شرط آسر

كانت ليال واقفة فوق السطح رافعة نظرها للسما تراقب القمر وكأنه يسمعها ويفهم ويش بقلبها نزل المطر بهدوء يلامس وجهها والهواء البارد يلفها كحضن خفي يواسيها سكون الليل كان غريب هالمره مو نفس كل ليله كأن فيه شي يتكون شي كبير شي بيغير كل حياتها

حست بقلبها يدق بطريقة مختلفة إحساس غريب ما قد مر عليها إحساس إن حياتها على وشك تنقلب وإن الأيام الجاية مخبية لها أشياء عمرها ما توقعتها

بس ما كانت تدري وش هو.

في اليوم الثاني صباح يوم جديد وأول يوم مدرسه

رن المنبه قامت ام ليال (نوره) توضت وصلت وبعدها راحت تصحي البنات دخلت الغرفة وهتفت بصوت عالي وفيه حزم

يلا قوموا يا بنات مدرسة

تقلبت ليال بفراشها وفتحت عيونها بالقوه وهي تقوم بكسل: طيب طيب قمت

نورة وهي تفتح الستاره: يلا بسرعة لا تتأخرون

جلست لارا بفراشها وتنهدت: خلاص قمت

التفتت ليال لامها وسألتها وهي تحك عينها: كم الساعة

نورة: خمس ونص

هنا صرخت ليان من تحت اللحاف بضيق: اوف خلينا ننام لين ستة ونص تكفين

نورة: يلا بلا كسل طفشتوني

قامت لارا وأخذت منشفتها وبقت تدخل الحمام بس ليال استغلت الفرصه وركضت بسرعه البرق سبقتها وقفلت الباب وراها وهي تضحك ضربت لارا الباب بقهر

لارا: يا حمارة أنا كنت بدخل

ضحكت ليال من الداخل وبدت تغني بأعلى صوتها علشان تقهرها زياده

تمتمت لارا بتذمر وهي تبعد: والله إنك كريهة

نروح بيت بشرى" صديقه ليال الروح بروح يدرسون مع بعض من اول متوسط علاقتهم قويه" وبشرى تشبه ليال بتصرفاتها بس فيه اختلاف بسيط بالطباع

صاحت بشرى وهي تهز اختها بقوه: نوره قومي اخلصي

نوره بصوت مكتوم من تحت المخده: يختي فيني نوم سيبيني

بشرى ببرود وهي تمشي: براحتك باقي نص ساعة ويجي الباص

قفزت نوره من سريرها اول ما سمعت كلمة باص وبدت تلبس سريع

دخل تركي( خال بشرى) الغرفه وهو يبتسم بخبث

يقول: مين عادها ماصحت عشان أصب عليها مويا

التفتت له بشرى وهي تضحك: لو كنت جت قبل خمس دقائق

اقترب تركي من بشرى وخرب شعرها

صرخت بشرى وهي تحاول تبعد يده: يا حمار

وتجري وراه بالممر تبقى تضربه وهو يضحك عليها

( علاقة البنات بخالهم قويه مره كانه اخوهم مو خالهم هو متعلق فيهم وهم متعلقين فيه)

طلعت ليال أخيراً من الحمام وهي تنشف وجهها

طالعتها لارا بنضرة قهر وقالت بسخرية: أخيراً شرفتي

قلبت ليال عيونها بملل ومشت من جنبها بدون ما ترد

ودخلت الغرفة لقت ليان رجعت تنام قربت منها وصاحت بقوه عند أذنها:لااا والله للحين نايمة

قامت ليان مرعوبه وحطت يدها على قلبها: بسم الله خوفتيني أحد يصحي كذا

ردت ليال بابتسامة نصر: إيه أنا

اخذت ليان المخده ورمتها عليها بغيظ مسكتها ليال ورمتها عليها المخده وهي تضحك وهربت برا الغرفه

وليان تصارخ وراها: يا حماره والله لارويك

دخلت ليال غرفتها لبست ليال المريول وفكت شعرها ولبست ساعتها وإكسسواراتها وجهزت شنطتها

وفي مكان ثاني كانت الهموم فوق راس جلال اللي قاعد بمكتبه ومضايق مسك جواله ويده ترجف واتصل على اخوه وبصوت مخنوق قال:يا راشد بيودوني السجن

اعتدل راشد في جلسته وقال بصدمه: وش مسوي من مصيبة

جلال: مديون وأبغى أسدد بس ما أدري كيف

تنهد راشد بضيق وعاتبه: وأنت خليت أحد ما تسلفت منه كم مرة أنبهك تترك العشوائية والخرابيط هذي

