البارت التاسع 🦋

نبدأ 🌛🌜

صعد للأعلى وهو يدخل تلك الغرفة التى كانت مسكنه ومكان راحته ،ولان ليس بمكانه ظل ينظر إليها وهو يتنفس انفاس تخرج منه بعجز، وهو يبكى بزعر وصدمه من هذا الكلام الذي استمع إليه ،هو ليس منهم ليس ابن احد، خدعه كانت داخل حياته، مصير ليس مصيره جلس أرضاً على أقدمه وهو يبكى بشدة والم يخنق صدره، يحاول اخرج اى صوت يريد الصراخ والنحيب، يريد البكاء بين احضان أمه، التى لم تكن أمه من الأساس ،يريد التحدث والصراخ فى وجوه الجميع وأن يقول أنه ابن ذلك الرجل وتلك المراه وحفيد هذه العائله ، وضع يده على مكان رقبته وهو يضغط عليها حتى يخرج منها الكلام ولكن بلا جدوى ،،،،

شعر بمن يحاوطه بين ذراعيه ،وهو يدخله بين ضلوعه ويشدد من احتوائه وهو يتحدث فى أذنه ويقول بصوت همس يحاول أن يشعره من خلاله بالامان :- انت اخويا غصباً عن اى حد و لو مهما حصل

بكاء فراس أكثر وهو يغمض عينه ويقوم بأبعاد صقر عنه بقوة ضعيفه وغضب وهو يشير له بالابتعاد ويحرك يده ويقول :- ابعد انت مش اخويا .. انا مش اخو حد ولا ابن حد انا واحد من الشارع

نظر له صقر بصدمه من كلامه وهو يمسك يده ويقول بنفى وحزن عليه :- انت بتقول ايه .. يافراس مش اي حاجة بتكون بدم انا مستعد اديك روحى .. انت اخويا لو الدنيا كلها قالت غير كدا مش مهم عندى

نهض فراس وهو يحاول الصراخ بدموع وهو يقترب من الخزانه ويحرك يده  ويقول :- اخوك هو اللى تحت انا همشى من هنا العيله دى مش عائلتي انا ابن ناس ما اعرفهمش .. انا ابن مين .. انا مين رد عليا.. طيب انت ليه مش اخويا انا ماليش اى حاجة هنا ماليش

نظر إلي الملابس التى بين يديه وهو يبكى ويجلس أرضاً بعجز والم يعصر قلبه أكثر وهو يقول :- حتى الهدوم دى مش ملكى انا ماليش اى حق فى اى حاجة .. انا ابقى ابن مين طيب انا ايه

اقترب منه صقر بغضب وهو يقول :- انت مش هتمشي من هنا انت فاهم سيب الهدوم دى من ايدك البيت ده بيتك زى ماهو بيتى انسي كل حاجة قالوها تحت .. فراس

جلس أرضاً بقربه وهو يعانق وجهه بين يديه ويدمع بحزن عليه ويقول :- بصلى انت اخويا انا .. انت روحى يافراس .. انا مقدرش استغنى عن روحى .. لو انت روحت اعمل ايه من غيرك .. رد عليـــا

أشار فراس علي نفسه وهو يبكى ويقول بتعب وهو يحرك يده :- انت مش اخويا .. انا ولا حاجة .. انا مش عارف انا مين ابن مين .. امى طلعت مش امى طيب انا امى مين ياصقر و انت ليه مش اخويا .. انا مقدرش على ده .. ليه .. ليه انا ليه طيب اعمل ايه اعمل ايه رد عليا

عانق صقر فراس وهو يقول بخوف عليه :- ولا اي حاجة انت حته منى مستحيل اخسرك حتى لو جه مليون اخ او اخت ولو ما كنتش انت اخويا فـ انت ابنى إللى ربيته انا ابوك انا اخوك وانا امك انا وانت واحد ... انت كنت بتقول انك متقدرش على زعلى انا مقدرش على فراقك والله العظيم مقدرش

