نبدأ روايتنا بي ابطالنا 🌚💫
"ليان، بنت في منتصف العشرينات، هادية الملامح لكن عينيها دايمًا بتكشف عن عقل بيفكر أكتر مما بيتكلم. كاتبة روايات معروفة، بتحلم دايمًا إن قلمها يكون له أثر أكبر من مجرد كلمات مطبوعة. ورغم رومانسيتها، إلا إن وعيها خلاها مختلفة عن بنات كتير في سنها.
أما يوسف، دكتور ناجح في أوائل الثلاثينات. شخصيته بسيطة وهادية، لكن كل اللي يعرفه يلمس القوة اللي جواه؛ القوة اللي مش محتاجة صوت عالي ولا استعراض، بس باينة في قراراته وثباته. يوسف من النوع اللي يخلي أي حد قدامه يحس بالراحة، ومع ذلك محدش بيقدر يعرف أعماقه بسهولة.
"بليل كان الجو ساكن جدااا في هدوء رهيب
وليان نايمه جنب يوسف وفجاه قاموا علي صوت رنه الفون بتاع يوسف"
يوسف بنبره قلق.... نعم
الممرضه....في حاله طوارئ هنا تقريباً عمليه
يوسف بجديه.... تمام جايه حالا
"قام لبس رغم الوقت اتاخر وليان كانت قاعده نص قاعده في نومه"
ليان بنوم....ابقي طمني عليك أو ما تخلص
يوسف.... ماشي نامي انتي وارتحي
"يوسف نزل ركب العربيه وساق علشان يوصل المشفي لان الحاله تعابنه جداا ،وليان فضلت قاعده النوم طار من عينه مبقتش عارفه تغمض عينه قامت جابت الفون بتاعه وفتحت التطبيق اللي بتنزل عليه روايات تكتب شويه في الروايه يمكن تعرف تنام تاني "
تاني يوم الصبح الساعه ٦الشمس لسه بتطلع ببطئ والأجواء في البيت كله ساكته في سكون تام جو هادئ جدااا وفي نسمه هواء بتخبط في الستائر
يوسف دخل قلع هدومه ونام علي السرير لان العمليه كانت متعبه جداا في وقت زي ده ليان كانت راحه في النوم
الساعه دقت 9...
ليان قامت خدت شور ولبست عبايه بيتي ونزلت تحت
ليان.... صباح الخير يا ماما
لمياء ام يوسف....صباح الخير تعالي افطري اومال يوسف فين
ليان.... كان عنده عمليه امبارح ولسه راجع من شويه هو نايم فوق
لمياء.... سيبه ربنا معاه بيقوم من عز النوم
ليان.... ربنا يقويه اومال ساره فين
لمياء ...في اوضته بتلبس علشان نازله الكليه
"بعد شويه بدأت العيله تتجمع تحت علي طاوله الفطار ويوسف نزل وهو لابس علشان رايح المشفي"
يوسف.... صباح الخير
العيله.... صباح النور
ابو يوسف...انت اي اللي اخرك النهارده كده
يوسف.... كان عندي عمليه امبارح متاخر وجيت متاخر
لمياء....اقعد افطر الاول وبعد كده روح
يوسف وهو بياكل لقمه صغيره....معلش لازم اروح
"خرج يوسف وهو متجاهل ليان مراته وده موقف حسس ليان بحاجات كتيره حولت انه تتجاهل لكن هي حساسه وموقف بسيك زي ده اثر فيها"
ليان...طيب انا هطلع فوف علشان ماما بترن عليا
"بالفعل طلعت ليان وهي بتفكر في الموقف اللي حصل"
في المكالمه مع مامته...
ليان....والله ياماما مش عارفه هو هيكون فاضي امته
مامته....طيب لو هو مش فاضي تعالي انتي انا مشفتكيش من زمان وبعدين فرح بنت عمك لسه عليه يومين تيجي علي الأقل اليومين دول
ليان....هحاول ياماما حاضر محمد اخويا عامل ايه هو ومراته وعياله
مامته.... كويسين متسغليش بالك خدي بالك من من نفسك
ليان...حاضر
المكالمه اتقفلت وليان سمعت خبط علي باب الشقه بتاعته قامت تفتح
ليان....ساره كنت لسه هنزل ليكي
ساره....انا طلعت اهو انا كنت عاوزه اخد دريس من عندك احضر حنه مروه بنت عمي النهارده
ليان بحنيه....اه طلعت خديها بس محدش قال تحت ان حنه مروه النهارده
ساره...ازي الكل هنا عارف انتي مش معانا ولا ايه
ليان....مخدش بالي هو يوسف عارف
ساره....ايوه علشان عمي قال له ولازم كلنا نروح واكيد انتي هتيجي
ليان بابتسامه.... إن شاء الله تعالي شوفي الدريسات
علي قرب العصر...
