رجوع للنور ❤️

---

الفصل الحادي عشر: رجوع للنور

الشمس كانت دافية يوم خروجي من المستشفى.

وقفت عند الباب لحظة قبل ما أطلع، كأنّي بخطوة واحدة بسيب ورايا وجع عمره تلات شهور.

سامح كان جنبي، شايل شنطتي، بيبص عليا كأنّه بيشوف حلم اتولد من جديد.

قال بخفة:

"مستعدة ترجعي للعالم؟"

قلت وأنا بابتسم:

"أهو العالم هو اللي كان مستنيني."

نزلنا سوا للساحة، ريحة الهوا، وصوت الناس، وكوريا كلها بتحسّسني إن الحياة رجعت ليّ.

ركبنا العربية، طول الطريق ما اتكلمناش، بس الصمت كان مريح.

كل واحد فينا عايش لحظته، فاهمها من غير كلام.

لما وصلنا السكن، وقف سامح وقال قبل ما أنزل:

"جنة، عايزك تاخدي بالك من نفسك… المرة دي مش عايز أشوفك بتتأذي تاني."

ضحكت وقلت:

"هحاول، بس أنت اللي متورطني في الخطر دايمًا."

ضحك وقال:

"يبقى نواجهه سوا المرة دي."

بعدها بأيام، بدأت العلاج الطبيعي. كل خطوة كنت باخدها، كان هو هناك، يراقبني، يشجعني، يضحك لما أتعب، ويشد على إيدي لما أضعف.

لي بيونغ هون كمان زارني مرة، بص عليا وقال بابتسامة هادية:

"رجعتي أقوى من الأول."

رد سامح بسرعة:

"أكيد… دي جنة."

الليلة دي وأنا نايمة، حسّيت بحاجة مختلفة… مش بس إني عايشة، لأ، إني اتولدت من جديد في بلد غريبة، وسط ناس جم من مصيرين مختلفين، وربطهم القدر بخيط رفيع اسمه الحب بعد الخطر.