بكاء فراس بين يدين صقر بكسره وروح ضائعه ،لا يعلم ماذا يفعل أو يقول فهو محطم مكسور ضائع، اغمض عينه وهو يشدد من احضان من يقول إنه أخاه ولن يتركه..،،،،

"ظل صقر بجوار فراس الذى نام بين يديه،، وهو لا يشعر بشئ ،يريد النسيان وذهاب إلى عالم آخر والهرب فى النوم، تحت أنظار صقر الذى يسير بيده على راسه وهو ينظر له بعقل شارد ،حتى نهض وهو يسير للخارج ويهبط للاسفل، وهو يتوجه الى جود الذى يجلس على أحد الكرسى بعيداً عن جميع من يجلس فى الاسفل وهم ينتظرون الاطمئنان على فراس الذى يشعرون بالقلق عليه

اقتربت فرح من صقر وهى تقول بقلق :- صقر فراس كويس

نظر لها بتأكيد وهو يقول بنبرة ثابته :- كويس ياريت تطلعى انتى وعمتى رقيه وتكونوا جانبه لوقت مرجع له

هزت راسها بتأكيد وهى تنظر له بقلق عليه وتقول :- انت كويس

نظر لها ثم غادر بعيداً عنها بعض الخطوات وهو ينظر إلى هذا الذى يدعى اخوه وهو يقول :- ممكن نتكلم

هذا جود رأسه وهو ينظر له بتأكيد ويقول :- اكيد

نظر له صقر بثبات نحوه وهو يسير لداخل مكتبه الخاص، تحت أنظار كل من ينظر لهم منهم بقلق ،ومنهم بفرحة ،ومنهم بكره ،وهما يسيرون خلف بعضهم الى الداخل،،...

دخل صقر وهو يجلس وينظر الى جود الذى يقف أمامه وهو يشير له بجلوس ويقول :- انت عرفت ازاى انك اخويا ومن امتى

نظر له جود وهو يحكى له ويقول :- انا اسمى جود نصر الراوي دكتور

نظر له صقر بهدوء وهو يقول :- كامل

هز جود رأسه وهو ينظر له بقلق من هدوئه لا ينكر وهو يقول :- عرفت من شهر تقريباً بعد ما الشخص إللى كنت فاكر انه والدي مات هو كان عنده مرض السرطان انا عرفت بمرضه فى مرحله متاخره وقتها هو قالى على الحقيقة

نظر له صقر بجمود وهو يقول :- حقيقة ايه

نظر له جود بضيق وقال :- انك اخويا وانى نجم الدين الصياد ابويا وأنه هو كان الدكتور اللي ساعد امى أنها تجيبنى من سنين طويله وهو كمان إللى كذب وقال انى موت

قال صقر بغضب :- وهو عمل كدا ليه

قال جود بضيق وهو يتذكر ذلك اليوم جيداً..،،،

✨✨✨✨✨✨✨✨✨✨✨✨✨✨

* وقبل شهر *

دخل جود إلى غرفة والده والحزن على وجهه من رؤيته مريضاً مجدداً بعد أن اخباره أنه بخير يشعر بالقلق عليه وهو يرا ينام على الفراش ويحاول أخباره مراراً بالذهاب للمستشفى ولكنه يرفض اقترب منه وهو يجلس بجواره ويقول :- بابا انت كويس

فتح هذا الرجل عينه وهو ينظر لابنه ويقوم بالامساك بيده ويقول بتعب :- جود انا عايز اتكلم معاك

قال جود بقلق عليه وهو يشدد من عناق يده :- انت كويس نروح للمستشفى

بلع الآخر رايقه بأنفاس ضعيفه وهو يقول :- انا كويس بس كنت عايز اقولك حاجة مهمه مش عارف هتسامحنى عليها ولا لا بس

قال جود بدهشة من كلامه :- فى ايه ما تقلقنيش عليك

ابتسم هذا الرجل بحزن وهو يقول :- من سنين كان فى دكتور بيعمل حاجات وحشه كتير علشان الفلوس لدرجة أنه خد طفل من أمه وقال إنه مات وماسمحش للام دى أنها تشوف ابنها حتى وحرم الطفل من أمه

