البارت الرابع والعشرين 🦋

نبدأ ✨

اقترب من رفيق دربه وهو يراه غائب عن الدنيا بما فيها، يتمدد وحوله الأجهزة بوجه شاحب وجسد قد فقد الكثير من وزنه،،، ادمعت عينه وهو يجلس بجواره وينظر له بأسف ودموع ملأت عينه وهو يقول :- صقر مش قابل حد يشوفك .. رفض اى حد يدخل الاوضه دى زعلان مننا كلنا يافراس بس .. بس هو معه حق احنا مانستهلش نبص فى وشك حتى واحنا السبب فى إللى انت فيه دلوقتى .. وانا اكتر حد اذيتك بكلامى أو.او بضربى ليك .. انا اسف يافراس ارجع احنا مانستهلش انك ترجع بس حـ.حتى علشان صقر هو ميت من غيرك مش قابل حد ولا اى حد يافراس .. وحياتى ماتسبنيش انا من غيرك ولا حاجة انت صاحبي الوحيد  خسرتك و..

هبطت من عينه الدموع بغزاره أكثر وهو ينظر له بوجع ويقول :- خسرت عمر كمان انا عايز نرجع زى الاول كل ده حصل بسببي بعدتكم عنى أنا السبب مقدرتش اكون معك يافراس وحس بوجعك وانت طول عمرك معايا وبتحمينى وفى ضهري يافراس

انحنا للامام وهو يعانقه بشدة ويبكى بينا يديه بلا توقف وهو يشعر بالغضب والكره تجاه نفسه والخوف وذعر من فقدانه وخسرت رفيق عمره، ظل يبكى هكذا وهو يحتضن جسده بين يديه حتى اقترب منه أخيه وهو يقول بصوت قلق :- كفاية يابحر زمان صقر على وصول ولو عرف انك دخلت الجناح بتاعه وشوفت فراس مش هيسامحك

رفع بحر جسده عن أحضان فراس وهو ينظر لـ صخر بدموع طفل اوجعت قلب صخر وهو يقول :- بس انا مش عايز اسيبه ياصخر عايز أفضل جانبه

نظر له صخر بحزن وهو يقول :- مش هينفع انت طلبت تشوفه وانا حققت طلبك كفايه صقر مش هيرحمك ولا هيرحمنى خلينا نمشي

نظر بحر إلى فراس بحزن وخوف عليه وهو ينهض ويقول :- هيكون كويس هيقوم

نظر له صخر وهو يقربه منه بحنان وهو يقول بقلق عليه :- هيكون بخير كفايه علشان متتعبش

شدد بحر من احتضان صخر بشدة وهو يقول بقهر وغضب من نفسه :- طول عمره كان جانبى ياصخر  وانا بعدت عنه واذيته فى الوقت إللى هو محتاجنى فيه

" اغمض صخر عينه وهو يتذكر غلطته فى الابتعاد عنه هو الآخر وعدم القيام بوصية صقر وحمايته من اى ضرر أو حزن يصيبه تنهد بضيق وهو يقول :- متخفش صقر هيعمل اى حاجة علشان هو يقوم وكمان وقت مايرجع هو هيسامحك علشان انت ماعملتش كدا برضاك صدقنى كل حاجة هتكون كويسه

ابتعد عنه بحر وهو ينظر إلى فراس برجاء من الله وهو يقول :- يارب

وضع صخر يده على كتفه وهو يقول بضيق :- اطلع من هنا يلا

هز بحر رأسه وهو يغادر تاركاً صخر خلفه وهو ينظر إلى فراس بحزن. وقام بالاقتراب منه وهو ينحنى فى اتجاهه ويقوم بتقبيل  رأسه بحنان وحزن عليه واسف تجاهه وغضب من نفسه وهو يقول :- انا اسف يافراس مقدرتش احميك

لم يجيبه فراس وهو ممدد على الفراش ولا يشعر بما يدور من حوله ،حتى غادر صخر وهو يغلق ذلك الباب الذى حزر صقر اى حد من الاقتراب منه سوا الأطباء الذين يدخلون إليه فى مواعيد محدد لهم، فهو يشعر بالخوف عليه حتى من اقرب الناس إليه،،،...

