البارت السادس 🦋

نبدأ 🌛

* وداخل الشركة *

دخل يونس إلى مكتب صقر بعد أن أذن له صقر بدخول وهو يقترب منه ويجلس على المقعد بهدوء تحت أنظار صقر الذى ظل ينظر له وهو يقول بستفهم :- عملت ايه

تنهد يونس بضيق وهو يقول :- سيلين عايزه تنهي الخطوبه

نظر له صقر بسخرية وقال :- والله معها حق انا مش فاهم هى ليه متحملها واحد زيك لدلوقتى

نظر له يونس بصدمه وقال :- انت بتقول ايه ياصقر ده خدعتني

نفى صقر وهو يرجع بظهره للخلف ويقول :- مش حقيقى سيلين مالهاش ذنب انتو إللى بتالفه كل حاجة على مزاجكم والظلم عندكم لعبه زى ماعمر بيظلمك انت كمان بتظلم ياحضرت المحامى

نظر له يونس بضيق وقال :- انت مش فاهم هى اتفقت مع نهال

هز صقر رأسه بسخرية وقال :- بالعكس نهال عرفت توصلك اللى انت فاكره دلوقتى انما سيلين مالهاش ذنب هى كانت بتساعدك ما تحكمش على الإنسان من غير سبب ولا علشان كرهك لـ نهال نساك انك بنادم ومينفعش تظلم حد

نظر له يونس بحزن وقال :- صقر انا مقصدش ده بس نهال كانت امى بعد ما خسرت امى عارف يعنى ايه الست إللى كنت فاكر أنها زى امى تكون السبب فى كره اخوك ليك

تنهد صقر بهدوء وهو ينظر لـ يونس ويقول :-  يونس عمر اكيد هيعرف غلطه وانك مالكش ذنب بس بلاش تظلم سيلين وبخصوص نهال انا عارف ان ده حاجه مش ساهلة عليك بس هتفضل لامتى فاكر انها كويسه .. انا قولتلك انى ادخل وحل الموضوع بينك انت وعمر بس انت رافض

نظر له يونس بحزن وقال :- انا عايز عمر يعرف من نفسه انى مش وحش ياصقر عايزوا يعرف أنى مستحيل اؤذي اختى هى ماتت وخسرتها يمكن ليا ايد فى موتها بس انا حاولت امنع أن ده يحصل ومقدرتش عماد هو السبب فى كل حاجة

نهض صقر وهو يقترب منه ويجلس امامه ويقول بحزن :- اهدا انا معاك فى اي وقت فى اليوم إللى هتطلب منى اساعدك هانهي كل المهزلة دى متقلقش من حاجة انت ناسي انى موجود

ابتسم يونس بتأكيد وهو يقول :- شكرا يا صقر

ابتسم صقر وقال بتأكيد :- المهم حاول متكنش انت كمان ظالم يايونس

تنهد يونس وهو يتذكر سلين ويهز رأسه بتأكيد..،،،

"قطع حديث صقر ويونس طرق على الباب ودخول هذا الشخص الذى اقترب منهم وهو يقول بعلامات القلق على وجهه :- اظهر انى جيت فى وقت مش مناسب

ابتسم صقر بهدوء وهو يقول :- حمدالله على السلامه

نظر له وهو يهز رأسه بهدوء ويقول :- الله يسلمك ياصقر

نظر يونس بتعجب وقال :- انت جيت امتى يامراد

هز مراد رأسه وقال :- لسه حالا من المطار على هنا

صقر بستفهم :- فى حاجة ولا ايه

نفى مراد رأسه وهو يجلس ويقول :- لا بس عندى شويه شغل وكمان فى موضوع حابب اتكلم معاك فيه

