بعد المهمة

---

الفصل السادس: بعد المهمة

رجعنا القسم بعد ما خلصنا المهمة، وكان الليل نازل على سيول بهدوء غريب. المدينة كلها منوّرة، بس قلبي كان لسه عايش اللحظة اللي سحبني فيها فجأة.

دخلنا المكتب، وهو ماسك الملف ووشه جدّي، بس عنيه فيها نظرة مش مفهومة.

قال وهو بيكتب التقرير:

"كنتِ شجاعة النهارده، على قد أول مهمة ليكي."

قلت بابتسامة صغيرة: "يعني نجحت؟"

ردّ وهو بيبصلي بنص نظرة: "نجحتي أكتر من اللي كنت متوقعه."

ضحكت بخجل، بس فضلت عينيا عليه، وبدأت ألاحظ تفاصيله أكتر:

طريقة كلامه الهادية، إزاي بيشد شعره بإيده لما بيفكر، والوش اللي صعب تقريه، بس تحسيه دافئ من جوه.

خلص التقرير، وقف وقال:

"تعالي، نطلع نهوّي شوية قبل ما تروحي."

طلعنا فوق سطح القسم، الهوا البارد كان بيخبط في وشّي، وهو واقف جنبي ساكت.

قال بعد لحظة صمت:

"جنّة… ليه جيتي تشتغلي في المكان ده؟ أغلب اللي بيجوا من منح بيفضلوا الأمان."

ردّيت وأنا ببص على المدينة:

"يمكن علشان الأمان ممل، وأنا بدوّر على معنى."

بصلي نظرة طويلة… النظرة دي كان فيها كل حاجة: إعجاب، فضول، واحتمال كبير لحاجة تانية بتتكوّن بهدوء.

وقتها حسّيت إن الليلة دي مش هتتنسي.

اختر خط القراءة