البارت الواحد والعشرين 🦋

نبدأ ✨

كانت تسير وهى تنظر حولها بقلق من رؤية أحد لها وهى تقترب من تلك الغرفه التى كان يقف أمامها حارسين وهم يتحدثون مع بعضهم البعض اقتربت منهم وهى تقول بأحد اللغة الأجنبية :- اريد الدخول

هز أحدهم رأسه وهو يقول بنفى :- لا نستطيع ادخلك

قالت وهى تنظر لهم بضيق :- لكنى يجيب انا ادخل الى الداخل ويمكنني انا اعطيكم الكثير

نظر له أحدهم بخبث :- مثل ماذا

وضعت يدها داخل ملابسه وهى تخرج بعض الأموال وهى تقول :- اهذا يكفى

ابتسم أحدهم باتساع وهو يعلق نظره على المال وقال :- ولكن لما تريدين الدخول للداخل ورؤيته بتحديد اننا نكفى بالغرض

قالت وهى تنظر له بعيون مشتعله غاضبه  :- ليس من شأنك افعل ما أمرت به فقط وخذ المال

نظر الاثنان لبعضهم البعض وقال أحدهم وهو يبتعد عن الباب بخوف :- حسنا ولكن اسرعى فى الأمر قبل قدوم تونى

نظرت له بابتسامة خفته، وهى تسير فى اتجاه الباب الذى فتحته ودخلت وهم يغلقون خلفها، دارت بجسدها للخلف وهى تنظر إلى الباب الذى اغلق وهى تتنفس بذعر من الخوف الذى كانت تخفيه داخلها ،فهي تخاطر بكل شئ حتى ترى من فى الداخل،، سارت للداخل وهى تنظر إلى هذا الشاب الذى يجلس وهو شاحب الوجه يحط بعينه هاله من الحزن التى تعلو عينه الذابله أيضاً جسده خسر الكثير من الوزن منذ رأيته اول مره،، اقتربت منه وهى تجلس بجواره وتنظر له بحزن وهى تمد يدها له ببعض الماء :- خد اشرب

رفع لها عينه المرهقة وهو ينظر لها بصمت حتى تنهدت وهى تقول بحزن :- هتفضل ساكت

لم يجيبها وهو يتطلع إلى الفراغ بحزن يكسوا وجهه حتى قالت هى بمرح وهى تجلس بجواره :- طيب انا هكلمك بلغتك انت انا عارفه انك درست لغات كتير وهتفهم كلامى .. بس انا بحب اللغه المصريه وبحب اتكلم بيها وكمان انا عارفة انك مش بتتكلم

نظر لها وهو يشير له بستفهم :- انتى بتجي هنا ديماً ليه

قالت وهى تنظر له بحزن :- غريبه انا بجي هنا ليك تقريباً كل يوم بس اول مره تتكلم معايا

دار برأسه بعيداً وهو يتنفس بتعب حتى قالت هى بدهشه من نظره الى الجهة الآخرى :- خلاص متخفش انا هجاوبك عارف ليه علشان انا عايزه اساعدك مش عايزك تتاذا

نظر لها بصمت حتى قالت بخبث وهى تجلس أمامه بسرعة :- اكيد مستغرب وجودى بينهم وانى اساعدك مش كدا

تطلع اليها بتعجب وهى تجلس أمامه كطفلة وتقول بوجه تحاول رسم المرح عليه وهى تردد :- انت هنا فى خطر والناس دول مش كويسين مش هقدر اقولك انا بينهم ليه بس انا مش هسيبك

ظل يتطلع لها وهى تتحدث بعيون يظهر داخلها الصدق وهى تردد ذلك الكلام الذى تكرره كل يوم تأتى فيه الى هنا حتى قالت وهى يشير له :- مش انت لوحدك اللى عايز تخرج من هنا يا هو انت اسمك ايه

لم يجيبها أيضاً وهى تجلس بجواره حتى قالت هى بحزن :- مش مهم بكره هعرف وبعدين ليك عندى خبر حلو اوي انا قربت لطريقة خروجك من هنا

