البارت الثامن عشر 🦋

نبدأ 🌛🌜

* داخل غرفة صخر *

حاول اسكان حركته بين يديه وهو يبكي ويضرب جسده بغضب وهو يخرج أهات عاليه وهو يقول بصوت يالم قلب صخر عليه ويشعره بمقدار الالم والوجع الذى سببه له :- ابعد انت كمان ابعد انت السبب ااااه

ابتعد عنه صخر بقلق وهو يراه يضع يده على قلبه ويتنفس ببطء وهو يبكى أكثر ،،،

قال هو بخوف ظهر على وجهه وضعاً يده هو الاخر على قلبه وقال :- بحر اهدا اتنفس براحة

رفع له بحر عينه المحمره من كثرة البكاء وهو يقول بالم :- انا تعبان ياصخر الكل بيخاف منى الكل بيعتبر شكلى مرعب

نظر له صخر بصدمه من كلامه فهو ينبه على الجميع بأن لا يقترب منه أحد أوالتحدث له حتى لا يجرحه بالكلام :- مين إللى قالك كدا انت جميل يابحر ياريت اي حد يكون زيك

نظر له بحر بدموع أكثر وهو ينظر له بتعجب ويقول :- طيب ليه مكنتش انت بتحبنى ا.انت دلوقتى شفقان عليا صح

هز صخر رأسه بنفى وهو يمسك يده بين كفيه وقال بأسف :- لا مش صح انت مدخلتش جوا قلبى علشان تعرف الكلام اللى بتقولوا صح ولا غلط .. انا والله بحبك لو مكنتش بحبك مكنتش فكرة للحظه انك تفضل معايا كان ممكن ابعدك عنى بـ أى طريقه وانت عارف انا ممكن اعمل ايه

نظر له بحر وهو يخرج اهات متالمه من وجهه الذى يؤلمه بشدة :- ليه كنت بتبعد عنى أنا والله كنت مستعد اعمل اى حاجة علشان بس تحبنى

هز صخر رأسه وهو يقبل جبينه ويقول بحزن :- عارف والله عارف وندمان على قسوتى عليك وبتمنى لو مكنتش عملت كدا

رفع بحر يده على وجهه وهو ينظر له ويقول بدموع هبطت من جديد على وجهه :- انا تعبان .. تعبان اوى يا صخر مفيش حد حاسس بيا انا عايز اموت

نظر له صخر بضيق من كلامه وهو يقول بحزن لا ينكره داخله :- عارف انك تعبان وانا جهزت كل حاجة ما فاضلش غير انك توافق على السفر وهنروح نغير كل حاجة .. وترجع احسن من الاول

هز بحر رأسه بخوف وهو يقول :- بس انا مش عايز انا بجد خايف ومش عايز انا خايف

احتضانه بحنان وهو يقول بوجع عليه :- متخفش انا جانبك ومعك ومش هسيبك

ادمعت عين بحر وهو يشعر بتعجب من احتضان صخر له وحبه الكبير ومعاملته المختلفة معه وهو يقول بخوف :- انت بتعمل معايا كدا ليه لو شفقه بلاش علشان خاطرى تعمل كدا

ابتسم صخر وهو يبتعد عنه ويقول بنفى :- مش يمكن انا إللى محتاج انك تشفق عليا وترجع تكون غبي من تانى ترجع بحر إللى مش بضايقه ولا بضيق أفعاله والجنان بتاعه

نظر له بحر وهو يدمع دون تصديق وقال صخر بحنان أبوي عليه :- هما معهم حق انت ابنى انا ومش ابن حد غيري ومستعد انهي الدنيا علشانك بس تسامحنى على اى حاجة عملتها فيك

ابتسم بحر وهو يهز رأسه ويقول :- وانا عايز وجودك عايز انى مكنش بحلم ياصخر

هز صخر رأسه وهو يرجع يعانقه من جديد وهو يقول :- لا ده مش حلم انا اسف

ابتسم بحر بفرحة لا ينكرها رغم ألمه الكبير وهو يشدد من عناق صخر حتى يشعر بالأمان والطمانينه...،،،

