الاخيرة

وبعد عده اسابيع من كتب الكتاب و بعد اجتياز الفتيات لامتحانات و معرفتهم بان فتره الرحله اخذت شهرا كاملا و ليس بضعت ايام كما كانوا يظنون و بعد ما اخبرتهم هيلين و كريم بان بعد معرفه العميد ما حدث لهم و تفهم الامر و قرر انا يؤجل المسابقه ل بعد امتحانات الفتيات مما يسمح للجميع بالعمل اكثر على مشروع تخرجهم والان بعد انتظار. تقف كلا من موده . روجين . مايا . شدن يلقون على سمع زملائهم و استاذتهم البحث المتقن الذى قام شكرى بمد يد المساعده لهم و كان ازواجهم ينظرون إليهم بفخر حيث كان متمكنين ف الالقاء و الشرح المبسط و المتقن الذى يشرح عظمه و وفخر الحضاره المصريه القديمه كما ابدعوا فى اختيار اسما للبحث و كان البحث بعنوان ( البعد الاثرى) بسبب ان مضمون البحث كان شامل ادق التفاصيل للحضارة المصريه، كما كانت نظرات هيلين و كريم للفتيات كانت مليئه بمشاعر كثيرة الفخر و الحب كما كان سيف و فرح ينظرون الى الفتيات و كانت فرح على وجها ابتسامه و فخر بهم حيث اصبحت صديقه مع الفتيات بعد عودتهم من رحلتهم بمده بسيطه وبعد عدة لحظات القى مسئول المسابقه بفوز بحث (البعد الاثرى ) وكان هذا جرس الانذار للشباب حيث انطلق كل زوج الى زوجته يهنئها ويقوم بضمها يزن و هو يضم مايا : الف مبروك يا قلبي انا فخور بيكى جاسر و هو يضم شدن : بقى ام لسان تطلع بالشطاره دى زين و هو يحضن روجين و يلف بيها بشكل مجنون وهو يصرخ : الف مبروووك يا قلبي اياد و هو يضم موده ويلف بيها بصراخ : بحححبك زين و هو يضم روجين و هو موجه نظره ل اياد زين : قلود اوووى الواد ده ______________________ وبعد اسبوعين فى احدى افخم القاعات فى القاهرة وبعد لحظات بسيطه كان كريم ينزل من ع السلالم بصحبه اخته شدن و موده وكان كلا من جاسر و اياد فى انتظار لحظه و صلهم كريم و هو يسلم شدن لجاسر : انا عارف انا شدن تعبتك معاها ، بس دى كل اللى ليا ، خد بالك منها جاسر و هو يطبع قبله ع راس شدن: متقلش على شدن يا كريم انا بوعدك انى احافظ عليها دى. روحى و دنيتى ثم اقترب كريم من اياد ليسلمه موده : انا مش هوصيك على موده لولا انا باباها ومامتها عنده عمليه صعبه كان هو اللى سلمها ليك اياد وهو يستلم موده من كريم : و يطبع قبله على كلتا يدها متقلش يا ابو نسب دى حياتى كلها وبعد لحظات نزل شكرى من ع السلالم و كان بجانبه من اليمين هيلين و من اليسار مايا و كان فى نهايه السلم يقف كلا من كريم و يزن لاستقبال كلا منه محبوبته من شكرى شكرى وهو يسلم هيلين ل كريم : حطها فى عينك كريم و هو يقبل جبين هيلين : دى ف قلبي ثم توجه شكرى الى يزن لكى يسلمه مايا : لو زعلتها فى يوم هيكون بموتك يزن و هو يستلم مايا من شكرى و يضمها : دى روحى يا شكرى و اخيرا رفعت و هو ينزل من ع السلالم يصحبه ابنه اخته وكان زين ضربات قلبه تعزف اقوى من موسيقى الزفاف رفعت و هو يسلم روجين ل زين : مع انى والله مستخسارها فيك بس بتحبك زين : انا لا اسمع لا اتكلم لا ارى الا هذه الموزه التى امامى روجين بخجل : زين زين و هو يضمها: يا قلب زين سيف : الجميل سرحان ف ايه فرح : مفيش يا حبيبى ، كنت بفتكر بس الفرح بتاعنا