البارت السادس عشر 🦋

نبدأ 🌛

كان يقف رسلان وهو ينظر إلى جثة ابنه وهو لا يعرف ماذا يفعل، شعر ان أحد ما نزع قلبه من مكانه، هبط بجوار جثة ابنه الصغير الذى لم يعلم يوماً أنه سيدفن أولاده الإثنان بيديه ،رفع عينه عن جسد ابنه وهو يتطلع إلى كل من يبكى من حوله بعجز منه...

وأمامه كان يجلس حفيده الصغير وهو يبكى بانهيار كبير وكان يعانق يد والده ولا يتركه،،

وفى الخلف كان يقف يونس وهو ينظر لجسد والده دون فعل شئ،،

وبجوار كان يستمع إلى صرخات زوجة ابنه وهى تقول :- قوم ياشريف ليه سبتنى لوحدى قوم

اقتربت منها رقية وهى تعانقها بقهر على فراق اخيها الآخر وهى تقول :- بلاش تعملى كدا يانهال كفاية

صرخت نهال بنحيب وهى تقول :- اسكت ايه .. زوجى مات حبيبى مات يارقية قتلوا خدوا منى

قال صخر وهو يقترب من أذن صقر :- صقر كفاية كدا

قال صقر بجمود وهو ينظر إلى جسد عمه :- منعتهم من التشريح الجثه

قال صخر بتأكيد :- متقلقش كل شئ زى ماامرت

هز صقر رأسه بصمت وقام بالاقتراب من جده الذى يجلس وهو لا يشعر بدنيا من حوله :- جدى احنا لازم ندفن عمى

ظل رسلان ينظر لابنه وقال بدون وعي :- ابنى مات ياصقر

ضغط صقر على يده وقال بحزن :- لو سمحت بلاش انت تعمل كدا

نظر له رسلان بقلة حيلة وهو يهز رأسه بصمت ،وقام صقر بنظر إلى فراس الذى يعانق عمر ويبكى كأنه والده هو لا يعلم لم قلبه حزين عليه هو بالأكثر تنفس بضيق وهو يأمر صخر بفعل الازم، هز صخر رأسه وهو ينظر له ويقوم بالاقتراب هو بعض الحراس حتى يحملون الجثمان ولكن توقف عند صراخ عمر وهو يضرب جسده ويبعده عنه وهو يقول :- بعد عنه انت اتجننت

قال صخر بحزن :- عمر اهدا اللى بنعملوا هو الصح

صرخ عمر وهو يرفع يده فى وجهه ويقول :- قولتلك ابعد مفيش حد هياخد بابا منى

قال فراس وهو يحاول أن يتحدث معه وهو يشير له بيده :- عمر اهدا علشان خاطرى صرخ عمر فى وجهه هو الآخر وقال :- ابعد يافراس ابعدوا عن ابويا .. قولى حاجة ياماما

نظرت له نهال بدموع وهى تقول :- عمر حبيبى

اقترب منه صقر وهو يقف أمامه ويقول بضيق ممزوج بحزن عليه :- عمر والدك لازم يدفن مينفعش يفضل اكتر من كدا اسمع الكلام

نظر له عمر بعجز وهو يبكى ويقول :- بابا مين قتل بابا ياصقر

عانق صقر عمر وهو يقول بحنان :- متخفش وعد هعرف مين عمل كدا بس لازم تهدأ

نظر عمر لوالده بقلة حيلة ،وقام صقر بالاشارة لهم وهم يحملونه والمغادرة للخارج تحت أنظار يونس الذى اقترب من والده وهو ينظر له بدموع وقام بتقبيل رأسه تحت أنظار سيلين التى بكت بقهر عليه وهى ترا حزنه والمه الذى لا تعرف كيف تواسي قلبه عليه،،،،

وبعد دفن شريف وأخذ رسلان وعائله الصياد التعازى من الجميع وحزن افراد العائله عليه....،،،،