رجع إلى الخلف بعيداً عنه وهى تنظر له بضيق من ابتعاده عنها حتى قالت بحزن :- طيب مش عايز تعرف اسمي

ردد على شفتيه اسمها بدون صوت :- اماندا 

نظرت له وهى تعقد حاجبيها بتعجب من تحريك شفتيه بدون صوت ،حتى ابتسمت فجاء وهى تقترب منه وهى تردد بصوت منخفض بالقرب من أذنه :- اسمى قدس

رفع عينه إلى عينها التى تشبه الالماس وهى تنظر له، حتى اقترب منهم أحد الرجال وهو يشد بيدها ويرفعه بعيداً عنه وهو يقول بغضب :- ماذا تفعلين هنا بتحديد

قالت وهى تنظر له ببرود :- ليس لك دخل بذلك

جاء يقترب منها وهو ينظر لها بعينان غاضبه وهو يرفع يده للأعلى حتى تهبط على وجهها،،،

ولكن منع هذا نهوض فراس وهو يمسك بيده وينظر له بخوف عليها، حتى نظر له الآخر بغضب وهو يرا يمسك بيده حتى صرخ برجاله من الخلف بالاقتراب والامساك به وهو يضربه بقوة على وجهه عدت مرات

حتى ركضت اليه بخوف وهى تقف أمام من يقوم بضرب وهى تردد بصراخ :- ابتعد عنه ابتعد

قال وهو ينظر لها بغضب ويقوم بالامساك بشعرها بين يديه وهو يصرخ عليها ويقول :- عليكى اللعنه انتى وهو قسم لكى كنت اقتله لولا أنه يساوي الكثير من المال

نظرت له بغضب وهى تقول بسخرية :- انا كرهك

سحبها للخارج حتى قال وهو يستدير لـ فراس الذى ينظر له بعجز منه فهو أصبح جثة لا تقوى على فعل شئ من كثرت الضرب فيه :- عدت ايام واقوم بتخلص منك

غادر وهو يمسك بها وهى تنظر لـ فراس الذى ينظر هو الآخر لها بحزن واسف على ضعفه وهى تغادر أمامه للخارج...،،،،

✨✨✨✨✨✨✨✨✨✨✨✨✨✨

* فى مكان آخر *

كان يجلس عمر الذى يشعر بأنه قليل الحيلة وبلا فائده، فـ منذ اختفاء فراس وهو لا يستطيع فعل اى شئ أو المساعد حتى وبالقرب منه كان يجلس بحر وهو لا يختلف عنه فى شئ حتى قال وهو ينطق بحزن :- فراس وحشنى

قال عمر وهو يستدير له :- وانا كمان حتى أيدو وضربه وحشنى

قال بحر بدموع :- احنا كنا وحشين معه اوى ياعمر

قال عمر بغضب على نفسه :- معك حق ياترا هو فين دلوقتى وبيعمل ايه .. معقول يكون سابنا ومشي مش عايز يرجع تانى

ابتسم بحر بمرارة وقال بنفى :- فراس مش كدا يا عمر مستحيل ياذينا احنا وصقر بشكل ده

قال عمر بتأكيد :- معاك حق بس مين إللى ممكن ياذي وهو فين فراس معملش حاجة لاى حد

نظر له بحر بنفى وهو يفكر بتعب من شدة الحزن ،حتى اقتربت منه كارما وهى تجلس بجوارهم هى وياسمين وتقول :- انا اتكلمت مع فرح وقالت إن صقر لسه ميعرفش حاجة عن فراس

قال بحر بتعجب :- اومال راح فين .. صقر مفيش مكان مدورش عليه فيه

قالت ياسيمين بدهشة من حزنهم على فراس :- انتو بتحبوا لدرجة دى ليه

قال عمر بحزن على صديقه وهو ينظر إلى زوجته :- علشان فراس يتحب هو غير الكل ياياسمين

قال بحر بدموع :- طول الوقت بيدفع عن اى حد مننا دائماً معانا عمره مزعل أو فارق حد مننا فى اى وقت احنا محتاجين وجوده فيه

