البارت الخامس 🦋

نبدأ 🌛

* وداخل منزل الصياد *

كان يجلس جميع افراد العائله على مائدة الطعام التى تضم الكثير من الأطعمة التى  يفضلها الجميع ،فـ فى أحد الكراسى الرئيسيه كان يجلس الجد وهو يتطلع إلى عائلته التى يجلس كل منهم بصمت وهم يتناولون الطعام بهدوء احتراماً وتقديراً له قطع هذا الهدوء هو بصوته الهادئ الحنون وهو ينظر إلى فراس الذى يجلس ويقوم بتناول الطعام بصمت :- فراس عامل ايه فى شغلك

دار فراس برأسه وهو ينظر له حتى يجيبه ولكن قطع هذا نظرات نهال له الساخرة وهى تقول :- شغل ايه بس ياعمى هو احنا فاهمين هو بيقول ايه علشان يعرف يشتغل

اخفض فراس رأسه أرضاً وهو ينظر لها بحزن حتى قال يونس وهو يتطلع لـ والدته بضيق :- ماما انتى بتقولى ايه

قطع كلام يونس نظرات رسلان اليها بحدة وهو يقول :- نهال انا مطلبتش رايك وياريت متدخليش

قال شريف بضيق وهو ينظر لوالده :- بس يابابا نهال معها حق واحد اخرس زيه ازاى صقر يعمل له شركه خاصه به لوحده

ظل صقر يتناول طعامه بهدوء حتى خارج صوته ببرود وهو يقول :- دى فلوس فراس زى ماهى فلوسي فى الوقت إللى اخد من حضرتك فلوس ياريت تيجى تستجوبني

ابتسمت فرح بنصر لزوجة خالها وهى تقول :- وكمان شركة فراس لغيت دلوقتى عامله ارباح عاليه وكلها فترة وهتكون من أنجح الشركات مش كدا يافراس

رفع فراس رأسه وهو يهزها بابتسامه بسيطه ،،،،،،

حتى قال عمر بضحك :- ده انا بفكر كمان اطلب زياده فى المرتب بتاعى

نظرت نهال بغيظ لابنها الذى يزيد من غضبها وهى تقول :- عمر اسكت انت

نظر لها عمر بغيظ وقال يونس بضيق عليه :- عمر مش قصده ياماما

نظرت نهال له بابتسامه تعلو وجهها بضيق حتى قطع هذا الضيق ابتسامة فرحة منها بعد سماع عمر يقول :- انا مطلبتش انك تدافع عنى

نظر له يونس بحزن وقال :- بس ياعمر انا مش بدافع عنك انا بقول اللى حصل

قال عمر وهو يتطلع له بغضب :- ياريت متتكلمش خالص

نظر له يونس بصدمه ثم قال صقر بصوت حاد ارعب الجميع :- عمر احترم كلامك ده اخوك الكبير ولا مفيش احترام ليا

تحمحم عمر بتوتر وهو ينظر لـ صقر بخوف ويقول :- انا اسف ياصقر

تنهد رسلان وهو ينظر للجميع ويقول :- اظاهر أن كل واحد فيكم نسي انكم عيله وحده وأنكم لازم تكونوا مع بعض دائماً سند لبعض ... بس لا كل واحد فيكم بيكره التانى وانتو من نفس الدم أنا مش فاهم له كل ده

قالت فرح بهدوء :- جدى مفيش حاجة زى ده الكل هنا واحد زى ماقولت بس بين كل واحد فيهم فى سوا تفاهم وان شاءالله هيتحل

نظر يونس لأخيه بحزن ،ونهال لـ صقر وفراس بشر، وشريف لـ فرح بكره

حتى قال رسلان برجاء :- بتمنى يافرح يكون كلامك صح والا هيكون ليا تصرف تانى لكل واحد فيكم انت فاهمين