✨✨✨✨✨✨✨✨✨✨✨✨✨✨

جاء يصعد للأعلى حتى يكون بجوار صديقه الذى فقد ابه وتركه يتيماً، كان يريد أن يكون بجواره ويسنده لانه يعلم مقدار وحجم أن يصبح الإنسان يتيماً، ولكنه هو لا يعلم هل أهله الحقيقيين مايزال أحد منهم على قيد الحياة، وماذا سيفعل أن وجد أنهم موجودون حقاً،،،

هز رأسه وهو يصعد ويحاول عدم التفكير فى الأمر حتى شعر بمن يمسك بيده وهو ينظر له ويقول بضيق :- على فين

قال فراس وهو يحرك يديه له :- رايح عند عمر

قال الآخر بلا مبالاة :- وانت رايح عنده ليه

اشاره له فراس بتعجب من سؤاله :-  انت بتسال كدا ليه وبعدين عمر ابن عمى واللى مات ده عمى

قال جود وهو ينظر له بغضب :- ده مش عمك هو عمى انا

قال فراس بحزن :- انت عايز ايه ياجود حرام عليك سيبنى فى حالى

قال جود وهو يهز رأسه بغضب :- لا يافراس مش هسيبك غير لو بعدت عن العيله دى

قال فراس بصدمه :- دى عيلتى

قال جود بغضب :- لا مش عيلتك دى عائلتى انا .. أمشي من هنا برضك يافراس بدل وعد منى هخليك تتمني لو مكنتش جيت العيله دى من البدايه

نظر له فراس بصدمه وقال :- انتى بتكرهنى كدا ليه

قال جود بكره :- علشان تستهل كرهي ليك ياريت تفهم انك مش واحد من العيله دى انت ايه معندكش كرامه

نظر له فراس وهو يدمع ويقول :- دى عائلتي ياريت تكون انت مكانى لو مره ياجود

نظر له جود وهو يمسك يده بغضب ويقول :- مكان مين المكان إللى انت فيه ده مكانى انا

أزاح فراس يد جود حتى كدا يسقط وهو يقول :- قولتلك ابعد عنى

امسك صقر بيد جود قبل سقوطه وهو ينظر إلى فراس ويضربه على وجهه بقوة ويقول :- انت حيوان

نظر له فراس بصدمه لـ ضربه لاول مره فى حياته وقال وهو يدمع بالم :- صقر

امسك صقر بيد فراس التى زاح بها جود وهو يضغط عليها بقوة حتى كادت أن تتحطم بين يديه وهو يقول بغضب يعلو عينه :- اظاهر انك شفت نفسك فى البيت ده انت مجرد ضيف مش مرحب بيه ابداً

رجف قلب فراس وهو يضع عينه أرضاً ويبكى بقهر من كلامه وهو يشير له بالاعتذار تحت أنظار صقر الذى ترك يده وهو يقول بنبرة قاسيه على فراس لم يراها قبلاً :- امشى من وشي مش حبب اشوفك

هز فراس رأسه بخوف وهو يصعد للأعلى دون فعل شئ سوا البكاء بدون صوت مما يشعره بالعجز أكثر،،،....

✨✨✨✨✨✨✨✨✨✨✨✨✨✨

* فى أحد الغرف الآخر *

كان يجلس وهو يضم صورة والده فى أحضانه ويبكى دون توقف منذ أن مات وتركه وحيداً يتيماً، وبالقرب منه كان ينظر له أخيه وهو يشعر بالقلق عليه فهو لا يتوقف عن البكاء ،اقترب منه وهو يخطو خطوات مهزوزة لا يقل حزناً على والده بل يزيد أكثر فوالده الشئ الوحيد الذى بقا له من بعد وفاة أمه، والان مات هو الآخر جلس أمامه وهو يمسك بيده ويقول :- عمر كفاية

