البارت الخامس عشر 🦋

نبدأ 🌛🌜

جلست بجواره وهو ينظر إلى ما يسمى بعدو وهو يقف أمامه بوجه باهت يخلوا من الحياة قالت وهى تضع يدها على كتفه :- اظهر انك زعلان اوى على صقر

نظر لها وهو يهز رأسه وقال :- طول عمرى بتمنى يكون عندى اخ واخيراً لقيت صقر مش عايز اخسره

قالت هى بخبث :- معاك حق بس فراس مالك قلب صقر ولو مهما عملت مش هتنول اى حاجة

تنهد بحزن وهو يقول :- انا مستعد اعمل اى حاجة علشان ما اخسرش صقر

قالت بلوم :- انت عارف ان صقر كان بيكره فراس اوى لانه كان واخد منه ابوه وامه

نظر لها جود بتعجب وقال :- ايه اللي اتغير

تنهدت بمكر :- الشفقه

نظر لها بتعجب وقالت :- صقر كان شفقان على فراس علشان بقى اخرس ومش بيتكلم ياحرام فراس استغل كدا واجبره أنه يحبه

قال بغضب :- هو ليه بيعمل كل ده هو مش اخوه

ابتسمت بحزن وهى تضع يدها على ذراعه وتقول :- بظبط هو مش اخو يعنى لازم تبعده عن اخوك انت .. صقر لازم يحبك انت ياجود

نظر لها جود وقال بضيق :- بس انا مش عارف اعمل ايه

قالت بنفى :- متقلقش انا معاك موافق انك تسمع كلامى

هز رأسه بتأكيد وهو يقول :- موافق

ابتسمت بتأكيد وقالت :- هقولك تعمل ايه

نظر لها بتركيز وهى تخبره ماذا يفعل،،،...

وبالقرب منهم كان يجلس هذا المرهق والذى كلما مره بعض الوقت يشعر كان المصائب لا تفرقه،،،...

✨✨✨✨✨✨✨✨✨✨✨✨⁦✨✨

* وبعد قليل من الوقت *

كان يقف وهو ينظر اليه وهو يسير بعيداً عن تلك الغرفه التى لا يفرقها منذ فترة طويلة ابتسم بفرحة وهو يراه يهبط للاسفل، اقترب من الغرفة وقام بطرق الباب والدخول وهو ينظر إلى صقر الذى يجلس نصف جلسه على السرير وهو ينظر إلى دخوله المفاجئ عليه وهو يقول بستفهم :- انت مين

قال جود وهو يقترب منه ويقول :- انا جود اخوك

نظر له صقر بصدمه من إجابته فهو يعلم أنه ليس لديه سوا اخاً واحد هو فراس

عقد جبينه وقال بضيق :- انت بتقول ايه

قال جود وهو يجلس بجواره وعلامات الحزن علي وجهه :- انا جود اخوك والحقيقة أن فراس مش اخوك ياصقر

نظر له صقر بصدمه وهو يتطلع الي كل ما يقوله بانصات حتى قال جود :- دى الحقيقة ممكن تسال اى حد ودا DNA انا عملته ليا ولـ فراس علشان تتأكد

امسك صقر بالاوراق بين يديه وهو ينظر إليها ويتفحص كل حرف داخلها وقام جود بتنفس بحزن اكبر وهو يقول :- انا عارف انك مصدوم واكيد مستغرب انا جاى دلوقتى ليه والدكتور محذر على كل واحد فين بلاش نقولك اى حاجة علشان متتاذيش

عقد صقر حاجبيه بصمت وهو يترقب كلامه أكثر وقال جود مره اخرى :-  بس خايف فراس يأثر عليك بكلامه انت كنت بتكرهه ولسه بتكرهه كل واحد فى العيله من وقت ماعملت الحادثة دى اتفقوا وقرروا أنهم يقولوا انك بتحب فراس وأنه اهم شخص عندك وانك مش بتكرهه علشان تعاملوا كويس هما عايزين يكذبوا عليك