قاطعه جلال بنفاذ صبر وقهر: الحين أنا داق عليك عشان تعطيني حل مو تعطيني محاضرة

راشد: طيب تبغاني أقول لك وش نسرق بنك مثلاً

وأنا لو عندي كان عطيتك بس أنت عارف ظروفي

نزل جلال رأسه بيأس: يعني خلاص أنسجن

راشد: وش تبغاني أسوي لك يعني

عند البنات الباص متأخر والبنات ينتضرون

ليان بملل: الباص تأخر

لارا : أوف يختي إذا ما جا برجع أنام

ليال: مو من جدك أنا عن نفسي بمشي

اللتفت لها ليان: لا والله ما أمشي بهالشمس

قاطعتها ليال وهي تأشر بيدها: اسكتي هذا صوت الباص

اول ما وصلوا المدرسة ركضت بشرى بتجاههم وهي تبتسم:ليااال

ليال بضحكه: بشششرى يا كلبة وحشتيني

طالعتهم لارا وضحكت وقالت لليان: شوفي شوفي الحين بيبكون

ضحكت ليان: هههههههههه خلاص بدت الدراما

نورة: تراكم أوفر مرة

ليال ما اهتمت وضمت صديقاتها : والله اشتقت لكم مره

وفي مكان ثاني عند الشباب كان لؤي يطالع في آسر بذهول وعدم تصديق

لؤي: أنت صاحي مستوعب وش تقول

لمعت عين آسر بنبرة انتقام وهو يرد ببرود : أبغى أقهره أبغاه يموت من القهر

لؤي بحزن : فاهمك بس حرام كذا بتظلمها

آسر بقسوه: أبغى أقهره ببناته

لؤي : وأنت مفكر بيرضى يزوجك بنته بسهولة

ابتسم آسر بسخرية: عشان ما ينسجن بيزوجني كل بناته مو بس وحده

هز لؤي رأسه بعدم رضى: ما أتوقع واضح إنه متعلق ببناته

تحداه آسر بنضره حاده: بتشوف

حاول لؤي يرجعه لعقله: لا يخليك الانتقام تعمى البنت مالها ذنب

قاطعه آسر وهو ينهي النقاش: يلا مع السلامة

لؤي: متى راجع

آسر: بكرة الصباح

لؤي: انتبه لا تسوي شي له

آسر: زي وش

لؤي: زي إنك تأذيه

تغيرت ملامح آسر وقال بنبره مرعبه: لا أنا ما أبغاه يموت بسرعة أنا ابقاه يتمنى الموت

وفي المكتب جلال كان أحمد جالس معاه يحاول يهديه

جلال بقهر: الله ياخذه

أحمد وهو يعاتبه: وأنت أي واحد تثق فيه

جلال بنبره مكسوره: أنا وش دراني إنه حقير

تنهد أحمد وقال: الحين لو ما دبرت الفلوس بتخسر كل شي وبتدخل السجن

فجأة وبدون سابق إنذار انفتح باب المكتب بقوه وصقع بالجدار ويدخل آسر بكل هيبه وثقه

وقف جلال وهو مفجوع وصاح: بسم الله من سمح لك تدخل بهالطريقة وبعدين أنت مين

آسر بكل هدوء وجبروت مشى وجلس على الكرسي وحط رجل على رجل

انفجر جلال بوجهه وصرخ: من سمح لك تجلس وما جاوبت على سؤالي أنت مين

ضحك آسر بسخريةزوطالعه من تحت ل فوق: أنا اللي بيسدد دينك

قعد أحمد ساكت يناظر بذهول من الصدمه أما جلال ف عقد حواجبه وقال بنبرة شك: وش

اعتدل آسر بجلسته وقال: اجلس ليش واقف واطلب لي موية حلقي ناشف

وكمل وعيونه مثبته على جلال: أنا بدفع كل المبلغ بس بشرط

جلال بعدم تصديق: أنت مين وليه تبغى تسدد

آسر بملل ونفاذ صبر : ما أحب الكلام الكثير قول موافق ولا لا

التفت جلال يناظر أحمد يستشيره وأحمد هز رأسه له بالموافقه ما باليد حيله السجن وارهم

التفت جلال لآسر : وش شرطك

طالعه آسر بنضره غامضه وقال بكل برود: أبغى أتزوج

جلال: وش المطلوب مني

ضحك آسر بسخرية: شكلك غبي لا مو شكلك أنت أكيد غبي ولا ما كان أحد ضحك عليك

ضرب جلال الطاولة بيده وقام وهو فاقد أعصابه:احترم نفسك وانت ما تعرف أنت وين أنت الحين بمكتبي

رد آسر وهو يطالعه من فوق لتحت: آه يا عمي لا تزعل بنصير أقارب

جلال وهو يرتجف من الغضب : أنت وش تخبص

وقف آسر وقرب منه وهو يقول: أوه صح نسيت إنك غبي ولازم أشرح الموضوع بسيط أنا أسدد دينك وأنت تزوجني بنتك ليال

توسعت عيون جلال بصدمه ورعب وصرخ بأعلى صوته وهو يأشر على الباب :أنت صاحي تسمع نفسك وش تقول اطلع براااااا

اما آسر فما تحركت فيه شعره بل ابتسم بثقه مستفزه وطالعه ببرود وهو يقول: لو طلعت بتندم لأنك وقتها بتدخل السجن

مد يده ل جيبه واخرج ورقه صغيره رماها على المكتب قدام جلال وهو يقول:أوه نسيت أعطيك رقمي عندك لين بكرة الصباح وبعدها ينتهي العرض

ودار وجهه وطلع بكل برود وثقة

قفل جلال باب المكتب وراه بعصبيه وهو يصارخ بقهر

: الحقير مين هو عشان يكلمني كذا

اما أحمد فكان لسه مصدوم ومشلول من هول المفاجأة

أحمد: ذا مو طبيعي وش هالثقة

جلال: موته بيكون على يدي