البارت العاشر 🦋

نبدأ 🌛🌜

* وفى أحد المنزل البسيطه *

كان يتسحب هذا الشاب وهو ينظر حوله كـ الهارب من أحد الجرائم ،وهو يسير يلتفت يساراً ويميناً وهو يتنفس بزعر حتى دخل إلى أحد الغرف، وهو يبحث بعينه عن شئ ما حتى وقع نظره على تلك الحقيبه الموجودة أمامه على السرير ،اقترب منها بحذر وهو يقوم بالامساك بها بين يديه وهو يفتحها وينظر ما يوجد  بداخلها ،حتى راء بعض الأموال وهو ينظر لهم بفرحة،،،،

ويمد يده لكي ياخذهم ولكن قام بمنعه أحد يسحب الحقيبه بقوة من امامه رفع عينه وهو ينظر إلى عينها التى تتطلع فيه بغضب وتقول بنبرة تكسوها الحزن :- حرام عليك انت ما بتزهقش

نظر لها بضيق وهو يقول بقليل من الخوف :- على فكره انا كنت بشوف لو محتاجه حاجة

نظرت إليه بسخرية وهى تقول بدموع :- والله واللى عايز يساعد حد يعمل إللى كنت بتعمله ده ... مشكلتك انى حفظك كويس

قال بضيق وهو يحاول الخروج من الغرفة:- يوه كفاية زن بقا

سارت خلفه وهى تقول برجاء :- حرام عليك ياعماد فوق لنفسك انت بتعمل كدا ليه .. انا تعبت منك ومن أفعالك

قال وهو يسير بيده داخل شعره :- انا جيت جانبك ملكيش دعوه بيا وانتى ترتاحي

قالت وهى تمسك يده وتقف امام وجهه بغضب :- ماليش دعوه ازاى انت اخويا انا بقيت كل يوم اجيبك من الاماكن الزباله بتاعتك دى انت ايه جبله مش بتحس

امسك بيدها بغضب وهو يقول بنبرة تحمل الضيق :- قولتلك مالكيش دعوه بيا واحترمي لسانك شويه

قالت بدموع وهى تنظر له بغضب :- انت عمرك ما هتحس بيا انا بقيت بعمل حاجات خطيرة علشان بس اصرف عليك وكفر عن ذنوبك وانت .. وانت بتزيد همي ياشيخ منك لله

نظر لها بحزن وهو يقول بأسف :- انا اسف ياحبيبتى وعد هتغير

ابعدت يده بصراخ ممزوج بغضب وهى تقول :- وعــد .. وعد ايه انت كل يوم بتوعدنى ومفيش حاجة بتحصل انا مش مسامحك ياعماد

نظر لها بنرفزه وهو يغادر للخارج ويغلق خلفه الباب بغضب ، أما هى جلست تبكى بحزن على حال أخيها حتى شعرت بتاخرها على معاد العمل وقامت بنهوض بسرعة والمغادرة هى الآخرى،،.....

✨✨✨✨✨✨✨✨✨✨✨✨✨✨

* وفى منزل الصياد *

كان يجلس الجميع وهم يتناولون الطعام على مائده واحدة، ومن بينهم صقر الذى ينظر كل دقيقه والاخرى إلى فراس وهو يتناول الطعام بهدوء وصمت حتى قالت فرح بمشاكسة :- قولى يافراس مش ناوى تتزوج

نظر لها فراس بتوتر من سؤالها وهو يهز رأسه بنفى حتى قالت رقية بتأكيد :- ياريت  انت قولى نفسك تكون ازاى وانا اختارها ليك من بين الف

عشق بفرحة :- وانا كمان ياماما هختار معاكى

قالت فرح بتعجب منهم :- طيب استنوا نعرف يمكن عايز حد معين

نظر لهم فراس بصدمه من كلامهم وهو ينظر إلى صقر الذى يرقب الحديث باهتمام وقال يونس بتعجب :- زوج ايه انا لسه ما تزوجتش

قال شريف بسخرية :- انت اكيد هتتزوج يايونس بس ياترى مين إللى هتقبل واحد اخرس

نظر فراس لـ عمه بحزن وهو يسلط نظره على الطعام بصمت حتى قطع حزنه صقر وهو يقول بتأكيد :- والله لو على البنات كتير بس فى رايى مفيش وحده لسه تستاهل ان يكون فراس فى حياتها