سيف وهو يقبل يديها: اخبار النونو ايه فرح و هى تلمس بطنها : كويس و بيقولك انا جعان يا بابى سيف بضحكه: ههههههههههههه ثوانى و يكون عندك كل اللى انتى عوزاها ____________ بعد ٥ سنين فى حديقه منزل شكرى فى الاسماعيليه كانت تجلس كلا من روجين . شدن . موده . مايا . هيلين . وايضا فرح حيث كانت كلا من موده و شدن فى اخر شهور الحمل وكانت تحمل كل منهن طبق ملئ بالاكل وبجانبهم هيلين التى تحمل ابنتها رهف صاحبه ال ٤ سنوات و كانت تجلس مايا بجانب روجين على الارض و بجانبهم فرح و كانوا يلعبون بالعاب التسالى مثل العاب الورق المعروفه باسم ( الكوتشينه) شدن ل هيلين : ما تسيبى رهف تنزل تلعب مع العيال هيلين ل رهف : تنزلى يا حبيبتى تلعبى معاها رهف برفض و بطريقه طفوليه: لا هيلين بحاجب مرفوع: ليه يا حبيبتى رهف : ادم هيزعل منى الجميع ب اندهاش فرح وهى تنظر ل رهف مستفهمه: وادم ابنى هيزعل منك ليه رهف ببراءه : هو قالى متلعبيش مع على وسليييم وادهم والعب معاه هو بس شدن بضحكه : هههههههههههههه اه مش قادره فين كريم يشوف و بعد لحظات جاء على (ابن موده و اياد) وكانت منه (ابنه زين و روجين) بصحبته وهى تبكى على ل روجين بعصبية : بعد اذنك يا انطى روچى متخليش منه تلبس قصير تانى علشان متبقاش بنت نوتى روجين وهى تاخذ بنتها فى حضنها : ماشي يا ابن موده والله لهوريك بتخلى بنتى تعيط شدن: انا عاوزه افهم الواد ابن اياد ده طالع شخصيه ازاى كده ده ابوه تافه موده بغيظ : مالوا ابوه ياختى ده حته سكره ، مش راسم برود زى ناس شدن بضيق: بت انتى انا مقدره الوضع اللى انتى فيه ف لمى نفسك و هاتى طبق البسبوسه اللى جنبك ده اما اشوف بيقول ايه هيلين : يعنى الوضع اللى هى فيه ده انتى كمان مش فيه ما انتى بقيتى شبه الكوره الكفر اهو شدن : خالتى ام رهف والنبى اسكتى هيلين و هى تضرب شدن فى ذراعها : ام رهف فى عينك ، مش انا قوتلك متقوليش ليا كده موده لهيلين : خالص يا هيلى قولى لشدن يا ام ادهم شدن بغيظ : بت اسكتى هو انتى مش هتبطلى بقي فرح بضحك : خلاص يا هيلين قولى لشدن يا ام العيال احلى شدن بغيظ : ما بلاش انتى يا ام ادم موده بضحك : عيشت و شوفت ابو ادم. وام ادم حقيقى قدام عنينا شدن : ما بلاش انتى يا موده ، خلى الطابق مستور ولا نسيتى حورات الجامعه موده : ما خلاص بقي يا فضيحه انتى مايا وهى تضرب كف ع كف : اهو انتوا الاتنين طول عمركوا كنتوا ناقر ونقير وفى الاخر لما بقيتوا سلايف مش مبطلين خناق فرح بضحكه : لا وانتى الصادقه مش عاملين حساب انهم فى اخر شهور الحمل ، يعنى ممكن يعمولها فى اى وقت و يولدوا ______________ فى مكتب شكرى كان يجلس شكرى و رفعت بصحبه الشباب جاسر . سيف . اياد . زين . يزن .