نظر عمر إلى صورة والده وقال :- انا بقيت يتيم خسرت ابويا

قال يونس بوجع من كلامه :- كفاية علشان خاطرى انا موجود جانبك

قال وهو يبعد يده عنه :-  وانا مش عايزك انت السبب

نظر له يونس بصدمه وقال :- انا

هز عمر رأسه وهو ينهض ويقول بصراخ :- ايوه انت بسببك انت بعدت عن ابويا كرهتك وكرهته لانه سامحك على موت ملك بسببك

نظر له يونس بغضب والم من كلامه وقال:- كفاية كفاية ياعمر حرام عليك انت ماليش ذنب

هبطت الدموع من عين عمر وهو ينظر له ويقول بنفى :- لا كل حاجة بتحصل بسببك انت يايونس انا بكرهك مش عايزك فى حياتى انا اتاذيت بسببك كتير انا بكرهك

اقترب منه يونس وهو يقول :- عمر بلاش تقول كدا صدقنى انا والله تعبت من كلامك ده انت بتاذينى اكتر هو ابويا زى ماهو ابوك

قال عمر وهو يرجع للخلف ويبتعد عنه :- ابعد عنى وطلع بره انا مش عايزك هو ابويا انا لوحدى خسرت اختى واخويا من زمان ودلوقتى ابويا انا معنديش غير امى اطلع بره

شعر يونس بمرارة فى حلقه وهو ينظر له والى كلامه الذى حطم قلبه أكثر وهو يغادر ويتركه وحيداً، تحت أنظار ياسمين التى كانت تقف فى الخارج وهى تستمع بحزن على كلام عمر لـ يونس،،،،....

✨✨✨✨✨✨✨✨✨✨✨✨✨✨

* فى غرفة صقر *

نظر إلى زوجته التى تبكى دون توقف اقترب منها وهى تجلس على الفراش وهو يشعر بضيق من رؤية حزنها ودموعها التى تنزل وقال وهو يشعر بالقلق عليها :- فرح انتى كويسه

هزت فرح راسها وهى تنظر له وتبكى قائلة :- لا لا مش كويسه هو ليه بيحصل معانا كدا ياصقر

نظر لها صقر بتعجب وقال :- قصدك ايه

بكت أكثر وقالت :- مره بحر ومره انت ومره عمى شريف ليه كلكم بتتاذوا بشكل ده

نظر لها بسكون يشعر هو الآخر بتشتت لا يعلم ماذا حدث أو ما يحدث يحاول تذكر اى شئ ولكن لا يستطيع ،قال لها وهو يتنهد بهدوء :- اهدى كل حاجة هتتصلح مش اى حاجة بتكون دائماً وحشه

قالت بصدمه :- طيب لو كدا مين إللى ممكن يقتل عمى شريف طيب وليه يعمل كدا فيه

قال صقر بنفى :- مش عارف بس اكيد إللى عمل كدا هو السبب فى كل حاجة بتحصل

قالت له بخوف :- ط.طيب هنعمل ايه ومين ده

هز رأسه بضيق وهو يشعر بالعجز وقال :- ماتقلقيش انتى يافرح بلاش تضغطي على نفسك

نظرت له بدموع وقالت :- بس انا خايفة

قال وهو ينظر لها بحزن :- متخفيش طول ماانا موجود

عانقت جسده بخوف وهى تقول :- اياك تبعد عنى ياصقر انا مقدرش اعيش من غيرك

شعر بالم مفاجئ في عقله يشعر أنه استمع لتلك الجمله من قبل هز رأسه بضيق وهو يعانقها بتردد وقال :- مش هبعد انا موجود

شددت من عناقه بخوف من تركه مره اخرى، تريده انا يرجع كما كان ولكن تخاف أن تاذى ان تحدثت معه فى اى شئ اخر فـ فضلت الصمت...،،،

✨✨✨✨✨✨✨✨✨✨✨✨✨✨

* دخل غرفة عمر *

"وبعد مرور قليل من الوقت دخل فراس الى غرفته بعد أن حاول أن يستجمع قوته فهو يريد أن يسانده حتى أن أراد هو من يسانده"

