ما بينى وبينه

---

الفصل الرابع عشر: ما بيني وبينه

بعد المهمة بيومين، كان كلٍّ فينا محتاج هدنة.

سامح كلمني وقال:

"تعالي نخرج شوية… بعيد عن المستشفى والميدان."

صوته كان فيه دفء مطمّن، مخليني حتى التعب يختفي.

روحنا مكان على النهر، الإضاءة خافتة، والجو كله نسيم وهدوء.

قعدنا في ركن صغير، قدام كوب قهوة سخنة.

فضل ساكت شوية، وبعدين قال:

"أنا كنت بحاول أستنى الوقت المناسب، بس مفيش وقت مناسب… أنا بحبك يا جنة."

الكلمة وقعت بينا بهدوء، بس هزّت كل حاجة جواي.

اتجمدت لحظة، وبعدين ابتسمت وقلت بصوت واطي:

"كنت مستنياك تقولها."

ضحك بخجل خفيف، وقال:

"يعني وافقتِ؟"

رديت:

"هو في دكتور زيك أقدر أرفضه؟"

قعدنا نحكي ونضحك، نسينا الوقت.

الموسيقى الخفيفة في المكان، والأنوار المنعكسة على الميّة، كلها كانت شاهدين على أول لحظة صدق بينا.

في اللحظة دي حسّيت إن كل الوجع والغياب اتنسى، وإن الحياة رجعت ليّ بمعناها.

لكن الفرح عمره ما بييجي من غير همس خطر…

بعد ما رجعنا، القائد ناداني.

قال وهو بيقلّب في ملف قديم:

"جنة، في حاجة لازم تعرفيها… العصابة اللي هاجمتكم قبل كده ليها علاقة بعيلتك في مصر."

الدنيا اتجمدت.

الكلمة علقت في وداني كأنها رصاصة تانية، بس دي دخلت في القلب.

طلعت من المكتب، سامح كان مستنيني برا، أول ما شاف وشي عرف إن في حاجة.

قال بخوف:

"في إيه يا جنة؟"

نظرتله، وقلبي بيتقل في صدري:

"اللي بنواجهه… مش بعيد عني زي ما كنت فاكرة."

---