قال جود بتعجب :- مين الدكتور ده وانا مالى بالحكايه دى من البدايه

نظر له بوجه حزين متاسف وهو ينطق بضعف ويقول :- الطفل ده انت ياجود

فتح جود عينه للنهايه بصدمه وهو يقول :- ايه

قال هذا الرجل بحزن :- سامحنى بس الفلوس وقتها عمت عينى عن كل حاجة وخلتنى اقول كدا هما طلبوا منى انى اتخلص منك بس مقدرتش .. مقدرتش اموتك اخدتك وبقيت ابنى

هز جود رأسه بصدمه وهو يقول :- انت بتقول ايه الكلام ده كذب صح انت بتضحك عليا

هز الرجل رأسه بالم وهو يقول :- لا سامحنى ياجود

قال جود بذهول :- ليه حرام عليك وشمعنا جاى تقول دلوقتى

قال بتعب وهو يكح مراراً :- علشان انا بموت عندى سرطان كبدي وفى المرحلة الاخيره

وضع جود يده على فمه بصدمه وهو يقول :- سرطان

هز رأسه بحزن وهو يقول :- انت طيب اوى ياجود وماتستاهلش كل ده يعلم ربنا انى كنت بحبك وكنت اكتر من ابنى

ابتسم جود بصدمه وهو يقول :- ابنك

هز الآخر رأسه بتعب وهو يقول :- ارجع لعيلتك ياجود

"انتهاء جود من كلامه عن ماحدث وهو ينظر لـ صقر الذى ينظر له بجمود وهو يتحدث اخيراً ويقول :- يمكن كل ده يكون حقيقى وانك اخويا بس ده مايغيرش ان فراس اخويا وابنى كمان

نظر له جود بصمت حتى قال صقر :- دى عيلتك ومش هقدر أنكر انك اخويا بس يمكن الموضوع صدمه ليا وللكل ومش أمر بسيط علشان نتقبله بسهوله

هز جود رأسه وهو ينهض ويقول :- انا عارف الكلام ده انا همشي من هنا ومش عايز حاجة منكم فراس موجود معاك انا مطلبتش شي منك

اقترب رسلان من صقر وهو يقول :- لا ياجود ده حقك على صقر هو اخوك وانت مش هتمشى من هنا

نظر رسلان لـ حفيده الكبير وقال :- صقر فراس هو ابن العيله دى لو مهما حصل بس ده مايمنعش أن جود كمان اخوك ولازم تتقبل الحقيقة

نظر إليه صقر وهو يقترب منه بعض الخطوات ويقول :- انا مطلبتش منك توضح ليا حاجه عن ازنك

غادر صقر تحت أنظار جود الذى ينظر إليه بضيق لا ينكر أنه شعر بالفرحه لوجود عائله لديه ،ولكن عائله لا تتقبل وجوده حتى،،،..

اقترب منه رسلان وهو يقول بحزن عليه :- متزعلش ياجود العيله طيبه وصقر مش وحش بس هو بيحب فراس اكتر من روحه وبكره هيحبك انت كمان

نظر له جود وهو يقول :- عن ازنك

امسك الجد بيده وهو يقول :- البيت ده بيتك وليك حق فيه .. انت مش هتمشى انت لازم تعافر علشان تنول حب الكل

نظر إليه جود طويلاً حتى ابتسم له رسلان وهو يسير أمامه ويقول :- تعالا اخدك على اوضتك

نظر إليه جود ثم سار خلفه الى مكان إقامته،،..