✨✨✨✨✨✨✨✨✨✨✨✨✨✨

* فى منتصف الليل *

كان يجلس فى الخارج وهو ينظر الى الظلام الذى يغطى كل شئ جميل من حوله داخل تلك الحديقه، ابتسم بمراره وهو يتذكر أن هذا الظلام لا يفرق الكثير عن قلبه الذى يشعر أنه يشبه اليل الدامس من شدة ألمه وحزنه من كل فرد داخل تلك العائله، فهو يتمنى أن يتحدث مع أحد يخبره عن ألمه وحيرة قلبه من ترك كل شئ والهرب ولكن يخاف من احزن وخوف قلب صقر عليه ،هو لا يريد تركه والذهاب فـ صقر جنته ومسكنه الوحيد فى تلك الدنيا التى توجع قلبه كل يوم اكثر من قبله ، رفع رأسه وهو ينظر إلى القمر الذى يعلو السماء وهو يسألها بدموع هبطت بقلة حيلة منه عن اى ضرر سيتحمله  فى اليوم القدم بعد عدت ساعات، فـ اليوم راء وشعر بكره صقر الكبير له وكم تحطم قلبه من فعلته تلك التى اهانته أمام الجميع،، ظل يفكر هكذا حتى شعر بمن يسير إلى الخارج بخفه وخوف يظهر عليه كلما نظر للخلف، نهض فراس وهو يتقدم منه ببطء وينظر إلى من يسير فى المنزل فى هذا الوقت، حتى اقترب من أحد الأعمدة وهو يقف وينظر بصدمه إلى زوجة عمه التى تقف أمام أحد الرجال وهى تقول بغضب يظهر على وجهها وهى تنظر يمين ويسر مثل الحرامى وهى تقول بصوت منخفض يسمعه فراس بصعوبه :- انت بتعمل ايه هنا

كان يقف أمامها أحد الرجال وهو يضع على وجهه شال حتى يخفيه ولا يعرفه أحد وهو يقول :- جيت علشان اعرف هتعملى ايه

قالت بغضب وهى تحاول التحدث بهدوء :- انت مجنون أمشي من هنا لاحسن حد يشوفك

هز الآخر رأسه وهو يضع يده على وجهه ويقول بخبث:- بس انا لازم افهم انتى ليكى فترة مش مفهماني حاجة

قالت بقلة حيلة وخوف :- جابر امشى من هنا وبكره هكون عندك

هز رأسه وهو يمسك بيدها تحت أنظار فراس الذى لا يفهم شئ مما يحدث وهو يحاول رايت وجهه بصعوبه حتى قال بنفى :- لا مش همشي طمنينى يانهال كل حاجة كويسه

نفخت بضيق وهى تسحب بيدها بعيداً وهى تقول بتوتر :- هعمل ايه يعنى انت عارف ان جود دلوقتى فى صفى وهيعمل اى حاجة علشاني

قال بقلق :- طيب وصقر

ابتسمت بخبث وقالت :- انا بقا هخلى جود ده يقتل اخوه بيده واهو نرتاح منه

رجف قلب فراس وهو يستمع إلى كلامها حتى أكملت قائلة :- وأنا واثقه ان جود فرصه حلوه اوى وكفاية أنه بيسمع اي حاجة بقول عليها

ابتسم وهو ينزع الغطاء قليلاً من على وجهه ويقول :- طيب ويونس بعد ما عمر عرف الحقيقة

قالت بغضب مكتوم تحاول عدم إخراجه حتى لا تنفجر فى وجه ابنها وهى تقول :- ماتفكرنيش كله بسبب ابنى الغبي بس يونس هخليه يحصل ابن عمه ماتقلقش

نظر لها وهو ينزع الغطاء بالكامل عن وجهه وهو ينفخ بضيق، تحت أنظار فراس الذى تنفس بذعر وهو يرتجف بشده، وقام بجلوس أرضاً وهو يتذكر ذلك العين الذى انهى حياة والديه على يديه من سنوات طويله، كان يدمع بصدمه من اكتشاف خيانة زوجة عمه التى انتبه على كلامها وهى تقول :- وبعد ما مات شريف ابنه وابن أخو  هيحصلوا 