✨✨✨✨✨✨✨✨✨✨✨✨✨✨

* داخل غرفة عمر *

كان يتحدث علي الهاتف وهو ينظر حوله كل دقيقه والأخرى من دخول أحد وهو يهز رأسه ويقول بنفى :- لا انا عايز انتقام من صقر وجود هما السبب فى موت امى

استدار وهو ينظر خلفه وهو يستمع إلى من يتحدث معه فى جهة الآخرى حتى قال بنفى :- لا إحنا اتفقنا على ده اى حد تانى لا احنا نعرف بعض من شهر يعنى لازم تنفذ وعدك ليا

هز رأسه من جديد وجاء يجيب عليه حتى قطع اتصاله وهو يخفض الهاتف عن اذنه وهو يلتفت للخلف بسرعه وبذعر من دخول أخيه وهو ينظر له بشك ويقول :- عمر كنت بتكلم مين

قال عمر وهو ينظر له بتوتر ويقول بغضب :- مش بكلم حد وبعدين انت ازاى تدخل كدا

قال يونس وهو ينظر له بتعجب :- انا أتصلت بيك وانت مش بترد عليا وحولت  اكلمك الف مره وانت مش راضي ترد 

قال عمر وهو ينظر لهاتفه بضيق :- عايز ايه يايونس

قال يونس وهو يقترب منه بقلق عليه :- عايز اعرف مالك ياعمر انت بتعمل كدا ليه

قال عمر بغضب :- والله انت عارف انا مالى كويس

قال يونس بضيق من أفعاله :- عمر انت بتتصرف غلط اللى حصل مكنش بايد حد وانا فهمتك كدا

قطع عمر كلامه وهو يقترب منه ويقول بحدة تخرج من عينه :- انت بتضحك على عيل صغير إللى هما قتلوها دى امى انا شوفت موتها بعيني اتخلصتوا منها قدم عينيا

قال يونس وهو يقرب يده تجاه وجهه بنفى :- الكلام ده مش صح هى حاولت تقتل صقر

صرخ فى وجهه بغضب أكثر وهو يبتعد عن يده و يقول :- انت كذاب اسكت امى احسن منكم كلكم

نظر له يونس بصدمه وزهول وهو يقول :- انت بترجع تغلط نفس الغلط ياعمر

ابتسم عمر بدموع وهو يقول :- يمكن ظلمتك فى الماضى بس انا شوفت كل حاجة قدم عينى شوفت كذبهم يايونس 

مسح يونس وجهه بيده وهو يقول بضيق :- طيب ليه متحولش تسمع صقر وهو هيفهمك كل حاجة هو هيثبت كل حاجة ليك

نظر له بسخرية وهو يقول :- انتو مستحيل تقدروا تثبتوا حاجة لأن امى احسن ام فى الدنيا دى وانتو ناس اشرار ماعندكمش قلب

صرخ يونس فى وجهه وهو ينظر له بغضب وصدمه منه وهو يقول :- بسس انا تعبت الست دى هى السبب فى موت ابويا والسبب فى كل حاجة وحشه حصلت مع العيلة دى الكلام ده بحاول افهموا ليك من فترة طويله وانت مفيش حاجة بتتغير فيك عايز تسمع أو لا براحتك ياعمر عن ازنك

"ترك يونس عمر وهو يغادر من الغرفة والغضب يتطاير من عينه والصدمه منه ومن تغيره الواضح تجاه الجميع يزيد من غضبه أكثر ويجعله قليل الحيله معه فهو يتعمل معه بلين كلما تذكر أنه لا يملك أحد سواه بعد موت والديهم"

ظل ينظر عمر إلى شقيقه وهو يغادر الغرفه وتدخل خلفه ياسمين وهى تقترب منه وتقول بحزن عليه :- عمر يونس معه حق انت ماتعرفش حاجة

نظر لها عمر بضيق وهو يستدير ويقول :- ياسمين ياريت تسكتي انتى .. انتى مش فاهمه حاجة

هزت راسها بحزن اكثر وهى تتذكر تلك المدعوة بنهال وهى تقول :- انا فاهمه اكتر منك ياعمر على الأقل مش بعمل زيك انت اتغيرت ومش فاهم بتعمل ايه بقيت بعيد عن عيلتك والكره ملأ قلبك من نحيت كل واحد فيهم بتعاند وانت أصلاً غلط

