ظل الخطر

---

الفصل الخامس: ظلّ الخطر

ركبنا العربية، وأنا بحاول أظهر إني متماسكة، بس الحقيقة إن وجوده جنبي كان كفيل يخليني أنسى نفسي.

قال وهو بيشيك على الملف:

"المهمة بسيطة، فيه بلاغ عن شحنة مشبوهة في الميناء، هنروح نتحقق."

نبرة صوته كانت فيها ثقة غريبة، وثبات يخلي الواحد يحس بالأمان وهو معاه.

سألته: "إنت دايمًا كده هادي؟"

بصلي وقال بابتسامة خفيفة: "الهدوء بيخلي العدو يتهور."

ضحكت رغم توتري. الجو في العربية كان مشحون بس مش خوف… حاجة تانية، فيها انجذاب خفيّ، مش متقال بس باين.

وصلنا الميناء، وقف العربية وقال: "خلي بالك يا جنة، هنا مفيش تدريب… هنا الواقع."

مسكت السلاح، قلبي بيخبط بسرعة وأنا بحاول أبدو قوية.

كنا بنتحرك بخطوات حذرة، وفجأة سمعنا صوت حركة، مدّ إيده بسرعة وسحبني ناحيته، جسمي اتشد على صدره.

قال بصوت واطي: "متتحركيش."

ثواني معدودة، بس كانت كفاية أحس فيها إن كل حاجة حوالينا اختفت.

بعدها اتضح إن الإنذار كاذب، واللي سمعناه مجرد قطة.

ضحك وقال: "أول مهمة… وعدت على خير."

بس أنا كنت لسه حاسة بنبض قلبه القريب مني، وقلت في سري:

"يا ترى دا خطر الشغل… ولا خطره هو❤️

اختر خط القراءة