بين نار ورماد

---

الفصل التاسع عشر: بين الرماد ونار

صوت الانفجار هزّ الأرض، والدخان غطّى كل حاجة.

كنت بحاول أتنفّس، عيني مش شايفة غير ضباب أسود، وصوت الصرخات متداخل مع صفّارات الشرطة.

جريت جوه المبنى، كنت بدوّر على سامح ولي بيونغ هون، قلبي مش عارف يخاف على مين أكتر.

وفجأة، سمعت صوت بيقول ورايا:

"جنة!"

استدرت، شُفت لي بيونغ هون، هدومه متسخة من الرماد، والدم على جبينه، بس عينه سابت كل حاجة وجات فيّ.

قال وهو بيقرب:

"كنتِ ممكن تموتي! ليه دايمًا بتجري ناحية النار؟"

رديت وأنا بحاول أتنفّس:

"عشان اللي بحبهم جوه."

ما لحقتش أكمل، لقينا سامح واقع على الأرض، إيده مصابة.

جريت عليه، سندهت راسه على ركبي، ودموعي نزلت تلقائي.

"سامح… سامح، كلّمني!"

فتح عينه بصعوبة، وضحك ضحكة ضعيفة:

"كل مرة تقوليلي ما تتصرفش بتهوّر، والمرة دي أنتي اللي عملتيها."

قلت وأنا بحاول أضحك وسط الدموع:

"اتعلمت من أفضل دكتور ومجنون في نفس الوقت."

لي بيونغ هون كان واقف ورايا، ساكت.

نظراته رايحة جاية بيني وبين سامح، وكل ثانية بتكسر حاجة جواه.

حاول يخبّي إحساسه، وقال بصوت خشن:

"لازم نخرجه فوراً، المكان ممكن ينهار."

خرجنا بسرعة، ساعدني يشيله، والإثنين مصابين — سامح في جسمه، ولي في قلبه.

في عربية الإسعاف، وأنا ماسكة إيد سامح، شُفت في المراية عيون لي بيونغ هون بتبص علينا.

نظرة وجيعة… زي وداع من غير كلام.