقيش خير أن شاء الله

نظرت له بقلق وقالت :- صدقنى يانجم انا هروح اشوف ولادى

نظر لها نجم الدين وقال :- تشوفى ايه الولاد زمانهم نايمين دلوقتى

هزت راسها وهى تخرج للخارج تحت أنظار نجم الدين الذى ركض خلفها بقلة حيلة وراها وهى تدخل غرفة ابنهم الكبير ، الذى فتحت عليه الباب و وجدته يجلس على الفراش وهو يضع السماعه على أذنه ويغمض عينه فى صمت من حوله نظرت إلى زوجها وهو وقف بجوارها وهى تقول :- احنا لازم نتكلم معه

نظر لها نجم الدين بقلة حيلة وهو يهز رأسه ويقترب من ابنه ويجلس بجواره وهو ينظر إلى ابنه الذى فتح عينه وهو ينظر إليهم بقلق ويقول بستفهم :- فى ايه

نظر إليه والده وهو يقول بحنان :- صقر انت مش صغير احنا ممكن نغيب فترة لازم تخلى بالك من اخوك

نظر إليه صقر بله مبالاة وقال :- تحت امركم فى حاجة تانى

نظرت فيروز لابنها وقالت :- صقر ده مش طلب ده واجب عليك ده اخوك الصغير

نفخ صقر بضيق وقال :- كل حاجه اخويا الصغير و انا مش عايزوا

نظر نجم الى ابنه بصدمه وقال :- صقر انت بتقول ايه انت مش صغير على الكلام ده انت فكر ايه اننا بنحبه اخوك اكتر منك

نظر إليه صقر بسخرية وقال :- مش لازم افكر

نظرت إليه فيروز بنفى وقالت :- صقر احنا بنحب فراس علشان هو اخوك احنا بنحبكم انتو الاتنين انت عارف فراس بيحبك قد ايه

طيب فكرت فى مره تسمع منه الكلام اللى بيقوله عنك

نظر له صقر بضيق وقال :- ماما انا مش عايز ازعل حد منكم لو سمحتوا اتفضلوا  علشان سفركم

نظر إليه والده بقلة حيلة وقال :- صقر انا مش عايزك تكون زى انا وشريف فراس طفل لو حاجة حصلت لينا مش هيكون ليه غيرك

وضعت فيروز يدها على وجه ابنها وقالت :- فراس امانه عندك يا صقر برضاك أو غصب عنك

نظر لها صقر بجمود وقال نجم الدين بحزن :- كان نفسي تكون بتحب اخوك وتعرف تكون كل حاجة له ياصقر

غادر نجم الدين الغرفة تحت أنظار صقر الذي قبلة أمه جبينه وقالت برجاء :- احضنه مره وحد وانت هتحس انك ملكت الدنيا بين ايديك ياترى انت سمعت منه كلمة اخويا جرب مره وحده

هبطت من عيناها الدموع وهى تغادر بعيداً عنه تتركه وحيداً ينظر لمكانهم الفارغ وبعد دقائق عاد لمكانه وهو يضع السماعه على أذنه ويرفع الصوت إلى أعلى مستوى بشرود

✨✨✨✨✨✨✨✨✨✨✨✨✨✨

وفى الاسفل هبط نجم الدين وفيروز وهم يجرون حقائبهم ثم نظرت فيروز للمكان بتعجب وقالت :- نجم هو مفيش حد فى القصر ولا ايه

نظر لها نجم الدين بتأكيد وقال :- ايوه بابا عنده شغل لوقت متأخر وشريف ونهال بيتين بره انهاردة

قالت فيروز بقلق :- طيب والاولاد هنسيبهم هنا لوحدهم

ابتسم نجم الدين وهو يقول بسخرية :- على اساس الحراس إلى بره دول ايه وبعدين ابنك صقر ببلد بحالها

نظرت له فيروو بضيق وقال هو يضحك :- خلاص خلاص انا اتصالت برقية اختى هتيجى تفضل معهم هنا

هزت راسها براحه وقال نجم الدين بسخرية :- كدا ارتاحتي يعنى نمشي

جاء يسيرون للخارج حتى سمعوا صوت خطوات فالخلف وهم يغادرون استدار نجم الدين وهو يقول بتعجب :- انت صاحي ليه لدلوقتى