كأن سكينه حادة دخلت قلبه وهى تفتك به إلى قطع متناثره، وهو ينظر إليها ويستمع الى كلام زوجته عمه التى يكن لها الاحترام الذى ندم عليه عند معرفة أنها السبب فى موت والديه وانهيار الجميع فى العائله بسببها...،،

وقال جابر بضيق :- بس لازم بسرعه يانهال

هزت راسها وهى تنظر للمكان من حولها بخوف وهى تقول :- طيب بس امشي دلوقتى وهكمل كل حاجة ليك بعدين روح دلوقتى

هز راسه وهو يغطى وجهه من جديد وقام بتسحب فى القصر بحتراف حتى خرج للخارج تحت أنظار نهال التى تنفست براحة وهى تصعد للأعلى تركه خلفها هذا الذى يجلس أرضاً وهو يفكر فى ماجرى أمام عينيه وهو يبكى بصدمه من خيانه زوجة عمه حتى شعر بها تقف امامه وهى تقول بصدمه :- انت بتعمل ايه هنا

نهض وهو ينظر لها ويشور ويقول بغضب :- انا سمعت كل حاجة وانتى السبب كل حاجة بتحصل

قطبت جبينها بذعر وهى تقول بسخرية ظهرت فجاء :- انا مش فاهمه حاجة بس الاكيد  انك سمعت كل حاجة انا قولتها بس مش مهم على فكره

نظر لها بصدمه من عدم خوفها وهى تقترب منه وتقول بالقرب من أذنه بشر :- مش هتقدر تعمل حاجة .. واحد زيك اخرس ضعيف اخوك بيكرهك مش بيحب يشوف وشك حتى .. ممكن مايصدقش اي حاجة ممكن تروح تقولها له عارف السبب ايه

نظر لها بدموع مصدومه من عدم خوفها وكلامها الذى يزيد من عجزه وهى تقول :- علشان هو مش بيعتبرك اخوه انا إللى رجعت جود للعيله دى وانا اللى هطلعك انت بره بمساعدة جود برضوا

لم يخفض عينه عنها وهى تقبض على وجهه بحقد وتقول :- لو قولت اى حاجة مفيش غيرك اللى هيتاذا يافراس صدقنى

ابتسمت وهى تطبطب على وجهه برفق وتصعد للأعلى ،وهى تترك فراس يجلس أرضاً بصدمه من هذه السيدة التى كان يعتقدها زوجة عمه وفرد من تلك العائله حتى إن لم يكن لها الحب..،،،،

✨✨✨✨✨✨✨✨✨✨✨✨✨✨

* فى الصباح *

كانت تجلس فرح وهى شاردة العقل وتقوم  باعداد الافطار مع امها التى اصارت عليها أن تساعدها بعد رؤيت حزنها الواضح على وجهها منذ يومين، خرجت رقية للخارج وهى تترك فرح وحيده فى المكان حتى اقتربت منها سيلين وهى تجلس بجوارها وتقول :- فرح ممكن اتكلم معاكى

نظرت لها فرح بقلق وهى تقول :- فى ايه يا سيلين احكى

نظرت لها سيلين وهى تقول بتوتر :- انا مش هكذب عليكى بس انا سمعت الكلام اللى قولتى لـ فراس أنا بس جيت اقولك انك غلطى يافرح

نظرت لها فرح بحزن تحاول عدم إظهاره لاحد وهى تقول بحزن :- عارفة ياسيلين انا بجد ندمانه بس والله غصب عنى أنا طول الوقت مش بفكر غير فى فراس وصقر لدرجه انى نسيت أن لازم افكر فى كارما

نظرت لها سيلين بتعجب ممزوج بحزن وهى تقول :- يمكن انا مش قادرة افهمك يافرح بس صدقيني كل ده غلط لازم تدي لكل واحد فيهم من وقتك

قالت وهى تهز راسها بدموع :- عارف بس انا مافكرتش فى اختى الكل مهتم بخواته إلا انا ياسيلين