نظر صقر لـ يونس الذى نهض وهو يقول بتأكيد :- طيب عن ازنكم

مراد بتعجب :- على فين

يونس ببرود وهو يغادر :- وانت مالك

نظر له مراد بغيظ وقال صقر بهدوء :- فى ايه

مراد بضيق :- جهاد فى مصر

نظر له صقر باهتمام وقال :- وبعدين

مراد بنفى :- مش عارف ليه نزل مصر هو اول مره يجى هنا انا مش مطمن

ابتسم صقر بمكر وقال :- مش يمكن بيدور على حاجه تخصه

نظر له مراد دون فهم وقال :- قصدك ايه

ابتسم صقر بهدوء وقال :- هفهمك

✨✨✨✨✨✨✨✨✨✨✨✨✨✨

وفى مكان آخر كانت تجلس سيلين وهى تطم وجهها بين يديها وتبكي بوجع على حالها وهى تنظر للسلسلة التى كانت ملك لوالديها وهى بين يديها بدموع لا تتمكن من وقفها عن الهبوط حتى شعرت بمن يضع يده على راسها قامت برفع وجهها له وهى تنظر له وهو يشير لها ويقول :- انتى كويسه بتبكى ليه

هزت راسها بنفى وهى تفهم منه تلك الكلمه الوحيدة التى شعرت بها فـ هى لا تعرف ماذا يقول ثم قالت :- انا بيحصل معايا كدا ليه

جلس بقربها وهو يقوم بامساك الهاتف والكتابه عليه وهو يقول بقلق :- ايه اللى حصل

نظرت اليه بوجع وهى تقول بنبرة موالمه :- خسرت أهلى وانا صغيرة بقيت يتيمه مش عارفه يعنى ايه حنان الاب والام وبعدين تعبت فى حياتى لوقت ما بقيت دكتوره كويسه ويوم ماحب حد يطلع بيكرهنى ه.هو انا وحشه كدا علشان مفيش حد عايزنى

هز رأسه بحزن عليها وهو يكتب من جديد على الهاتف ويقول بضيق :- لا انت طيبه اوى ياسيلين انا كمان بقيت يتيم انا وصغير وعارف يعنى ايه تخسري عيلتك بس يونس مش وحش صدقينى

هزت راسها بغضب وهى تقول :- لا لا يافراس الكل كل الناس وحشه مفيش حد كويس انا بتمنى لو بابا كان موجود او ليا اهل كان زمانى مش خايفه من حد باوقف اى حد عند حده بس لا انا مفيش حد معايا

هز رأسه بحزن وهو يقول :- انا موجود انا اخوكى وصقر كمان كلنا عيلتك اياكى تفكرى انك لوحدك

نظرت له بدموع أكثر وهى تقول :- انت طيب يافراس مش فاهم إللى انا حاسة به

نظر لها بحزن وقال :- صدقينى انا حاسس بيكى

بكت أكثر وهى تضع وجهها بين يديها وهو لا يعلم ماذا يفعل وهو يضع يده على رأسها بحزن واسف عليها ،،،....

✨✨✨✨✨✨✨✨✨✨✨✨✨✨

* وفى المساء *

دخل بحر إلى المنزل بصمت ،لم تتعود عليه جويريه، التى تنظر إليه بتعجب من صمته وهو يدخل إلى غرفته على الفور دون كلام،، شعرت بالقلق عليه وهى تنظر إليه وتركض خلفه، وهى ترا يجلس على السرير ويطم قدمه له بالم يعصر قلبه وسأل لا يفرقه عقله على الدوام ماذا فعل لكل هذا الكره، اقتربت وهى تجلس بالقرب منه بقلق وتقول :- بحر فى ايه مالك

نظر لها بحزن وهو يقول :- أسألك سوال ياجويريه بس تجاوبي عليه

هزت رأسها بقلق وهى تقول :- حاضر فى ايه مالك

نظر لها بحزن وقال :- هو .. هو صخر بيكرهنى ليه طيب انا عملت اي حاجة اذيته ايه هي .. قوليلى علشان خاطرى