قال جود وهو ينظر لـ فراس بتسأل:- هو فراس خسر صوته ازاى

سقط من يد فراس تلك الملعقه التى يأكل بها، تحت أنظار صقر الذى ينظر لتوتره ورجفت يده بخوف وهو ينظر لـ جود

بضيق ويقول :- اعتقد انك مبقتش مقرب كفاية مننا علشان تعرف

نظر له جود بصدمه من كلامه وهو يقول بتوتر :- اسف ماكنتش اقصد

قال رسلان وهو ينظر لـ صقر بغضب ثم قال وهو يتطلع لـ جود بحنان :- متزعلش ياجود يابنى صقر ميقصدش بس اللى حصل فى الماضي مش محبب ذكره من جديد

هز جود رأسه وهو ينظر إلى نظرات صقر القلق على فراس، وهو يمسك بيده ويطمئن قلبه عبره نظراته له، شعر بالغير والغضب يتاكل نحو هذا المدعو فراس وهو ياخذ حقه منه تنفس بهدوء وهو ينهض ويقول :- عن ازنكم

نظر له رسلان بتعجب وهو يقول :- على فين ياجود انت مخلصتش اكل

قال جود وهو ينفى بهدوء ويقول :- معلش بس انا عندى شغل ضرورى لازم يخلص عن ازنك مره تانيه

هز الجد رأسه وهو ينظر إليه بضيق ويشعر بالحزن لرفض الجميع له، كل هذا تحت أنظار صقر الذى يشعر بقليل من الضيق بسبب كلامه الذى قاله بسبب حزنه على فراس،،، نفض عقله من التفكير وهو ينظر إلى فراس الذى يراه شارد البال وعلامات الحزن علي وجهه،،،،....

✨✨✨✨✨✨✨✨✨✨✨✨✨✨

* ودخل شركة الصياد *

كان يصعد عمر إلى مكتب والده بعد أن أخبره بالقدوم إليه للقيام ببعض العمل الذى يشعر عمر نحوه بالملل، يريد عدم الذهاب ولكن يعلم غضب والده جيداً، قام بسؤال أحد الموجودين فى الاستقبال عن مكان وجود والده فى هذا الوقت بتحديد ،وقال له أنه يجلس فى مكتبه هز رأسه بهدوء وهو يتوجه إلى المصعد ويدخل فيه، حتى وجد أحد الفتيات تدلف إليه وهى تركض بسرعه،، نظر لها بعد أن ضغطت على نفس الطابق الذى يذهب إليه بتعجب وهو ينظر إليها ويقول بتردد :- انا أعرفك

نظرت إليه بضيق من سؤاله وهى تقول :- افندم

قال بنفى وهو ينظر إليها بدقه اكبر :- مقصدش حاجة بس انا حاسس انى شفتك قبل كدا

هزت رأسها بضيق وهى تنظر اللى رقم الطابق بضيق :- لا معتقدش

نفى برأسه وهو يتمعن النظر اكثر حتى قال بصدمه :- مش معقول

قالت وهى تنظر إليه بخضه :- فى ايه

قال وهو يبتسم بفرحة :- انا شوفتك فى الديسكو

نظرت له برعب وهى تبلع رايقها بتوتر :- ل.لا اكيد انت غلطان

هز رأسه وهو ينظر لها بثقه :- لا انا واثق انتى البنت إللى كنت ماسكه ايد شخص وخارجه برا البار

نظرت إلى المصعد الذى فتح أبوابه وقالت وهى تسير بسرعه للخارج :- لا مش انا انت غلطان

ساره خلفها بسرعه مشابها لها وهو يقول بتعجب :- انتى بتهربي ليه انا متاكد انها انتى وبعدين انتى بتعملى ايه هنا