تنهد بالم وهو يرا عمر يجلس وهو يعانق قدمه بين يديه وينظر للحائط  ويبكى بانهيار ،اقترب منه ونظر له بقلق عليه وهو يقول بإشارة :- عمر انت كويس

نظر له عمر وقال وهو يتحدث بصعوبة من شدة البكاء :- عايز ايه

قال فراس بحزن عليه وهو يضع يده على كتفه :- انا جيت اطمن عليك واكون جانبك

هز عمر رأسه وهو يبتسم بسخرية ويقول :- وياترا هتقدر تواسينى

قال فراس بتعجب وهو ينظر ويحرك يده :- عمر انت فيك ايه عمى مات علشان ده عمره

صرخ عمر فى وجهه وقال :- اياك تنطق الكلمة دى بابا اتقتل يعنى كان لسه عنده وقت

تتطلع له فراس بصدمه وهو يقول بإشارة :- انت بتغلط ياعمر صدقنى بلاش تفكر بشكل ده انا كنت زيك بس

قال له عمر بصراخ فى وجهه :- لا لا انت مش زيى انت ماتوا اهلك وانت صغير يعنى مشفتش ولا واحد فيهم ولا تعرف عنهم اى حاجة احنا مش عيلتك من الأساس

نظر له فراس بصدمه وهو يتنفس بهدوء ويقول :- ا .الكلام ده مش صح انتو عيلتي انا ماليش غيركم

قال عمر بلا مبالاة وتأكيد :- معاك حق انت صقر بيحبك ومش بيكرهك هتفكر فى حد تانى ليه هو عمره ما اذاك

نظر فراس إلى يده المحمره من شدة ضغط صقر عليها يشعر بالألم من كلام عمر وهو يقول بنفى :- معك حق صقر بيحبنى وانت كمان يونس بيحبك

صرخ عمر فى وجهه وهو يقول بكره :- لا هو بيحب نفسه هو اناني انا بكرهه ومش عايزوا

قال فراس بحزن :- حرام عليك يا عمر

نهض عمر وهو يمسك بيده ويرفعه للأعلى ويقول :- مش حرام عليا حرام عليكم انتو

قال فراس وهو يدمع عليه :- اهدا ياعمر

نظر له عمر بصراخ حتى اقتربت منه نهال وهى تصرخ فى وجهه وتقول :- انت بتعمل ايه هنا اطلع برا

نظر لها فراس بحزن وقال :- بس عمر

صرخت فى وجهه من جديد وهى تمسك بيده وتخرجه للخارج وتقول بغضب :- قولتلك اطلع برا فوراً

نظر فراس إلى نهال التى تغلق الباب فى وجهه وبالخلف منها كان ينظر له عمر دون فعل شئ...

شعر بالكره من الجميع وهو يتوجه إلى غرفة صقر حتى يشكو له ألمه وتعبه ،وقام بطرق الباب حتى اقتربت فرح وهى تقول بصدمه :- فراس انـ..

قطعة باقى كلامها وهى تنظر له بصدمه وتقول بذعر عليه :- فراس مالك بتبكى كدا ليه

نظر لها فراس بألم يعصف فى قلبه وهو يتمنى لو كان صقر ويرمى بنفسه داخل احضانه ويقول له كم أنه متألم منه ومن الجميع ،اقتربت منه فرح وهى تمسك بيده وتدخله للداخل وهى تقول بخوف عليه :- حصل ايه طيب فاهمنى بتبكى كدا ليه

لم يجيبها فراس وهو يجلس ويقوم بفتح فمه ويحاول اخرج اى صوت بصعوبه والصراخ ولكن لا يستطيع، تحت أنظار فرح التى هبطت منها الدموع من عينها على ما يفعله وقالت بحزن :- فراس مالك

أشار فراس بيده بكلام كثير وهو يقول :- ليه ليه انا ليه صقر مش جانبي ليه الكل بيبعد عنى مفيش حد فاهمنى الكل مش عايز وجودى طيب انا مين افضل ولا ابعد اعمل ايه حد يرد عليا انا محتاج صقر انا عايز اخويا