✨✨✨✨✨✨✨✨✨✨✨✨✨✨

وفى الاعلى صعد صقر إلى غرفة فراس وهو يرا نائم كما تركه وبجواره تجلس فرح بعد أن طلبت من امها الذهاب حتى ترتاح قليلاً اقترب منها وهو ينظر لها ويقول :- فرح ارجعى اوضتك انتى وانا هفضل جانبه

هزت راسها بنفى وهى تقترب منه وتقول :- لا انا هفضل معه

نظر لها بضيق وهو يقول :- فرح لو سمحتى اسمعى الكلام انا مش قد العناد دلوقتى

نظرت له بقلق وهى تقترب منه وتقول :- انت كويس حاسس بـ ايه

نظر لها ثم الى فراس وهو يقول بنفى :- حاسس بالخوف عليه وبس

تنهدت بحزن وهى تعانقه وتقول بحزن :- متخفش ربنا مش بيترك عباده فراس طيب وربنا مش هيسيبه

تنهد بتعب وهو يتنفس بقوة ويقول :- معاكى حق

ظلت بجوار زوجها بعض الوقت حتى نامت هى الآخرى على الأريكة وقام هو بحملها وذهب بها إلى الغرفة الخاصه بهم ووضعها على الفراش وتغطيتها جيداً وهو يقبل جبينها ويخرج مره اخرى ويتوجه الى غرفة أخيه،،،...

✨✨✨✨✨✨✨✨✨✨✨✨✨✨

* وعند جود *

كان ينظر إلى تلك الغرفة الكبير التى تكبر غرفته القديمه بمراحل، جلس على الفراش بارهاق وهو يخلع جاكيته ويضع حقيبته على الفراش بهدوء ،حتى أستمع إلى طرق على الباب ،وسمح لطارق بالدخول وهو يراها تلك المرأة التى كانت تتحدث فى الاسفل وهو يحاول أن يتذكر اسمها عندما دعتها المراه الآخرى بنهال نظر لها وهى تقترب منه وتقول بلطف :- انا جيت أرحب بيك ولو محتاج اى مساعده انا موجوده

نظر لها جود بتعجب وهو يقول بنفى :- لا شكراً

قالت هى بلطف اكبر عكس طبيعتها وهى تقوم برسم الحزن على وجهها وتقول :- انا بعتذر ليك ياجود على إللى حصل بس صقر بيحب فراس لدرجه كبيره ممكن يعمل اى حاجة علشانه

قال جود وهو يهز رأسه بتأكيد :- اخدت بالي

قالت وهى تقترب منه وتقول بضيق :- انا مش عارفة اقولك ايه بس نصيحه ابعد عن فراس ده

عقد حاجبيه وهو يقول بتعجب :- ليه بتقولى كدا

قالت وهى تمثل الطيبه :- علشان ياجود ياحبيبى فراس ده مش كويس صدقنى هو مستحوذ على كل واحد هنا حتى صقر انت اكيد شوفت ازاى هو طلع وراء من غير مايفكر فى اى حاجة تانى

نظر لها بتعجب من كلامها حتى قالت بلئم :- هو ايوه اخرس بس صدقنى هو مش طيب ولكل مخدوع فى البراءه إللى بيظهرها للكل بكره تشوف ازاى هو هيكون بيملك صقر مع اني مش اخو وانت اخو مش هيديك اى اهتمام

نظر لها جود بصدمه وبضيق لا ينكره داخله وهو يقول :- فى حاجة تانى انا محتاج انام

نظرت له بغيظ مكتوم وهى تهز راسها بنفى وتقوم بوضع يدها على وجهه بحنان وتقول :-مفيش ياحبيبى ارتاح انت وياريت خلى بالك من نفسك فى البيت ده وابعد عن فراس

هز رأسه لها وهى تغادر وتقوم بغلق الباب خلفها تحت أنظار جود المتعجبة من كلامها،،

✨✨✨✨✨✨✨✨✨✨✨✨✨✨

* وفى الصباح الباكر *

فتح فراس عينه بتعب يشعر به يحتل جسده وقلبه، تنفس بالم وهو ينهض بجسده ويجلس على الفراش، وينظر للنور الذى يخرج من تلك الشمس التى تأتى من الشرفه المفتوحة بالكامل امامه ،وبالقرب منه يقف صقر وهو ينظر له ويقول بمعالم القلق على وجهه :- صباح الخير