قال صقر بجمود واستماع إلى كلامه باهتمام :- وهما هيعملوا كدا ليه

قال بحزن :- علشان فراس انسان كويس والكل بيحبه الا انت

رفع صقر حاجبيه بتعجب من كلامه الذى يشبه الغز وقال جود بغضب :- انت بتكرهه وانا كمان كرهته وقت ما عرفت أنه السبب فى موت اهلنا وأنه كان موجود وقتها ولولا ان بابا وماما دافعوا عنه ماكنش حد منهم اتاذا

لمعت عينه صقر بصدمه وهو يضغط على الأوراق التى بين يديه بغضب وقال :- فراس هو السبب

هز جود رأسه بحزن وقالت نهال وهى تقترب من الخارج :- انا ماكنتش عايزه اقولك كل الكلام ده ياصقر علشان انا عارفه انك مش بتحبنى بس دى الحقيقة وجود اخوك قدامك اهو هو إللى بيقول ليك مش حد غريب

نظر له صقر بدهشة من تغيرها العجيب وقال :- جدى ساكت ليه على كل ده

قالت نهال بحزن :- علشان انت عارف ان فيروز كانت بتحب فراس قد ايه ونجم الدين كمان

قال جود بضيق وغضب :- وكمان فراس محسس الكل أنه كويس ومسكين علشان اخرس بس هو مش كدا الحادثة إللى حصلت ليك انهارده بسببه

نظر له صقر من جديد بستفهم وقال جود بحقد :- هو كان بيهددنى وعايزنى اطلع برا البيت ومكنش سيبنى فى حالي انت عرفت بالحقيقه واتخنقت معه وبعدين طلعت وحصلت الحادثه

اغمض صقر عينه بغضب وهو يشعر بالنيران تتاكل داخله تجاه هذا الفراس المدعو بأخيه،،

تحت أنظار نهال التى تبتسم بنصر تكاد تنفجر من شدة الفرح وكان يجلس جود بجوارها وهو يشعر بالفرحة ولكن دخله شعور اخر لا يعلم سببه،،،،....

✨✨✨✨✨✨✨✨✨✨✨✨✨✨

* فى اليوم التالى *

قرر صقر مغادرة المشفى بعد إصرار كبير من الجميع بجلوسه بعض الوقت ولكنه ابا الجلوس أكثر وأمر بالمغادرة ،عاد الجميع للمنزل وهم يشعرون بالفرحة من سلامة صقر وعودته من جديد لهم

جاء يصعد للأعلى وهو يتسند على هذه العصا الالكترونيه حتى اقترب منه فراس بلهفه وخوف عليه وهو يمسك يده ويقول :- اساعدك

ابعد صقر يده وهو ينظر له ويقرا ماتنطق به شفتيه بتعجب من صقر لمعرفة ما يقوله وهو يضغط علي يده بقليل من القوة وقال :- لا

نظر له فراس بألم من مسكت يده له وهو يشعر بالحزن من رفضه الاقتراب منه وهو يراه ينظر لـ جود ويقول :- جود ممكن تساعدني

ابتسم جود وهو يقترب منه ويقول :- اكيد

نظر يونس إلى فراس بحزن وهو يقول :- على فكره انت مش بتسمح لحد يدخل اوضتك مننا غير لـ فراس

نظر له صقر بجمود وقال :- كل حاجة اتغيرت من دلوقتى

نظر له فراس بصدمه وقالت فرح بتعجب :- بس يا صقر

نظر صقر إلى جود وهو يصعد للأعلى ويقول :- كفاية كلام يلا ياجود

عون جود صقر على الصعود للأعلى وهو يدير رأسه إلى فراس، الذى ينظر لهم بدموع تكونت داخل عينه بضعف منه حتى اقترب منه عمر وقال بحزن :- متزعلش يافراس صقر مايقصدش يزعلك

هز فراس رأسه وهو يبتسم بمرح ويحرك يده  :- عارف هو تعبان وانا هكون معه ومش هسيبه

ابتسمت فرح براحة وقالت :- كويس يلا علشان تساعدني نعمل ايه اكل

هز فراس رأسه بموافقة مره اخرى وهو يسير للداخل تحت أنظار الجميع له بحزن،،،

نظر يونس الى عمر الذى ينظر إلى فراس بحزن عليه وقال بتأكيد :- ماتقلقش كل حاجة هتكون كويسه