بكت فرح من كلامه الذى يخرج من بين يديه وشفتيه بدون صوت وهى لا تعلم ماذا تجيبه وهو يقول من جديد :- طيب انا عايز اتكلم عايز اصرخ عايز حد يسمعني مش عايز اكون لوحدى يا فرح ..انا ليه بياذينى انا عملت فيه ايه

قالت بتعجب :- مين مين إللى بياذيك يافراس

قال فراس وهو ينظر لها ويحاول التحدث قائلاً :- جود جود بيهددنى

جاء صوت من خلف فرح وهو يقول بغضب :- انت كذاب

نهض فراس بذعر وهو ينظر لأخيه وهو يرا يتطلع له بنظرات قاتله يرها فى عينه منذ فترة له قالت فرح بصدمه :- صقر فراس مش بيكذب جود اكيد بيعمل كدا

قال صقر وهو يقترب من فراس :- هو إللى بيكذب

قالت بذهول منه :- صقر انت بتعمل مع فراس كدا ليه حرام عليك

قال صقر وهو يسحب يد فراس ويلقى بعيداً وهو يشير للباب ويقول :- اطلع برا واياك تقرب من جود أو فرح أو الاوضه دى تانى انت فاهم

بكاء فراس بصمت وهو يهز رأسه ويغادر بصمت تحت أنظار فرح المقهورة عليه وهى تقول :- لو تعرف انك بتغلط .. وانك هتتمنى طول عمرك لو إللى بتعملوا ده ماكنتش عملته ياصقر

نظر لها صقر بضيق وهو يتذكر كلام جود تجاه أنهم يريدون أن يجعلوا شخصاً جيداً فى نظره ،وقام بدخول الحمام وهو يتركها بالخلف منه تجلس وهى تبكى بصدمه من أفعال صقر مع فراس وتتمنى رجوع الذاكره له فى اسرع وقت،،،،....

✨✨✨✨✨✨✨✨✨✨✨✨✨✨

* بعد مرور يومين *

من تدهور حالة رسلان الصياد الصحيه بسبب حزنه على فقدان ابنه، كانت تجلس معه ابنته فى الغرفة وهى تتطلع إلى حزنه الكبير الذي على وجهه وسوء حالته وهى تقول بحزن :- كفاية حزن يابابا حالتك بتسوا كل يوم عن اللى قبله

قال رسلان بقهر وهو ينظر اليها بالم :- اعمل ايه يعنى يارقية انا خسرت ولادى الاتنين والاتنين اتقتلوا ومش عارف مين إللى عمل كدا

قالت بحزن تحاول إخفائه حتى لا تتعب والدها أكثر :- ربنا بكره يكشف كل حاجة يابابا ومتعرفش الخير فين

قال بالم وهو يتنهد بحزن :- العيله بضيع يارقية الكل بعيد عن بعضه كل وحد فيهم مكتفي بنفسه ونسين أنهم عيله وحده

قالت بحزن فى نبرة صوتها وهى تهز راسها بتأكيد :- معاك حق من يوم ما فقد صقر ذاكرته والمشاكل بتزيد اكتر عمر كرهه بيكبر لـ يونس وبحر ورفضه أنه يخرج للعالم وشريف ده غير فراس إللى بيتعذب كل يوم بسبب حزنه على صقر وبعد صقر عنه

قال بالم لتذكر اسم فراس :- حاسس ان كل اللى بيحصل بسبب إللى عملته فى فراس ده ذنبه هو حرمته من الحقيقة ودى النتيجة

قالت بنفى :- لا يابابا انت عملت كتير علشان فراس كفاية انك ماسبتش حد ياخدوا مننا

قال بالم وهو يتذكر سيلين ويقول :- بعد ماترجع الذاكرة لـ صقر فى حاجات كتير لازم تتعرف يارقية

قالت رقية بتعجب :- قصدك ايه يابابا

قال وهو يتنهد بحزن ويفكر بتعب :- قصدى هتفهمى بعدين ياحبيبتى

نظرت له بحزن وهى تهز راسها بصمت وتقوم بمساعدته على أخذ الدواء،،،.....