قالت كارما بحزن وندم :- عارفه ياياسمين فراس اخرس بس قلبه معوضه عن اى حاجة تانى عمره ما فرق معه أنه مش قادر يتكلم  بالعكس كان دايماً سعيد ومبسوط

قال بحر بندم واسف فى صوته :- انا ضربته قولتله أنه اناني وانى بكرهه بس والله انا بحب فراس اووى

نظرت له كارما بدموع وقال عمر بالم يجتاح روحه :- انا مفرقش عنك كتير يمكن انت مكنتش فاهم إللى بتقوله بس انا عملت حاجات اكتر منك انا قولتله يطلع برا البيت ده قولتله أنه مش من العيله دى وأنه يتيم

نظرت له ياسمين بصدمه ممزوجا بحزن عليهم وهى تقول :- انتو بتفكروا بطريقه دى ليه انتو الازم تدعوا له أنه يرجع بلاش تفتكروا الغلط اللى حصل منكم انتو لازم تتمنوا وتطلبوا من ربنا أنه يرجع

نظرت لها كارما بتأكيد وهى تقول :- ياسمين بتقول كلام صح لازم نعمل كدا

وضع عمر يده على وجهه وهو يقول بتعب :- يارب

نظر له بحر بحزن والم وهو يرددها داخله برجاء ،تحت أنظار ياسمين الحزينه عليهم،، وكارما التى تشعر مثلهم بندم لمجرد التفكير تجاه فراس بالحقد عليه....،،،،،

✨✨✨✨✨✨✨✨✨✨✨✨✨✨

* دخل شركات الصياد *

كانت تجلس هذه الفتاة التى تشعر بالحزن على فراس ،الذى تتمنى من كل قلبها أن يرجع إلى عائلته، وان يكون بخير فـ هى تعتبره مثل أخيها الصغير فـ هو طيب القلب وليس بشخص سيئ، تنهدت بضيق من شدة الحزن الذى تشعر به وهى لا تعلم السبب،، رفعت نظرها إلى هذا المكتب الكبير الذى تجلس داخله فهو كبير الحجم وضخم فمثل هذا المكان بتأكيد لا يملكه اى حد غير أشخاص مثل صقر الصياد، الذى استدعاها الى مكتبه فى أمر مهم، تشعر بالقلق من ذلك الأمر فهى لم تجتمع كثيراً مع صقر إلى فى الأوقات العائليه المحدوده ،نفضت تفكيرها الذى يشغل عقلها وهى تنهض بسرعه عند رؤيتها صقر وهو يدخل من باب المكتب الذى تجلس داخله ،وهو يسلط نظره عليها وهى تقف أمامه شعرت بتوتر أكثر وهو ينظر لها حتى اقترب منها وهو ينظر لها ويقول :- اخبارك ايه يا سيلين

نظرت له سيلين بتوتر وهى تراه باهت الوجه مرهق العينان ولكن قوته تظهر عليه فى كل الاوقات وهى تقول :- الحمد لله وحضرتك

ابتسم بود وهو يشير لها بجلوس وهو يقول :- الحمد لله اتفضلى

جلست بتوتر وخوف اكثر وهى تقول :- حضرتك طلبت تشوفني

هز صقر رأسه وهو يقول بتأكيد :- ايوه فى حاجة مهمه لازم تعرفيها

نظرت له بترقب وتعجب حتى دارت برأسها إلى جهة يونس الذى طرق الباب ودخل وهو يقول بقلق :- اسف لو كنت قطعت كلامكم بس انا

أشار له صقر بجلوس وهو يقول بجديه :- كويس انك جيت اقعد

نظر له يونس بتعجب وهو يجلس ويقول بقلق :- خير

قالت سيلين بستفهم :- هو انا عملت حاجة

هز صقر رأسه وهو يقول بهدوء :- لا بس فى حقيقة مهما لازم تعرفيها يمكن تغير حياتك الحقيقه دى بس صدقيني مفيش حد له ذنب فى اللى هتعرفي

