البارت الاول

بعدَ أن أغلقتُ قلبي للحب ..!

و كنتُ مقتنعه بأنني سوف أحافظَ على مشاعري لنفسي .!

جاءت عيناك!

لتجعل قلبي ينبض للمرة الأولى.!

لا أريدُ منك إلا شيءً واحداً أن تحافظ على هذا القلب!!

لأنه إذا أُغرمَ يجعلك ملكٍ على هذا الكوكب.‏

في النهاية سوف ينتهي بك الحال متقبلاً كل

شيء في حياتك، المعاناة، المخاوف، الحب،

الفقد، الكره، الحياة مثل الفيلم الدرامي على

أي حال.

"إلا أنت"

لم أعرف طريقة أتخلص فيها

من أثر خدوشك في أيامي

                بـ قلـــمـي رقـيـه الـ محمد

______________________________________

شغف : كعدت على صوت امي وهيه تكعدني من النوم اي يمه كعدت شبيكم متخلون الواحد نايم كمت من فراش واني بعدني نعسانه لان جنت سهرانه عود عطله كمت فرشت اسناني وغسلت وجهي ونزلت صباح خير ماما و بسته بخده حيل

صبا : صباح النور حبيبتي اووي على كيفج شبيج

يله تعالي خلي انكمل الاكل على ما يجي أبوج واخوانج من الشغل

شغف : اي ماما كملنه .الاكل و طبت ريم للمطبخ

ريم : ياا ما كعتوني من النوم شنو القصه عمه

صبا : وين اكعدج لج غير امس انتِ بالمستشفى واصلا منو كلج اطلعين من الغرفه مو كون تنامين روحي يمه نامي احسن

ريم : اي عادي بس خلي اساعدكم واروح انام

شغف : اووي دوختيني مشيت واخذت ايده ومشت وياي شو تعاي وديته للغرفه ونيمته على الجربايه

يله حبيتي نامي وشوكت ما يجي موعد الغده عود فكري تجين تتغدين

ريم : اوف منكم على الاقل انطيني موبايلي وطلعي

شغف : يله هاج الموبايل يله باي ياحلوه طلعت وسديت باب الغرفه ورجعت للمطبخ يم ماما ها يمه تردين شي اريد اصلي أذن

صبا : لا خلصت هاي راح اتوضه واجي وراج

شغف : اي ماما رحت توضيت وفرشت السجاده طبعا بغرفع امي اصلي علمود اسئل براحتي اجتي امي هم فرشت السجاده و بدينه نصلي وره فتره كملنه صلاه سئلت امي ماما

صبا : ها حبيبي كولي

شغف : ماما احنه ليش انصلي؟

صبا : شوفي الصلاه هي اول شي عمود الدين و ثانيا

حبيتي ماما الصلاه هي الواجبه على كل مسلم ومسلمه تقوى الله من كل الاجهات ،وهيه اعظم اركان الاسلام واعظم،الفرائض بعد الشهادتين

الواجب كون نعتني بالصلاه ونحافظ عليه ونصليه بالوقت ،قال تعالى "حَافِظُو عَلَى الصَّلوَاتِ"

فتهمتي بنيتي

شغف : اي ماما زين شنو اعظم شي يسوي الانسان

صبا : هيه حبيتي سجده الشكر و تسبيحه فاطمه الزهراء (ع) هنه هذني اكثر شي عظيم عند رب العالمين

شغف : اي ماما زين علميني على سجده الشكر

صبا : حبيبتي كون وره كل صلاه تسجدين سجده الشكر لان بيه هواي منافع للانسان "لٓئِن شَكَرْتُِمْ لٓأَزِيدَنَّكِمْ"

شغف : تمام ماما

_بعدني داحجي وندكت الباب

صبا : يله يمه كومي اجو ابوج واخوانج

_كمت فتحت الباب ،الله يساعدك بابا حبيبي

محمد : هلا حبيبتي وباس راسه ، امج وين ؟

شغف : امي بالغرفه ، راح بابا واني بديت احضر الغده وره شويه فرشنه السفره بدينه ناكل

وياه سوالف وضحك ما يخلو من تحشيش اخويه

حسين .خلصت غده كمت سويت الچاي وصبيت

و بعد ما كملو الچاي كل واحد راح لغرفته واني اخذت تيم ابن اخويه علي و صعدت للغرفه

كعدت على الجربايه وراسلت بنات خالتي وخالتي

علمود نتفق على لمتنه وره شويه صارت مخابره بيناتنه ها بنات شوكت نلتم مو صار هواي ما شايفات بعض

_اي والله خلي نحدد يوم ونلتم لان كلش ضوجه

شغف : اني ما عندي شي لان عطله اي يوم عادي

عندي ، ضلينه نحجي اكثر من ساعه واخيرا تحدد اليوم و هو يوم الجمعه درت وجهي على تيم وشفنه غافي على رجلي شلته و نيمته عدل و نمت ويا