قالت وهى تنظر له بغضب :- وانت مالك ياريت تبعد عن وشي

هز رأسه وهو يقول بعناد :- لا اسمك ايه الاول

نفخت بضيق وهى تصرخ فى وجهه :- انت اظاهر مجنون

هز رأسه بنفى حتى اقتربت أحد الفتيات منها وهى تقول بتعجب :- فى ايه ياياسمين

قالت ياسمين بضيق :- مفيش يا يارا اشكال متخلفه على الصبح

قالت يارا بخوف :- مش مهم الاستاذ انور بيدور عليكى أجرى

هزت ياسمين راسها ،وهى تنظر لمن يقف وهو يتفحصها من راسها الى أصبع قدمها نظرات لا تفهمها ،نفخت بغضب منه وهى تركض بعيداً عنه، تحت أنظاره هو الذى ينظر لها باعجاب وهو يردد اسمها على لسانه بتكرار :- ياسمين ياسمين اسم على مسمى ياسمين قمر شبها

نظر الى الساعه فى يده وهو يفتح عينه للنهايه بزعر ويركض وهو يقول :- احى ابويا

✨✨✨✨✨✨✨✨✨✨✨✨✨✨

وفى مكان آخر كان يجلس بحر وهو ينظر إلى جويريه التى تجلس وهى يظهر عليها التعب على غير العادة جلس بجوارها وهو يعطيها الماء ويقول بقلق عليها :- خدى اشربي

أمسكت منه الماء وهى تشرب بتعب وتقول :- شكراً يابحر

قال بحر وهو ينظر لها بتعجب :- بقيتى احسن طيب تعبانه فيكى ايه

هزت راسها وهى تقول بضيق :- مش عارفه حاسه معدتي وجعانى اوى

قال بقلق اكبر :- طيب نروح للدكتور

هزت راسها بنفى وهى تقول :- مالوش لزوم انا هبقى كويسه متقلقش انت عليا

هز رأسه بخوف عليها وهو يقول :- جويريه علشان خاطرى لو تعبانه جامد خلينا نروح للدكتور

ابتسمت وهى تنظر له بتأكيد :- ماتقلقش والله أنا بخير وبعدين ده تعب عادى بيجي من فترة وبيروح لحاله

نظر لها بدهشة وهو يقول :- لا أحنا كدا لازم نروح للمستشفى اكتر من الاول

قالت بضجر منه وهى تنظر له بغيظ :- يوه بقا يابحر قولتلك انى كويسه

نظر لها بشك وهو يقول :- ماشي

قالت هى بحزن :- عامل ايه فراس بقى احسن

هز رأسه بنفى وهو يقول :- مش عارف بس اكيد لا

قالت بتعجب من إجابته تلك وهى تنظر له :- بتقول كدا ليه

قال وهو يغلق علبة الدواء أمامه :- علشان ده طبيعى يوم ماتعرفى انك كنتى فى كذبه كبيره هتكوني بخير

نظرت له بحزن وقالت :- بحر اوقات بيكون السكوت افضل من الكلام

نظر لها بحزن وقال :- وذنبنا احنا ايه فى السكوت ده

قالت بنفى :- مالكمش ذنب بس ده الاحسن ليكم

نظر لها بحزن حتى قالت بنفى :- صدقنى الحقيقة بتكون اوقات متعبه للقلب فـ بلاش منها احسن

نظر لها بتعجب من كلامها ،حتى شعر بوجود صخر أمامه ،وهو ينظر له بعقل شارد، نظر له هو الآخر بحزن ،حتى قالت جويريه بتعجب :- صخر انت هنا من أمتي

قال صخر بسكون :- لسه دلوقتى

نهض بحر وهو يسير للخارج ويقول :- انا ماشي ياجويريه

نظرت له جويريه بحزن حتى قال صخر وهو ينظر لـ بحر :- عايز اتكلم معاك شويه

نظر له بحر بنفى وهو يقول :- وانا مش عايز

قال صخر بضيق :- ماتقلقش هما خمس دقايق

نظر له بحر بغضب :- قولت لا

امسك صخر بيده وهو يضغط عليها بحدة ويقول :- انت غبي بقولك عايز اتكلم معاك

نظر له بحر بدموع تكونت داخل عينه حتى ركضت جويريه وهى تقف بينهم وتقول :- صخر سيب بحر هو عنده مشور مهم خليه يمشي

نظر صخر لـ بحر بضيق من نفسه وهو يترك يده وينظر لـ جويريه التى تتطلع له بحزن وقال :- ماشي

غادر بحر بخوف يكمن داخله تجاه أخاه وقالت جويريه بحزن وهى تنظر له :- اظهر انك مفيش فايده فيك يا صخر