نظر له عمر ببرود وقال :- وانا ما طلبتش انك تواسيني

نظر له يونس بحزن وقال :- معاك حق عن ازنك

غادر يونس ونظرت له رقية وقالت بحزن :- عمر فكر صح انت بتاذى اخوك وبتظلمه

نظر لها عمر بتعجب من تصديق الجميع له وقال وهو يغادر للأعلى :- عن ازنكم

صعد للأعلى تحت أنظار ياسمين التى تقف بعيداً عنه بأسف على فراق الإخوة بسببها هى وأخيه أيضاً...،،،،

✨✨✨✨✨✨✨✨✨✨✨✨✨✨

* بعد بعض الوقت *

صعد فراس وهو يحمل الطعام بين يديه وهو يقترب من غرفة أخيه ويتمنى من الله أن يتذكر اى شىء عنه، خبط عدت خبطات، وجاء له صوت من الداخل يأمره بالدخول،، دخل فراس وهو ينظر إلى الغرفه الفارغه من حوله وهو يبحث بعينه عن صقر حتى رجف قلبه بخوف وكدت الاطباق التى بيده أن تسقط أرضاً وهو يستمع إلى نبرة صقر الحدة وهو يقول :- انت بتعمل ايه هنا

استدار فراس وهو يتنفس بهدوء ويبتسم بتأكيد ويقول وهو يحرك شفتيه :- جبت ليك الاكل

نظر له صقر بعيون ترعب قلب فراس وهو لا يعلم السبب فـ هو أول مره منذ أن حدث مع صقر الحادث وهو يشعر بالخوف تجاهه :- انا طلبت منك حاجة

هز فراس رأسه وهو يراه يتقدم منه وهو ينظر له بتوتر وقال :- لا

القى صقر الاطباق التى بين يدين فراس أرضاً وهو يقول :- يبقا جيت ليه

أدمعت عين فراس بخوف وهو ينظر لمن لم يحزنه يوماً وهو ينظر له بكره وقال :- انا اسف

اقترب منه صقر وهو يمسك بيده ويضغط عليها بقوة اوجعت قلبه قبل يده وهو ينظر لـ صقر الذى يقول :- اسفك مش مقبول لو فاكر انك بـ اللى بتعمله ده هيحببنى فيك تبقا غلطان

أدمعت عين فراس وهو يتمتم بخوف :- صقر

القى صقر بجسده بعيداً عنه وهو يشير للباب ويقول :- اطلع بره

نظر له فراس وهو يهز رأسه ويحرك يده ويقول وهو يغادر الغرفة :- انا اسف

خرج للخارج وهو يتنفس بوجع والم يجتاح قلبه ،من رفض صقر والتعامل معه بهذه الطريقه ،اقتربت منه جويريه التى كانت تسير للاسفل وهى تقول بقلق :- فراس انت كويس

نظر لها فراس بتوتر وهو يهز رأسه بصمت ويقول :- ايوه

نظرت له جويريه بتعجب وقالت :- انت بتبكي ليه صقر زعلك

هز فراس رأسه بنفى وبسرعه وقال باشاره :- لا لا بس انا زعلان علشان هو تعبان

ابتسمت وهى تنظر له بحنان وتقول :- متقلقش هيكون كويس المهم روح ارتاح انت ليك كام يوم مش بتنام

نظر لها فراس وهو يهز رأسه بتأكيد ويقول :- حاضر عن ازنك

نظرت له بحزن عليه فـ هى تعلم مقدار حبه لـ صقر وخوفه الكبير عليه،،،،....