وضع الجميع نظره أرضاً بصمت حتى قال صقر وهو ينظر لجده بجمود :- كل واحد بيكون مسؤول عن إللى بيعمله ياجدى

ثم نظر إلى نهال وقال :- بالنسبالي لو حصل اى ضرر لحد يخصني نهايته مش هتعجبه أبدًا

بلعت نهال رايقها بتوتر وهى تنهض وتقول :- احم عن ازنكم

ابتسم صقر بهدوء لها وهو يقول :- اتفضلى

نظرت له مجدداً وهى تغادر للأعلى تحت أنظار رسلان الذى قال لـ صقر بقلق :- صقر احنا لازم نتكلم مع بعض

هز صقر رأسه بصمت ثم قالت فرح لـ فراس بحزن :- فراس مش بتاكل ليه تحب اغير ليك الاكل عايز حاجة غير ده

هز فراس رأسه بنفى تحت أنظار صقر الذى قال لـ فرح بنفى :- مفيش داعى انا وفراس هنفطر برا اصلى الفطار هنا مش حلو .. مش كدا يافراس

نظر له فراس براحة لوجوده معه وهو يهز رأسه بتأكيد حتى قال عمر بتأكيد :- اكيد انا جاى معاكم صح

قال صقر ببرود :- لا

نظر له عمر بخجل وهو يقول :- احم مفيش مشكله مره تانيه

ابتسم رسلان على احفاده وهو يتمنى دوام الفرحة بينهم حتى قطع ابتسامته صوت هاتفه وهو ينظر له بعلامات متعجبه وهو ينهض ويقول :- طيب انا همشى عندى شغل مهم عن ازنكم

ابتسم الجميع له بتأكيد وهو يغادر حتى نهض صقر وهو ينظر لـ فراس ويقول :- خلينا نمشي اطلع غير هدومك وانا هستنك برا

نهض فراس خلف أخيه وهو يصعد لتغير ملابسه تحت أنظار فرح الفرحه، وبجوارها كانت تاكل كارما ببرود حتى قالت لها بغيظ :- حمارة بتاكل

كارما بغيظ :- يوه سبينى اكل الله

عشق بصدمه :- الله يكون فى عون اللى هيتزوجك

قالت كارما بستفزاز :- أن كان عجبه

قالت  فرح بقلة حيله وهى تنظر للمكان بستفهام :- امال فين ماما

عشق بحزن :- راحت تزور بابا

تنفست فرح بحزن وهى تقول :- ربنا يرحمه

✨✨✨✨✨✨✨✨✨✨✨✨✨✨

وفى الاعلى صعد فراس وهو ينظر لزوجة عمه التى تتحدث فى الهاتف بغضب وهى تقول :- لا الاجتماع انهاردة مهم لازم الكل يكون موجود

صرخت بصوت اعلى وهى تقول :- انت غبي بقولك الكل

هزت راسها ببرود وهى تصفف شعرها بتأكيد وهى تقول :- ايوه الملفات معايا مش هانساهم دول مهمين لو حصل حاجة فى الصفقة دى كل حاجة هتروح وكمان كتبت شيك بالمبلغ المطلوب

هزت رأسها من جديد وهى تقول :- تمام نفذ الكل .. سلام

أغلقت الخط وهى تنظر لنفسها بضيق، ثم دخلت الحمام بجوارها وهى تنفخ بغيظ، حتى ابتسم فراس بخبث وهو يقترب من الحقيبه الموضوعه فى الداخل وهو ينظر لها بتردد وهو يقول داخله :- وايه يعنى قال أنا اخرس قال طيب

فتح الحقيبه بسرعه وهو ينظر للأوراق ويقوم باخراجهم ووضع اوراقك غيرهم ثم قام بأخذ الشيك أيضاً ووضعه داخل جايبه بسرعه واغلق الحقيبه جاء يخرج كما دخل بهدوء حتى سمع صوت يأتى من الخلف وهو يقول :- انت بتعمل ايه هنا