نظر لها صخر بجمود حتى قالت هي بعتاب :- لامتى هتفضل تعاند انت اكتر واحد حاسس بزعل من إللى بتعمله فيه والخوف عليه بلاش عناد ياصخر

ابتعد عنها وهو ينظر للأدوية التى على المنضده وقال بستفهم :- انتى كويسه

قالت وهى تنظر له بدموع :- مش كويسه عارف ليه علشان شايفه وحاسه بالندم إللى فى عنيك تجاه اخوك ياصخر ارجع عن غضبك وحسسه بحبك ليه

قال بضيق وهو يمسك بيدها ويجلسها على أقدمه ويقول بقلق :- لو سمحتى كفايه كلام وجاوبي على كلامى انتى كويسه

نظرت له بقلة حيلة وهى تنظر له بنفى :- انا كويسه بس تعبانه شويه

نظر لها بخوف عليها وهو يقبل جبينه ويقول :- نروح للدكتور

هزت راسها وهى تعانق جسده وتضع راسها على كتفه وتقول :- مفيش داعي هكون كويسه ماتقلقش

هز رأسه بقلق لا ينكره عليها فـ هى حبيبته وشريكة عمره وروحه وقال بحب وهو يسير بيده على رأسها :- جويريه هتكوني بخير

قالت بدموع تهطل من عينها :- نفسي ياصخر تشارك حنيتك دى مع بحر ويشوف انك مش وحش

شعر بنغزة داخل قلبه من كلامها وهو يشعر بحزن لا ينكره،،،....

✨✨✨✨✨✨✨✨✨✨✨✨✨✨

* وفى منزل الصياد *

كان يسير صقر إلى الأعلى حتى راى جود ياتى من الخارج وهو ينظر له ،ثم دار برأسه بعيداً وهو يسير ويصعد للاعلى بصمت، حتى أوقفه صوت صقر الذى اقترب منه وهو يقول بهدوء وثبات يظهر على وجهه :- كنت حابب اتكلم معاك

قال جود بدهشه وهو ينظر له :- خير

قال صقر وهو ينظر اليه ببعض من تأنيب الضمير وهو يقول :- كنت عايز اقولك انى إللى حصل الصبح كان من غير قصد بس

قال جود بهدوء :- ولا يهمك بس الظاهر حبك لـ فراس كبير لدرجه أنك مقدرتش تستحمل سوالى اللى من غير قصد

هز صقر رأسه وهو يقول :- الكلام ده صح بس الموضوع ده بتحديد مفيش حد مسموح له فى البيت ده بالكلام عنه لأى سبب وياريت تفهم ده

هز جود رأسه بتأكيد وقال :- فاهم انا مش عارف ايه السبب بس كنت بسال من الفضول مش اكتر

هز صقر رأسه بتأكيد وقال :- ولا يهمك كنت عايز كمان اقولك انك ممكن تيجى الشركه انا عرفت انك دارس كمان أدارة اعمال يعنى ممكن تيجى تتعرف على الشركه وتختار المنصب إللى هتحب تشتغل فيها

ابتسم جود بفرحه وهو يقول بتأكيد :- بجد يعنى ممكن اشتغل انا واخيراً

عقد صقر حاحبيه حتى قال جود بضحك له :- اصلى أنا دكتور فى ألمانيا وكنت هناك دلوقتى انا قدمت شغل هنا بس لسه ما جاءش خبر علشان كدا معنديش حاجة اعملها

ابتسم صقر بتعجب من طبعه الغريب وقال :- كويس ممكن تجي من بكره

هز جود رأسه وقال بتوتر :- احم ممكن يعنى لو مفيش تعب اجي معاك علشان معرفش الشركه ولا اي حاجة فيها

ابتسم صقر له من جديد وهو يقول بنفى :- مفيش مانع تقدر تنام دلوقتى

هز جود رأسه وهو ينظر إليه وهو يصعد معه للأعلى ،حتى عقد حاجبيه بتعجب من توجهت لمكان آخر غير غرفته حتى راى يدخل غرفة فراس، شعر بالضيق بعد أن شعر بتقبل صقر له ولو قليلاً، ولكن الان العكس، نفخ بغضب وهو يستدير إلى غرفته،،

