نار تحت رماد

---

الفصل الثالث عشر: نار تحت الرماد

رجعت الشغل بعد أسابيع من العلاج، ولسه الإحساس برجلي مش ثابت، بس الحماس كان سابقني.

دخلت القسم، لقيت لي بيونغ هون واقف بيتكلم مع القائد، وسامح بيقلب في ملفات في الجنب.

القائد بصلي وقال:

"جنة، المهمة دي محتاجة دقة… وهتشتغلي مع الفريق ده."

قلبي خبط. الفريق ده يعني هما الاتنين.

ابتسمت بثقة مصطنعة وقلت:

"تمام، جاهزة."

تحركنا مع بعض نحو العربية. الطريق كان ساكت إلا من خطواتنا.

سامح سأل بنبرة عملية:

"الهدف فين بالظبط؟"

لي بيونغ هون رد وهو بيبص في الملف:

"مخزن مهجور في جنوب سيول، فيه شحنة سلاح مهربة."

ركبنا العربية، الجو كله توتر ساكت.

كنت قاعدة في النص، لي على اليمين، وسامح على الشمال.

كل واحد فيهم بيتعامل باحتراف، لكن من جوه في حرب صامتة.

سامح بيراقب تصرفاته، ولي بيونغ هون كل ما يتكلم، عينه تسرقني من غير قصد.

وصلنا الموقع، والليل كان ساكن إلا من صدى خطواتنا.

أنا وسامح اتقسمنا ناحية اليمين، ولي ناحية تانية.

فجأة سمعنا صوت حركة، صرخت:

"احذر!"

رصاصة عدت جنب سامح، ولي جري بسرعة، سندني قبل ما أقع وأنا برد النار.

المكان كله اتقلب.

دخان، صوت رصاص، وأصوات صياح في الخلفية.

سامح صرخ:

"جنة، وراكي!"

استدرت بسرعة، وضربت آخر واحد كان بيقرب.

بعد ما خلصنا، وقفنا كلنا بنتنفس بصعوبة.

لي بيونغ هون بصلي وقال:

"لو اتأخرت ثانية، كنتي دلوقتي مصابة تاني."

سامح رد بنبرة حادة شوية:

"بس اللي أنقذها أول مرة أنا."

سكتنا…

بس كان واضح إن الحرب الحقيقية لسه ما بدأتش — لا في الميدان، ولا في القلوب.