✨✨✨✨✨✨✨✨✨✨✨✨✨✨

* فى شركة الصياد *

كان يجلس يونس وهو يعمل بكل مايملك من قوة يريد أن يشغل نفسه فى العمل وأن لا يجعل عقله يفكر فى كل شىء يحدث من مشاكل معه، فهو اكتفى بكل ما جرا من موت أمه لزواج والده لفقدان اخته لكره أخيه ولأن والده ذهب وتركه وحيداً، يشعر بالضعف والخسارة الكبيره التى فى حياته يريد العيش براحة قليلاً استفاق من تفكيره على يد سيلين التى تنظر له بحزن وهى تقول :- كفاية انت تعبت

قال وهو ينظر لها بحزن :- اتعودت ياسيلين

قالت له وهى تشعر بالوجع عليه :- بس انا خايفه عليك انت بتتعب نفسك اكتر بلاش تتصرف بالطريقه دى

قال وهو يهز رأسه بلا مبالاةو:- انا خسرت كل حاجة ياسيلين ومش عايز اخسر اكتر من كدا

قالت وهى تنظر له بتعجب :- قصدك ايه

قال وهو يتنهد بالم :- انا همشي هسافر وبعد عن هنا

قالت وهى تنظر له بصدمه :- تبعد

هز رأسه وهو يقول بتأكيد :- ايوه

قالت وهى تهز راسها بحزن :- زي ما تحب

امسك يدها وهو يقول برجاء :- تعالى معايا مش عايز اخسرك انتى كمان

قالت وهى تنظر له بتردد :- بس هروح معك ازاى انا معرفش حد وماليش اى حد

هز رأسه وهو يقترب منها ويقول :- احنا واحد ياسيلين وانا مقدرش اعيش من غيرك تعالى معايا هنكتب الكتاب انهارده وتكونى مراتى ونبعد عن هنا

قالت وهى تفكر أنها وحيده هنا ولا تملك اى حد فهى وحيد منذ موت والديها وأخيها الصغير تملك جدها ولكن هو فى بلدى بعيدا عنها ، قالت وهى تهز راسها بقلة حيلة وهى تخاف أن تخسره هو الآخر :- انا موافقه

ابتسم لها وهو يهز رأسه بحزن داخله لترك عائلته والذهاب ولكن يشعر أن هذا الأفضل له ،،،...

✨✨✨✨✨✨✨✨✨✨✨✨✨✨

* فى المساء *

كان يجلس عمر فى الحديقة وهو يحاول التنفس بعمق بعد إصرار والدته على استجمع نفسه قليلاً ظل ينظر إلى الأشجار والفراغ من حوله...

حتى اقتربت منه ياسمين وقالت :- عمر ممكن اتكلم معك

هز عمر رأسه وهو لا ينظر لها ويقول :- مش عايز اتكلم يا ياسمين

قالت ياسمين وهى تقترب منه وتقف أمامه :- بس ده موضوع مهم

نظر لها بتعجب وقال بضيق :- لو عايزه تبعدى انا مش همنعك دى حريتك

هزت راسها وهى تقف أمامه وتقول :- لا مش عايزه ابعد عايزه اقولك حاجة مهمه بعدها انت لو هتختار انى ابعد مش هيكون عندى مانع بعد اللى هتعرفوا

نظر لها بتعجب وهو يقطب جبينه وقال بستفهم :- قصدك ايه

جاء صوت اخو ياسمين عماد من خلف عمر وهو يقول :- قصدها أن الموضوع ده يخص ملك ياعمر

نظر عمر لـ عماد بصدمه وقال بدهشة :- عماد انت بتعمل ايه هنا وايه الحاجة إللى تخص ملك