نظرت له سيلين بتعجب وهى تدير راسها الى يونس الذى يرقب كلام صقر بدهشة حتى قالت :- انا مش فاهم حاجة ممكن توضح كلامك

قال صقر وهو ينحني بجسده للامام قليلاً وهو يتطلع لها :- سيلين انتى اهلك ماتوا فى حادثة سير من سنين طويله مش كدا

هزت سيلين راسها بقلق أكثر وهى تتطلع له وهو يقول :- واليوم ده امك كانت بتولد وجبت طفل صغير

ادمعة عين سيلين وهى تتذكر موت والديها وهى تقول بحزن :- ايوه

نظر لها يونس بحزن عليها وأكمل صقر كلامه وهو يتنهد بالم داخله قلبه لذكر اسم أخيه :- اخوكى لسه عايش

برقة عينها بصدمه وهى تنظر لها وتقول :- انت بتقول ايه ا.اخويا انا

نظر له يونس بصدمه وقال :- اخوها بس ازاى ومين

هز صقر رأسه وهو يراها تنظر له بصدمه وتعجب وهو يقول :- ايوه اخوكي بيكون فراس هو الطفل إللى ابويا لقى من سنين بيكون اخوكى

وضعت سيلين يدها على فمها وهى تشهق برعب من كلامه حتى قال يونس بصدمه :- فراس اخو سيلين

هز صقر رأسه وهو ينظر إلى سيلين التى تبكي بصدمه وهى تنهض وتصرخ فى وجههم وهى تقول :- انتو كذابين انا اخويا مات

قال يونس بحزن وهو ينهض ويمسك بيدها ويقول :- اهدى ياسيلين

قالت سيلين وهى تنظر الى صقر :- انت بتهزر صح

قال صقر وهو ينفى برأسه ويقول بضيق :- انا اسف ليكى بس دى الحقيقة وانتى لازم تعرفى كل حاجة .. فراس هو اخوكى وانتى ممكن تتاكدي من كلامى بس يرجع الاول

قالت وهى تصرخ فى وجهه بصدمه :- انت جاى تقول دلوقتى وهو بعيد وانا معرفش هو فين يعنى انا خسرته لتانى مره بسببكم

قال يونس وهو يقترب منها بحزن :- سيلين اهدى

ابعدت سيلين يد يونس عنها وهى تقول بغضب :- ابعد عنى انت كنت عارف من الاول

قال يونس بصدمه :- سيلين

بكت بقهر وهى تقول :- انت عايز تتزوجني علشان عرفت ان فراس اخويا

قال بنفى وهو يحاول الاقتراب منها:- اسمعينى الكلام ده مش حقيقى

قال صقر وهو ينظر لـ يونس بضيق :- يونس بيقول الحقيقه هو ملوش ذنب جدى خفى الحقيقة عن الكل

رجعت للخلف وهى تنظر لهم بدموع تهبط منها بالم وهى تتذكر فراس وأنه ليس بغريب عنها فهو قطعه منها :- انتو خدتوا مني اخويا طول السنين دى حرمتوا اخت من اخوها

قال يونس بحزن كبير عليها وهو يقترب منها :- انا عارف انك مصدومه بس كفايه دموع

قالت وهى تنظر له بغضب :- انا مش عايزك يايونس ابعد عنى كل حاجة انتهت بينا أنا مش عايزه غير اخويا مستحيل أسامح حد منكم على اللى سببتوا ليا

غادرت وهى تركض للخارج تحت أنظار يونس الذى ينظر لها بصدمه وقال صقر بنفى :- سيبها تهدأ شويه بلاش تضغط عليها

قال يونس بذهول :- ليه جدى عمل كدا

قال صقر بغضب من أفعاله :- مش عارف بس بلاش تقرب من سيلين سيبها مع نفسها شويه

نظر له يونس وهو يهز رأسه ويغادر للخارج تاركاً صقر ،الذى اقترب من المكتب وهو يمسك صورت فراس الموضوعه على المكتب وهو ينظر له بشوق كبير ويقول :- وحشتنى