بلع فراس رايقه بصدمه وهو يقول داخله :- نهاره اسود اعمل ايه

كررت نهال جملتها من جديد وهى تقول بغضب :- بتنيل ايه هنا

استدار فراس وهو يشير لها بيده ويقول :- كنت جاية علشان

قطبت جبينها دون فهم وهى تقول :- بتقول ايه مش فاهمه منك زفت حاجة

نظر لها فراس بتوتر وهو يقبض على الأوراق بين يديه حتى قالت نهال بستفهم :- ايه الوراق إللى فى ايدك ده

برق لها فراس وجهه وهو يقول :- ها

قالت نهال بضيق :- هات عايزه اشوف

هز فراس رأسه وهو يرفع يده للأعلى ويقول :- لا

تتطلعت فيه بغضب وهى تقول :- هات

هز رأسه من جديد وهو يركض بعيداً عنها ويقول :- لا

ركضت خلفه وهى تقول :- انت يازفت هات

نفى برأسه وهو يرجع للخلف حتى سقطت هى أرضاً وهى تصرخ بغضب وتقول :- انت ياكلب ياحيوان

لطم فراس وجهه بيده وهو يقول له :- انتى كويسه

نظرت له دون فهم منه شيء وهى تقول بتحذير :- لو مجبتش الزفت اللى فى ايدك ده والله لـ قول انك كنت بتسرقنى هات

نظر لها فراس بزعر حتى ابتسم بخوف وهو يمسك بهاتفه ويكتب عليه بسرعه ثم أعطاه لها وهو يشير لها بأخذه نفخت هى بضيق وهى تمد يدها وتمسك به وتقرا ما يوجد وهى تقول بقرف :- نعم عايزنى اتبرع بفلوس للأيتام

هز فراس رأسه وهو ياكد كلامها حتى مدت هى يدها وقالت :- هات الوراق ده

شعر فراس بزعر وهو يرفع يده لها بالاوراق ويغطيها اياهم بخوف

ثم نظرت له بغيظ وهى تقطع الاوراق بدون النظر إليهم وهى تقول بغضب :- ده علشان متدخلش هنا من غير إذن تانى انت فاهم وايتام ايه وزفت ايه مش كفايه انت غور من وشى

نظر لها فراس بحزن ممزوج بفرحة فيها وهو يغادر سريعاً للخارج تحت انظارها الساخرة،،،...

✨✨✨✨✨✨✨✨✨✨✨✨✨✨

* فى مكان آخر *

كان يقف هذا الضخم وهو ينظر إلى ذلك الرجل اللعين وهو ينظر له بابتسامه تحمل برود العالم كله وهو يقول بنبرة مقرفه كلما استمع اليها هذا الذى يجلس امامه شعر بالغضب يتطاير من عينه وهو يقول :- انت عايز كام

نظر له الآخر وهو يقول :- كتير هتقدر

قال صخر وهو يحاول التحكم فى أعصابه :- هات اخرك

نظر له الآخر بستفزاز وهو يقول :- فى ايه بس ياصخر انت مكنتش كدا انت وصغير ده حتى ابوك كان طيب

امسك صخر بملابس هذا الذى يجلس امامه وهو يقول :- قسماً بالله لو جبت سيرة ابويا على لسانك لادفنك مكانك هنا

بلع الآخر رايقه وهو يقول :- اهدا انا مكنتش اقصد وبعدين انا زى ابوك ولا ايه

اشتعلت عينه بالغضب أكثر وهو ينظر له ويقول :- واحد حيوان وقليل الأصل زيك ما تسواش ضفر منه

هز الآخر رأسه وهو يبعد يد صخر عنه ويرجع للخلف قائلاً :- ماتنساش نفسك انا ممكن أخده منك

ابتسم صخر بجمود وهو يقول :- مع السلام انت وهو

نظر له الآخر بتعجب وهو يقول :- يعنى مش فارق معاك

رجع صخر بظهره للخلف بهدوء وقال :- انت شايف ايه

ضغط الآخر على يده بغضب وهو يقول :- انا شايف انى ممكن افضحك انت وعيلتك كلها لو ماادتنيش الى عايزوا