نظر لها بغضب وهو يقول :- ياسمين بلاش انتى كمان هما محدش منهم يستاهل يكونوا عيله

قالت بصراخ وهى تنظر له :- لا ياعمر انت إللى ماتستهلش تكون منهم انت بقيت حد تاني غير عمر إللى اعرفوا انت مكنتش كدا طيب فكر فى اخوك هو بيعمل كل حاجة علشانك .. طيب فراس هو بين الحياة والموت وانت صاحب عمره الوحيد مفكرتش انك تطمن عليه انت مستحيل تكون عمر جوزى 

نظر لها بضيق وهو يجلس بعيداً عنها ويقول :- ياريت تطلعى برا ياياسمين

نظرت له بحزن وصدمه هى الآخرى منه فهو لا يستمع لاي احد منهم ويصدق فقط موت أمه أمام عينه ،رفعت عينها إلى الأعلى برجاء من الله من قلب الموازين وفك الكرب والهم عن تلك العائله وعن زوجها بالاكثر،،،..

✨✨✨✨✨✨✨✨✨✨✨✨✨✨

كانت تجلس داخل المطبخ وهى تنظر إلى الفنجان الذى امامها بعقل شارد حتى اقتربت منها ابنتها الصغير وهى وتقول بقلق عليها :- ماما مالك انتى كويسه

ظلت رقية تنظر إلى فنجان القهوة وقالت بقلب حزينه :- حزينه على عايلتى ياكارما مش عارفه امتى آخر مره العيله دى فرحت

قالت كارما بحزن وهى تجلس بجوارها :- متقليش كدا ياماما انتى مش دايماً بتقولى ده ابتلاء و الابتلاء مفيش منها اعتراض

نظرت لها رقية وهى تقول بحزن :- كنت فاكره انى لو سفرت علشان احج  يرجع لينا فراس بس مكنتش فاكره انى هرجع ألقي دخل غيبوبه وحصل كل ده فيه ونهال ماتت وعمر اتغير والعيلة اتقسمت اكتر من الاول

تنهدت كارما بضيق وهى تقول :- والله بكره كل حاجة هتكون بخير وهتقولى كارما قالت وبعدين انتى من امتى ضعيفه كدا ياماما خليكى اقوى علشان كل واحد فينا

ادمعة عين كارما وهى تعانق امها بحزن وبكاء وبدلتها رقيه العناق بحنان وهى تدعى داخل قلبها بزوال الهم عنهم وهى تقول :- ربنا كبير وان شاء الله هيعدى الازمه دى على خير والعيله ترجع احسن من الاول

شددت كارما من احتضانها وهى تقول برجاء :- يارب ياماما 

✨✨✨✨✨✨✨✨✨✨✨✨✨✨

* فى المساء *

كان يجلس صقر داخل مكتبه وهو يشعر بتعب والارهاق من قلة النوم ،ترك القلم من يده وهو ينهض ويتوجه إلى تلك النافذة المفتوحة أمامه وهو ينظر إلى ذلك البحر الكبير الذى يقع خلف القصر المقيمة بها تلك العائله التى تدعو بعائله الصياد المعروفه بقوتها، ولكن لا يعلم أحد بمقدار المشاكل التى تمر به تلك العيله فى تلك الفترة العصيبة، ومع هذا لم يهتم صقر بـ اي شئ من كل هذا إلا على من يتالم قلبه لأجله، تنهد بتعب وهو ينظر إلى تقلب الأمواج أمام عينه بحزن يتخلل داخله يشعر بالوحدة مع وجود تلك العائله الكبير فـ بنسبه له فراس ليس بمجرد طفل له أو أخ بل هو كل شئ روحه ودنيته بير أسراره، والكنز الوحيد الذى تركه له والديه من بعد وفاتهم فهو أفضل من المال والدنيا بما فيها، لم يشعر بالوحدة فى وجوده ابدا دائماً معه وبجواره لم يعتقد يوماً أن يكون أذاه على يديه هو ،،،

مسح وجهه بأنفاس يريد أن يمنع خروجها من شدد الخنقه التى يشعر بها ،لمعت عينه وهو يتذكر أنه دائماً كان يعتبر نفسه والد فراس وليس مجرد اخ كان طفل له ومازال لم يملك صوت ولكن بمجرد تحريك شفتيه كان يشعر به إذا تالم هو يتالم معه وإذا ابتسم رقص قلبه من شدة الفرحة فحزن فراس من حزنه هو فـ حب صقر له ليس بقرابة الدم ولا النسل، فليس كل شئ يجرى على صلة الدم فالحب لا ياتى من زمرة الدم بل من القلب للقلب الآخر ،،،