عانقت وجهه بين يديها وهى تقول :- بحر انت ماعملتش حاجة صدقنى

صرخ بدموع مقهورة وهو يقول :- طيب هو بيكرهنى ليه انا عملت ايه

نظرت إليه بدموع وهى تقول بنفى :- والله صخر بيحبك يابحر

نظر لها بسخرية وقال :- بيحبنى قصدك بيكرهنى هو عمره ماحبنى ياجويرية انا اخر حد فى حياته هو بيحب ياذينى وبس

قالت بحزن عليه وهى تنظر له بتأكيد :- الكلام ده مش صح ده ابتلاء ليك يابحر وانت لازم تستحمل

نظر لها بتعب وهو يقول :- لامتى لامتى قوليلى وانا والله هسمع كلامك بس لامتى انا تعبت انا بحبه بس هو بيكره وجودى فى حياته

قالت بحزن عليه أكثر :- انت بحر إللى مش بيستسلم صح هو بكره هيتمنى انك تسامحه صدقنى

هز رأسه بخوف وهو يقول :- انا بقيت بخاف منه ياجويريه بقيت مش بحس بالامان معه

نظرت إليه بدموع تهطل من عينها وهى تقول :-متقولش كدا يابحر قريب هيجى يوم وتقول ليا انى كان معايا حق وصخر فعلاً بيحبك وانك مش بتخف منه

نظر لها بحر بدموع وهو يضع رأسه بين يديه من جديد، تحت أنظار جويريه التى قبلة جبينه بالم عليه، وهى تغادر للخارج وتغلق الباب خلفها وتنظر إلى صخر الذى يجلس فى الخارج بصمت، حتى اقتربت منه وهى تسحب يده إلى غرفتهم وتنظر له وتقول بصدمه من أمره :- انت ايه حرام عليك يااخى انت ليه بتأذى هو .. طيب هو ايه ذنبه رد عليا

نظر لها بجمود وقال :- جويريه انا عايز ارتاح

نظرت إليه بسخرية وقالت :- هو انت كدا مش مرتاح بعد كل ده ومش مرتاح ياشيخ حرام عليك انت لو كافر متعملش كدا فى اخوك ايه ذنبه أنه اخو واحد زيك

نظر لها بغضب وقال :- ده مش ذنبه ؟..ذنبه الأكبر أنه ابن الست دى

قالت جويريه وهى ترفع يدها فى وجهه وهى تقول :- ده مش حقيقى هو ابنى انا .. انا جيت البيت ده وبحر كان عنده ١٢سنه يعنى من ١١سنه كده كفايه انه يكون ابنى انت مش شايف اننا طول المده دى ربنا مرزقناش بأولاد بحر هو الوحيد اللى معانا هو ابنى وابنك ليه بتعمل كدا

نظرت له بغضب وقالت :- انت عارف انا بحمد ربنا اننا مش عندنا ولاد علشان ميكونش عندهم اب زيك

نظر لها صخر بغضب وقال :- جويريه

قالت بقهر وهى تنظر له :- اكيد ده عقاب ليك بسبب إللى بتعمله فى بحر حرام عليك حس به هو تعب من كرهك ليه هو اذاك فى ايه هو ذنبه ايه أنك عندك ام زى دى رد

نظر لها بصدمه من كلامها وهو يقول :- كفاية كلام

صرخت اكثر وهى تقول :- لا مش كفاية انت هتندم ياصخر صدقنى وقت ما تحس بوجعه هتندم على كل الكره ده صدقنى

نظر لها بجمود وهو يخرج للخارج تاركاً أيها جالسه خلفه تبكى بقهر والم على هذا الضعيف ...،،،،

✨✨✨✨✨✨✨✨✨✨✨✨✨✨

* فى غرفة عشق *

كانت تجلس وهى تنظر إلى ابنها الذى ينام بجوارها هذه الليله بحزن على اختفاء زوجها وسافروا الدائم بعيداً عنها ظلت شاردة العقل تفكر فيه، لدرجة أنها لم تشعر به وهو يدخل إلى الغرفة وعانقها من الخلف وهو يقول :- وحشتينى