نظر له صخر بسخرية وقال :- إللى عندك اعمله ومش هتاخد اى حاجة

نظر له الآخر بصدمه وقال :- بس انت قولت انك موافق

ابتسم بسخرية من جديد وهو يقول :- ده كان قبل ماتجيب سيرة ابويا على لسانك الوسخ ده انما دلوقتى لا

صرخ الآخر فى وجهه بغضب وهو يقول :- انت بتستهبل

صفحة طاحت بوجهه أرضاً تحت أن انظار صخر الذى قال بعيون محمره ارعبت قلب ذلك المعتوه وهو يقول :- صوتك ما يعلاش وإللى عندك اعمله

نهض صخر وهو يخرج للخارج بعيداً تحت أنظار ذلك الذى يضع يده على وجهه بالم وهو يقول :- قسماً بالله لدفعك التمن غالى اوى وهحرق قلبك ياصخر

✨✨✨✨✨✨✨✨✨✨✨✨✨✨

* وداخل شركة الصياد *

كانت تجلس وهى تنظر الى مجموعه من رجال الأعمال وهى تتطلع لهم بوجه يحمل ابتسامه عريضه وهى تقول :- أن شاء الله هنعمل شغل جامد مع بعض

ابتسم لها أحد هولاء الرجال وهو يقول :- اكيد يانهال هانم ده شرف لينا

أخرجت ضحكه رنت فى المكان وهى تقول :- ميرسى ده من زوق حضرتك المهم الشغل يعجبكم

هز أحد آخر رأسه بتأكيد وهو يتطلع للأوراق ويقول :- جميل جدا المهم العقد معاكى علشان نمضي

هزت رأسها بتأكيد وهى تشير إلى أحدهم باحضار حقيبتها وهى تقول :- اكيد وكمان الشيك موجود

ابتسم الآخر بتأكيد وهو يقول :- ممتاز يا مدام نهال

ابتسمت نهال بفرحة وهى تمد يدها بالاوراق وتقول :- اتفضل

امسك الآخر بالاوراق وهو يفتحهم وينظر لهم بابتسامه هادئه حتى اختفت تلك الابتسامه وهو يقول بغضب :- ايه ده

نظرت له بتعجب وهى تقول :- فى ايه

قال وهو يلقى بالاوراق بعيداً :- انتى طلبتينا علشان تهنينا

نظرت له بتعجب وهى تعقد حاجبيها وتقول :- انا مش فاهمه حاجة انت بتقول ايه

امسك أحد اخر بالاوراق وهو يعطيهم لها ويقول :- انت غلطتى فى حقي يامدام نهال دول رجال أعمال محترمين من خارج البلاد وانتى انتيهم

هزت نهال راسها وهى تمسك بالاوراق وتقول :- انا مش فاهمه اى حاجة ممكن اشوف

هز الآخر رأسه بتأكيد وهو يعطيهم لها وهى تنظر لهم بصدمه فـ كانت تحتوى الملفات على بعض الرسومات الكرتونيه

فتحت عينها للنهايه وهى تقول :- الاوراق مش دول هما .. انا اسفه بجد ليكم

قال أحد الرجال :- اسفه انتي بتضحكى علينا

هزت راسها بنفى حتى اقترب منها أحدهم وهو يقول لها :- الشيك مش موجود

نظرت له بصدمه وهى تتذكر هذا الذى تدعو بالاخرس وهى تضغط على يدها بغضب حتى قالت :- انا اسفه ليكم مره تانى ووعد هحل كل حاجة

نهض الجميع وهم ينظرون لها ويقول أحدهم :- مفيش داعى الشغل بينا انتهى عن ازنك

قالت وهى تسير خلفهم :- لو سمحتوا استنوا فى سوا تفاهم

لم يستمع له أحد وهم يغادرون المكان حتى اقترب منها هذا الذى يقف خلفها وقال :- هو فى ايه بظبط

ألقت بالاوراق على الارض بغضب وهى تصرخ قائله :- هو مفيش غيره الحيوان ده السبب

عقد حاجبيه بنفى وهو يقول :- مين ده وعمل ايه

نظرت له وهى تقول :- هو فراس الكلب اكيد اخد الملف و..