ظل شارد العقل هكذا حتى طرق الباب الخاص بالمكتب وهو ينظر له بطرف عينه وهو يقول :- ادخل

استدار بجسده وهو ينظر إلى الباب الذى يفتح بجواره ويدخل منه يونس وصخر وبحر وخلفهم جود وبجواره مراد الذى قال بستفهام :- صقر مشغول ممكن نتكلم معاك شويه

نظر له صقر بتأكيد وهو يتطلع للباقي بجمود قائلاً :- فى ايه

قال يونس وهو يتقدم خطوة للإمام وهو ينظر له بتوتر قائلاً :- احنا جينا علشان نقولك احنا اسفين يمكن كل واحد فين غلط بس

تنهد وهو ينظر لـ صخر الذى يقول بضيق :- بس اللى بتعملوا غلط ياصقر انت مانع اى حد يقرب من فراس

قال بحر بحزن :- انا والله عارف انى غلط بس انا عايز اكون جانب فراس يا صقر

نظر له صقر بجمود كما هو وهو يقول :- ومكنتش ليه جانبه قبل كدا يا بحر

دمعت عين بحر وهو يضع عينه أرضاً وقال صخر بضيق من جديد :- علشان هو كان تعبان ياصقر بحر مكنش يقصد حاجة

قال صقر وهو ينظر له بعيون حادة وصوت قوى :- وانت كنت فين فاكر انا طلبت منك ايه انت مكنتش شايف غير اخو وبس .. طيب عارف انا رافض ليه اى حد يقرب منكم منه علشان وصلتوني لدرجة بقيت اخاف عليه منكم من أهله إللى اول الناس اتخلت عنه

نظر له يونس وصخر بحزن وقال مراد وهو ينظر لـ صقر بحزن :- اهدا ياصقر كل وحد فيهم غلط بس ولا وحد منهم ممكن ياذي فراس

نظر له صقر بسخرية وهو يرفع حاجبه ويقول :- والله طيب ماهما عملوها مره كل واحد اذى بطريقته ... ليه ممكن ما يعملوش كدا كمان مره

نظر لهم وهم صامتون حتى قال هو بالم لا يشعر به أحد وغضب يكنه لنفسه وهو يقول :- انا غلط زيكم حتى لو مكنتش عارف انا بعمل ايه بس كان لازم اعرف انى بأذى روحى

نظر له جود بحزن وهو يقول بقهر :- انت مالكش ذنب ياصقر  انا السبب

قال صقر وهو ينظر لهم بجمود وحدة :- انا مسامحكم إنما انكم تقربوا منه مش هقبل ده من اى حد منكم انتو فاهمين

اقترب منه بحر برجاء وهو يقف أمامه ويقول بدموع :- علشان خاطرى ياصقر انا مستعد اعمل اى حاجة بس خلينى جانبه واشوفه

نظر له صقر وهو يرفع يده ويضعها على وجه بحر الذى ينظر له وهو يقول :- بحر انا عارف انك بتحبه وعارف كمان انك دخلت له انهارده وانا مامنعتش انك تشوفه وده كفاية ليك اسمع الكلام زى ماصخر مش هيستحمل أذى ليك انا بقا مش عايز حد يشوف وجع اخويا

نظر له بحر بصدمه من كلامه لهذه الدرجة لا يريد رايت اى احد ضعف أخيه كان دائماً يرى حنانه ولأن يرى حنان متضاعف الف مره هز رأسه بقلة حيلة وقال بحزن :- حاضر

ابتسم له صقر وقال وهو ينظر لهم وهم واقفين أمامه :- كل واحد فيكم عنده اخ وبيحبه ومستعد يعمل اي حاجة علشان  وفراس اخويا ياريت يراعى كل واحد منكم  كلامى

هز الجميع رأسه وقال صقر وهو ينظر إلى مراد :- سافر لـ جهاد خليك جانبه يامراد

نظر له مراد بحزن عند ذكر اسم أخيه وهو يهز رأسه بصمت فهو كلما بتعد عنه يشعر بقلب سيخرج من مكانه من شدد قلقه عليه ومن فكرة خساره قطعه من قلبه