ابتسم هذا الصغير وهو يفرك عينه بنوم ويقول بطفوله :- علشان احضنكم قبل ماتمشوا

ابتسمت فيروز بدموع وهى تركض له وتعانقه بين يديها وتقول :- ياروح قلب ماما انت

ابتسم نجم الدين وهو يقترب منهم ويعانقهم معاً ويقول بحب :- اصيل والله يابنى

فراس بضحك :- بتعلم منك يابابا

نظر له والده بغيظ وقال :- قصده ايه ابنك

فيروز بضحك :- ولا حاجة متبقاش افوش كدا

ضحك الثلاث معاً بمرح حتى استمعوا لاصوات اطلاق النار يأتى من الخارج نظرت فيروز لـ زوجها بقلق وقالت :- ايه الصوت ده يا نجم الدين

نظر لها نجم الدين وهو يشير إلى أحد الغرف ويقول :- ادخلى الاوضه دى انتى وفراس

فيروز وهى تعانق فراس برعب :- وانت

أخرج نجم الدين السلاح الخاص به من خلف ظهره وقال بحدة :- اسمعى الكلام يافيروز

انتفضت فيروز بخوف وهى تركض إلى داخل المكتب وتقوم بنظر إلي المكان بزعر حتى قال فراس بخوف :- هو فى ايه ياماما

..انزلت فيروز فراس أرضاً وهى تنظر له بدموع وتقول :- متخفش مفيش حاجة ايه رايك نلعب سوا

هز فراس رأسه وهو يقول :- موافق

أمسكت بيد ابنها وهى تدور برأسها هنا وهناك بخوف بسبب صوت أطلق النار العالي حتى وقع نظرها على أحد الخزانات التى خلفها وقالت وهى تسحب فراس وتضعه داخلها بحرص شديد وتقول :- فراس حبيبى اياك تطلع من هنا او تطلع اى صوت غير وقت ماقولك موافق

هز فراس رأسه وقالت فيروز وهى تقبل رأسه بحنان :- خليك عارف انى بحبك لو مهما حصل ماشي

هز فراس رأسه من جديد وقامت فيروز بغلق الخزانة وتفتح باب المكتب بعد سمع صوت زوجه نجم الدين وهو يدخل وينظر إليها بقلق وهى تقول بخوف :- مين دول وعايزين ايه

هز رأسه بنفى وهو يفتح الخزنة ويخرج منها مسدس اخر ويقول :- معرفش يافيروز .. فين فراس

دمعت عينها برعب وهى تقول :- خبيتوا

قال نجم الدين بتأكيد :- كويس حولي انتى كمان تتخبى وانا هطلع لـ صقر على فوق

نفت بقوة وهى تقول :- لا انا هاجي معا....

لم تكمل كلامها لـ دخول عدت رجال مقنعين يضعون وجوه غريبه على وجههم وضع نجم الدين فيروز خلف ظهره وهو يوجه السلاح عليهم ويقول بغضب :- انتو مين

ضحكه خرجت من أحد هولاء الرجال وهو يقول :- مش هتفرق كتير لو مت دلوقتى مش هيفيدك الاسم فى حاجة

ابتسم نجم الدين بسخرية وقال :- وانتو فكرين انكم هتطلعوا من هنا

ابتسم هذا الرجل من جديد وهو يقول :- زى ما دخلنا بسهوله هنطلع بسهوله

نظر إليه نجم الدين بصدمه وقال :- قصدك ايه

صوب الآخر المسدس على نجم الدين وقال :- قصدى إللى بعتنى عايز موتك وموت عيالك

نظر إليه نجم الدين بصدمه وقال :- ولادي لا

فيروز بخوف :- نجم الدين اعمل حاجة

ضحك الآخر بسخرية وقال :- زوجك مش فى أيده حاجة يعملها حتى شوفى

طلقه خرجت من مسدسه دخلت فى صدر نجم الدين اسقطته أرضاً تحت صرخات فيروز التى جلست بجواره أرضاً تضع يدها على الجرح وتصرخ قائلة :- لا لا نجم نجـــم بصلى ماتمتش علشان خاطرى نجمممم