هزت سيلين راسها وهى تقول بنفى :- الكلام ده مش حقيقى يافرح كل الحكاية ان إللى حصل مع صقر أو فراس وعمى فى وقت وحد حاجة مش سهله

نظرت لها بدموع أكثر وهى تقول :- بس انا اذيت فراس

قالت سيلين بحزن أكثر على فراس وهى تتذكر نظرته المكسورة وتقول :- فراس طيب عامل زى الطفل يافرح محتاج حنان وحب بعد صقر عنه زرع فيه الخوف كان لازم متقوليش له كدا بالعكس تحتويه اكتر  وتحسسيه بالامان وان كل واحد موجود فى العيله دى جانبه

نظرت لها فرح بتأكيد وهى تقول بدموع :- معاكى حق انا بجد غبيه

ابتسمت لها سيلين وهى تقول بنفى :- مفيش حد فينا مش بيغلط وبيقع على دماغه

هزت فرح راسها وهى تنهض وتسير للخارج وتقوم بالبحث عن فراس،،،،.....

✨✨✨✨✨✨✨✨✨✨✨✨✨✨

* دخل غرفة فراس *

نهض وهو يلهث بشدة من هذا الكابوس المرعب الذى راء كأنه يرا موت والديه من جديد أمام عينه ،نهض بسرعه وهو ينظر إلى ملابسه التى لم يخلعها منذ البارحة وقام بنوم بها، تنفس بخوف وهو يتذكر ماحدث معه فى الامس ،وقام بالمغادرة من الغرفة وهو يتوجه إلى غرفة جود وهو يبحث عنه حتى اخباره الجميع بعدم رأيته، توجه للاسفل وهو يراه يقف فى الحديقة الاماميه وهو يحمل فنجان القهوة بين يديه وهو يتحدث فى الهاتف، نظر إليه بغضب وقام بتوجه إليه ،وهو يقف أمامه ويقوم بسحب الهاتف منه ويلقى أرضاً بكل غضب تحت أنظار جود الذى عقد حاجبيه بصدمه وهو يقول :- فى ايه

قال فراس وهو يحاول اخراج صوته بغضب ولكن لما يستطيع حتى تحدث بطريقته وهو ينظر له قائلاً  :- انت ايه عايز ايه مننا حرام عليك

نظر له جود بتعجب وهو يقول :- انا عملت ايه

قال فراس وهو ينفعل فى وجهه بكل غضب :- عملت ايه قصدك ماعملتش ايه انت ليه رجعت

قال جود وهو يقترب منه بغضب ممثل له :- علشان ده مكانى وانت اللى مالكش اى حق فيه اسال نفسك انت السؤال ده انت هنا ليه

نظر له فراس بدموع محبوسه داخل عينه وهو يضغط على يديه ويقول بإشارة :- علشان دى عائلتى انا ماليش حد غيرهم معرفش حد غيرهم عشت بينهم وانت جاي علشان تحرمنى منهم ليه والله انا مكنتش رافض وجودك بس ماتعملش كدا اطلع برا حياتى

قال جود بسخريه وهو يضغط على يده :- انا لو عايز هطردك انت برا بس للاسف مش عايز ااذيك

ابتسم فراس بسخرية وهو يشور وينظر له نظره تحمل القهر :- هو انت لسه ماذتنيش انت اخدت اكتر حاجة انا محتاجها فى حياتى خدت اخويا منى .. يمكن هو اخوك بس هو دنيتى ياجود انت بتتعون مع نهال اكتر وحدة ماتستهلش أنها تكون من العيله دى

قال جود بغضب وهو يمسك ملابسه :- احترم نفسك دى مرات عمى

نظر له بغضب وهو يبعد يديه ويحمل السكين الموضوع على الطاوله بجواره ويرفعها أمام وجهه وهو يقول بإشارة غضب :- بلاش تخلينى اكرهك ياجود مالكش دعوه بيا ولا بصقر

قال جود وهو يزيح يده بعيداً بغضب :- انت اتجننت يافراس ومش هسكت غير وانت محذوف من سجلات كل وحد فى العيلة دى

لم يشعر فراس بنفس لا وهو يرفع السكين على جود الذى مسكه بيده بسرعه وهو يزيحها بعيداً عنه قائلاً بصرخ :- فراس