✨✨✨✨✨✨✨✨✨✨✨✨✨✨

* وداخل غرفة فراس *

اقترب منه صقر وهو يراه يجلس على الفراش وهو يغمض عينه ويضع راسه على المخده ويرفعها للأعلى ،تنهد صقر بضيق عليه وهو يقترب منه ويجلس على الفراش ويقول :- انت كويس

فتح فراس عينه وهو يبتسم له ويهز رأسه وهو يضعها على اقدامه ويقول وهو يحرك يده :- لا انت عارف انى مش بعرف اكذب عليك

ابتسم له صقر وقال بتأكيد :- عارف .. وعارف كمان أن كلام عمى شريف زعلك

قال فراس وهو يحرك شفتيه دون تحريك يده لمعرفة صقر قرات شفتيه جيداً وهو يقول :- مش هنكر بس أنا تعودت عليه وكمان هو معه حق فى كلامه

هز صقر رأسه بضيق وهو يضع يده على رأسه ويقول :- لا الكلام ده مش صح صدقنى مش علشان عيب واحد فى الانسان بسببه هيكون منبوذ اى شخص فى الدنيا دى عنده عيبه ده ما يثبتش انك ماتكنش انسان طبيعى

قال فراس بحزن :- هو ليه بيكرهني

قال صقر بضيق وهو يسير بيده على راسه فراس :- ده حاجه تخصه هو إنما احنا كلنا بنحبك

قال فراس وهو ينهض من على اقدم صقر وهو ينظر له بخوف :- انت حسيت انك ندمان

قال صقر بتعجب :- على ايه الندم

قال فراس بتوتر :- انك ربيت شخص ما تعرفوش

قال صقر بضيق يظهر على وجهه وهو يحاول الهدوء :- ولا ثانيه وحده .. فراس انت اخويا وغير كدا مفيش وصدقنى ده الحقيقه الأكيدة فى حياتى

نظر له فراس بدموع تكونت داخل عينه :- انا اسف

وضع صقر يده على وجهه وقال :- ماتتاسفش انا ماعودتكش على كدا

قال فراس بتوتر مجدداً وهو يضع عينه أرضاً وقال صقر الذى لاحظ توتره وهو يقول :- عايز تعرف مين عيلتك

رفع فراس عينه بذهول ليس بغريب عليه من معرفة صقر بكل ما يجول في عقله وقال :- مش عارف

قال صقر وهو يهز رأسه بتأكيد :- ده حقك انك تعرف مين هما وماتقلقش انا بحاول اعرف

قال فراس بخوف :- انا خايف

نظر له صقر بنفى وهو يطمئن قلبه ويقول  :- متخفش انا جانبك

ابتسم له فراس بدموع وهو يعانقه وهو يتنفس براحة لوجوده،،،....

✨✨✨✨✨✨✨✨✨✨✨✨✨✨

* وفى أحد الأماكن *

كان يجلس يونس أمام سيلين التى تشعر بالخجل ممزوج بالفرحة اخيراً بحب يونس الذى يظهر مع الوقت داخل عينه لها،،،،

نظرت إليه بتعجب منه ومن كرهه لها فى الماضى وقالت بتوتر :- ممكن اسالك سوال يايونس

هز رأسه بتأكيد وهو يقول :- اكيد اسالى إللى عايزه ياسيلين

قالت بتوتر اكبر وهى تنظر له باهتمام :- ممكن اعرف سبب كره عمر ليك

قال يونس وهو ينظر لها بحزن :- بلاش تعرفى

نظرت له بنفى وهى تقول :- بس انا حابه اعرف

نظر لها بخوف وهو يقول :- هتكرهيني اكتر

قالت بتعجب وهى تنظر له :- ليه بتقول كدا

قال وهو يتنهد بحزن :- انا السبب فى موت اختى

برقة وجهها بصدمه وهى تقول :- انت بتتكلم جد

هز رأسه وهو يبلع رايقه الذى يشعر ببعض المراره فيه ويقول :- انا كان عمرى ٥ سنين وقت ما امى ماتت وبعدها بابا اتزوج نهال على طول مفكرش فيا أو فى حزنى على امى ما انكرش أنها أظهرت حبها ليا اول ما بابا اتزوجها وانا اعتبرتها امى وحبي زاد ليها بعد ما دخلوا عمر وملك حياتى هما كانوا توأم كانوا إجمل حاجة حصلت لي ياسيلين كبروا بين ايديا كانوا بنسبالى ولادى بس وقت ما كبرنا اتغيرت كل حاجة

