البارت الثالث

لا أعرف هِي ميزة أ

م لعنة لكنني أعرف

من يستلطفني بصدق ومن يكذب

، أعرف شكل

الكذب في أعينهم

أعرف سَذاجتهم كذبهم

ونفاقهم وإنقلاب

أحوالهم بين يوم وليلة

ولا أرد السوء بالسوء كوني

أومن بعدالة

الخسارة وأُؤمن أنني وَجع لا ينتهي لمن

يخسرني ولمن لم يعرفني كما يجب .

             بـ قلـــمـي رقـيـه الـ محمد

_______________________________

شغف : خلصه لمتنه و كل وحده نامت مكانه

كعدنه الصبح لو ما كاعده احسن لان هذا اليوم هو الي راح يكلب حياتي راس على عقب.....

شغف : كعدت الصبح طبيت للمطبخ سوينه ريوك

اني و ريم كملنه ولتميه على السفره .

رسل : يله بنات اني اريد اروح للبيت لان عندي فاينل واريد ادرس

زهراء : اي والله اريد ارجع للبيت لان تعبت

شغف : انجبن بعد وكت شنو مو كلنه تضلن

رسل : لا والله بعد ما الحك لازم ارجع

ريم : هسه احاجي علي ايوديج بطريقه

رسل : اي حبابه

شغف : جا اذا هيج راح ترحن مع السلامه اني صاعده بغرفتي يله باي

زهراء : هاي صدك تحجين شغف هيه انتِ زعلتي لو شنو السالفه تره بعدنه مارايحين

رسل : خليه زهراء صرنه كخه اني وياج صعدي حبيبتي صعدي

شغف : اوي هسه شبيجن اخذتني حاصل فاصل گلت بما ان راح تروحن خلي اكعد لان ما ادري شبيه روحي رايحه

_يا شبيج صدك تحجين

شغف : والله مادري كلش گلبي يوجعني وبي نغزات احس راح يصير شي

_ بس باعيلي خلي اشوف شبيج حبيبتي

شغف : اجن يمي وضلن يحجن بس اني احس روحي مو يمي وصوت براسي وره فتره يله انتبهت الهن من حسيت مي البارد على وجهي وفزيت وشهكت بنفس الوقت وانتبهت عليهن

ما بيه شي بس اريد اصعد للغرفه علمود

ارتاح بس عـ عوفوني

عافوني براحتي وصعدت للغرفه حطيت راسي على المخده و صرت اشهك وابجي بصوت عالي

سمعت صوت امي يمي

صبا : يمه حبيبتي اسم الله شبيج يروحي ليش هل البجي عليمن

شغف : حطيت راسي على رجله و امي تقره ايات على راسي. سمعته تقره ايه الكرسي

بِسۡمِ ٱللَّهِ ٱلرَّحۡمَٰنِ ٱلرَّحِيمِ

((ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ ))

وقرت قران لحد ما هدء نفس ونمت

كعدت نايمه على المخده والغرفه هدوء استوني

ردت انزل وجان اسمع صوت صياح لبست حجابي ونزلت ركض اله شويه واطيح و اتكسر

نزلت جان اشوف عمامي موجودين وياسين واكف على صفحه ويباوعلي ويبتسم بخبث درت وجهي عليهم وكلت بصوت شويه عالي شكو شنو الصار

ياسين يبتسم بخبث: ا بنت العم حضري روحج شويه وراح يجي الشيخ يعقد النه يعني تصيرين زوجتي و اذا ما قبلتي بيه شوفي شنو يصير بيج

شغف : شنو انتَ تهددني انتَ منو اصلاً و جاي تهددني كدام ابويه واخواني بابا شنو شارب انته

ياسين : انجبي لج احترمي نفسج

شغف : شويه وحسيت خدي صار حار من وره الضربته الي اجتي على خدي ودموعي كامن ينزلن بغزاره

علي : انتَ منو علمود تمد ايدك على اختي

شغف : علي لزم ياسين من ياخه تشيرته وضربه بوكسي على وجه وطاح على الارض ونام عليه وكام يضربه حيل وصار اصولت عاليه كلش لزمت راسي وابجي اجو عمامي و يفاككون بيهم بس علي انكلب عليهم بس ابويه صاح بصوت عالي

ابو علي : علي وخر من يمه

شغف : وخر علي من ياسين ورجع صوت الصياح

وحجي كل واحد يحجي شكل بس انصدمت صدمت عمري من ياسين حجه حجي اصلاً ما صاير ولا راح يصير

ياسين : تره شغف الي مسويه روحه شريفه و خيره تره هيه دازتلي صور بس شنو من صوره

يابويه لو تشوفوه جان غسلتوا عاره ذبيتوه للجلاب

و اذا ما مصدكين حجيي هسه راح اطلع الصور وكدام عيونكم

شغف : انصدمت من حجيه و الثقه الي شايله يعني اني الي ما مسويته صدكت بي شويه و طلع تليفونه من جيبه وكعد يكلب بالتلفون شويه وبتسم و انطه التلفون لعلي وعلي صفن بالتلفون ابتسم ياسين وكله

ياسين : علي تره مو بس هاي الصوره كلب هواااي صورر

شغف : ما احس اله علي اجه وضربني ضرب كلش قوي من قوه الضرب طحت من طولي وجه شبعني ضرب على الضرب الي اخته عبالك كاعد يضرب برجال