انهى صقر كلامه وهو يغادر المكتب ويخرج إلى الخارج، حتى يصعد إلى الأعلى ويكون بجوار هذا الذى يملك قلبه كله، ولكن اوقف صعوده ذلك الصوت الذى قال بنبرة قلقه عليه :- صقر

توقف عن سيره وهو يدير جسده وهو يقول بهدوء :- نعم يافرح

قالت فرح وهى تنظر له بحزن :- صقر انت بقيت طول الوقت شغل أو جنب فراس انا خايفه عليك

نظر لها صقر بضيق من نفسه وهو يقول :- انا عارف انى مقصر معاكى يافرح انا بجد اسف

هزت راسها وهى تعانق وجهه بين يديها وتقول بنفى :- مش مهم المهم انت انا عارفه انك خايف عليه بس ماتعملش كدا فى نفسك كل وحد فينا قلبه مرعوب عليه بس انت بتاذي نفسك

ابتسم لها بجفة وهو يقبل جبينها بحنان ويقول :- فرح انتى اكتر وحدة عارفة انى مش كويس ومش هكون كويس غير لم يفتح عينيه ويكون بخير متتعبيش نفسك انتى وماتفكريش فيا

قالت بدموع :- مقدرش انت خايف عليه وانا كمان خايفه عليه وعليك انت مش بتاكل ولا بتشرب كويس طول الوقت جانبه

تنهد بقلة حيلة وهو يقول :- عايزه ايه يافرح

قالت وهى تسحب يده إلى الأعلى :- عايزك ترتاح تعالا معايا

نظر لها بجمود وهى تصعد به وتدخل به إلى الغرفه وتساعده على خلع ملابسه وهى تقول :- غير هدومك ونام .. نام ياصقر كفاية تعب وقلة نوم

نظر لها بقلة حيله وهو يهز رأسه ويمسك بها ويقوم بتمديدها على الفراش ونوم بجوارها وهو يقول :- حاضر وانتى كمان

ابتسمت له وهى تهز راسها وتغمض عينها وهى تشعر براحة لوجوده بجوارها وهى تقول :- حاضر

بعد عدت دقائق كان ينظر لها وهى تنام بجواره وهو لم يستطيع النوم وقام بنهوض وتغطيتها جيداً داخل الفراش ،وهو يغادر للخارج ويقترب من غرفة فراس وهو يدخل للداخل وينظر له وهو ينام أمام وكان العالم انتهى من حوله، ابتسم له صقر ابتسامه تحمل من الحزن ما يكفى وهو يقترب منه وينظر إلى الممرضة التى حينا رات دخوله همت واقفه وهى تنظر له وهو يقول بأمر :- تقدري تطلعى انتى

هزت راسها وهى تغادر أمامه للخارج وتتركه هو يجلس بجواره على السرير ،وقام بوضع يده على وجهه ويسير بها بحنان عليه ويقول برجاء فى نبرة صوته وضعف لا يخرج الا له :- فراس افتح عنيك

شعر صقر بالحزن من رجاء المتكرر أن يستيقظ ولكن بلا نتيجه فهو مزال على حالته منذ أكثر من شهر ولكن مع ذلك لم ولن يفقد الأمل

امسك يده وهو يرفعها فى اتجاه صدره وهو يعانقها بين يديه الاثنان بتملك وهو ينظر له بتعب ويقول :- انا محتاجك جانبى عارف انى مش هسمع صوتك بس اشوفك بخير قدامى يافراس

تنهد بقلة حيله وهو ينهض ويجلس على أحد الكرسي ويرجع بظهره للخلف وهو يعلق عينه على فراس وهو يحمل الحزن ...،،،

✨✨✨✨✨✨✨✨✨✨✨✨✨✨

* فى الاسفل *

كانت تتحدث فى الهاتف وهى تبكى بصوت يكسوه الحزن وهى تقول :- انت وحشتنى اوى ياجدى انا محتاجلك جانبى

قال بقلق فى نبرة صوته الكبيره :- ايه اللى حصل ياسيلين ياحبيبتى انتى كويسه

قالت بنفى وهى تنظر حولها بقهر :- لا ياجدو فراس لسه مفقش وانا خايفه عليه

قال بحزن فى صوته وهو يقول بقلق :- انا عايز اشوفه ياسيلين عايز اشوف حفيدى مره فى حياتى