كعدت بعد فتره من النوم و كعدت تيم ويايه ونزلنه

وشفتهم كاعدين سوه بس ريم ما موجوده ، ماما ريم وين

صبا : بالمطبخ يمه هيه غير تكعد مو شلعت كلبي

شغف : رحت للمطبخ شفته مسويه كيكه ولج ليش خليتيني نايمه تعرفين بيه احب اسوي كيك اني اسوي بمكانج والله عندج سوالف

ريم : اوي هسه شنو مسويه عاجنه خابزه هيه كيكه كلت اسوي كيكه ونطلع بالحديقه

شغف : اي والله خوش فكره اوكفي خلي اسوي چاي ويه الكيكه رحت بسرعه بسرعه سويت الچاي لان كلش احب هيج اجواء مال عصرونيه و هيج سوالف

ريم : شغف صدك وين تيم ما شفته

شغف : نزلته وياي راح يم ابوه

_هاا زين اذا هيج يله بسرعه فضيه

شغف : اي خلصت يله امشي, رحت يم اهلي ، و كلت يله عيني كومو نطلع للحديقه صدك والله شويه و كاموا و فرشنه فراش و الجو حلو كعدنه ناكل ونسولف طبعا اني ساكته و استمع للكلام وره شويه صارت هدوء وحجيت ماما حبابه احجي قصتج انتِ وبابا كلش احب اسمعه

صبا : ابتسمت وحجت شوفي يمه جنت طالعه اني وبت خالتي الي هيه اكثر من صديقه صارت الي بمعزت الاخت جنه طالعين بالبستان كعدنه على الحشيش ونحجي

_اكلج صبا صدك خطبوج

_ماادري يمعوده ابويه كال بس تكملين هاي السنه تكعدين وتسكين لحد ما تجيج القسمه

_يووه يمعوده همه كله هيج متعرفيهم بس تتعلمين الكتابه والقرايه ويكعدوج بالبيت ،اوكفي خلي اروح اجيب ماي متت من العطش ،تردين ؟

_بكيفج راحت واني ضليت كاعده بمكاني وجان المح واحد واكف من بعيد ويباوع عليه اني شفت هيج و ركضت للبيت

_ها ليش رجعتي مو كتلج هسه اجي

_ولج شفت واحد غريب بالبستان واجيت اركض خفت خاف. احد يشوفني و شيخلصني

_اي عفيه همزين اجيتي يمعوده شيخلصج من حجيهم

_مرت فتره على هذا الحجي ،بوكته ردنه نطلع اني امي للسوك طبعا بالكوه اخذتني بالتواسيل ياله قبلت طلعنه من البيت وهم شفته مره ثانيه موجود تجرئت وسألت امي ،يمه هذا الواكف منو

_ انتِ شعليچ تسئلين

_شنو السالفه يمه هو سؤال

_هذة كرايبنه من بعيد

_هاا ، وره شويه تقدم يمنه و سلم على امي سلام حار ، شويه وكال هاي منو ام زيد ؟

_ها هاي بنتي صبا

_الله يحفظه الج يله يابه مع سلامه وسلميلي على ابو زيد

_الله وياك يمه واصل سلامك

_رحنه ورجعنه بسرعه ومشت الايام و هذا الرجل

ظل يتردد على بيتنه ، وره فتره اجه خطبني

وطبعا ماوفقت لان اصلا ما اريد ازوج بعدني صغير بس جدي اله رئي ثاني وافق حتى بدون موافقتي

وصارت الخطوبه والعقد بنفس اليوم بس اني شرطت شرط ان. المده تكون طويله وافق على الشرط لان كال اريد اكمل دراسه واني هم كتله اريد اكمل دراسه كال وره العرس اني اصلا اريدج تكملين دراسه وبهذا الخبر طبعا فرحت كلش فرحت لان جانت امنيتي اخلص دراسه و بعد ما طالت المده صرت كلش احبه حب مو طبيعي هو عترفلي كال حبيتج اول ما شفتج و ستمرت علاقتنه لحد ما صار العرس وعشنه احلا عيشه ويه بعض و دوره رزقني بيكم و هاي قصتي

_ الله قصتكم تخبل بعدني دا احجي و دك تلفون بابا و سكتنه صار سلام وره شويه ابويه سكت يستمع للشخص الي يحجي ويا وصاح هااا انتَ مقتنع بحجيك!...

حساب الانستاا

رقــيــه الـ مـحـمـد || 20__Ruqiya

قناه التلكرام

https://t.me/Ruqiya_4_10

____________________________

رقيه الـ محمد

اريد تفاعلكم لؤلؤاتيِ

                       الباقيات الصالحات :

                         ـ سُبحــانَ الله

                         ـ الحمــــدُ الله

                         ـ لا إلهَ إلا الله

                         ـ اللهُ اكبـــر

                 ـ لا حَول ولا قوته إلا بالله

                 ـ سبحُـــان الله العَظيــم

                ـ سبحُـــان الله وبِحَمـــده

               ـ استَغفِر الله وأتوبُ أليـه

           ـ اللهُمَّ صلِ علّى مُحمد وآل مُحمد