اول خطوة بعد غياب ❤️

---

الفصل العاشر: أول خطوة بعد الغياب

تاني يوم من غيبوبه، الممرضة دخلت بابتسامة دافية وقالت:

"الدكتور سامح هنا من بدري… مستني إذنك يدخل."

بصيت ناحية الباب، وفعلاً كان واقف، ماسك ورد أبيض بسيط، عينيه فيها راحة بعد حرب طويلة.

دخل بهدوء، وقال وهو بيحاول يخفي تأثره:

"صباح النور يا بطلة."

ضحكت بصعوبة:

"بطلة إيه… أنا نايمة بقالى تلات شهور."

رد وهو بيقرب مني:

"ومافيش حد بيقوم من تلات شهور نوم غير الأبطال."

قعد جنبي، قرب الكرسي، ومسِك إيدي كأنه بيطمن نفسه إنها فعلاً حقيقية.

قال:

"العملية نجحت الحمد لله… بس هتحتاجي علاج طبيعي بسيط علشان جسمك يرجع زي الأول."

هزّيت راسي وأنا بحاول أرفع إيدي التانية. كانت تقيلة، بس لمّا شُفته بيشجعني بابتسامته، لقيت نفسي بعملها.

قال فجأة، بصوت ناعم:

"أنا عايز أقولك حاجة… كنت بعد كل عملية أو كشف، أرجع هنا، أقعد أتكلم معاكي كأنك سامعاني. كنت فاكر نفسي مجنون."

بصيتله، وقلبي اتخبط جوه صدري:

"بس أنا كنت سامعاك يا سامح… حتى لو مش قادرة أرد."

سكت، والعينين اتكلمت لوحدها.

الدنيا في اللحظة دي كانت ساكتة، بس جوايا كان في صوت واحد بيقول إن دي مش مجرد نجاة… دي بداية جديدة، بيني وبينه، ما بين الحياة والموت، ما بين أول نظره وآخر نفس ❤️