نظر فراس إلى يده التى يمسك بها جود وهو يرفع السكين للأعلى قبل أن ياذي وهو يقول :- انت ضعيف يافراس عمرى ماشوفت حد فى غبائك وضعفك

ادمعة عين فراس وهو ينظر إلى السكين بين يديه التى يحكم امسكها جود وهو يضغط عليها بنظرات كرها ويبدله فراس نظرات العجز منه فهو لا يستطيع أن ياذى اى  احد :- لو مبعدتش عن صقر انا ه.هاذيك ياجود

ابتسم جود وهو ينظر له حتى اختفت ابتسامته فجاء وهو يلقيه للخلف ويقوم بجرح يده بسرعه وهو لا يعلم كيف احكم امساك يده بين يديه وهو يجرح نفسه نظر اليه والى الدماء التى تهبط منه وقال جود :- ايدى يافراس ليه عملت كدا

( فراس )

نتفض جسد فراس وهو يرجع للخلف بعد سماع اسمه من بين شفتيه أخيه الذى كلما ندى به يشعر بقلبه سوف يخرج من مكانه من شدت الخوف وهو يستدير إلى صقر وهو يقول من بين شفتيه :- انا ماعملتش حاجة ياصقر 

نظر له صقر بغضب وهو ينظر للسكين التى بين يديه والى الدماء التى تسيل من بين يدين جود الذى اقترب منه وهو يساعده على وقف الدماء وهو يقول :- ايه إللى حصل ياجود

نظر جود الى صقر بالم يحاول اظهره على وجهه تحت أنظار فراس الذى قال جود وهو ينظر له هو الآخر  :- فراس عايزنى ابعد عنك بيهددنى أنه هيقتلنى لو مابعدتش

نظر له فراس بصدمه وهو يهز رأسه إلى صقر الذى اقترب منه وهو ويقول :- الكلام ده صح

لم يجيبه فراس فهو فعلاً جاء يهدده ولكن ليس بالقتل فهو يخاف من اي شىء وكل شيء لم جيب صقر الذى اقترب منه وهو يقبض على رقبته بكل قوته وهو يقول :- انت ولا حاجه يافراس .. انت فاكر انك اخويا بس انت ولا حاجة إللى حاولت تقتله ده هو اللى اخويا وهخليك تعرف نتيجة اذيت حد يخصنى

نظر له فراس بألم وهو يحاول نزع يده من على رقبته بوجع حتى سقط أرضاً بعد أن تركه صقر فجاء تحت أنظار جود المصدومه

ثم قام صقر بالانحناء إلى مستواه وهو يمسك السكين ويضغط بها على يد فراس حتى نزفت الدماء منها وهو يصرخ فى وجهه قائلاً :- ده السكينه إلى جرحت بيها جود

بكاء فراس بالم يحاول اخراج صوته وهو يتطلع له بدموع موجوعه ومقهورة قائلاً وهو يتمتم مشفتين لا يخرج منها الكلام  :- اه ص.صقر

لم يتهاون فى نظراته الغاضبه وهو لا يشعر تجاهه بالحزن وهو يقول :- وجعتك طيب وهو

هز فراس رأسه تحت أنظار جود الذى اقترب من صقر بذعر بعد رأيت الدماء التى تهبط من يد فراس بغزاره وهو يقول بحزن وشعور بالألم تجاهه وهو يبعد السكينه عن يد فراس وهو يقول بصدمه :- صقر انت بتعمل ايه حرام عليك

نظر له صقر بدهشة وهو يقول :- هو مش عمل معك كدا

نظر جود الى فراس الذى ينظر إلى يده التى تسيل منها الدماء وهو يقترب منه ويحاول مساعدته وهو يقول :- فراس انت كويس

نظر له فراس بدموع ألمت قلب جود الذى نظر إلى فراس الذى ابعد يده عنه وهو يردد بوجع يشعر به جود ولا يعلم السبب وهو يردد من بين شفتيه :- ابعد عنى انت السبب