ابتسمت بفرحة وهى تستدير له وتقول :- انت جيت امتى

نظر لها بحب وشوق وهو يقول :- انا بقولك وحشتينى انتى تقولى جيت امتى

نظرت إليه بغيظ وقالت :- والله ماهو واضح فعلاً

ابتسم بأسف وهو يقول :- انا اسف ياعشق

نظرت إليه بتعجب وهى تقول :- بتقول كدا ليه

قال وهو يمسك يدها ويقوم بجلسها على الأريكة ويقول بحزن :- عارف انك تعبانه معايا جامد فى كل حاجة وانك بتتحملي حاجة انتى ملكيش ذنب فيها

هزت راسها بنفى وهى تضغط على يده بقوة وتقول :- انت اهبل

نظر لها بغيظ وقال :- عشق

ابتسمت بحب وهى تقول :- مراد المك المي وزعلك زعلي .. جهاد محتاجك معه وله واجب وحق عليك زيى انا يعنى انا مستحيل ازعل منك وياريت متعتذرش تانى

ابتسم وهو ينظر لها ويقول :- بجد انت اجمل حاجة حصلت ليا فى حياتى

هزت راسها بتأكيد وقالت :- عارفة

نظر لها بغيظ مره اخرى وقالت بضحك :- انا بفكر اننا نسافر معك المكان إللى تكون فيه هنكون جانبك

نظر لها بصدمه وقال : انتى بتقولى ايه ياعشق

هزت راسها بتأكيد وقالت :- بقول اللى لازم يحصل انت لازم ترجع يامراد

قال بتأكيد :- عارف بس مش دلوقتى

قالت بتعجب :- اومال امتى

نظر لها وقال :- فترة صغيره اوى

قالت بتأكيد :- ماشي بس لو هترجع تسافر انا وجاد هنروح معاك

هز رأسه بضيق وقال :- ماينفعش ياعشق

هزت راسها بعند وقالت :- لا هينفع انا وجاد محتاجين وجودك يامراد

نظر لها والى ابنه الذى ينام على الفراش وقال :- انا مش عايز اسبب لحد فيكم اذى انتو فى أمان هنا

نظرت له بنفى وقالت :- راحتي وراحت جاد معاك انت يامراد

نظر لها طويلاً وقال وهو يعانقها بحب :- زى ماتحبى

ابتسمت براحة وهى تنظر له بفرحة وقالت :- انت كمان وحشتنى على فكره

ابتسم وهو ينظر لـ جاد وقال :- طيب هو الاستاذ جاد هينورنا انهارده

هزت رأسها بتأكيد وهو ينظر لها بغيظ ويسحب يدها ويقول :- طيب يلا

نظرت له بستفهم وقالت :- على فين

مراد بسخرية :- ناخد اوضه من اوض القصر الى بلا لزمه ده

ضحكت بقلة حيلة عليه وهو يسحبها للخارج،،.....

✨✨✨✨✨✨✨✨✨✨✨✨✨✨

* وفى غرفة صقر *

كانت تجلس وهى تنظر إلى الكتاب الذى بين يديها حتى شعرت بمن يحملها للأعلى وهى تصرخ بذعر وتقول :- صقررر حرام عليك خطيتنى

ابتسم وهو يحملها بين يديه ويقول :- زوجتى العزيزه بتعملى ايه 

نظرت إليه بغيظ وهى تقول :- نزلنى انا مش بحب كدا

هز رأسه بنفى وهو يقول :- بس انا بحب كدا

قالت بغيظ :- انت عايز ايه على المسا

نظر لها بسخرية وقال :- فى وحدة تقول لزوجها عايز ايه على المسا

هزت راسها بنفى وهى تقول :- معاك حق ما يصحش انت عايز ايه أخلص

قال وهو ينظر لها بغيظ :- والله يافرح اوقات بحس انى جايبك من السوق

قالت وهى ترفع حاجبيها بغضب :- قصدك ايه

قال وهو يحملها على ذراعيه ويدور بها  الغرفه :- قصدى انى متزوج هبله

صرخت فى وجهه وهى تنظر له وتقول :- بقا انا هبله .. طيب نزلنى بس والله الهبله دى غلطانه أنها قعدالك فى الواضه دى اصلًا