✨✨✨✨✨✨✨✨✨✨✨✨✨✨

* بعد مرور يومان *

كانت تلك العائله تحوطها المشاكل من كل مكان من كره عمر إلى يونس وحزنه الشديد  على كل ما يفعله معه،،،

وحالة بحر التى قرر الانعزال عن الجميع وهو لا يهتم بأحد وقلق صخر الزائد عليه ومحاولة تحسين منه،،،

وتغير معاملات صقر مع فراس وبعده الذى يوجع قلبه وتدخل جود ونزاع بينهم وكره صقر لـ فراس الذى يتضخم مع الوقت،،،...

✨✨✨✨✨✨✨✨✨✨✨✨✨✨

* دخل أحد الغرف *

كانت تقف وهى تنظم ملابسها داخل الخزنه الخاصه بها حتى طرق بجوارها الباب شعرت بتعجب وهى تعلم بعدم تحدث أحد معها هنا فكرة أنه قد يكون زوجها ولكنه دائماً يدخل دون طرق على الباب شكت فى أنها فرح وهمت بذهب لفتح الباب حتى تفاجات بوجود هذا الذى يقف أمامها بهيئة دبت الخوف فى قلبها وهى تقول :- ع.عمر مش موجود

قال وهو ينظر لها بجمود :- بس انا عايز اتكلم معاكى انتى

نظرت له بتوتر وهى تشير له بدخول وتقول :- اتفضل

سار للداخل وهو ينظر لها تقترب منه بخطوات متردد بعد أن تركت باب الغرفة مفتوح وهى تقول :- خير يايونس بيه

قال وهو يجلس ويشير لها بجلوس :- اقعدى

بلعت رايقها بخوف من نبرته الهادئه وهى تجلس بصمت وقال وهو ينظر لها :- ياسمين انا مش عارف عمر اتزوجك ليه يمكن بيحبك زى ما بيقول

نظرت له بخوف ودموع :- انا عارفة اللى عمله عماد

نظر لها بجمود وقال بتأكيد :- انا عارف انك عارفه كل حاجة

نظرت له بصدمه وقال هو بهدوء أكثر :- انا مش عايزك تخافى منى صقر حكالي على كل حاجة حصلت معاكى انتى وعمر وانك عارف حقيقة اخوكى وأنه حاول يستغل اختى زى مابيستغل اخويا

هبطت الدموع من بين عينها بغزاره وقالت هى بخوف :- انا اسفة على كل اللى عملوا اخويا من اذيه ليكم

قال بحزن وهو يتذكر خسارة إخوته :- يمكن اعتذارك مش هيغير حاجة ياياسمين انتى ضحية اخوكى وانا مش بلومك على حاجة

نظرت له بتعجب وقال هو بتأكيد :- ايوه يمكن بسبب اخوكى خسرت اختى واخويا بس ده مايدينيش الحق اكرهك وانتى مالكيش ذنب فى اى حاجة

نظرت له بأسف وقالت :- انا مش عارفة اقولك ايه بجد انا شايفة كره عمر ليك ومش قادرة اساعدك انا .. انا ممكن اقوله على كل اللى اعرفه يمكن هياذى عماد لو قولتله الحقيقة بس هو لازم يعرف انك مالكش ذنب

نظر لها بتعجب من اختلافها عن أخيها وقال :- انت فعلاً زى ماقال صقر عنك غير عماد انا مش عايزك تقولى حاجة لـ عمر علشان مش عايز اوجعه باللى هيعرفوا كدا افضل له يمكن يعرف فى يوم بس بلاش دلوقتى على الأقل

نظرت له بحزن عليه وقالت :- بس انت مالكش ذنب أن اخوك يكرهك

قال بتأكيد وهو ينظر لها :- وانتى كمان مالكيش ذنب أن عمر يكرهك لو عرف وهو حقيقى بيحبك

نظرت له بتوتر وقال وهو ينهض :- انا همشي كل إللى عايزك تعرفى ياياسمين انى مش زعلان انك مرات اخويا وانى موجود دايماً جانبك لو احتاجتى لوجودى

نظرت له بدموع وهى تهز راسها بتأكيد وهو يغادر الغرفة جلست وهى تبكى بالم على كل مايحدث،،،،،......

