المهمة جديدة 🇰🇷

---

الفصل الثامن: ما بين الرصاصة والنظرة

اليوم بدأ بدري، والجو في سيول كان مايل للبرد.

كنت واقفة في ساحة القسم، والكل بيتجهّز لمهمة جديدة.

لي بيونغ هون كان واقف قدام العربية، ماسك الخريطة بعناية وقال بصوته الثابت:

"النهارده عندنا مداهمة في المخزن القديم… خليكِ ورايا، مفهوم؟"

هزّيت راسي وأنا بحاول أخفي القلق. كانت أول مهمة كبيرة ليا بعد الميناء.

ركبنا، والطريق كله ساكت غير صوت المطر الخفيف اللي بيخبط على الزجاج.

في اللحظة دي، كنت ببصله، وبقول في نفسي:

"الراجل ده غامض… بس وجوده يطمن."

وصلنا المكان، دخلنا بخطوات حذرة، الهوا كان تقيل، والظلمة عاملة رهبة.

هو قال بهدوء:

"غطي الناحية التانية، وأنا هخش من الباب الخلفي."

حركت راسي بسرعة، وبدأت أتحرك، قلبي بيدق بسرعة، ويدي على السلاح.

كل حاجة كانت ماشية تمام… لحد ما سمعت صوت خبط مفاجئ، رفعت سلاحي، وبعد لحظة قصيرة دوّى صوت طلقة.

حسّيت بحرارة بتخبط في جنبي، بس كملت أتحرك لحد ما خلصنا المداهمة.

هو جري ناحيتي أول ما شاف الدم.

"جنة! فيكي إيه؟"

قلت وأنا بحاول أبتسم:

"ولا حاجة… تمام."

بس الخطوات بدأت تبطأ، والدنيا ضباب.

الآخر حاجة شُفتها كانت هو، بيجري ناحيتي، عينيه كلها قلق.

وصوته العالي قبل ما أغيب:

"جنة!!"

بعدها سكون…

وبعدين، لما فتحت عيني، كنت لسه حاسة بضغط على جنبي، وصوته بيهمس جنبي:

"خلاص… الرصاصة عدّت، وإنتي بخير."

نظرتله، وقلت بصوت واطي:

"شكلك اتخضيت."

ابتسم ابتسامة خفيفة وقال:

"أكتر مما تتخيلي."

---