ابتسم بقلة حيلة وهو يقول :- فرح ربنا يهديكي ياحبيبتى

قفزت من بين يديه وهى تصرخ وتقول بصدمه :- قصدك انى مجنونه طلقنى احنا مننفعش مع بعض

نظر لها بشر وقال :- فرح

قالت وهى تبلع رايقها وتنظر اليه :- قصدى ننفع بس براحة شويه

ابتسم بهدوء وهو يعانقها ويقول :- شكراً انك رديتى على نهال

ابتعدت عنه وهى تقول بتأكيد :- صقر فراس اخويا واللى ياذيه ياذينى وكمان هو يمكن مش عارف يقول إللى جوه بس هو محتاج إللى يعوضه عن صوته

نظر إليها بحب وقال :- انا مبسوط انك بتحبيه بشكل ده

نظرت إليه وقالت بقلق :- صقر انت عارف فى ايه بكره 

نظر لها بحزن والم تمكن من قلبه فجاه وهو يقول :- عارف

نظرت إليه بحزن وهى تعانقه بحنان وتقول :- انا جانبك دايماً ياصقر

بدلها العناق بصمت وداخله اشياء كثيره لا يعلم ماذا يفعل للتخلص منها ،،...

✨✨✨✨✨✨✨✨✨✨✨✨✨✨

* فى صباح اليوم التالى *

نهض مبكراً وهو ينظر للغرفة من حوله، وهو يقوم لتأدية فريضة صلاة الفجر ،وبعد الانتهاء نظر للساعه التى بجواره ،وهو يتنفس بقوة، ويرتدى حذائه ويهبط للاسفل، وهو يصعد السيارة الخاصه به وينطلق بها بعيداً إلى هذا المكان الذى يذهب إليه فى كل يوم من السنه ،،،

وبعد عدت دقائق توقفت سيارته أمام أحد المباني التى قام بفتحها وهو يدخل إليها ويقرا هولاء الاسماء المكتوبه بجوار بعضهم البعض (نجم الدين رسلان الصياد )(فيروز عبد الرحمن الصياد ) تنفس بدموع تكونت فى عينه بالم وهو يقترب منهم ويجلس بين كلاً منهم وهو ينظر لهم بشوق وحب ،وهو يحاول التحدث معهم بصوت غير مسموع ظل بجوارهم قليلاً من الوقت حتى شعر بمن يجلس بجواره وهو يقبل رأسه بحنان ويقول :- ليه ما استنيتش اجى معاك

هز رأسه بنفى وهو يشير له ويقول :- مقدرتش استنا هما وحشونى

نظر لها بالم فى قلبه وهو يعانق وجهه ويقول :- وانا كمان وحشونى اوى

ابتعد عنه فراس وهو ينظر له ثم لهم وهو يقول بدون صوت :- وحشتوني اوى انتو عارفين انا محتاج لوجودكم انتو ليه بعدتوا انا كنت عايزكم تفضلوا معايا عمرى مانسيت اليوم ده اكتر يوم بكرهه فى حياتى انتى عودتينى انى مكرهش حاجة ياامى بس مش قادر مكرهش اليوم إللى خسرت فيه كل حاجة يمكن خسرت صوتى بس مش زى وجع خسرتكم انا عايز وجودكم جانبى من تانى

"نظر له صقر بحزن عليه وهو ينظر له ويقول بدون صوت :- انت بقيت بتحبنى ياصقر دى كانت اكتر حاجة حلوة فى حياتى بس انا محتاج وجودهم جانبى انا خايف تسبنى انت كمان