قالت سيلين بدموع وتأثر ظهر عليها :- ايه اللى حصل

نظر لها بدموع تكونت داخل عينه :- اكتشفت أنى ملك بتحب واحد اسمه عماد بصدفه هي رفضت تقول لحد حاجة وقتها دورت وراء عماد ده وعرفت انه شخص زباله معه اخت بتصرف عليه وهو بيشرب وكل يوم فى مكان مختلف وقتها ملك جات وتكلمت معايا عنه وأنه عايز يتزوجها انا رفضت ومنعته أنه يقرب منها بس هى رفضت وجات تتكلم معايا بدل المره الف عمر ماكانش فاهم وقتها حاجة بس يما فهمته كل إللى حصل كان وقف فى صفى بس بعدين وبعد إصرار ملك الطويل فجاء

( فلاش باك )

طرق باب غرفتها وهو يشعر بضيق من اقترابها المستمر من هذا الشاب الذى حذرها منه مراراً لم تجيب عليه حتى شعر بغيظ من أفعالها وهو يفتح الباب بقوة ويقول بغضب :- ملك انا حذرتك....مم.لك

شعر أن لسانه شل عن الكلام وهو يارا صغيرته ملقاه أرضاً حولها الدماء فى كل مكان، شعر بزعر وهو يصرخ باسمها ويقترب منها وهو يجلس أرضاً ويحملها بين ذراعيه ويقول بزعر :- ملك ملك ردى عليا ملك

نظرت لها بدموع تلمع داخل عينه وهى تتمتم بكلام غير مفهوم حتى صرخ بدموع تهطل برعب عليها وهو يقول :- ملك ليه ليه عملتى كدا بسببى صح انا اسف خلاص ا.انا موافق تتزوجي بس كوني كويسه مــــلك

صرخ برجاء وهو ينظر لها ويكتم الدماء التى تسيل من معصمها بيديه وهو يقول :- ملك ردى عليا والله انا مش بكرهك ياحبيبتى مستعد اعملك اى حاجة بس ما يحصلش لكي حاجة ملــــك

بلعت رايقها بصعوبه وهى تنظر له وتقول بصوت ضعيف متعب عليه وهى تدمع :- ا.انا.اسفة ي.يو.نس .انا بح.بك

بكاء برعب اكبر عليها وهو ينظر لها ويقول :- والله انا كمان انا كمان اسف قومى ملك قومى ياروح اخوكى ملــك

أغمضت عينها وهى تبتسم له تحت أنظاره وهو يصرخ بزعر دون اراده منه،،،،....

( باك )

مسح دموعه التى تسيل على وجهه بالم وهو يتذكر ذلك اليوم جيداً وهو يقول :- انتحرت و ماتت بين ايديا مقدرتش اعملها حاجة معرفش هى عملت كدا ليه بس كلامها فضل يتردد فى وأدنى لدلوقتي

قالت وهى تمسح دموعها هى الآخرى وهى تتطلع له بحزن على كل ماحدث له وهى تقول :- انت ملكش ذنب

هز رأسه بنفى وهو يقول :- لا انا السبب هى راحت بسببى عمر بيكرهني لغيت دلوقتى ٥ سنين عمره مابص فى وشى حتى بيحملنى مسؤلية موتها

قالت سيلين بغضب :- هو كدا بيظلمك

قال بحزن :- انا مسامحه دى اخته التوأم يا سيلين

قالت بحزن :- وانت اخوه

قال بتأكيد :- علشان كدا بحميه من عماد هو بيستغل عمر طول الوقت وعمر غبي كرهه ليا عامي عيونه 

قالت بتعجب :- ط.طيب ليه مفيش حد يقوله الحقيقه لـ نهال هانم

قال بضحك مريرة :- نهال هانم انتى متعرفيش أنها السبب فى كل حاجة ولا ايه

نظرت إليه بصدمه وهي تقول :- مامتك

قال بضيق من كلمتها تلك :- هى مش امى الست اللى زيها مستحيل تكون ام دى متاثرتش على موت ملك ولو واحد فى الميه هى السبب فى كره عمر ليا طول الوقت بتقول له حاجات انا والله ما عملتهاش بتحاول تبعدنا عن بعض طول الوقت