وضعت يدها على فمها بصدمه وهى تتذكر تلك الاوراق التى مزقتهم إلى قطع وهى تقول :- اه يابن*** قسماً بالله لندمك

نظر لها بقلق وقال :- فى ايه

جلست على المقعد وقالت :- مفيش المهم عايزك تمنع سحب المبلغ الموجود فى الشيك من البنك و كمان ترجع العملاء دول تانى الشغل ده مهم لينا رسلان لو عرف انى الصفقة دى باظت مش هيرحمنى المره دى

هز الآخر رأسه وهو يقول :- متقلقيش .. المهم

نظرت له بستفهم وهى تقول :- فى ايه

مد الآخر يده فى جيبه وهو يخرج شئ ما ويقول :- اتصل بيا وبعت ليكى الجواب ده بيقول أنه مهم بنسبالك

نظرت له بتعجب وهى تمسك وتقوم بفتحه وهى تبتسم بشر وتقول :- اه ده مهم اوى اوى

نظر لها بتعجب وهو يقول :- بس مهم ازاى وليه واقفه مع إللى قتل بنتك

نظرت له بحقد وهى تقول :- انا مش واقفه مع حد انا هنتقم من الكل بس اهم حاجة دلوقتى أن الجواب ده ميوصلش لـ يونس لو وصلوا كل حاجة بعملها من سنين هتدمر

حرك رأسه بستفهم وهو يقول :- انتى ليه بتخربي بين يونس وعمر هو مش التانى فى مكان ابنك

نظرت له بكره فى عينها وهى تقول بضيق :- مش ابنى انا معنديش غير عمر ويونس هو ابن شريف وبكر يحصل أمه

نظر لها بصدمه وهو يقول :- بس شريف لو عرف انك السبب فى بعد عمر عن اخوه ممكن يقتلك

ابتسمت بسخرية وهى تقول :- يقتلنى شريف .. شريف عبيط متقلقش منه المهم الجواب ده مش لازم يوصل لحد يا انور

هز الآخر رأسه وهو يقول بتأكيد :- متقلقيش عن ازنك

هزت له راسها وهى تشير له بالمغادره وتقول :- خلى ياسمين تبعت ليا قهوة

هز رأسه بتأكيد وهو يغادر، ويقوم بوضع الظرف فى جيبه ،حتى ضربت فيه أحدهم وهى تقول :- احم انا اسفه يااستاذ أنور

هز أنور رأسه وهو ينظف ملابسه بهدوء ويقول :- ولا يهمك ياحلوه المهم خدى قهوة للمدام

قالت وهى تساعده على تنظيف بدلته وهى تنظر له بابتسامه هزت قلب وعين أنور وهى تقول :- تحت امرك وأمرها عن ازنك

ابتسم لها بعجاب وهو يقول :- اتفضلى

ظل ينظر لها وهى تغادر من أمامه حتى قام هو بوضع يده على ذقنه وهو يتطلع له بخبث ومكر كبير ،،....