نظر له صقر بصدمه وقال فراس بخوف :- متكرهنيش ياصقر تانى انا مش عايز اخسرك زى مخسرت كل حاجة انا مش هقدر اخسرك  انت روحى ياصقر

نظر له صقر بوجع من كلامه وهو يعانقه بقوة ويقول :- مستحيل اكرهك أو اسيبك انت متعرفش فراس عند صقر ايه يمكن عملت كل ده مره وانا ندمان عليها لغيت دلوقتى يافراس انا مش هسيبك ابدا متخفش طول ماانا جانبك ومعاك كرهت الظلم من بعد ظلمى ليك مستحيل اظلمك تانى معايا

ابتسم فراس بفرحة وهو يشدد من عناق صقر ويبكى بين أحضانه بوجع يخترق قلبه فى كل مره ياتى فيها إلى هنا

ظل هم الاثنان معاً يجلسون بجوار والديهم لوقت لا يعلم كل منهم كم مضى فى جلوسهم معا دون ملل أو كلل ،،،،.....

✨✨✨✨✨✨✨✨✨✨✨✨✨✨

* وبعد عودت فراس *

دخل المنزل وهو يسير إلى الغرفته وبجواره بحر، الذى قابله أمام الباب وهو يسير ومعالم الحزن التى كانت على وجهه فى اليوم السابق قد اختفت ، وهو يحاول أن يكون بجوار فراس فى هذا اليوم الذى يعلم مقدار حزن صديقه فيه جيداً، ظل يحاول التحدث معه وهو لا يجيبه حتى اقتربت منهم نهال وهى تنظر إلى فراس بشر وتصرخ فى وجهه بغضب وهى تقول :- انت نهارك مش فايت

نظر لها فراس ببرود وهى تتطلع له بشر يتطير من بين عينها حتى قالت فرح التى وقفت امام نهال وهى تقول :- هو فى ايه يامرات خالي

نظرت لها نهال هى الآخرة بشر وهى تقول :- متدخليش انتى مفيش حد هنا عينك المحامى بتاعه

قالت فرح وهى تنظر لها بلا مبالاة:- والله فراس اخويا واللى ياذى مش هرحمه

نظرت لها نهال بغضب وهى تقول :- فرح بلاش تخلينى ازعلك

نظرت لها فرح بجمود حتى قال بحر بغباء :- هو فى ايه

نظرت له نهال وهى تصرخ فى وجهه وتقول :- وانت مالك وبتدخل ليه انت كمان نقص الخدمين يتكلموا

نظر لها بحر بصدمه من كلامها وقال فراس وهو يشير لها بغضب :- ما تتكلميش مع بحر بشكل ده هو مش خدام وياريت تتكلمى بأسلوب احسن من كدا بحر صديقى ما اسمحش لحد يكلمه بطريقه دى

ابتسمت فرح وهى تنظر له حتى قالت نهال بغيظ :- انت بتقول ايه انا مش فاهمه منك زفت حاجة

اشاره لها فراس بسخرية وهو يقول بلغه هى لا تفهمها :- والله دى يرجع ليكى انك جاهله

وضع بحر يده على فمه بصدمه وابتسمت فرح بنصر وهى تقول :- عيب يافراس

قالت نهال بغضب :- انت بتقول ايه

نظر لها فراس بلا مبالاة حتى نظرت له نهال بغضب وهى تحاول الأقتراب منه وهى تمسك ملابسه وتقول :- اظهر انك متربتش وانا هربيك

نظر لها الجميع بصدمه من تهديدها حتى اقترب منها صقر وهو يقفز بيدها بعيداً عن فراس وهو يقول بغضب :- إللى بتتكلمى معه ده اخويا .. وفراس بنسبه لاى حد هنا خط احمر

بلعت نهال رايقها بتوتر وهى ترجع للخلف وتنظر لـ صقر بضيق وهى تقول :- انا مقصدش بس فراس هو السبب فى كل ده