علي : الله لايطيج العافيه ولج شنو مسويه ولج صخمتيي وجوهي ولج جنه مدلليج ولج جنت اكلج اني سندج بهل حياه ولج اني ربيتج هيج تكسرين ظهري هيج تسوين بيه

ابو علي : ليش بويه هيج سويتي بيه

شغف بصياح وبجي : و والله ما مسويه شي والله ما

دازه شي بابا بس صدكني والله ما دازه صوره اصلاً ما حاجيه وياه هيج واذا متصدكون بيه اخذو تلفون و فتشوا

علي بصياح : وين تلفونج وينه ريم روحي صعدي وجيبي

_صعدت ريم جابت التلفون واني متاكده ما بي شي لان اني مو هلكد بالتلفون بس مراسلاتي وياه البنات ودائما بيد تيم فـ مرات اشوفه مشمور بالكاع او بأي

مكان عادي عندي بس من شفت وجه علي صار احمرر ويخزر بيه لا ادركت الموضووع بي انه و مسوي شي بموبايلي

علي بعصبيه : لا كلش تلفونج فارغ ولج شنو هاي الصور الي دازته

_حط التلفون بوجهي احس الشهكه طلعت من اعماق اعماق گلبي على الصور الي دزيهن بأسم ياسين

_و والله مـ مواني والله عـ علي صدكي مو انيي

والله لعـبه من عنده والله

_اشوف ابويه كاعد على القنفه وحاط ايده على گلبه يتنفس بطئ

علي علي ابويه حباب شوف شبي والك ابويه

راح علي ايشوف ابويه وره شويه واجاني جرني من حجابي و شمرني بالغرفه وقفل الباب عليه

كعدت ادك بالباب واحجي واشهك

و والله مـ مسويه ش والله تربيتكم ما مسويه شي

حطيت ظهري على الباب وابجي

وره فتره ...

سمعت اصوات كيفت لان ابويه ما بي شي وره شويه انفتح الباب وطبوا عليه علي و حسين

نظرات حسين حسيتهن سهم و طبن گلبي واني اباوع عليه بنظرات انو اني اختك وما اسوي شي ينزل راسكم

علي : يله حضريي روحج باجر يجي الشيخ ويعقد عليج ياسين وبعد وجهج منريد انشوفه واصلاً نتبره من عندج

_انصدمت من حجيه شنو يتبرون من عندي شنو عقد حجيت بهدوء انتو صدك تحجون

علي : اي صدك نحجيي

_طلعوا وسدو الباب بس طلعوا طبت امي للغرفه ورحت اركض يمه والله ما مسويه شي يمه راح يعقدون اليه تعرفين اكثر شخص اكرهه هو ياسين حبابه احجي وياهم بس كملت حجي حسيت براشدي كلش قوي حطيت ايدي على خده ودموعي تنزل بغزاره وتباوعي بنظرات انو انتِ صدك مسويه هذا الشي

صبا : باعي واسمعي زين تره اني كرهتج بس تضلين بنتي الي جانت بمثابت صديقه الي

بس راحت هاي للصداقه والثقه الي بيناتنه انمسحت راحت بس گلبي الغبرر ما ينطيني واعوف بنيتي الوحيده باعي راح اشردج بليل وين ما ترحين روحي اني بعد ما عندي بنيه

شغف: صفنت على امي شنو اشرد واني اصلاً جبانه و ما اطلع وحدي من باب البيت مو اطلع اشرد وين اروح وين انطي وجهي بس هو هذا القرار احسن ما يجي ياسين ويعقد عليه او يغسلوا عاري اشرد

طلعت امي وره شويه اجتي جايبه مباغ يطلع ١٠٠الف و جابتلي جنطه صغيرونه بيه ملابس

وكلتلي بليل اطلعين وين ما ترحين روحي

ضليت افكر شنو اسوي وين اروح وين انطي وجهي

_لحد ما صار الليل اجتني امي

صبا: يله كومي كومي روحي خربتي بيتنه طلعي ولتجين بعد منريد انشوف وجهج

شغف : على الاقل بس خلي احضنج واروح

حضنته بالكوه وطلعت من البيت ركض اركض

لحد ما وصلت الشارع العام ظلمه بس صوت الجلاب

ضليت اركض لحد ما سمعت صوت سياره ورايه مباشراً استوني ردت ادير وجهي و جان احس بقطعه قماش انحطت على خشمي كمت ادفر اريد يوخر من عندي ماكو بس شويه شويه حسيت عيوني غوشن ونفسي صار قليل وبعد ما احس بشي......

حساب انستااا

20__Ruqiya

قناه التلكرام

https://t.me/Ruqiya_4_10

_______________________________

تفاعلكم لؤلؤاتي🪐🪐

رقيه الـ محمد

                      الباقيات الصالحات :

                         ـ سُبحــانَ الله

                         ـ الحمــــدُ الله

                         ـ لا إلهَ إلا الله

                         ـ اللهُ اكبـــر

                 ـ لا حَول ولا قوته إلا بالله

                 ـ سبحُـــان الله العَظيــم

                ـ سبحُـــان الله وبِحَمـــده

               ـ استَغفِر الله وأتوبُ أليـه

           ـ اللهُمَّ صلِ علّى مُحمد وآل مُحمد