يوسف دخل وباين عليه التعب دخل لقي ليان قاعده قدام التلفزيون ومتجاهله وجوده تماماً يوسف قرب يقعد جمبه وهي بتبعد عنه ببطئ
يوسف.... مالك فيكي ايه
ليان....مفيش حاجه
يوسف....اومال مالك من الصبح مش عارف حاسس ان في حاجه
ليان بنبره ضيق.... والله انا فيا حاجه وانت اللي كويس يعني
يوسف.... اتكلمي كويس متكلميش كده
ليان وهي بتقوم....انا مش متكلمه أصلا
يوسف شد ايده....اقعدي كده بلاش هبل في ايه
ليان والدموع جو عينه....مفيش حاجه
يوسف بحنيه وهو ماسك ايده....انا زعلتك في حاجه قوليلي وانا هعتذر ومش هعمله تاني
ليان بدموع....مشيت النهارده الصبح من غير ولا كلمه وحتي مرنتش عليا ولا كلمتني انا مبقتش مهمه في حياتك
يوسف بصدمه وفي نفس الوقت بيضحك....
أنا آسف متزعليش مني وبعدين دموعك غاليه عندي معلش انا غلطان
ليان....انت هتروح حنه النهارده وهتسيبني وحتي مهنش عليك تقول ليا علشان اجهز
يوسف....لا منتش رايحه هتروحي فين انتي هتزري ولا ايه
ليان بصدمه....ليه بقا مروحش احتك ومرات اخوك وعياله ومامتك وابوك والبيت كله اشمعنا انا اللي هبقي هنا
يوسف....مينفعش تروحي وبعدين انا قولت لا يبقي لا
ليان....انا هروح معاك مش لوحدي وبعدين انا هبقي مع عيلتك مش مع حد
يوسف....انا مش عايزك تروحي هناك
ليان بصوت عالي نسبياً....ليه إن شاء الله في ايه هناك قول
يوسف.... اهدي وطي صوتك ده وبعدين انا قولت لا انا قايم اخد شور
ليان بعند.... ماشي انا هروح يعني هروح ماليش دعوه
يوسف وهو ماسك أعصابه....ابقي وريني بقا شكلك عاوزه خناقه
"يوسف دخل ياخد شور وليان لسه قاعده مكانه بس قامت مسكت الفون بتاعه ولسه بتعمل الباسورد طلع غلط هي عارفه الباسورد معني كده يوسف غيره يبقي في حاجه غلك
(ليان بتكلم مع نفسه)
ليان وهي ماسكه الفون بتاع يوسف...افتح
يوسف وهو بينشف شعره المبلل....نعم مش فاهم
ليان... افتح الفون اللي انت مغير الباسورد بتاعه
يوسف....في ايه يا حبيتي مالك النهارده
ليان.... افتح الفون معلش انا هبله النهارده
يوسف خد الفون من ايده وفتح وبدأ يلبس وهي قاعده بتقلب فيه
يوسف وهو بيسرح وباصص علي انعاكسه في المرايا....خلصتي يا مفتش ولا لسه
ليان....انا اصلا مكنتش عاوزه الفون انا كنت بسال بس غيرت الباسورد ليه
يوسف وهو قاعد جمبه علي طرف السرير وماسك ايده....متحاوليش تشغلي دماغك بحاجات فاضيه وبعدين انا بحبك افهمي بقا
ليان.... ماشي بس ليه مش عاوزني اجي معاكوا النهارده هبقي هنا لوحدي
يوسف....انا هروح اسلم واجي البلد هنا مش حلو انك تخرجي فيه
ليان وهي بتحاول متقمصش....انا راحه اكمل كتابه يا يوسف
يوسف بفهم.....ليلو زعلت ليه انا صريح معاكي
ليان.... خلاص روح يلا علشان هما بيندوا
يوسف وهو بيبوس رأسه.... ماشي خدي بالك من نفسك
"بالفعل يوسف نزل علشان يروح الحنه مع عيلته"
لمياء....اومال ليان فين يا يوسف مهيش جايه ولا ايه
يوسف....لا انا مش عايزه تروح هناك
لمياء بفهم....اه طيب هتعقد لوحده هنا
يوسف....انا هرجع بسرعه مش هتاخر يعني يلا
"الكل مشي والبيت بقا فاضي وليان قاعده في شقته ماسكه الفون بتكتب وفجاه وقفت تفكر ليه مرديش ياخدني معاه ،لم يرجع انا ليا كلام تاني معاك يا يوسف"
الفون رن بأسم رؤيه...