نظر عماد إلى ياسمين التى اقتربت تقف بجوار أخيها وهى تقول :- الورقه دى سبتها ملك قبل ماتموت

نظر عمر إلى الورقه التى بين يديها وقال بصدمه احتلت معالم وجهه:- رساله من ملك

هزت راسها بتأكيد وهى تنظر إلى صدمته وقالت :- ايوه يمكن الرساله دى تغير وجهة نظرك عن حاجات كتير

امسك عمر بالورقه وهو يتطلع لها بتردد وخوف مما يوجد داخلها وظل يفكر بضع ثوانى حتى تنفس بقوة وهو يفتحها ويقرا مايوجد داخلها (يونس حبيبى ...

انا اسفة .. اسفة على كل حاجة انا ظلمتك .. ظلمتك ومصدقتش كلامك ياريتنى كنت فهمتك وعرفت انى مستحيل حد يحبنى زيك .. انا غلط فى حقك انت كان معك حق عماد انسان حقير ومش كويس هو السبب فى كرهي ليك فضل يفهمنى انك مش كويس وانك عايز تفرق بينا .. بس عرفت أن الكلام ده مش صح وأنه هو إللى أسوأ انسان على الارض انا حبيت غلط هو بتاع بنات زى ماقلت وكل حاجة تانى قولتها كانت صح هو خدعنى وخان حبى كان بيستغل كل حاجة علشان ياخد منى فلوس انا اسفه يايونس عارفة انك زعلان منى وانى جرحتك بكل كلمه قولتهالك اسف ياروح ملك .. انا عارفه انك هتسامحنى بس انا مش هسامح نفسي يمكن اللى بفكر فيه هيزعلك منى ومش هتسامح نفسك عليه بس انا مش قدره استحمل عذاب ضميري مش هقدر اشوف زعلك منى انا بجد تعبانه يايونس وحاسة انى وحشه اوى بسبب إللى عملته فيك انت ابويا يايونس انا انا هنتحر علشان مش قدرة استحمل كل ده انا والله بحبك يااحسن اخ فى الدنيا كلها .. انا اسفة )

انهى رسالتها وهو يسقط أرضاً وينظر لرساله بصدمه يشعر أن عقله شل عن التفكير وهو يهز رأسه ويقول بنفى :- لا لا م.مستحيل م.مستحيل انتو بتكذبوا عليا يونس ... يونس

اقتربت منه ياسمين وهى تقول بالم وحزن عليه :- انا اسفه بس مقدرتش اشوف كل الكره ده لاخوك واسكت ياعمر سامحنى بس يونس مايستهلش اى حاجة وحشه

صرخ بالم وهو ينظر لها ويقول :- لييييييه ليه دلوقتى ليه حرام عليكم ااااه

قال عماد بحزن عليه :- علشان كانت خايفه عليا

نظر له عمر بغضب وهو ينهض ويمسك عنقه ويقول :- هى اذتك فى ايه أنا عملت لك ايه يونس اذاك فى ايه رددد

نظر له عماد بالم وهو يتذكر ملك ويقول :- انا كنت بحب ملك

ضربه عمر بقوة على وجهه وهو يقول بغضب :- انت واحد حيوان

وضع عماد يده على وجهه وهو يقول بتأكيد :- معاك حق بس قسماً بالله كنت بحب ملك بس الفلوس وصحاب الغلط ياعمر

ضحك عمر بقهر وهو يرفعه من ملابسه ويقول بغضب :- وانا ذنبي ايه

قال عماد بغيره :- ذنبك انكم احسن مننا معاكم كل حاجة مفيش حاجة مش بتطلبوها غير وبين ايديكم اما احنا لا بنموت من الجوع وانتو عايشين فى راحة مش شايلين هم اى حاجة عرفت ليه

ضرب عمر عماد مره آخره وهو يقول :- اسكــــت .. اسكت الناس كلها كدا بس انت إللى حيوان انا كرهت اخويا ٥سنين خسرت ابويا التانى اختى ماتت ابويا اتقتل عايز تكون مكانى تعالا اتفضل هى دى العيشه إللى نفسك فيها