✨✨✨✨✨✨✨✨✨✨✨✨✨✨

* بعد مرور يومين *

وقف جود أمام نهال التى تجلس وهى تنظر له بحزن وتقول :- انا مش عارف انت زعلان ليه ماهو غار فى داهيه

قال وهو يقترب منها بغضب :- انتى ضحكتي عليا وخدعتينى

قالت نهال بلا مبالاة :- والله انا مضربتكش على ايدك .. وكمان انا كنت بساعدك وانت طلبت منى ده

قال وهو يصرخ فى وجهها بغضب :- انتى كذبتى عليا اقنعتنى أن فراس واحد مش كويس

قالت بتأكيد وهى تقترب منه :- دى الحقيقة هو واحد اخرس وحيوان عايز كل حاجة مجاناً خد حب العيله دى وهو مش واحد منهم

قال جود بسخرية :- ده على اساس انك بتحبي العيله دى اوى

قالت بنفى :- معاك حق انا بكره العيله دى اوى كل واحد منكم

قال وهو ينظر لها بكره :- انتى طلعتى أسوأ حد شفته فى حياتى

قالت بفخر :- دى حاجة حلوه على فكره

نظر لها بغضب وهو يقول :- انا هقول كل حاجة لـ صقر انك انتى السبب فى كل إللى حصل وانك

قالت وهى تنظر له بسخرية :- جود بلاش تخلينى ااذيك

هز رأسه بلا مبالاة وهو يقول بحزن :- مش فارقه كتير انت اكيد إللى اذيتي فراس وكنتي هتقتلى اخويا

قالت وهى تنفخ بضيق :- اظهر انك اتجننت

صرخ فى وجهها وهو ينظر لها ويقول :- فين فراس

نهضت وهى تقول بغضب :- جود انا ممكن اقتلك دلوقتى وارتاح منك مفيش حد هنا انت متعرفش انا مين خليك معايا وانت هتكسب كتير بلاش تكون ضدي

نظر لها بسخريه وقال :- مش هتقدرى تعملى اي حاجة

قالت نهال وهى تخرج السلاح وتصيب ذراعه وهى تقول :- انسانه زيى اتخلصت من كتير مش هيفرق معها واحد زيادة

جلس جود على أقدمه وهو يضع يده على كتفه الذى أصيب وهو ينظر له بسخريه وقال  :- انتى فكره انك كدا صح

اقتربت منه وهى تقول بسخرية :- صح اوى ياجود انت عارف مستغربه بصراحة اوى انت مش شبه نجم الدين ولا فيروز بس فراس فى شبه كبير منهم مع أنه مش ابنهم مش عارفه السبب بصراحة

قال وهو يتألم من ذراعه بشدة :- انتى نهايتك دلوقتى يانهال

وضعت يده على وجهه واليد الآخرة تضع بها المسدس على رأسه :- اسفه بس انا بصراحة جبت أخرى منك وانت غبي زى إللى قبلك شريف خد نصيبه منى  .. جه دورك وبعديكم صقر زى مافراس اتخلصت منه .. كل واحد فى العيله دى هاخد حقى منهم غالي اوى

نظر لها وهى تصوب عليه السلاح تنفس بتعب وهو يرفع بعينه لها وهو يقول :- كل حاجة خلصت

نظرت له بصدمه وهى تنهض ببطء وهى تسقط السلاح أرضاً عند شعورها بمن يرفع عليها السلاح على رأسها وهى تدير جسدها وتقول بصدمه :- ي.يونس

نظر لها بعيون مقهورة منها وهو يدمع بصدمه ويقول :- انتى كنتى السبب فى موت ابويا

قالت وهى تهز راسها بخوف :- الكلام ده مش صح يايونس انا عملت كدا علشان هو بـ يهددنى أنه هياذيكم هو وحش اوى يايونس

ابتسم يونس بسخرية على ماتقول وقال صقر وهو يقف بالخلف من ابن عمه :- اظاهر انك لسه متعبتيش يانهال