قالت بدموع وهى تنظر إلى شرفة التى تخص غرفة أخيها :- صقر رافض اى حد يدخل اوضه مفيش حد بيشوفوا غيروا ياجدى

قال الجد بحنان  :- معلش ياسيلين يابنتى إللى اعرفوا عن صقر أن علاقته بـ فراس مش اى علاقه ياحبيبتى حاولى تهدى وتعرفى أن إللى بتعملى غلط فراس أن شاء الله هيرجع بخير ووقتها كل شئ هيعرف طريقه

هزت راسها وهى تقول بتعجب :- بس هما بعدونى عنه سنين طويله ولسه بيعملوا كدا تنهد الجد وهو يقول بنفى :- لا ياحبيبتى جدك هما مالهمش ذنب اللى حصل كان من سنين واللى جرا كان بايد ناس تانى مش صقر حاولى تكونى كويسه ياسيلين زوجك ملوش ذنب هو بيحبك بلاش تغلطى انتى كمان

قالت وهى تمسح عينها التى تغرقها الدموع :- حاضر ياجدى هعمل إللى بتقول عليه

ابتسم الجد وقال بقلق :- يسلم وجودك ياحبيبتى ابقى طمنينى على فراس ياسيلين قلبى مشتاق ليه

ابتسمت بحزن وهى تقول بتأكيد :- حاضر ياجدى عيونى ليك

قال بنبرة حنونه :- تسلم عنيكى يابتى

أغلقت الهاتف بعد الانتهاء من الحديث مع جدها وهى تنظر للشرفة من جديد وهى تتمنى من الله انتهاء حزنها هذا ...،،،،

✨✨✨✨✨✨✨✨✨✨✨✨✨✨

* فى اليوم التالى *

هبط عمر وهو يغادر للخارج حتى أوقفه صوت بحر وهو يقترب منه ويقول :- عمر على فين

نظر له عمر بضيق وهو يقول :- وانت مالك يابحر

قال بحر بصدمه من طريقه كلامه :- انت بتعمل كدا ليه ياعمر

قال عمر ببرود :- بعمل ايه يعنى

نظر له بحر بغضب وهو يقول :-  انت اتغيرت ياعمر يااخى انت اتاذيت وايه يعنى ماكل واحد فينا اتاذا انا زيك وفراس اللى انت حتى مش هاين عليك تعرف هو عامل ايه ولا حتى فى ايه

نظر له عمر بضيق وهو يقول :-  خلصت ممكن امشي

صرخ بحر فى وجهه وهو يمسك بملابسه ويقول بغضب :- عمر قسماً بالله لو مرجعت عن إللى بتعمله لندمك انت لو فاكر انى هسكت وانا بشوفك بتغلط تبقا غلطان

ابعد عمر يد بحر وهو يقول بغضب ممثل له :- وانت مالك بيا انت مش من بقيت اهلي انت كمان متدخلش فى حياتى

ابتسم بحر بسخرية وهو ينظر له ويقول :- لا ليا ياعمر انت صاحبى وانا اتخليت عنكم انتو الاتنين زمان ودلوقتى لا

قال عمر وهو يضع يده على كتفه :- زى ما تحب روح كون مع الحلو إللى فوق وفكك منى انا

نظر له بحر بصدمه وهو يقول :- انت ايه اللى جرا لعقلك مش ده كمان صاحبك اللى كنت مستعد تعمل اى حاجة علشان تعرف هو فين حتى

قال عمر وهو ينظر له بجمود :- كان ... كل واحد منكم كانت ليه مكانه فى حياتى وراحت عن ازنك

ظل ينظر له بحر وهو يغادر ويصعد سيارة وينطلق بعيداً عنه لم يبعد بحر أنظاره عنه وهو يفكر فى انقلاب حاله إلى شخص آخر كأنه ليس بعمر صديق عمره الذى يعرفه طوال حياته ،كل هذا يحدث تحت أنظار أحد ما يراقب كل شئ يحدث بفرحة واعجاب بما يحدث مع الجميع من كره لأحدهم الآخر ...،،،

✨✨✨✨✨✨✨✨✨✨✨✨✨✨

* فى الاعلى *

نهضت وهى تبحث عنه بجوارها على الفراش ولكن لم تجده وهى تنهض بفزع وهى تراه يقف امامها وهو ينظر لها ويقول بصوت حنون لها :- اهدى انا هنا