✨✨✨✨✨✨✨✨✨✨✨✨✨✨

* دخل غرفة بحر *

كان يقف بالقرب منه صخر وهو يراه لا يخرج من غرفته أو يتحدث مع اى احد يشعر بالقلق عليه والعجز من فعل اى شىء له اقترب منه وهو يجلس بجواره ويقول :- بحر تحب نخرج مع بعض

هز بحر رأسه وهو يقول :- لا

قال صخر من جديد وهو يمسك يده :- طيب بلاش .. ليه مش بتطلع من اوضتك

قال بحر بجمود :- هطلع ليه كدا افضل بلاش حد يشوفنى ويخاف منى

قال صخر بصدمه من كلامه :- يخاف منك ليه

قال بحر وهو مازال لا ينظر إليه :- علشان اى حد هيشوف شكلى هيخاف منى

قال صخر بغضب :- الكلام ده مش صح

رجف جسد بحر بخوف تحت أنظار صخر الذى نظر له وهو يدير وجهه ويقول :- انا اسف بس الكلام ده مش صح انت جميل يابحر فى كل حالاتك بلاش يهمك كلام الناس

نظر له بحر بشرود وقال :- وانت كان بيهمك ليه كلام الناس

نظر له صخر بحزن وقال بهدوء :- طيب ليه ما طمئنتش على فراس هو محتاجك دلوقتى

نظر له بحر بجمود وقال :- انا مش عايز اكون جانب حد فراس مش محتاجنى

قال صخر بنفى :- الكلام ده مش صح إللى بيمر بيه فراس محتاج وجودك جانبه

قال بحر ببرود وهو يدير برأسه :- وانا مش عايز اساعد حد سيبنى لوحدى

نظر له صخر بحزن فهو السبب فى وجوده فى هذه الحاله يشعر أنه دمر بسببه هو،،،،....

✨✨✨✨✨✨✨✨✨✨✨✨✨✨

* فى أحد الأماكن *

كان يقف وهو يعانقها ويقبلها حتى قالت هى بضيق :- انا مش فاهمه هو ازاى عايش

قال وهو يسير بيده على شعرها :- والله انا مش فهمك يانهال مره تقولى انك فرحانه ودلوقتى زعلانه

قالت بضيق :- معاك حق انا فرحان لأنه نسي كل حاجه حتى الحيوان ده إللى كلها كام يوم ورميه برا البيت ده كمان هخلى صقر لعبه فى ايدى

قال وهو ينظر لها بلا مبالاة :- انا مش فارق معايا المهم الشغل بتاعنا مايخربش يانهال ده شغل بملايين

قالت وهى تبتسم بخبث :- متخفش انا عارفة بعمل ايه بكره كل حاجه هتكون ملك أيدينا وعيلة الصياد دى هتكون تحت التراب

قال هو بمكر :- ناويه على ايه

قالت بضحكه رنت دخل الغرفة :- كل خير أرمى فراس برا البيت وتخلص من صقر بعد ماخد كل حاجة و هقتل يونس وارتاح من اليوم الاسود إللى شوفته فيه

قال وهو ينظر لها بإعجاب :- حلو وايه كمان

قالت وهى تجلس بين أحضانه :- وهقتل الحيوان اللى اسمه رسلان ويغور فى ستين داهيه

قال وهو يقبل يدها :- طيب وشريف

ضحكت هى بدلال وحب :- لا ده ميت ميت

قال وهو ينظر لها بضيق :- ياريت يغور بقا انا مش ضايقه اكتر من كدا

قالت بتأكيد :- معاك حق انا حاسة أنه بيشك فيا 

لم تنهى جملتها حتى نهضت بذعر من بين يدين هذا الذى نهض هو الآخر وهو يرا زوجها يقف ويحمل بين يديه أحد الأسلحة المواجهه عليهم وهو يقول :- انا مش بس بشك يانهال انا بقيت واثق خلاص

قالت نهال وهى تتنفس بخوف :- شريف ا.انت فاهم غلط

ابتسم شريف بسخرية وهو ينظر إلى ملابسها العاريه وقال :- والله كدا فاهم غلط امال لو صح كان بقى ايه