بلعت رايقها بخوف وهى ترجع للخلف وتقول بذعر :- صقر

قال صقر وهو يقترب من جود ويقول بثقه  :- اكيد مفيش حد ممكن يعرف حقيقتك غيري

قالت وهى تنظر له بتوتر :- متصدقش كلامه ياصقر ده واحد كذاب

جلس صقر على أقدمه امام جود الذى ينظر له بالم وهو يضع يده على ذراعه وهو يكتم الدماء الذى يهبط منها وهو يقول بقلق :- انت كويس

اغمض جود عينه وهو يفتحها من جديد ويقول  :-  انا كويس متقلقش

هز صقر رأسه وهو يشير لـ مراد وهو يقول :- مراد

أقترب منه مراد الذى  هبط على أقدمه بجوار جود الذى قال وهو يساعده على النهوض :- حاول تقوم معايا

نهض جود وقال له صقر بأمر :- خد جود المستشفى

هز مراد رأسه وقال جود بنفى :- لا انا مش همشي هى..

قطع صقر كلامه وهو يشير له بالمغادرة وهو يقول :- اسمع الكلام لسه دور نهال مخلصش روح معه

نظر له جود بحزن وهو يقول :- انا اسف

هز صقر رأسه وهو يطبطب على وجهه برفق وهو يغادر مع مراد ،وقام صقر بالاقتراب من نهال التى تنفست بذعر وهى تقول :- صقر جود كذاب

قبض علي رقبتها وهو يضغط عليها ويقول بغضب :- انا صبرت عليكى كتير اوى اتحملت منك فوق طاقتي بس أظاهر أن الحيوان هيفضل طول عمره حيوان

صرخت وهى تحاول ابعد يده عنها وهى تقول بالم :- ابعد عنى انا معملتش حاجة ساعدنى يايونس

نظر لها يونس بكره وهو يقول بغضب :- انتى اخدتى منى ابويا وانا هاخد روحك وعد يانهال

قال صقر وهو يبعد عن رقبتها وهو يقول بسخرية :- اظاهر أن شريكك مش موجود

نظرت له بصدمه وقالت :- انت بتقول ايه

قال وهو ينظر لها بشر كبير :- متخفيش انا لسه هاخد منه حساب قديم كان بينى وبينه

نظرت له بفزع وهى تقول :- صقر انت بتغلط

اقترب منها وهو ينظر لها بعيون كارهه تحمل غضب كبير وهو يقول :- فين فراس

قالت بخوف :- معرفش

قال وهو ينظر لها بشرار يتطاير من عينه:- نهال كان ممكن اسامحك على موت ابويا وامى كمان موت عمى بس اخويا لا فراس لو شعره منه اتاذت موتك هيكون قصدها

نظرت له بكره وحقد وهى تقول :- مش عارفة

نظر صقر للرجال الخاصه به وهو يشير لهم بالاقتراب وأخذها بعيداً تحت أنظار يونس الذى اقترب منه صقر وهو يقول بضيق :- يونس

رفع يونس عينه له وهو يقول :- عرفت ازاى أنها قتلت بابا

قال وهو ينظر له بحزن :- عمى شريف ساب رساله ليا قبل ما يموت بكام ساعه بيقول فيها أن نهال بتخونوا تانى يوم كان ميت

بكت عيون يونس وهو يعانق صقر الذى بدوره احتضانه بحنان وهو يقول :- متقلقش حق كل واحد هيرجع

بكاء يونس بقهر وهو يقول :- هى السبب فى كل حاجة فراس ختفى بسببها

قال صقر وهو ينظر له بضيق :- اهدا ورجع للقصر

قال بخوف :- وعمر ده ممكن يتجنن

قال بنفى وهو يوكد عليه :- بلاش تقول له حاجة وسيب كل حاجة ليا انا

هز يونس رأسه وهو يغادر بعيداً ،تحت أنظار صخر الذى اقترب من صقر وهو يقول :- ليه مقولتش له أن شريف ليه ايد فى موت اهلك