قالت بذهول :- وهى بتعمل كدا ليه

قال بحزن :- عايزه تتخلص منى زى صقر و زى اى حد هيقف فى أنها تملك كل حاجة

قال بغضب :- ايه الست دى طيب مدام صقر عارف ده كله مش ساعدك ليه من الاول فى كشف كل ده

قال بنفى وهو ينظر لها :- انا اللى رفضت انه يدخل هو طلب منى بدل المره الف وانا مش عايز

قالت بتعجب :- ليه

قال بحزن والم داخل قلبه :- عايزه عمر يعرف من نفسه ياسيلين يكتشف أن عماد مش كويس يعرف أن أمه هى السبب و انى بحبه وبحب ملك وأنه روحى

قالت بدموع تحاول السيطره عليها :- انا اسفه

نظر لها بدهشة :- على ايه

قالت بحزن :- على كل حاجة مريت بيها

قال وهو يبتسم بالم :- اول مره حد يقولى كدا

قالت بحزن :- انا هقولك ولا تزعل وماتقلقش انا جانبك

ابتسم وهو ينظر لها وقال :- انا كمان اسف

قالت وهى تضرب يده بمرح :- ولا يهمك منها لله العقرب نهنه

قال بدهشة :- نهنه

سيلين بتأكيد :- بدلع نهال

ضحك بشدة عليها وهو يقول :- شكلى هتزوج مجنونه

نظرت إليه بخجل من جملته الاخيره وهى تشرب من العصير الذى امامها وهى تنظر بصمت ...،،،،،

✨✨✨✨✨✨✨✨✨✨✨✨✨✨

* وفى غرفة شريف *

كانت تمسك الهاتف وهى تبتسم وتضحك وهى تستمع إلى من يتحدث معه وتقول :- متخفش هانت وكل حاجة هتكون بخير

هزت رأسها بنفي وهى تقول :- لا طبعاً متخفش منه ده عبيط

قالت وهى تنظر إلى نفسها فى المرأة :- امتى هنتقبل تانى

ضحكت بصوت منخفض وهى تقول :- اصلك وحشتنى اوى

قالت بتأكيد وهى تلعب فى شعرها بحركة دلال :- وانا كمان متقلقش بكره نتقبل اكيد باى

ابتسمت وهى تستدير وتنظر برعب إلى زوجها الذى يقف وينظر إليها بهدوء بلعت رايقها وهى تقول بخوف :- انت جيت ا.امتى ياشريف

قال وهو ينظر لها بجمود :- لسه وأصل

تنفست بهدوء وهى ترسم على وجهها الابتسامه وتقول :- بجد طيب تحب أطلب منهم يحضروا ليك العشاء

نظر لها بنفى وهو يقول :- لا مفيش داعي  اتعشيت برا

قالت وهى تقترب منه بحزن :- ليه كدا ده انا مستنيك

قال وهو يبتعد عنها ويخلع ملابسه :- معلش اصلى اتاخرت شويه

قالت وهى تنظر له بنفى :- ماليش دعوة انا هنزل أجيب العشاء وناكل سوا ماشى

هز رأسه بتأكيد وهى تبتسم فى وجهه وتسير الى الاسفل بسرعه،،،،..

أما هو امسك بالهاتف الخاص بها وهو ينظر إلى الرقم الذى كانت تتحدث معه بانفاس تخرج منه كـنيران، وهو ينظر إلى الباب بقلق حتى راى رقم ماتتحدث معه على الدوام ، قام بالامساك بهاتفه وسجل الرقم بسرعه،، ووضع هاتفها مكانه وقام بضغط على عدت ارقم أخرى فى هاتفه وهو ينظر فى اتجاه الباب بترقب حتى قال اخيراً :- الو عزمى عايزك ترقب مدام نهال

قال وهو يهز رأسه بنفى :- لا مفيش بس ترقبها طول الوقت

قال بحذر :- اياك تحس بحاجة انت فاهم

امسك الهاتف ووضعه بجواره وهو يتذكر هذا الكلام الذى قالته لاحد الأشخاص منذ قليل بغضب وصدمه،،،.....

ــــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