القاهره - 1990
شقة في الزمالك ساكن فيها شاب اسمه "احمد". كان موظف في شركه استيراد وتصدير لكن تصرفاته كانت غريبة جدا لدرجة خلت الجيران كلها تشك فيه.
الجيران كانو دايما بيسمعوا أصوات غريبه من الشقة ؛ مرة بنت بتصرخ ومرة صوت شخص بيتكلم بطريقة مرعبة جدا.
محدش كان يعرف سره غير البواب عم محروس.
فضل احمد فتره كبيرة جدا مبيخرجش من الشقة لدرجة أن الجيران شكوا أن حصل حاجه ل احمد. قرروا يبلغوا البوليس ويدخلوا…
منظر بشع جدا احمد ميت علي الارض وشبه متحلل.
ووسط الذهول عين محروس تتغير لأسود
ويقول:
انتوا اخدوا جسمه ولكن ماخدوش روحه.
محدش ابدا كان فاهم هو يقصد اي ومحدش حاول يفهم.
وانتهت التحقيقات علي أن القاتل شخصيه مجهوله وتتأيد القضيه تضد مجهول وتتقفل تماما.
القاهره ـ 2024
الدكتوره "هند" دكتورة نفسيه بتشتغل في مستشفي خاص.
أستاجرت شقة 9 ؛ لأنها كانت أقرب مكان لشغلها.
وقتها عم محروس كان في أواخر الستينيات من عمره. وطبعا الشقة مقفولة بقالها اكتر من 30 سنه محدش كان يفكر يسكن فيها.
وصلت هند العمارة وقابلت عم محروس.
-اكيد انتِ الدكتورة هند.
=ايوا أنا هند.
-نورتي يا استاذة، أنا اسمي عم محروس ولو احتاجتي اي حاجه نادي بس عليا.
=شكرا جدا لحضرتك
وانتهي بينهم الحديث وطلعت هند الشقة وبدأت توضب في حاجتها.
وجه الليل وبدأت اسمه صوت بكي طفل مزعج جدا وقالت عادي ممكن حد من الجيران أو حاجة.
وهي بتجهز للنوم جالها مكالمه من صاحبتها
-ايه يبنتي اخبارك ايه في الشقة الجديده؟
=حلوه. بس فيه طفل زنان اوي عند الجيران مش مبطل عياط.
قالت صاحبتها بضحك:
- عادي كلهم كده بكره تتجوزي ويبقي عندك طفل زيه.
=بس يا شيخه بعد الشر.
وهي بتتكلم في التليفون كانت خارجه من الاوضه وبالصدفة شافت نور المطبخ منور فضلت واقفه مكانها وحاسه بخوف ممذوج بصدمه وفجأة قطع شرودها
-الو هند يا هند روحتي فين!!؟
=ايه؟ معاكي اهو…
-سكتي ليه مره واحده انتي كويسه؟ حصل حاجه؟
= لا لا ده انا افتكرت أن عندي شغل لازم اسلمه بكرة، هكلمك بعد ما اخلصه.
-ماشي هستناكي متتاخريش.
=حاضر سلام.
-سلام.
وقفلت المكالمه وراحت للمطبخ وقفلت النور وقعدت تقنع نفسها أنه عادي ممكن تكون نسيته ودخلت ولكنها كانت خايفة.
هند في الاول كانت خايفه من الأقاويل اللي بتتقال علي الشقة بس رجعت قالت عادي مفيش حاجه.
عدي اليوم الأول والثاني وبعد الموضوع ده بأسبوع حصل عطل في الكهرباء بتاعت العمارة وكانت فاصلة علي العماره كلها.
وقتها هند كانت قاعدة في اوضتها ورجعت تسمع صوت البكي للمره التانيه بس المرادي مصدر الصوت كان الشقة…
بدأت هند تحس بالخوف جدا ولكن استجمعت شجاعتها وقررت تخرج تشوف ايه اللي بيحصل في الصالة وكانت المفاجأة أنها لما خرجت ملقتش اي مصدر، والصوت سكت.