حاول جود تقريب يده وهو يقول بضيق عليه :- خلينى اساعدك

رجع فراس للخلف بخوف وهو يهز يده تحت أنظار صقر التى تشتعل غضباً أكثر كلما راء عناده وهو يقترب منه ويرفعه للأعلى مثل الدمية الخشبية وهو يصرخ قائلاً فى وجهه :- كفاية هو بيساعدك وانت بتتهموا باذيتك وانت اللى اذيته

هز فراس رأسه وقال صقر وهو يقوم بالاشارة لأحد الحارس وهو يقول بأمر :- دخلوا العربيه

نظر له جود وهو يمسك بيد فراس بخوف عليه من غضب صقر وهو يقول بقلق :- على فين ياصقر

قال صقر وهو يشير للحارس بالاقتراب وهو يقول :- بلاش تسال ياجود

نظر له جود بصدمه وهو يدير رأسه لـ فرأس  الذى يقف بستسلام لما يفعله صقر وهو يقول :- بلاش ياصقر فراس ماعملش حاجة خلينى افهمك

قال صقر وهو ينظر للحارس بغضب :- سمعت إللى قولته

هز أحد الحراس رأسه بتعجب مما يراه وهو يقول بتردد :- بس ياباشا

نظر له صقر نظرات اخرسته وهو يهز رأسه بصمت، وهو يقترب من فراس الذى ينظر إلى شقيقه وهو ياذيه بقوة ودون شفقه عليه عكس جود الذى يرا داخل عينه الخوف والحزن عليه، قام الحارس بادخال فراس السياره وصعد صقر فى الإمام وهو يشير للحراس بعدم تتبعه،،،....

✨✨✨✨✨✨✨✨✨✨✨✨✨✨

سلطه نظره على أخيه الذى يجلس وهو ينظر إلى الناس التى تسير فى الطريق بعقل شارد الذهن جلس أمامه وهو يقول بخبث :- بتفكر فيها

انتبه على صوت أخيه وهو يقول بستفهام :- قصدك مين

قال يونس بخبث :- قصدى ياسمين

قال بغضب وهو يهز رأسه :- ده مش حقيقي وياريت متجبش سيرتها هنا

نظر له يونس وهو يضع يده على يد عمر الذى يضعها على الطاولة :- عمر إللى عملته ياسمين مش غلط هى كانت بدافع عن اخوها وقفت جانبه وماتخلتش عنه

قال عمر وهو يبتسم بسخرية :- وانى اخسر اخويا ده عادى .. انا خسرت اختى بسببها وبسبب اخوها وكنت هخسرك انت كمان كفايه يايونس

هز يونس رأسه بضيق وهو يضغط أكثر على يده ويقول :- لا ياعمر ياسمين ملهاش ذنب وبعدين لو كانت فعلاً مش كويسه مكنتش جات قالتلك الحقيقه صدقنى هى بتحبك

نظر له عمر بنفى وقال :- مستحيل اسامحها يايونس

قال يونس بستفهم وهو يتطلع له :- ليه لا ماانا سامحتك ياعمر

نظر له عمر بندم وقال بحزن :- عارف انى اللى عملته مش..

قاطعه تنفس يونس بضيق وهو ينظر له ويقول :- عمر أنا مش بقولك كدا علشان تبرر انا بقولك كدا علشان تفهم أنك تغفر وتسامح ده شى مش خطير بالعكس انت بتسعد قلب اى حد شيل الهم وخايف من الذنب ده

نظر له شقيقه بدموع وقال :- بس انا كان ممكن اخسرك للابد

ابتسم وهو ينظر له بضيق من بكائه وقال :- اولاً انت مش طفل علشان تبكى ثانياً ودى الاهم انا موجود دلوقتى وبرضو بفضلها هى

نظر له عمر وهو يشعر بحزن وهو يقول :- انا حبيتها يايونس

ابتسم بتأكيد وهو يشرب من العصير ويقول :- عارف علشان كدا بقولك انها هى كمان بتحبك

نظر له عمر بتردد وقال :- ب.بس انت عرفت ازاى

قال يونس بخبث :- وانت مالك روح وسألها

نظر له عمر بضيق وقال بتردد :- تيجى معايا

نظر له يونس بضيق وهو يتذكر هذا المدعو عماد وقال وهو ينظر إلى عيون أخيه المنتظره وقال بتأكيد :- انا دائماً معاك

ابتسم عمر بفرحة وراحة،،،....