نظر له فراس بصمت حتى اقترب منه صقر وهو يجلس بجواره ويقول بقلق :- فراس انا ممكن اقولك الكلمه دى طول عمرى انت اخويا غصباً عنك انت فاهم

نظر له فراس بدموع تكونت داخل عينه من جديد وهو يشير له ويقول :- بس انا

قطع بقيت كلامه صقر وهو يقبل يده بحنان ويقول بابتسامه بسيطه :- هو مش انت بتحبنى

هز فراس رأسه وهو ينظر له حتى قال صقر بنبرة اوجعت قلب فراس :- طيب وانا كمان بحبك .. انت فاكر انك ببعدك عنى هتخلينى ارتاح .. فراس انا مقدرش اخسرك قولتلك مسالة الدم مش هتغير اى حاجة .. ولا هتقلل حبي ليك انت حبك قل ليا وقت معرفة انى مش اخوك

هز رأسه بنفى وهو يتحدث بيديه ويقول :- بلاش تاذينى ياصقر انا خايف

عانق صقر فراس وهو يدخله بين ضلوعه من جديد ويقول بنفى :- اياك تخاف طول ماانا موجود معاك .. انت فاهم صقر معاك دايماً اياك تخاف انا مستحيل اؤذيك حد بيطر روحه مستحيل

هز فراس رأسه وهو يشعر بحب صقر الكبير له ،ولكن قطع عناق صقر دخول فرح وهى تحمل بين يديها الطعام وتقول :- الله الله بقا الدلع ده كله لـ فراس ماشي

ابتعد صقر عن فراس وهو يبتسم لزوجته ويقول :- انت بتغيرى يافرح

قالت فرح بغرور :- لا طبعاً وبعدين ابعد عن فراس خلينى افطر القمر ده

نظر لها صقر بغضب وهى تبلع رايقها بخوف حتى دخلت رقيه وهى تجلس وتعانق فراس وتقول :- انت كويس ياحبيبى اياك تفكر فى كلام اى حد انت ابن اخويا وانا عمتك غصباً عنك انت نفسك

ابتسم له فراس وقالت عشق التى تدخل وهى تقول :- ماما على فكره انا كمان بغير

رقية بقرف :- اتنيلى انتى

ضحك مراد الذى يدخل خلف زوجته وهو يقول :- والله انا قولتلها متدخليش هى مش بتسمع الكلام

قالت عشق بغيظ :- مراد

قال مراد وهو ينظر لـ فراس بتفحص :- انت كويس

هز فراس رأسه بتأكيد وقال عمر الذى دخل إلى الغرفة والقى بنفسه عليه وهو يقول :- فروسه حبيبى ولا يهمك فى داهيه الكل المهم انا فى حياتك

نظر له صقر بعلامات لا توحي بالخير حتى قال عمر بخوف :- قصدى يعنى إللى بيكرهوا

نفخ صقر بغضب منه حتى دخل يونس وهو يجلس بجوار فراس ويقبل جبينه ويقول بقلق :- انت كويس .. متفكرش فى اى حاجة انت اخونا ومفيش اى حاجة هتغير الحقيقه دى

ابتسم له فراس وقالت كارما التى وهى تنظر له بتعجب :- انتو عيله فقر وكلها مشاكل

قالت رقية بغيظ لابنتها الصغيره :- اخرسي انتى ياأم لسان طويل

ضربت كارما الأرض بقدمها بغيظ وقالت :- خيراً تعمل بافرفش الواد

فرح بغيظ :- احنا مستغنيين عن خدماتك 

قالت عشق وهى تقف بجوار كارما :- والله لسانك ده اللى جيبلك المصايب

نظرت لها كارما بغيظ وقال عمر بتعجب :- والله انت ولواد بحر محسدين

كارما بغيظ :- والله تلاقيك عينك انت اللى راشقه فيهم

قال عمر بغيظ منها :- بت احترمى قصرك

قالت بشر :- والله على الأقل مش طول الزرافة

قال مراد وهو ينظر لـ يونس :- شيل اخوك بعيد عن صقر

قال يونس بضيق :- على اساس أنه هيسمع ليا ده ممكن يمسك فيا انا

قال مراد بغيظ :- عايش مع ناس مجنونه

اقترب رسلان من الخارج وهو ينظر لـ فراس ويقول بقلق عليه :- فراس انت كويس

نظر إليه فراس وهو يهز رأسه بتاكيد حتى قال رسلان هو ينظر له بأسف :- سامحنى ياحبيبى بس ده حق جود وانت حفيدى الصغير لو مهما جرا