رجع الصوت تاني بس المرادي من الأوضة اللي وراها، وقتها افتكرت كلام عم محروس
لما قالها "بلاش تحاولي تعرفي ايه اللي جوا الاوضة دي".
ولأن الصوت كان مزعج جدا بالنسبالها دخلت هند الاوضة وملقتش اي حاجه او اي مصدر للصوت، مجرد ورق وكتب بس الغريب أنها اول ما دخلت الاوضة دي الاصوات سكتت.
عدي اليوم ده بصعوبة شديدة علي هند وفي اليوم اللي بعده بعد ما هي كانت الي حدا ما اتشغلت عن اللي حصل ونسيت. شافت هند ورقة غريبة مكتوب عليها " ادخلي الاوضة" كانت مكتوبه بطريقة غريبة.
هند حست بخوف ممزوج بفضول أنها تدخل وتشوف في ايه في الاوضة دي ودخلت وشافت هند ورق ودفتر مذكرات وصور قديمة لاحمد وشافت اخر حاجه ممكن تتوقعها…
س..س سحر اسود!!؟
قالتها هند وهي مرعوبة.
حست أن فيه حاجة بتمعنها تصرخ ، انوار الشقه كلها تفصل في وقت غريب وخافت هند اكتر.
وهي بتحاول تخرج ومشغلة الكشاف بصت علي حيطان البيت كانت كلها دم كأنها بتنزف.
وكان مكتوب عليها "مش هتقدري تمشي انتِ دلوقتي جزء مني يا هند". فضلت تصرخ ومفاقتش غير علي صوت جارتها مدام إحسان وقتها الجيران كلهم كانوا متجمعين حواليها ومن ضمنهم عم محروس.
-انا ايه اللي حصلي؟
=فضلتي تصرخي جامد لدرجه خلتنا نشك أن في حد اتهجم عليكي ولما دخلنا الشقة لقيناكي مرميه علي الارض وفاقدة الوعي.
قالتها مدام احسان وهي بتحاول تساعدها تقوم.
لما بصت علي عم محروس كان بيبصلها نظرات مرعبة واول لما ركزت معاه بدأت دماغها توجعها لدرجه خلتها ترجع تصرخ تاني.
بعد الحادثه دي سابت هند الشقة وقعدت عند صحبتها فترة بس كان لازم ترجع وتاخد حاجتها عشان تمشي ولما وصلت العمارة وشافت عم محروس قعدت تتكلم معاه.
-هي الشقة دي كانت بتاعت مين يا عم محروس؟
=الباشمهندش عزيز اللي حضرتك اشتريتيها منه يا دكتورة.
-لا قصدي مين كان ساكن فيها قبلي.
=الاستاذ احمد بس ده مات من اكتر من 34 سنة.
-والاستاذ احمد ده كان بيتشغل ايه؟
=كان موظف في شركة استيراد وتصدير. بس ليه الاسئلة دي يا دكتورة؟
سكتت شوية وردت بتوتر:
-لا ولا حاجه عن اذنك هطلع الشقة اخد حاجتي
وبعد ما بعدت عن عم محروس شويه قالها:
قولتلك الحيطان بتسمع.
سألته هند بخوف:
-تقصد ايه؟!
=ولا حاجه يا دكتورة. خلي بالك من نفسك يا دكتورة.
مشيت هند وهي مرعوبة اكتر.
وبعد ما طلعت الشقة اختفت هند زي ما اختفي احمد ولما البوليس والجيران دخلوا..
ماتت الدكتورة هند بنفس الطريقه اللي مات بيها احمد. وبعد التحقيقات تتأيد القضية ضد مجهول
ويفضل سر "شقة 9" مجهول. ياتري الضحية الجاية هيبقي مين؟