نظر صقر لها ببرود وهو يقول :- وايه هو اللى حصل

قالت نهال وهى تنظر لـ فراس بحقد :- اخوك سرق شيك بقيمة ١٠ مليون للعملاء مهمين و ومعرفش نيل بيهم ايه

فرح بذهول :- انتى بتقولى ايه فراس مش حرامى

نهال بسخرية :- والله طيب ما تساليه

نظر صقر لـ فراس بهدوء وهو يقول بلا مبالاة:- هى دى المشكله

قالت نهال بصدمه :- افندم

قال صقر وهو يقوم بمسك يد فراس وهو يبتعد عنها :- بحر اكتب ل نهال هانم مبلغ بقيمة ٥٠ مليون ويارب يكون كفايه

نظرت له نهال بصدمه وقال بحر بتأكيد وفرحة :- تحت امرك ياصقر

نظر بحر لها وهو يقول :- تحبى كاش ولا شيك

نظرت له نهال بعيون تخرج النيران وهى تقول :- غور من وشى

غادرت بعيداً تحت أنظار فرح التى تضحك بشدة وقال بحر بسخرية :- بتقفش بسرعه اوى

ضحكت فرح بشدة أكثر وهى تنظر الى صقر الذى يصعد للأعلى وينظر لها بعيون غاضبه جعلتها تصمت على الفور،،،...

✨✨✨✨✨✨✨✨✨✨✨✨✨✨

* وفى مكان آخر *

كان يجلس يونس وهو ينظر للهاتف حتى شعر بمن يجلس بجواره وقال بضيق :- عايز ايه

نظر له يونس بحزن وقال :- هتفضل لامتى كدا

نظر له عمر وهو ينهض بضيق وقال :- إللى هو زى مش فاهم

قال يونس وهو ينهض ويقف أمامه ويقول :- قصدى انك بتصدق شخص كذاب

نظر له عمر بغضب وقال :- مدخلش عماد فى الموضوع

قال يونس بضيق وهو يحاول الهدوء :- ماشي مش هتكلم عنه بس ليه متحاولش تعرف الحقيقة

قال عمر بغضب :- ماالحقيقة واضحه وزي الشمس اهي

قال يونس بحزن :- عمر بلاش تخليني اندم انى بغفرلك كل إللى بتعملوا معايا

نظر له عمر بسخرية وقال :- والله مين يغفر لتانى انت سبب فى موت تؤامتى

قال يونس بغضب :- انا مليش ذنب .. ليه مش فاهم ده

قال عمر وهو يقترب منه بغضب :- انت واحد كذاب

يونس بغضب :- عمر

جاء صوت يحمل الغضب من الخلف وهو يقول :- فى ايه .. ايه اللى بيحصل هنا

قال يونس وهو ينظر لوالده بنفى :- مفيش يابابا

عمر بنفى :- لا فيه

نظر له يونس بحدة وقال شريف بقلق :- فى ايه ياعمر

نظر يونس لـ عمر بصمت حتى اقتربت منهم نهال وهى تقول :- هيكون فى ايه يعنى انت عارف الولاد ومشاكلهم ياشريف

قال شريف وهو ينظر لـ يونس :- الكلام ده صح يايونس

نظر يونس لتلك المدعوة بزوجة والده بغضب مكتوم داخله وهو يقول :- ماما معها حق

نظر إليه عمر بغضب وهو يغادر ويقول :- طيب عن ازنكم

امسك شريف يد ابنه وهو يقول :- عمر على فين

قال عمر بسخرية وهو ينظر لوالده ويقول :- مدام واقفين مع واحد كذاب استاذن انا

نظر له يونس بحزن وشريف بقلق وهو يقول :- انت قصدك ايه وازاى تقول على اخوك كدا

اقترب يونس من والده وهو يمسك يد اخوه ويقول :- هو مش قصده حاجة يابابا تعالا ياعمر

قفز عمر بيد يونس بعيداً وهو يقول :- ابعد ايدك عنى

قال شريف بحدة :- عمر ده اخوك الكبير احترم نفسك

نهال بضيق :- عمر عيب كدا

قال عمر بغضب وهو ينظر لوالده :- ده مش اخويا مش اخويا ده واحد قاتل بسببه اختى ماتت وانتو بتحترموا وهو السبب فى موت بنتكم انتو مجانين ولا ايه

