بداية حلم

---

الفصل الأول: بداية الحلم

كنت بحلم من وأنا صغيرة أسافر كوريا، أدرس هناك وأعيش تجربة مختلفة. كنت دايمًا أشوف صور الجامعات والشوارع هناك، وأقول لنفسي: "يوم ما هكون واحدة من الناس دي."

وبعد سنين انتظار، أخيرًا اتحقّق الحلم. أنا جنة، طالبة فى شرطة دى اخر سنة ، واتقبلت في منحة لجامعة سيول.

في أول أسبوع ليا، صحابي "كيم مي سو" و"هانا" قالولي إن في دكتور جديد هيشرح مادة تحت تدريب، وكل البنات كانوا متحمسين يسمعوه لأنه "مُز" على كلامهم. دخل المدرّج، وفعلاً كان حضوره مختلف… هادي، ووشه فيه وقار يخوف شوية.

بدأ يسأل كل واحدة عن اسمها، ولما جه دوري وبصلي، حسّيت بحاجة غريبة.

قالّي: "اسمك إيه؟"

قولت له: "جنة."

بصّ في عيني لحظة طويلة كأن الوقت وقف، وبعدين قالّي بهدوء: "اقعدي."

بس اللحظة دي فضلت معايا.

خلصت المحاضرة، وأنا خارجة سمعت صوته بينده: "جنة!"

التفتّ بسرعة، قالّي: "هو إنتي مصرية؟"

قولت: "أيوه."

ابتسم وقالّي: "وجيتي هنا إزاي؟"

حكيتله عن المنحة، سألني لو عندي وقت فاضي نشرب قهوة، وافقت وأنا حاسة بدقّات قلبي بتسبقني.

قعدنا نحكي، وسألني: "إنتي مرتبطة؟"

وشّي احمَر، قلت: "لأ."

ضحك وقال: "كسفتي ليه؟ ده سؤال عادي."

رجعت السكن وأنا مش قادرة أركّز. صحابي سألوني كنت فين بعد المحاضرة، قولتلهم "كنت بتمشّى شوية"، بس ضحكوا وقالولي: "إحنا شايفين دكتور سامح كان مركز معاكي قوي!"

ضحكت معاهم، بس قلبي كان في حتة تانية.

تاني يوم، وأنا في الحرم، حصلت حاجة غريبة… حد كان بيضايقني، وفجأة ظهر هو.

قالّي: "في إيه يا جنة؟"

حكيتله، ولقيت وشه متغيّر، عينيه فيها غضب.

قال للولد: "اطلع برة."

وبعد ما مشي، بصلي وقالّي بهدوء: "متخافيش."

ومن اللحظة دي… قلبي بقى مش زي قبلها.

---