قالت وهى تبلع رايقها بتوتر :- شريف ما تبقاش مجنون

قال بقرف وهو يتطلع لها :- انا فعلاً مجنون من اليوم إللى صدقت وحد زيك وصدقت انك ست محترمه

قالت وهى تنظر إلى هذا الذى يقف بجوارها والخوف على وجهه :- اسمعنى هو كان بيهددنى أنه لو معملتش إللى عايزوا هيروح يقول لـ صقر انك أمرته يقتل اخوك

نظر لها بصدمه وهو يقول :- انتى وحدة كذابه انتى إللى قولتيله يعمل كل ده خلتينى أحاول اقتل اخويا

قالت وهى تتنفس بخوف من رفع المسدس وهو يصوبه عليها :- اعقل ياشريف انا بحبك صدقنى عملت كل ده علشانك

قال بصرخ فى وجهها :-  اخرسى انتى كذابه هموتك دلوقتى واريح الكل منك

قالت وهى تنظر إلى المسدس الذى بجوارها :- طيب اسمعنى احنا ممكن نتفق

قال وهو ينظر لها بستحقار :- اتفق مع وحدة خاينه زيك خانت زوجها وابو ولادها ولا وحدة عايزه تقتل ابنى وبعدين تقتلنى

قالت وهى تمسك المسدس خلف ظهرها وتقول بصوت راجي :- انا اسفة اسفه ياشريف بلاش تعمل كدا

قال وهو ينظر لها بكره ويشير على هذا الذى يقف بجوارها :- هخلص عليكم انتو الاتنين

ابتسمت وهى تنظر له ،حتى شعر شريف بتعجب ولكن سقط المسدس من يده وهو ينظر إلى تلك الرصاص التى استقرت داخل قلبه وهى تقول :- أكتر حاجة بكرها فيك ياشريف انك بتتكلم كتير

نظر لها وهو يسقط أرضاً ودماء تسيل منه وقالت وهى تنظر بجوارها :- جابر انت واقف كدا ليه ساعدنى

ابتسم وهو يقترب منها ويقول :- انتى عملتى كدا ازاى ده انا قولت موتى على أيده

نظرت له بشر وقالت :- وانا مستحيل اموت على ايد واحد زيه

نظر لها باعجاب وقال :- هنعمل ايه دلوقتى

نظرت إلى جثت زوجها وهى تفكر،،،....

✨✨✨✨✨✨✨✨✨✨✨✨✨✨

* فى أحد المناطق البسيطة ودخل أحد المباني القديمه *

دخلت إلى منزلها مساء وهى تتطلع الى المكان بدموع تعرف السبيل على وجهها،،، وهى تنظر إلى الظلام الذى يحيط به منذ رحيلها ،سارت ببطء وهى تشعل الانوار من حولها وتنظر إلى صورت والديها المعلقه بعيداً بحزن على وفاتهم وتركها وحيده مع هذا الذى يلقب بشقيقها ،الذى أصبحت حياته لغز كبير ومعاناتها بسببه، جلست بعض الوقت فى أحد الأماكن الموجوده وهى تنتظر قدوم أخيها وبعد وقت طويل ،دخل إلى المنزل وهو يرا الأضواء مضيئه من حوله دار برأسه فى المنزل حتى راء اخته تجلس وهى تنظر له بدموع اقترب منها وهو يقول بغضب :- انتى كنتى فين انا كنت بدور عليكى فى كل مكان

نظرت له بسخرية وهى تقول :- هيهمك انا كنت فين

قال وهو يمسك بيدها بغضب :- اكيد انت مش اختى والا نسيتى

ازحت بيده بعيداً عنها وهى تقول بغضب :- ابعد ايدك عنى دى المشكله انى مش قادرة انسى مش عارفه

نظر لها بصدمه وهو يقول :- ياسمين انت تجننتي

قالت بدموع مقهورة :- اتجنيت فعلاً علشان فضلت ادافع عن مصايبك لغيت ماكنت هضيع بسببك