✨✨✨✨✨✨✨✨✨✨✨✨✨✨

* وفى مكان آخر *

ابتسم فراس وهو ينظر إلى تلك السياره الكبيره التى تحمل من الألعاب والطعام مايكفى مستعمره كبيره ،وهو ينظر إلى هذا الميتم الذى كان مكتوب عليه اسم أمه بفرحة ،وهو يساعد العاملين على اخراج الاشياء من السياره وادخالها للداخل تحت أنظار السيدات وهى تقول :- بس ياستاذ فراس كدا كتير اوى

هز فراس رأسه وهو يقول بالاشارة :- ولا كتير ولا حاجة المهم تهتموا كويس بالأطفال إللى هنا

نظرت له بتعجب من أمره وهى تقول :- تحت امرك اللى تامر به حضرتك

ابتسم لها بهدوء وهو ينظر إلى فرحت الاطفال من حوله بسعادة كبيره تغمر قلبه وهو يقول بدون صوت :- المهم انهم يكونوا مبسوطين ونهال هانم تاخد ثواب يدخلها حتى الجنه

نظرت له تلك السيدة وهو يتمتم بشفتيه كلام لا تفهمه

✨✨✨✨✨✨✨✨✨✨✨✨✨✨

* ودخل الشركه *

كان يجلس بحر وهو يتناول الطعام بعد

عمل طويل قام به منذ الصباح الباكر حتى نال اخيراً قليلاً من الراحة وهو يتناول شئ ما ولكن قطع تناوله للطعام اقترب أحد ما وهو يرفع بجسده للاعلى وهو ينظر له ويقول بغضب :- انت بتاكل فى الشغل

نظر إليه بحر بتوتر وهو يقول :- صخر انا مكلتش من امبارح

صخر بغضب :-والله ده حاجه ماتخصنيش هنا مكان شغل مش فندق

بحر بضيق :- بس انا فى وقت استراحه يعنى ده حقى

امسك صخر برقبته وهو ينظر له بغضب ويقول :- انا بتحمل الاهانه بسببك وانت بترفع صوتك عليا

شعر بحر بالألم من مسكته تلك وهو يقول بدموع :- صخر رقبتي ابعد عنى لو سمحت انا موجوع

ضغط صخر أكثر على رقبته وهو يقول بنبرة تحمل الكره :- موجوع وانا ايه انا

باعاني من يوم ما انت اتولدت كل دقيقه بتمر عليا جحيم

بكاء بحر بالم يفتك بقلبه قبل اى شىء آخر وهو يقول :- ا.انا اسف انا مقصدش

القا به صخر أرضاً وهو يقول وغضب العالم على وجهه :- متقصدش امال لو تقصد هتعمل ايه تانى انا مليت منك ومن كل حاجة فيك

نظر له بحر بقهر وحزن وهو يقول :- ا.انا معملتش حاجة والله .. انت ليه بتكرهنى كدا

نظر لها صخر بغضب وهو يقول :- بكرهك علشان.....

قطع كلامه اقترب صقر وهو يقول بصوت غاضب منع صخر عن الاكمال وهو يقول :- صخر انت تجننت

نظر صخر الى صقر بتوتر وهو يقول :- صقر انا

اقترب منه صقر بنظرات اخرسته عن الكلام وهو يقول :- اسكت

رجع صخر للخلف وهو يمسح وجهه بغضب وينظر لـ بحر الذى اقترب منه صقر بصمت حتى قال صقر بقلق على بحر وهو يقترب منه :- انت كويس

نظر له بحر بدموع وهو يهز رأسه ويقول :- كويس

وضع صقر يده على وجهه بضيق عليه وهو يقول :- معلش صخر ميقصدش ارجع كمل أكلك تانى

نظر له بحر بمرارة وحزن وهو يقول :- انا شبعت

تنهد صقر بحزن عليه وهو يقول :- ارجع البيت انت تعبت انهارده وحد غيرك يكمل بدالك

هز بحر رأسه بتاكيد

ثم نهض صقر وهو ينظر لـ صخر ويسير أمامه ويقول بحدة :- :- تعالا ورايا

هز صخر رأسه وهو يسير خلف صقر بعد أن نظر لـ بحر وهو يجلس أرضاً ويقوم بمسح دموعه التى تهطل على وجهه بضعف شعر بالألم يقرص قلبه عليه لم فعله ولكن نفض رأسه سريعاً وهو يغادر بعيداً عنه ،،...!

