البارت الثاني

هالبيت صاير منهجي واسلوبي

‏‌ عن⁩ ‌ المجتمع⁩ ‌ قمت⁩ ‌ أتشطّر⁩ و ‌ قمت⁩ أغيب

‏بعيداً عن الضوضاء وأحبُ أجلس لحالي . .

أعاني مِن حالاتٍ وَحشية مُضطرِبة لِبعض الوقت أشعُر فيها بالإشمئزاز المُزمن مِن كُل شيء وكُل شَخص .

لقد عز عليّ قلبي جدًا فلا يقربهُ بعد اليوم ظالم

ولا طيّب .

                  بـ قلـــمـي رقـيـه الـ محمد

___________________________________

_ الله قصتكم تخبل بعدني دا احجي و دك تلفون بابا و سكتنه صار سلام وره شويه ابويه سكت يستمع للشخص الي يحجي ويا وصاح هااا انتَ مقتنع بحجيك!...

علي : ها بويه شكو شنو الصار؟

ابو علي : يعني هذا ابن عمك صدك يحجي !

علي : شنو يريد غير تفهمنه ؟

ابو علي : جاي وبكل عين صلفه يخطب اختك و مالكه غيره يعني والله ماأدري شنو بعقله

علي: يحجي ويضحك صدك يحجي هذا مال اروح لبيتهم واكسره تكسر جم مره كلنه ما ننطي لواحد نفسه زايعته الدنيه

ابو علي : شمدرني لو بي حظ جان انطيته و اني مغمض بس طايح الحظ كله خلگ واحد يشرب ويكبسل

شغف : ايعععع اموت منه شلون ويه هذا بله ما عنده كرامه شهل لعبان النفس . شويه و اندكت الباب البيت كام علي فتح الباب وطبوا عمامي وهو الي اسمه ياسين حته اسمه ماينبلع يوكف بالبلعوم

_الله بالخير عليكم

ابو علي : هلا وسهلا تفضلوا . بويه شغف كومي سويلنه چاي

_اي . كمت و طبيت للمطبخ اسوي چاي

علي : ها خلصتي ؟

شغف : اي هاك الصينيه . طلع واني رحت كعدت يم امي واسمع حجيهم وساعه هدوء وساعه صياح وكلشي ما افتهمنه بعد مده من الصياح طلعوا

صبا : ها شنو الصار كلش ما افتهمت من وره صياحكم

ابو علي : خلي يولون كلشي ميكدرون يسون

شغف : شويه ارتاحيت من كلام ابويه صعدت للغرفه وخابرت بنات خالتي و حجيت السالفه كله

_ايعع هذوله صدك يحجون تره يشرب

_تخيلن بنات توافق شغف

_ضحكنه على حجيه ايعع يمعوده غير اخذلي واحد هيبه وحلوه اعوف كلشي واخذ هذا ياسين

ولجن حته اسمه مو حلوو ياسين مين ماخذين هذا الاسم

_صدك من امه جابته هم فرحت بي لو طشت جكليت

_شمدريني طاح حظ هيج خلفه لعبان نفس

_يمعودات عوفن ياسين مو كلنه نتجمع يوم الجمعه

واليوم خميس يعني باجر عندي شكد سوالف ياعلي شكد

_اي باجر أن شاء الله.سديت الاتصال من عدهن وكعدت . صافنه على الحايط خايفه و مختنكه خايفه يصير شي نعلت الشيطان ونزلت

علي : تعاي شغف يمي

شغف : اي كعدت يمه ها علي صاير شي.

علي : حبيتي شغف ابد لا تخافين اني بظهرج و سندج مدى الحياه تمام حبيبتي

شغف : دمعن عيوني على حنان اخويه عليه لان هو الي رباني من اني وصغيره لحد الان احسبه بمثابت ابويه وشي اكيد ابويه ما مقصر وياي ابد بس احس علي ابويه واخويه

_هلووووو بنات شلونجن ولجن واخيرااا التقينه كلللوششش

_هلووو حبيبتي شلونج

_هلوو اليوم نلعب لعب عيني

_خرب صار شكد ما ملتقين

_اي غير امتحانات وانتِ شغل بس الحمدلله التقينه

_يله خلي نصعد فوك للغرفه

شغف : بنات صعدوا فوك واني اروح اگول لـ علي يجيبلنة حبشكلات شتردون غير الاندومي والببسي

رسل: حبابة گوليلة يجيبلنة جباسة ليز الكبار لان كولش احبهن

شغف : مطيتنة فلوس ابوج وتتشرطين هههه

رسل : ع كيفج ماخذين فلوس رجلج هو علاوي حباب بس لتدخلين بيناتنة

علي : عمي يالله شنو السالفة هسه بس ذني اجيبهن ومن اجي اخابر ريمتي تنزل تاخذهم

ريم : اوووي حبيبي فديتك تدلل

شغف : يالله بناات تردون اشغل اغاني حتى نركص لو تردون نكعد نسولف

زهراء : لا. عمي عدي سوالف مال جامعة متراكمات وتفيدكم وعبارة عن حلوين هههههه

رسل : عليج الله سولفي متحمسة بس لحلوين الجامعة احس اذا ادخل جامعة راح اكبل ويه خمس حلوين ههههه

جبت مخدة وانتجيت وخليت ايدي جوه خدي اسمع سوالف الحلوين

زهراء : تخيلي ولجج البارحه اجه واحد يصارحني گلي اني معجب بيچ ومن هل سوالف، طبعا اني مانطيته عين