كريم يشاهدون احدى مباريات كره القدم واثناء المتابعه وجدوا ادهم (ابن جاسر و شدن) وبصحبته ريم ( ابنه زين و روجين) ادهم و ريم : ممكن ندخل يا جدو شكرى شكرى بابتسامه : اهلا اهلا بحابيب قلبى جاسر موجه حديثه ل ابنه : فى ايه يا ادهم ادهم بثبات و صرامه مثل ابيه: بعد اذنك يا بابا انا عاوز اتكلم ع انفراد مع عمو زين الجميع ب صدمه و فم مفتوح من ذلك الصغير ذات ال ٥ سنوات ولاكن طريقه كلامه تعطى له سن اكبر زين وهو ينظر ل ادهم و ريم : خير يا ادهم فى خناقه جديده ادهم ببراءة : لا يا عمو انا جايه اطلب ايد ريم منك بس زين و هو يصطنع عدم الفهم : بتقول ايه يا حبيبى مسمعتيش ادهم بضيق : بقول لحضرتك انا هتجوز بنتك فى ذلك الوقت قد طار عقل زين تمام و قد نسي انه يحادث طفل صغير زين : نعممممم يا ابن شدن ، ولزمتها ايه حضرتك ولا ابعد عن بنتى ياااض احسلك يزن بابتسامه خبثه لاخيه : ولا يهمك يا ادهم يا حبيبى انا عمها و موافق و هجوزهالك ، بس الراى فى الاخر لجدو رفعت و جدو شكرى ادهم وهو ينظر لشكرى و رفعت ببراءه: ها يا جدو رفعت و شكرى بابتسامه خبيثه رفعت ل شكرى : ايه رايك يا شكرى فى الكلام ده رفعت : والله انا معنديش مانع بس ممكن مبدئيا نعمل خطوبه لحد ما يتعرفوا ع بعض الاول زين صراخ : ييي ااااه يتعرفوا ، ما تخليهم يكتبوا الكتاب بالمرة جاسر : والله عن نفسي معنديش مانع وكل هذا تحت اندهاش زين ولم يتمالك كلا من كريم و اياد و يزن . و سيف الضحك على عصبيه زين بسبب هذا الصغير ____________________ فى الحديقه و خصوصا بالقرب من ازهار شكرى قطف سيلم (ابن سيف و فرح ) زهره حمراء جميله و قد اهداها ل يارا (ابنه يزن و مايا ) سليم : اتفضلى يا يارا الورده دى علشانك يارا : شكرا يا سليم ، بس كده جدو شكرى هيزعق سليم و هو يطمئن يارا : متخفيش جدو لو سئل انا هقوله الحقيقه و انى قطفت الورده ليكى وهو مش هيزعق يارا بخوف على سليم : بس انا خايفه يزعل منك سليم بابتسامه طفوليه : متخفيش اهم حاجه انك تكونى مبسوطه وبعد لحظات كان ادهم يجرى و خلفه زين و هو يحمل ابنته و كان خلفه جاسر يجرى خلفهم ليحمى ابنه من غضب زين و كان باقى الشباب قد سقطوا من تاثير الضحك و انضم اليهم كلا من رفعت و شكرى وكل هذا تحت اندهاش الفتيات روجين ل زين: مالك يا زين شايل ريم و بتجرى ورا ادهم ليه زين : البيه المسخوط جاى يطلب ايد ريم منى روجين باندهاش : نعم شدن وهى تزغرط: لولووووى جدع يا قلب امك عرفت تنقى زين ل جاسر : سكت مراتك والا جاسر ب نظره مرعبه: والا ايه زين: انا بقول نكتب الكتاب علشان نمنعهم من الفتنه ضحك كلا من رفعت و شكرى على هذا الموقف شكرى : يعجبنى فيك يا زين ثباتك ع موقفك يزن و قد احضر كاميرا يزن : يلا يا جماعه ناخد صوره جماعيه لينا تجمعوا الشباب و الفتيات و الاطفال و اخذوا عدد صور كانت تملئها السعاده و حب بينهم حيث كانت هناك صور كان زين يغازل بها روجين و اخرى كانت لجاسر و هو يضم شدن له و اخرى ل كريم و هو يضم هيلين و رهف ابنتهم و صور كثيره خاصه بالاطفال. و ايضا صور خاصه بزين و مايا تملئها السعاده وتوته توته خلصت الحدوته يارب تكون الروايه عجبتكوا و نتقابل اكيد فى روايات كتير و مبسوطه جدااا بكل واحد شجعنى و قالى كملى 🙏❤️❤️ تمت بحمد الله __________________ ملحوظه للايضاح كريم * هيلين = رهف ٤ سنين شدن * جاسر = ادهم ٤ سنين سيف * فرح = ادم - سليم تؤءم ٥ سنين موده * اياد = على ٤ سنين يزن * مايا = يارا ٣ سنين زين * روجين = ريم - منه تؤءم ٣ سنين ________________________ رهف & ادم منه & على ريم & ادهم يارا & سليم