ابتسمت وهى تقول بقلق :- نمت كويس

نظر لها بجمود وهو يقول بنفى :- لا

قالت بحزن وهى تنظر له بابتسامة بسيطة ولطيفة :- مش مهم المهم انك نمت

ابتسم لها وهو يستدير ويتوجه إلى الخارج وهو يقول بحب ونبرة تشعر هى بها تحمل الحزن الذى يحاول إخفائه عنها :- انا عندى شغل مع السلامه

هزت راسها بقلة حيلة وهى تنظر له بقلق وحزن عليه وعلى فراس الذى تتمنى رؤيته ولكن يمنع اقتراب اى احد منه ،تنفست بحزن وهى تضع يدها على بطنها التى انتفخت قليلاً وهى تقول برجاء :- بتمنى لو عمك يفوق علشان باباك من غيره ولا حاجة

ادمعة عينها بحزن وهى تنهض وتستعد للهبوط للاسفل...،،،،

✨✨✨✨✨✨✨✨✨✨✨✨✨✨

* فى غرفة فراس *

دخل غرفته مثل كل يوم ولكن لم يجد أحد من الممرضات وهو يبحث عنهم بعينه وهو لا يراهم ،داخل الغرفة شعر بالضيق من فكرة عدم الاعتناء به أو التأخر عنه، حاول الهدوء وهو يبتسم له بشوق وهو يقترب منه ويقوم بتقبيل رأسه بحنان قائلاً :- صباح الخير

نظر صقر اليه وهو لا يجيبه ردد من جديد بنبرة تحمل الضيق قائلاً :- انهاردة هسافر علشان فى دكتور كويس فى ألمانيا هيجي علشان يطمن عليك

وقال من جديد وهو ينظر له بحزن ويضع يده برفق على جرحه حتى لا يؤلمه قائلاً بضيق فى نبرة صوته :- باقى شخص وحد بس وهكون نهيت على كل شخص كان السبب فى وجعك كل وحد نزل نقطه من دمك صفيت دمه بيدي

ابتسم بحزن وهو يمسك يده ويمرر اصبع يده على ذلك الجرح الذى قام بفتعاله على يده بكره وهو يغمض عينه ويقول بالم :- كان نفسي انتقم من نفسي بس سبت المهمه دى ليك وقت ماترجع انت بنفسك هتقرر عقابي ايه بس بلاش عقابك ده يافراس

ترك يده وهو ينهض ويدير ظهره وهو يقول :- انا همشى ومش هغيب كتير عليك

فتح عينه وهو يشعر بنور شديد يلمع فى زرقة عينه وهو يفتح ويغمضهم مجدداً حتى قام بفتحهم اخيراً بصعوبه ،وهو يحاول تحريك رأسه فى جهة أخيه الذى يسير أمامه رفع يده وهو يحاول أن يخبره بتوقف ولكن لم يتوقف ،حاول تحريك شفتيه وهو لا يعلم ماذا يفعل حتى نطق باسمه مره ولم يستطيع وهو يضغط على نفسه مره اخرى وهو يخرج اسمه بصعوبه وصوت يجاهد للخروج وهو يقول :- ص.ق.ر

" لم يكمل بعض الخطوات وهو يسير للخارج حتى أوقفه هذا الصوت الذى جعل قلبه يتوقف عن النبض قبل قدمه التى تسير ،فهو لم يسمع صوته منذ سنوات ولكن عند نطق اسمه شعر بمن نزع قلبه من مكانه وهو يشعر بالدموع تعرف سبيلها على وجهه، حاول ان يستدير وينظر له وهو يفتح عينه الزرقاء تلك التى كان يتمنى أن يدفع عمره لرايتهم مره اخرى، ظل ينظر له وهو لا يستطيع الحركه أو الاقتراب منه وهو يوملي نظره منه، وهو يحاول رفع يده للأعلى امام عين صقر الذى ينظر له وهو يقول مره اخرى بصوت متعب ويخرج  منه بصعوبه  :- ص.ق.ر

اقترب منه صقر بسرعه وهو يجلس بجواره وهو يقول بقلب يكد يتوقف من شدة فرحته وهو ينظر إليه بدموع :- فراس

ــــــــــــــــــــــــــــــــــــــــــــــــــــــــــــــــــــــــــــــــــــــــ

قراءة ممتعة للجميع 🦋