قال وهو ينظر لها بدون فاهم :- ياسمين مالك انتى كنتى فين

ابتسمت بحزن وقالت :- كويس انك لسه فاكر أنك عندك اخت لازم تسال عليها

نظر لها بضيق وقال :- انتى بتغيرى ليه السوال ردى

قالت بجمود :- انا اتزوجت

صفعه قويه هوت على وجهها وهى تنظر له بالم وقالت بصرخ :- بتضربنى ليه ليــــه رد علشان اتزوجت طيب مش عايز تعرف انا اتزوجت مين

لم يجيبها وهى تتطلع له بدموع اوجعت قلبه :- اتزوجت الشخص إللى اخته ماتت بسببك الشخص إللى اخته حبتك وانت خدعتها الشخص إللى واثق فيك وانت السبب فى كرهه لأخوه

برق وجهه بصدمه وهو يقول :- انتى بتقولى ايه انتى ازاى تعملى كدا

قالت بصرخ :- مش برغبتى مش بارادتي انا بعمل كل حاجة غصباً عنى بسببك كل حاجة فى حياتى كانت خوف عليك وانت كنت بتاذينى الإنسان اللى انت بتستغل أنه واثق فيك وبتاخد منه فلوس هو إللى انقذ حياتى وشرفى .. شرفى اللى كان هيروح بسبب انى بعمل اى حاجة علشان يسامحوك اى حاجة علشان مخسركش بس انت متستهلش

نظر لها دون تصديق وهو يهز رأسه بنفى ويقول :- انتى بتقولى ايه انا مش فاهم حاجة

جلست أرضاً وهى تحكى له ماحدث معها وتقول بوجع :- انا كنت ممكن اموت نفسي لو كان حصل حاجة بس محصلش

نظرت له وهى تراه يبكى وقالت :- هو مش انت اخويا مش كان لازم تكون سندى وضهرى ليه بسببك انا بيحصل كل ده معايا ليه

نظر لها بالم ووجع عليها وعلى ماحدث معها بسببه وبسبب أخطائه حاول الاقتراب منها وهو يقول :- ياسمين انا اسف

صرخت به وهى تبعده عنها وتقول :- ابعد عنى انا بكرهك انت عارف يونس قالى أنه مش هياذينى علشان انا ماليش ذنب هو قالى أنه موجود لو احتجت ليه الغريب بيساعد اختك الشخص إللى اخته ماتت وأخو بيكرهه بسببك بيطلب منى انى اتحامى فيه 

نظر لها عماد بصدمه وندم وهو يقول :- انا اسف

نهضت وهى تقول :- اسفك مرفوض

نهض هو الآخر وهو يدخلها بين أحضانه ويقول :- ياسمين انا اسف سامحينى ماكنتش اعرف انى وحش اوى كدا

قالت بقهر ونبرة اوجعت قلب عماد :- ارجوك انا عايز اخويا عماد اللى كان بيحب يساعد اى حد اخويا الحنين الطيب مش انت

قال وهو يشدد من احتضانها :- حاضر وعد وعد ورحمة امى هرجع زى الاول هعمل اى حاجة علشانك

بكت بين يديها وهى تشعر بالخوف،،،.....

✨✨✨✨✨✨✨✨✨✨✨✨✨✨

نهض بفزع وهو يستمع إلى الطرقات التى على الباب وهى تزداد أكثر وبقوة، هبط من على الفراش وهو يقترب من الباب ويقوم بفتحه وهو ينظر إلى أخيه وهو يقف ودموع تغرق وجهه وهو يتنفس بصعوبه وينظر له بخوف اقترب منه يونس وهو ينظر له ويقول بخوف ضرب قلبه من حالته تلك وهو يبكى دون توقف بجسد يرجف بشده :- عمر

نظر له عمر وهو يزداد بكاء ويشير للاسفل وهو يقول :- بابا يايونس

نظر له يونس بخوف من نطقه اسم والده وهو يحاول أن يجعله يهدأ وهو يقول :- ماله بابا

زاد بكائه وهو ينظر له برعب وجسد لا يقوى على الوقف :- بابا مات

ظل ينظر له وهو لا يعلم ماذا يقول أو يجيب،،،.....

ـــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