قال صقر وهو يهز رأسه بجمود :- بلاش يكره ابوه كمان الكره تجاه اقرب الناس ليك صعب ياصخر

نظر له صخر بتعجب وهو يقول :- زى ما تحب ياصقر

هز له صقر رأسه وهو يغادر للخارج ويقوم صخر بالالحاق به...،،،،

✨✨✨✨✨✨✨✨✨✨✨✨✨✨

وفى ذلك المكان الذى يجلس فيه فراس كان يجلس وهو يشعر بتعب من شدة الالم الذى يطوف أنحاء جسده، لا يعلم من هولاء وماذا يردون منه يريد الموت وراحه من كل شئ ولكن يريد رأيت صقر بالاكثر والاطمئنان عليه من بعيد فقط، يشعر بالخوف من حدوث شى سئ معه، فهو يتذكر ذلك اليوم الذى استيقظ فيه داخل تلك المشفى ،وهو يرا زوجة عمه التى اقتربت منه وهى تقول له :- كويس انك بخير انت عارف انا عرفت ازاى هاستفاد منك وهتفيد غيرك

نظر لها بالم وهو يشعر بوجع شديد فى رأسه وهى تقول مره آخره بابتسامه شر :- انت مش هتصدق الكل دلوقتى قلقان على صقر ونسين وجودك وخايفين عليه ازاى .. بس الاكيد هو هيموت ليه بقا لان حالته مش كويسه

نظر لها بخوف وهو يحاول التحدث

وقامت هى بالاقتراب منه وضغطت على رقبته وهى تقول :- رقبتك دى نفسي اطلعها فى ايدى بس بصراحة مش هقدر علشان قررت استفاد منك وهاخد فلوس كتير اوى من وراك

نظر لها بتعب وهو يحاول عدم اغمض عينه وهى تقول :- انا هبيعك لناس بيعملوا خير وبياخدوا اعضائك دى ويفيدوا بيها ناس تانى احسن منك ويستاهلوا انهم يعيشوا بدالك

نظر لها بتعب شديد وهو يدمع بضعف من شدة ضغطها على رقبته وهى تتكلم بلا توقف :- انا اخيراً حبيتك وزعلانه عليك اوى بس مش مهم اهو تحصل اخوك صقر

اغمض فراس عينه عند ذكر اسم أخيه وهو لا يعلم ماذا حدث بعد ذلك ،إلا عند وجوده فى هذا المكان الذى لا يعرف اين يقع حتى،، تنفس بوجع وهو ينظر إلى هذا الباب وهو يتذكر تلك الفتاة التى تأتى إليه دائماً، ومنذ اخر مره لم تأتى يشعر بالقلق عليه فهو لا يرا في عينها اى شر بل يوجد براءة وحزن كبير عكس الابتسامه التى ترسمها على وجهها ،،،

ظل يفكر فيها حتى راها تدخل وهى تقترب منه وتقول بقلق عليه :- انت كويس عملوا ليك حاجة طمنى

وضع يده على بطنه وهو ينظر لها بتعب يظهر على وجهه حتى نطقت وهى تنظر له بخوف عليه  :- فى ايه

رفعت ملابسه عن جسده وهى ترا جرح كبير فى بطنه رفعت عينها له وهى تنظر وتقول بدموع عليه :- انا اسفة

نظر لها فراس وهو يهز رأسه بضعف وقالت وهى تسمع صوت فى الخارج :- انا لازم امشى

امسك بيدها وهو ينظر لها حتى قالت وهى تتطلع له بدموع :- متخفش وعد ليك منى راح تخرج من هون فى اسرع وقت

نظر لها بتعب وهو يردد من بين شفتيه :- صقر

لم تفهم ما يقول من بين شفتيه حتى رفع يده وهو يقول بلغة الإشارة :- قولى لـ صقر انى بحبه

نظرت له بدموع وهى تشعر بالخوف عليه،، وهى تتركه وتغادر للخارج بسرعه، وهو يجلس وحيداً ويقوم بغمض عينه ويردد اسم أخيه من جديد...،،،

ــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