رفع شريف يده وهو ينزل على وجه عمر الذى اغمض عينه بخوف وهو يستمع إلى تلك الصفعه القوية التى لم يشعر بالمها على وجهه فتح عينه ببطء وهو ينظر لجسد أخيه الذى أمامه وهو يحمى ويأخذ تلك الصفعه عنه تحت أنظار شريف المصدومه رتجف قلب عمر بالم وهو ينظر له بدهشة لما فعل

قال شريف بذهول :- يونس

نظرت نهال إلى ابنها بخوف وهى تقول :- انت كنت عايز تعمل ايه ياشريف

نظر لها شريف بصدمه وهى تحاول تغير الكلام :- قصدى يونس اتاذا بسببك

قال يونس وهو ينظر لوالده بهدوء :- بابا كل حاجة حصلت هنا والكلام إللى قاله عمر بسببى متزعلش منه عن ازنك

"غادر يونس للأعلى تحت أنظار عمر المصدومه من فعلته التى اوجعت قلبه عليه"

فى الاعلى ...

صعد يونس وهو يدخل إلى داخل غرفته وهو يجلس على الأريكة ويتنفس بقوة وقلب متألم من كل شئ ياحدث معه ظل يتنفس بقوة حتى شعر بخطوات بسيطة تتقدم منه رفع عينه وهو يقول بصدمه :- سيلين

نظرت إليه بتوتر وهى تقول :- انت كويس

نظر لها بذهول من سوالها وهو يقول :- انتى بتعملى ايه هنا

قالت وهى تنظر إلى وجهه المحمر وهى تقول بتوتر :- وشك بيوجعك

وضع يونس يده على وجهه وهو يهز رأسه بهدوء وقال :- لا مش بتوجعني

هزت راسها بقلق وهى تقول :- انت متاكد

نظر لها طويلاً وهو يهز رأسه بتأكيد حتى قالت هى بتوتر :- انا جيت علشان اديك حاجتك

نظر يونس إلى الخاتم الذى بين يديها وهى تمده له وتنظر أرضاً وتقول :- انا مش زى ماانت فاكر يا يونس ياريت كل حاجة تنتهى بينا

نظر لها وهو يقول برجاء :- ممكن تدينى فرصه وحدة

رفعت عينها له بصدمه وهى تقول :- فرصه

هز رأسه وهو ينهض بتأكيد ويقول :- عارف انى اذيتك انا اسف ياريت تسامحينى ووعد هحاول اتغير

نظرت إليه دون تصديق وهى تقول :- دى كذبه جديده

نفى بقوة وهو يقول بنبرة تحمل الحزن :- يمكن لو عرفتيني تعرفى انا بعمل كدا ليه

نظرت إليه بتوتر والى هذه الصفعه التى هبطت على وجهه من والده وقالت :- يونس بس اللى عملته

امسك بيدها وهو يقول بتأكيد وعيون متألمه :- عارف انى قولت كلام مش كويس بس انا بجد اسف انا عايزك فى حياتى ياسيلين

نظرت له بصدمه من أمره وهى تقول :- انت شارب ايه

نظر لها بتعجب وقال :- نعم

قالت وهى تنظر له بنفى :- ولا حاجة

ابتسم وهو يقول بستفهم :- موافقه

نظرات إلى ابتسامته بهيام وقالت :- ليه لا نجرب

ابتسم باتساع اكبر وهو يقول :- نجرب

ــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