رسل : ايعع والله بطرانين

شغف : اي تحمست اني أن شاء الله بس هل السنه تكمل وادخل كليه

رسل : ما اصدك شغف تتدخل كليه ولج خيه بعدج ناعمه مو مال كليه

زهراء : والله عندج سوالف رسل يعني الناعمه مو مال كليه و بعدين احلى من الضخامه

ولج اني بعدلي سنتين شايله هم الهن بس والله لو اني و شغف نفس الشي بس حرامات اصغر مني

جان صارنه احلى مجموعه

شغف : يله ادخل للكليه انتِ مرحله ثالثه واني اولى يعني الحك عليج

_اي صدك يعني زين ننجمع كللوشش

علي : ريم تعالي حبيبتي اخذي العلاكه

ريم ؛ اي اجيت . نزلت جوه ها علي

علي : هاج . صدك شنو تنامين فوك يم البنات لو جوه

ريم: والله مادري خلي اشوف البنات واذا انام فوك

وخلي تيم ينام يمك تمام

علي : اي يله خوش چا وين تيم

تيم بابا وينك .

تيم : ها بابا

علي : يله حبيبي تعال نام اني و ياك

تيم : ما اريد يم ماما و عمتو شغف

علي : عيب بابا انتَ ولد يله تعال

تيم : حجه بزعل اي بابا

ريم : تعال تيم انطيني بوسه .واذا تاخر الوكت اجي انام يمك تمام حبيبي . علي حباب غطي عدل

علي : اي أن شاء الله

ريم : صعدت فوك واخذت العلاكه هاجن

بس فضني

رسل : احم احم شو تاخرتي

ريم : انجبي قنعت تيم ينام يم ابوه

شغف : ليش خطيه ما جبتي يمي حته ما يطلع صوت

ريم : علي ما قبل واني هم خليته جوه احسن كاعد بين البنات

شغف : اي بعده صغير هو شنو يفتهم

ريم : لا احسن خلي يتعود على ابوه

زهراء : اي صدك نسيت شنو اكول .صدك صديقتي فاطمه انخطبت

_ياا صدك

زهراء : والله عود هيه كالت اكمل الكليه عود افكر

شو هاي بعده ثاني مرحله و قبلت

رسل : خيه هاي صديقتج استغفر الله ما ارتاح اله

زهراء : انجبي ما بيه شي البنيه

شغف : بنات صدك عوفجن من هذا الحجي

ياسين ترى اني خايفه من عنده خاف يسويلي مصيبه ويذبه براسي

رسل : دخلي يولي هو كله راشدي مابي يعني شنو يكدر يسوي مثلا

زهراء : حبيبتي اذا انتِ ما قابله واهلج كذالك بعد شنو

شغف : ولجن انتن شايفات نظراته الحقيره من يجي نظراته قذره نفسه

ريم : اي حقير اني هم منتبه عليه من يجينيه هو من جان ما بي شي طايح حظه مو دوره كام يسكر

و يكبسل والعياذُ بالله

شغف : اي ايععع اصلا اني من الصغر ما ارتاح اله

زهراء : اي هسه عوفينه من هذا الحجي خلي نتونس

شغف : خلي اكوم اسوي اندومي مو احسن

رسل : لتسوي حار اخاف على بشرتي

زهراء : عمت عينج ام البشره كومي لج فوكاه تتشرط براس البنيه

ريم : حبابه لتضيفين اي شي تعرفين بيه ما احب الاضافات

شغف : اي شبيجن عليه بس احط ليمون والله لو ادكن راسجن بالحايط هم احط

_اي يله كومي

شغف : كمت سويت اندومي وطبعا حطيت كاسه لاخويه حسين لأن اذا ما حطيتله يبوو شيخلصني

كملت وصعد كعدنه ناكل وبنص الاكل و كلت رسل

رسل : ها شنو تردين

شغف : حسين يسلم عليج . شو هاي البنيه غصت

زهراء : ايععع وخري شبيج هسه هو باسج هو سلام

رسل : اااا اوي شبيج متتحملين . وبعدين الله يسلمه

حبيبي

ريم : هلا صار بيه حبيبي وكذا مطوره عيني يعني عدنه عرس قريبا

شغف : اي أن شاء الله بس نخلص من هاي المصيبه و نخطب هو حاجه امي

رسل : احم اي كلي

_ها ها شو صارت بيه مخابرات

رسل : انجبن وكافي خلي ازقنب

شغف : خلصه لمتنه و كل وحده نامت مكانه

كعدنه الصبح لو ما كاعده احسن لان هذا اليوم هو الي راح يكلب حياتي راس على عقب.....

حساب الانستاا

رقــيــه الـ مـحـمـد || 20__Ruqiya

قناه التلكرام

https://t.me/Ruqiya_4_10

________________________________

تفاعلكم بنات

رقيه الـ محمد

حماسكم لؤلؤاتي

                     الباقيات الصالحات :

                         ـ سُبحــانَ الله

                         ـ الحمــــدُ الله

                         ـ لا إلهَ إلا الله

                         ـ اللهُ اكبـــر

                 ـ لا حَول ولا قوته إلا بالله

                 ـ سبحُـــان الله العَظيــم

                ـ سبحُـــان الله وبِحَمـــده

               ـ استَغفِر الله وأتوبُ أليـه

           ـ اللهُمَّ صلِ علّى مُحمد وآل مُحمد