نظر فراس لـ صقر الذى يتطلع له بهدوء حتى قال رسلان بحزن :- انت كنت فرحت فيروز و نجم الدين وكنت وصيتهم لاخر لحظه فى حياتهم

شعر فراس بالحزن لتذكر موتهم تحت أنظار صقر الذى امسك يده بين يديه وقالت فرح بتأكيد :- معاك حق ياجدى فراس اخونا كلنا وأخو صقر وابن العيله دى غصباً عن اى حد

ابتسم الجميع بتأكيد وفرحة على ابتسمت فراس ،،....

✨✨✨✨✨✨✨✨✨✨✨✨✨✨

وفى الخارج كان يقف وهو ينظر لهم وهم يضحكون وداخله يشعر بالضيق والغضب لا يعلم سببه كان يعتقد أنه سيحصل على القليل من حب الجميع على الأقل ولكن فى هذه الحظة يشعر بالكره تجاه هذا المدعو بـ فراس ،،...

وبالخلف منه كانت تقف هذه العقربة التى تنظر له بشر وتقول بصوت همس لنفسها بحقد :- ولسه هخرب كل حاجة تجمع العيله دى وانت اول واحد ياصقر وحبك للكلب التانى

✨✨✨✨✨✨✨✨✨✨✨✨✨✨

* وبعد وقت ليس بطويل *

دخلت كارما غرفة بحر وهى ترا يجلس على الفراش كما تركته البارحة اقتربت منه بحزن وهى تجلس بجواره وتقول :- بحر هتفضل لامته بشكل ده

قال بحر بضيق :- أمشي من هنا ياكارما

قالت كارما بغضب :- لا مش ماشيه حرام عليك إللى بتعملوا فى نفسك ده

نظر لها بضيق وهو يقول :- انت مش هتحسي بيا

قالت بحزن عليه :- مش هحس بيك بس على الاقل كفايه انت إللى بتعمله مش هيصلح حاجة ارضا باللى حصل

قال بغضب وهو يصرخ فى وجهها :- ارضا.. ارضا بـ ايه انت متعرفيش يعنى ايه تكونى مكروها من اخوكى علشان مش ابن شرعي وإن كمان السبب فى موت الشخص إللى كنت فاكر أنه ابويا انا مش عايز حاجة ياكارما لو سمحتى امشى

قالت بحزن :- فى ناس محتاجه وجودك جانبهم صدقنى

قال بسخرية :- مفيش حد بيتالم قد ألمي علشان يحتاجنى

صرخت فى وجهه وهى تقول :- لا في انا.. انا بتالم على المك وعلى حزنك طيب .. طيب سيبك منى فكرة فـ فراس

نظر لها بدهشه وهو يقول :- فراس ماله فراس

قالت بدموع :- هو بيتالم اكتر منك بس يمكن هو قادر يتحمل أنما انت ضعيف يابحر

نظر لها بصدمه وقال :- انا مش فاهم حاجة

قالت وهى تمسح عينها من أثر الدموع :- فراس مش اخو صقر

فتح عينه لها بصدمه وهو يقول :- انتى بتقولى ايه

كارما بحزن :- الحقيقة فراس ظهر أنه مش اخو صقر وأنه ابن حد تانى غير عمى نجم الدين وخالتو فيروز وفى حد تانى ظهر أنه ابنهم اسمه جود