* وفى داخل المكتب الخاص بصقر *

دخل بتحكم انفعالي كبير وهو يخلع أحد ازرار الجاكيت الخاص بالبدله وهو يستدير بجسده وينظر له بغضب وهو يقول :- انت مزهقتش من إللى بتعمله انت ايه

رفع صخر عينه من الأرض وهو يقول :- مين إللى بيتكلم معايا انت ناسي انك كنت زيى بظبط

"بسرعه كبير لم يشعر بها صخر عند امسك صقر برقبته وضغط عليها بقوة وعيون محمرة وهو يقول بنبرة هزت قلب صخر :- لو قولت كلمه كمان هانسى اننا فى يوم كنا صحاب

قال صخر وهو ينظر لغضبه الكبير وهو يتكلم بحذر :- انا مقصدش ياصقر

ابعد صقر يده وهو يقول بضيق :- انا عارف انك مريت بحاجات كتير كانت مش سهله

بس ده مش سبب يخليك تعمل كدا فى اخوك

قال صخر بنبرة جامده :- هو مش اخويا

نظر له صقر بحدة وهو يقول :- لا اخوك يمكن مش من الاب بس من آلام على الاقل

قال صخر بقهر فى صوته :- الام ده إللى خانت زوجها وبسببها مات انا بكرها

قال صقر بنبرة تحمل الضيق عليه :- صخر هى ميته بلاش تاذيها بكلامك ده

قال صخر بنبرة ساخرة :- اؤذيها ياريت لو كانت عايشه كنت موتها بيدى

نظر له صقر بجمود وقال :- غضبك هيدمرك

ابتسم بسخرية وقال :- صخر ادمر من اليوم إلى الست دى خانت ابويا فيه وجايه بعد خيانتها تديني طفل بسببه وبسببها مات ابويا خسرت سندى ياصقر

قال صقر وهو يضع يده على كتفه :- يمكن هى اذتك بس بحر ملوش ذنب بلاش تكون ظالم ياصخر بحر بيعتبرك انت ابوه

اغمض صخر عينه بضيق وهو يقول :- ابوه .. ابوه جه علشان يهددني

نظر له صقر ببرود وقال :- عايز كام

قال صخر بغضب :- نجوم السماء اقرب له انا مستحيل اديه حاجة هو بيهددني به ياخدوا انا مش عايزوا

قال صقر بصدمه :- هو لعبه انت اتجننت ده اخوك

نظر له صخر بضيق وقال :- هو مش اخويا

نظر له صقر بغضب وقال :- اظاهر انى غلط عشان بكلامك زى الناس الطبيعيه ارجع على شغلك

نظر له صخر بضيق وقال :- تحت امرك

غادر صخر تحت أنظار صقر الذى جلس بضيق وهو يقول :- هتندم يا غبى

انتهى صقر من جملته حتى طرق الباب واذن للطارق بالدخول وهو ينظر لها ويقول :- حصل ايه

مد أحد الأشخاص يده امام صقر وهو يقول بحذر :- الحاجة دى تهم حضرتك

نظر لها بعلامات الاستفهام وهو يقوم بفتح مابيده وهو يبتسم بهدوء وهو يقول :- فى حاجة تانى

هزت الآخرى رأسها وهى تقول ما استمعت إليه بتفصيل حتى قال لها صقر بتأكيد :- كويس خليكى زى ماانتى وكل حاجة توصلني فى وقتها

هزت راسها وهى تقول بتأكيد :- تحت امرك ياباشا

أشار لها بالخروج وهو يقول :- تقدرى تمشي جات تغادر ثم استدارت مجدداً وهى تنظر إليه بتوتر وتقول بخوف :- بس ياصقر بيه