✨✨✨✨✨✨✨✨✨✨✨✨✨✨

* فى مكان آخر *

كانت تجلس وهو ينظر لها وعلامات الصدمه تعلو وجهه وهو يقول :- انتى اكيد اتجننتي

قالت ببرود :- اهدا ياجابر

قال بصدمه من بروده :- انتى فاهمه إللى بتقولي هو سمع الكلام بتاعنا وساكته

قالت بلا مبالاة :- مكنش عندى حل تانى غير انى اسيبوا

قال بغضب وهو ينهض وينظر إليها بضيق :- كان ممكن تقتلي ونرتاح بالمره

قالت بنفى :- مش هينفع انا كدا هزيد الشك عليا

قال بغضب :- طيب هنعمل ايه

قالت بهدوء وهى تقف وتنظر له :- اسمعنى متقلقش من حاجة هو اخرس ومش هيعرف يقول اي حاجة ده غير ان الكل عايش فى حاله ولو راح لـ صقر مش هيصدق حاجة من كل ده

نظر لها بشك أكثر وهو يقول :- انا مش مطمن بس هو شاف وشى مرتين يانهال

قالت بصدمه :- شاف وشك قصدك ايه

قال بغضب وهو يتذكر ليله موت نجم الدين :- هو شافنى وقت ماقتلت ابوه

قالت وهى تبرق عينها بصدمه :- انت بتقول ايه ومقلتش ليا ليه قبل كدا

قال بضيق وهو يهز رأسه لها :- كنت فاكر أنه بقى اخرس وما شافش وشى قبل كدا فـ مش هيقول زفت حاجة إنما دلوقتى غير

قالت بغضب وهى تصرخ فى وجهه :- اكيد غير انا لازم اتصرف فراس لازم يموت

قال وهو ينظر لها بستفهم :- ازاى

ابتسمت بخبث :- صقر قال لـ صخر أن فراس أمانته بس صخر مش بيفكر فى حاجة دلوقتى غير بحر

قال بغضب :- وايه إللى دخل ده فى موته

قال بمكر :- لو كان صخر بيحمى فراس زى ماطلب صقر كان الوضع اختلف انما دلوقتى لا يعنى موته سهل وانا عرفه هتخلص منه ازاى

قال جابر وهو ينظر لها بقلق :- ربنا يستر

قالت وهى تهز راسها بتأكيد وقلق :- متقلقش

جلس وهو ينظر لها وهى شاردة العقل  وداخله يشعر بالقلق من كشف كل شئ ...،،،،،

✨✨✨✨✨✨✨✨✨✨✨✨✨✨

وفى منزل ياسمين كانت تقف وهى تجمع الاطباق من على الطاوله وتقوم بحملهم وتتوجه للداخل بعد الانتهاء هى وشقيقها من تناول الطعام للتو ،وبعد الانتهاء جلست بجوار أخيها الذى نظر لها وهو يقول بحزن عليه فـ هى تبدوا مرهقه حزينه منذ رجوعها للمنزل وقال :- انا بجد اسف ياياسمين لو كنت اعرف انى هكون وحش اوى كدا مكنتش اذيتك بالشكل ده

عانقته بحب وهى تقول :- الحمد لله انك رجعت عن كل حاجة وحشه ياقلب ياسمين والمهم اننا مع بعض من تانى

نظر لها بندم وهو يقبل راسها التى تضعها على جهة قلبه وهو يقول :- ربنا ميحرمنيش منك ياقلب اخوكى

ابتسمت وهى تنظر للتلفاز وهى شاردة العقل فى عمر فـ هى تشتاق له بشدة كانت لا تحبه والان تشعر أن قلبها حزين من بعدها عنه تريد أن تراه وان يسامحها على مافعلت فـ هى لا تنكر أنها أخطات فى إخفاء الحقيقة وتاييد أخيها على زيادة غلطه ،ظلت هكذا تفكر فيه وفى بعدها عنه وتعالقها به حتى مره بعض الوقت إلى أن طرق الباب وقامت ياسمين بنهوض حتى تعلم من الطرق وهى تقول :- مين بـ