نهض من على الفراش وهو يقول بذهول :- انتى بتهزري

قالت بنفى :- لا

قال وهو يركض للخارج :- انا رايح لـ فراس

ركض الى الخارج حتى يذهب لرفيق دربه وعمره ويكون معه ويسندو كما كان فراس بجواره دائماً..،،،

"وبعد عدت دقائق وصل بحر إلى القصر وصعد إلى غرفة فراس الذى يجلس فى غرفته وينظر إلى صورة والديه اقترب منه بحر باسى وهو يعانق فراس بشدة ويقول بحزن :- انا اسف بس انا لسه عارف كل حاجة

قال فراس بحزن وهو يبتعد عن أحضانه ويشير له ويقول  :- انت ايه إللى جابك انت تعبان

قال بحر بحزن :- انت عايزنى ازاى ماكنش معاك

قال فراس بدموع وهو يحرك يده :- انا كويس

ابتسم بحر وهو يعانقه ويقول :- لا انا حاسس بيك

شاور فراس بنفى :- انا كويس

صرخ بحر وهو يقول بغضب فى وجهه :- كفاية كذب انت تعبان وروحك بتوجعك .. انت ليه عامل انك قوى انت ضعيف زيى يافراس

نظر له فراس بدموع وقال بحر بنفى :- انت مش قوى انت مش عارف تفسر وجعك لاي حد ابكى يافراس احنا طلعنا شبه بعض حتى فى حزننا

نظر له فراس وهو يشير لصورة والديه  ويقول :- انا مش ابنهم انا ابن مين يابحر

عانق بحر فراس بقوة وهو يقول :- متزعلش هما كانوا بيحبوك يافراس ماكانوش بيكرهوك صقر مش هيسيبك وهو كمان بيحبك

عانق فراس بحر وهو يبكى بين أحضانه ويشعر بتمزق روحه إلى قطع من شدة الالم الذى يتحمله،،،،....

✨✨✨✨✨✨✨✨✨✨✨✨✨✨

* وبعد قليل من الوقت *

دخل صخر إلى مكتب صقر الذى فى القصر بعد عدم ذهابه للشركه اليوم بسبب تلك المشكله الجديده، طرق الباب بعد السماح له صقر بالدخول وهو يقترب منه ويقول بقلق :- صقر إللى حصل ده حقيقى

قال صقر وهو ينظر له بحدة :- انت كنت فين

قال صخر وهو ينظر له بضيق :- انا اسف بس كان فى شويه مشاكل بحاول احلها

نظر له صقر بشك وقال بتأكيد :- ماشي

تنفس صخر بهدوء وقال بقلق :- فراس كويس

تنهد صقر بتأكيد وهو يقول :- لا هو بيحاول يبين ده بس انا عارف انه مش كويس

قال صخر بحزن :- انت معه ياصقر ومدام معه كل حاجة هتكون كويسه

هز صقر رأسه وهو يقول بتأكيد :- صخر عايزك تنفذ كلامى إللى هقوله ليك 

نظر له صخر بقلق عليه وهو يقول :- فى ايه ياصقر انت كويس

قال صقر وهو ينهض ويقترب منه ويقول : انا عايزك تحمى فراس طول الوقت

نظر له صخر بتعجب وقال :- ليه انت قلقان عليه من جود

نفى صقر برأسه وقال بجمود :- لا بس انا عايزك تحمى من اى حاجة واى حد حتى انا انت هتكون معه طول الوقت هتحميه بروحك ياصخر انت فاهم

نظر له صخر بدهشه من كلامه وقال :- انا مش فاهم حاجة بس تحت امرك هحميه

نظر له صقر بسكون وهو يرجع إلى مكانه ويجلس ويقول :- ايه هى المشاكل بتاعتك

نظر له صخر بقلة حيلة لاصرار صقر على المعرفة كل شى يحدث معه جيد أو سئ منه أو من غيره جلس وهو يحكى له عن مايحدث معه ،،،....

ــــــــــــــــــــــــــــــــــــــــــــــــــــــــــــــــــــــــــــــــــــــــ

البارت قراءة ممتعة للجميع 🦋