ليان....الو
رؤيه....عامله ايه اخبارك
ليان....انا كويسه الحمدلله انتي عامله ايه يا عروسه العيله
رؤيه....محتاسه والله في حاجات كتييير انتي كنتي اقرب واحده ليا وبجد كنت محتاحه منك حاجات كتييير يريتك كنتي معايه
ليان بزعل في نفسها...انا عارفه والله وهحاول اجي بكره إن شاء الله ❤️
رؤيه بفرحه....ماشي مستنياكي اهو وبعدين يوسف مش عارف يفضي يوم يعني
ليان بتبرير.... والله هو مشغول ومش فاضي إن شاء الله بكره ممكن اجي
رؤيه...ماشي تصبحي علي خير
ليان.... وانتي من اهله يا حبيبتي
في أجواء الحنه الكبيره مكنش في حد سامع صوت التاني لكن في تعبيرات ونظرات مفهومه من غير كلام نظرات بتتفهم
ساره....بتبصي علي ايه
كوثر بخضه....مبصش علي حاجه خضتني
ساره.... النهارده حنه اختك ركزي معاه بدل ما عينك رايحه علي حاجه مش بتعتك
كوثر....قصدك ايه وبعدين الناس كتييير عيني هنا وهنا مش علي حد معين
ساره بفهم....مهو واضح انا فاهمه كل حاجه يا كوثر
كوثر بخبث....وانا ماليش في كلامك ده انا رايحه اكمل رقص
ساره في سره....جتك داهيه يا شيخه كويس ان ليان مجتش كانت هتبقي ليله طين عليك يا يوسف
الساعه دقت 12والكل رجع من الحنه مرهقين من الأجواء والأصوات ارهاق مع بعد الفرحه
يوسف طلع شقته فتح لقي ليان نايمه علي الكنبه شالها وحاطه علي السرير وغير لبسه ونام جمبه
تاني يوم الصبح ⭐ ⭐
كانت الشمس داخلت الاوضه من الشباك وليان قامت علي ضوء الشمس اللي علي عينه قامت لقت نفسه نايمه علي السرير ويوسف نايم ورابح في النوم وايده ملفوفه حوليها كأنه هتهرب
ليان قامت خدت شور وفتحت علي القرآن في الشقه وفضلت ترتب الشقه وتجهز الفطار عما يوسف يقوم
يوسف.... صباح الخير
ليان بابتسامه...صباح النور مين اللي شالني نايمني جوه
يوسف.... مين غيري هنا انا طبعاً 😂
ليان....ايوه اصلا نمت ومفتكرتش اي اللي حصل
"ليان جهزت الفطار وبدأت ترتبه علي السفره "
ليان....يا يوسف يلا الفطار جهز
يوسف وهو يسرح شعره....حاضر جت اهو
يوسف وهو بيقعد....الفطار شكله حلو معمول بحب بقا 😂
ليان بثقه....انا كل حاجه بعمله بحب علفكره
يوسف ....اكيد طبعاً
ليان.... طيب انا عايزه اروح عند ماما بقا فرح رؤيه بنت عمي خلاص لسه يومين ومتصلين عليا كتييير
يوسف....انا مش فاضي بس هفضي نفسي النهارده بدري وهوديكي
ليان.... ماشي تسلم ليا ❤️
يوسف وهو بيبوس رأسها....انا هروح انا باي
"ليان لمت الاطباق وفضلت تغني وهي بتغسل وخلصت شغل البيت بتاع شقته ونزلت تحت عن أم يوسف"
في المطبخ تحت...
لمياء....اعملي ده وسيبي ده
ساره....ماما انا شوفت كوثر امبارح واقفه تبص علي يةسف من بعيد شكرت ربنا ان ليان مكنتش معانا كانت هتبقي مشكله كبيره
لمياء.... وطي صوتك علشان محدش يسمع وبعدين الموضوع راحه لحاله خلاص كوثر دي انا مش هسكت له يكشي ياجي له عريس ونخلص بقا
ساره....انا خارجه علشان عندي محاضرات كتييير هحاول اجي بدري
"ليان واقفه وسمعت الكلام وكأن سيف دخل قلبه هي مش فاهمه الموضوع كامل بس فهمت جزء منه وعرفت سبب عدم موافقه يوسف انه تروح هناك ليان كتمت جواها وتعاملت عادي"
"ليان وقفت في المطبخ، طبق في إيدها والمية بتنزل من الحنفية، بس عقلها مش معاها... كلام سارة ولسه بيرن في ودانها. قلبها اتقبض وحسّت إن في حاجة بتتسحب من تحت رجليها. حاولت تثبت ملامحها وتكمل كأنها ما سمعتش حاجة، لكن جواها نار."
لمياء: "ليان يا بنتي... بتسرحي في إيه؟ الطبق هيقع من إيدك."
ليان بسرعة: "ها؟! لا لا... ولا حاجة يا ماما."
لمياء بابتسامة: "انتي شكلك تعبانة... روحي ارتاحي فوق وأنا أخلص هنا."
ليان: "تمام... حاضر."
"طلعت على شقتها، فتحت الباب وقفلته وراها بهدوء. أول ما قفلت، دموعها نزلت من غير ما تاخد بالها. قعدت على الكنبة، مسكت مخدة وحضنتها كأنها بتهرب من الدنيا كلها."
ليان في سرها: "يعني هو ده السبب يا يوسف؟ كل ده عشان كوثر؟ كنت فاكرة إنك بتبعدني عشان خايف عليا... بس يمكن... يمكن في حاجة تانية؟"
ما تنسوش تقولوا رايكم تدعموني ما تعملوا فولو عشان يوصل لكم الفصول الجديده💜🌱
خميني وهيحصل ايه الفصل الجاي🤔👏