نظر له عماد بحزن وقال :- انا اسف بس ماكنتش فكر أنها ممكن تموت وتعمل كدا

نظر له بسخرية وقال :- علشان لو كنت بتحبها بجد كنت عرفت هى ممكن تعمل ايه هى توأمي وبسببك ماتت

قالت ياسمين وهى تحاول أبعده عن أخيها :- عمر اسمعنى

قال وهو يبعدها عنه بغضب :- ابعدى عنى انتى كمان زيه ماتفرقيش عنه حاجة

قال عماد بنفى :- لا ياعمر ياسمين ملهاش ذنب والله العظيم هى مش زيى هى مش زيى والله

نظر عمر إلى ياسمين التى قالت بحزن :- انا اسفه انا عطيت الورقه دى لـ صقر بس هو طلب يخليها معايا وفى الوقت المناسب اديها ليك

نظر لها عمر بسخرية وقام برفع عينه إلى جهة غرفة أخيه وهو يركض للأعلى،،،.....

✨✨✨✨✨✨✨✨✨✨✨✨✨✨

وفى غرفة كارما كانت تجلس وهى تبكى على بعد بحر عنها وهى لا تعرف ماذا تفعل تحاول الأقتراب منه وتحدث معه مراراً ولكنه يرفض اقترابها منه، مسحت دموعها وهى ترا اختها تفتح الباب وتقترب منها وهى تقول :- كارما انتى كويسه ليكى فترة مش بتطلعي من اوضتك

قالت كارما وهى تنهض بعيداً عنها :- و ده شى يخصك فى حاجة

قالت فرح بصدمه وهى تنظر لطريقة اختها فى التحدث :- كارما انتى بتقولى كدا ليه فى ايه

قالت كارما بسخرية :- قصدى انى فيه إللى أهم مني تخافى عليه اكتر .. لو سمحتى سبينى لوحدى

قالت فرح بدهشة :- كارما انتى عبيطه قصدك مين

قال كارما بغضب على اختها :- قصدى ان فراس ممكن يكون محتاج ليكى اكتر منى روح ليه هو أهم

نظرت لها فرح بصدمه وقالت وهى تنهض وتقف أمامها :- كارما ايه الكلام ده انتى اختى وامرك يهمنى

قالت كارما بسخرية وعينها تدمع بحزن :- اختــــك .. فرح انتى اهم حد عندك فى العيله دى صقر وفراس انا او اى حد تانى اخر من يابتفكرى فيهم

نفت فرح راسها بزهول وقالت :- ال.الكلام ده مش صح

بكت كارما وهى تقول :- حتى عشق سافرت بعيد فى الوقت إللى انا محتاجه اى حد يكون جانبي

نظرت لها فرح بحزن وهى تقول :- كارما انا مش قصدى ابعد عنك انا اسفة

قالت فرح بتعجب :- اسفك هيصلح ايه يا فرح انا محتاجه حد يسندني ويكون معايا

قالت فرح وهى تعانقها بندم :- انا اسفة اسفه لانى بعدت عنك

قالت كارما بدموع :- انا محتاجلك يافرح بحر مش قابل وجودى وخالوا مات وجدو مريض وأبيه صقر انا خايفة بجد

قالت فرح بحزن وضيق من نفسها وهى تسير على شعرها بحنان وهى تقول :- انا اسفه حقك عليا وعد كل حاجة هتكون كويسه وانا مش هبعد عنك تانى

شددت كارما من احتضان اختها وهى تقول :- ياريت يافرح

تالم قلب فرح وهى تشدد من احتضان اختها وهى تشعر بحجم البعد الذى اشتد بينهم فـ هى بجوار فراس منذ فقدان صقر الذاكرة وهى لا ترا أحد سواهم هما الاثنان أدمعت عينها وهى تقرر الاهتمام بأختها أكثر من اى احد اخر ،،،،.....

ــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