نظر لها بجمود مسحوب بهدوء وهو يقول :- متقلقيش كل حاجة هتكون بخير  

هزت راسها بتأكيد وهى تغادر للخارج تحت أنظار صقر الذى نهض بهدوء وهو يقف أمام أحد النوافذ التى تطل على خارج المبنى الذى يكمن فيه وهو يرفع تلك الورقه التى بين يديه ويقول بتأكيد :- وقتك بيخلص معايا يانهال 

✨✨✨✨✨✨✨✨✨✨✨✨✨✨

* وفى أحد الأماكن الآخر *

كانت تجلس وهى ترقب المكان من حولها وتتطلع إلى كل لاشخاص الذين يجلسون من حولها بالم داخل قلبها فـ هى فتاة وحيده لا تملك فى حياتها سوا جدها الوحيد بعد وفاة عائلتها منذ سنوات وهذا المدعو بخطيبها الذى لا تنكر أنها تحبه ولكن هو يبدلها بالكره الذى لا تعلم سببه على الاطلاق تنهدت بحزن على حالها حتى شعرت به يقترب منها رفعت عينها له وهو يجلس أمامها ويرفع قدم فوق الآخر ويقول ببرود :- طلبتي انك تشوفيني خير

نظرت له بتوتر وهى تقول :- كنت عايزه اقولك انى

قال بنبرة ارعبت قلبها :- بسرعه عندى شغل

هزت راسها بخوف وهى تقول :- انا عايزه انهي الخطوبه دى

ابتسم بسخرية عليها وهو يقول :- والله والسبب ايه بقا

نظرت إليه بتعجب وهى تقول :- انت اكتر واحد عارف السبب ايه انا مش عايز اكمل

قال بضيق :- ده مش بمزاجك

قالت بغضب :- يعنى ايه

قال ببرود أكثر :- يعنى احنا هنتزوج

قالت وهى تنظر له بصدمه :- انت بتقول ايه انت مجنون صح

قال بغضب وهو يقبض على يدها باحكام  :- سيلين لسانك

قالت بخوف وهى تنظر له :- انت عايز منى ايه وبتعمل معايا كدا ليه

نظر لها بسخرية وقال :- والله ده اتفقك مع نهال هانم وانا بحاول اكمله على أكمل وجه

نظرت له بصدمه وقالت :- انت بتقول ايه

نظر لها وقال بجمود :-  فاكراني مش عارف الحيله القذرة إللى عملتيها علشان نتزوج وانا جاهز

قالت بتعجب :- انت فاهم غلط هى طلبت انى اساعدك تطلع من العزله إللى كنت فيها وانى أوفق اتزوجك

ضغط على يدها أكثر وهو يقول :- كذبه حلوه نهال هانم عارفة تحفظك صح

نظرت له بحزن وهى تقول بالم :- بلاش تظلمنى حرام عليك

قال بغضب :- ومش حرام انك تخدعي غيرك

قالت وهى تصرخ بغضب :- انا مخدعتش حد انا عملت كدا علشان

نظر لها بعلامات استفهام وهو يقول :- علشان الفلوس

صرخت بدموع وهى تقول :- علشان حبيتك بس الظهر انك حيوان زى كل الرجاله

غادرت بعيداً تحت انظار يونس المصدومه بعد جملتها الاخيره..؟

"وفى الخارج خرجت وهى تمسح دموعها بقهر حتى كادت أن تلقى حدفها أمام تلك السياره لولا وجود هذه اليد التى سحبتها وهو يقول بفزع :- حاسسسبـــى

نظر لها برعب :- انتى كويسه

صرخت فى وجهه وهى تقول :- ابعد ايدك عنى

قال وهو ينظر لها بقلق :- سيلين اهدى انتى كويسه

ضربته بغضب وهى تقول :- انا بكرهك يايونس

شعر بصدمه وهو يحاول التكلم معها حتى تركته وركضت وهى تصعد أحد السيارات وتذهب بعيداً ،شعر بتعجب من نفسه وهو ينظر لها وهى تغادر ،.،.،.،.،

ــــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