ابتسم الآخر وهو يرفع المسدس فى وجهها ويقول :- جه دورك يعنى مفيش داعى تقوليلوا أنه يقوم

بكت بضعف وعجز وهى تقول :- اقتلنى اقتلنى بس ولادى لا لاااا

ابتسم الآخر وهو يطلق رصاصة اخرى دخلت جسد هذه السيدة التى سقطت بجوار زوجها ‏‏بدون حيلة أو وسيله كل هذا تحت أنظار هذا الصغير الذى يقوم بختلس النظر على ما يحدث وهو يرى والديه يصرعون الموت أمامه ...،،،

وفى الخارج خلع الآخر هذا القناع وهو يجفف عرقه ويقول بتحذير شوفوا الولاد فين و اهم حاجة إللي اسمه صقر

رجف جسده وشهقه تخرج من بين أنفاس  فراس بذعر وهو يشعر بالرعب على أخيه الاخر طم قدميه إليه وهو يبكى بخوف حتى رجف جسده بقوة وهو يرجع للخلف بذعر وهو يرا باب الخزانه يفتح وينظر له هذا الرجل بعيون ساخره ويقول :- لقيت قطة بعيون ملونه

صرخ فراس بخوف حتى قبض الآخر على رقبته بشدة وهو يعصرها بينا يديه حتى اقتربا على اقتلعها بين يديه ولكن منع حدوث هذا دخول أحد الرجال يركض للداخل وهو يقول :- الحق يا باشا فى عربيات كتيرة جايه بره اظاهر حد بلغ عننا

نظر له الآخر بزعر وهو يبلع رايقه ويقول :- ازاى ده

قال أحدهم :- سيب إللى فى ايدك ده ويلا بينا

هز الآخر رأسه وهو ينظر إلى الصغير الذى فقد الوعي بين يديه ويقول :- مقدرش ده شوف وشى انا لازم اقتله

صرخ الآخر بزعر وهو يركض ويقول :- براحتك انا هخلع زمانهم قدام الباب عن ازنك

نظر له هذا الرجل بخوف والى الصغير بغضب وهو يلقى أرضاً بقوة وركض إلى الخارج بسرعة البرق تاركين خلفهم دماء اسره بريئه بينهم هذا الصغير الذى تهبط الدماء من راسه بسبب قوة الضربه ولكن اثر  رايت موت والديه أمام عينه ليس بالأمر الهين ،،..!

✨✨✨✨✨✨✨✨✨✨✨✨✨✨

وبعد عدت دقائق هبط هذا الآخر من العائلة وهو يرا عدد هائل من الجثث من حوله فى كل مكان فى المنزل حاول الاقتراب من غرفة المكتب ولكن حاول الحراس منعه وهم يقولون :- بلاش ياباشا

نظر إليه صقر نظر من جحيم وهو يقول بغضب :- ابعد عنى

اقترب أحد الأشخاص من الداخل وهو يقول :- بلاش تدخل ياصقر

اقترب منه صقر وهو يقبض على رقبته ويقول بعيون من جحيم :- ابعد عنى ياصخر أفضل ليك ابعد

قفز صقر بجسد صخر بعيداً عنه ويقوم بالاقتراب من غرفة المكتب ويفتح عينه بصدمه ودموع تلمع دخلهم لا يقوى على أخرجهم نظر إلى جثت والديه وهم ملقين أرضاً بلا حركه والدماء تسيل منهم بغزارة جسد دون روح ظل واقفاً دون فعل شئ وهو يتطلع فيهم مثل الحجر الساكن وبعد عدت دقائق آخرى دخل الجد والد نجم الدين وهو يرا جسد ابنه وزوجته قد فرقوا الحياة يشعر أن قلبه اقتلع من مكانه وضع يده على رأسه وهو ينظر للجثث المرميه فى كل مكان فى المنزل بصدمه احتلت جسده وعقله وقلبه ،،،

جائت الشرطة وقامت بحمل الجثث وبأمر من رسلان الصياد منع تشريح الجثة ابنه وزوجته ....،

ــــــــــــــــــــــــــــــــــــــــــــــــــــــــــــــــــــــــــــــــ

قراءه ممتعه للجميع 🦋