قطعت باقى كلامها وهى ترا عمر وهو يقف أمام الباب وهو ينظر لها بتردد ويقول :- ممكن ادخل

قالت وهى تنظر له بصدمه وقالت بتأكيد وهى ترا يونس يقف فى الخلف وهو يشير بيده بلطف حتى قالت :- اتفضلوا

دخل الاثنان معًا وهم ينظرون الى عماد الذى اقترب منهم وهو يقول بقلق :- حصل ايه ياسمين اختى ملهاش ذنب فى اى حاجة والله ياعمر لو عايز حاجة خدها منى انا

نظر له يونس بصمت وهو يحاول الهدوء وهو يقول :- معلش جينا فى وقت يمكن مش مناسب

هز عماد رأسه وهو يشير لهم بدخول ويقول :- لا ابدا اتفضلوا

هز الاثنان رأسهم ،وفى الخلف منهم ياسمين التى تنظر لهم بقلق والى عمر بتوتر ،،

حتى قال يونس بتأكيد :- احنا جاين ناخد مرات اخويا معانا

نظر عماد الى ياسمين التى تنظر إلى عمر وهو يقول :- انتى مراتى ومش موافق انك تفضلى فى بيت أهلك اكتر من كدا

نظرت له ياسمين بتعجب وقال عمر بتردد :- يمكن دائماً بتشوفى انى مجنون بس انا بجد عشت كتير جداً فى حياتى بغلط وباذى غيري بس انا جيت هنا وانا مقرر أنسى كل حاجة بس بشرط

نظرت له بتعجب وقال هو بتأكيد :- انتى كمان تنسي ونرجع بيتنا سوا

تطلعت له بذهول من كلامه وقال يونس وهو ينظر لهم :- انتو الاتنين بتحبوا بعض مفيش داعى للمقاوحه 

كانت تنظر له ياسمين حتى دارت برأسها إلى شقيقها الذى هز رأسه بتأكيد لها ثم قالت  :- انا اسفه على كل اللى حصل منى يمكن اذيتك عارفة انى مش هعرف اعوضك على اللى عملته ياعمر 

قال يونس وهو ينظر لـ عمر :- عتقد أن من الأفضل تقعدوا شويه مع بعض لوحدكم

نظرت له ياسمين وقال عماد بتأكيد :- رأيى من رأي يونس

نظر له يونس بضيق وقالت ياسمين وهى تهز راسها وتشير الى عمر بسير أمامها :- اتفضل

هز رأسه وهو ينهض وينظر لها وقام بسير إلى المكان الذى تشير له ،حتى دخلت إلى البلكونه الخاصه بالمنزل وقمت بالوقوف بتوتر وهى تنظر له وتقول :- ليه عايز ترجع

نظر لها وهو يقول بنبرة حزينه :- انا عارف انى اللى حصل مابينا كان كبير بس كفاية انى سامحت اخويا بسببك ياياسمين يمكن تقولى عليا انى مش كويس بس والله حبيتك ولاول مره احب حد كدا

نظرت له بخجل وهى تهز راسها وتقول بحزن :- يمكن انت متعرفش حاجة عنى ولا عن إللى عشته علشان يرجع عماد اخويا اللى اعرفه انسان كويس زى مكان بس انا اسفة على إللى حصل من اخويا انا هرجع علشان انا عايزه ارجع علشان يمكن حبيتك

برق وجهه بصدمه لها وهو يقول بتعجب :- بتقولى ايه

قالت بدموع :- انا موافقه ارجع تانى ليك علشان انا عايزك انت ياعمر تكون زوجى وحبيبى انا

نظر له بفرحة وهو يعانقها ويقول :- وانا هعمل اي حاجة علشان اعوضك ياياسمين عن كل إللى حصل فى حياتك

هزت راسها وهى تشعر بالخجل بين أحضانه،،...

ــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