عظام الشيطان

٦ اشجار يتراوح اعمارهم من بين 40 ل 50 سنه بيتم استئصال الافرع وحفرهم بطريقه احترافيه لتشبه العظام البشريه ...

ولاا اسامر ..

سامر : اوامرك يا ممدوح بيه عايز شاي , قهوه , ينسون ؟

ممدوح : ولا ده ولا ده روح الكفر هات العهده الي عمك مسعود سابهالي ..

سامر : ااه تمام يا بيه .. قولي صحيح هي ايه الطقوس الروحيه الي بتتم والي مهتم بيها وبتنفيذ عهودها ؟

ممدوح : بص ده حوار طويل وليه قصه بس عمك مسعود والكاهن طلب منه وجبه الارضاء لسيدنا ..

سامر : برضو مفهمتش وايه علاقه الشاب الي عم مسعود جابه ؟

ممدوح : معنديش خلق بس هختصرلك دلوقت ..الارضاء ان لوسيفر بيختار شخص معين ده واحد من اكتر الناس الي بتبقى نجسه ومنبوذه في الارض ..عندك الواد الي تحت ده , عيل كده اسمه مراد , كان حلمه يبقى رسام من امهر واقوى الرسامين .

_______________

في حوار مهم انت مش هتسكت لو عرفتو يلا يمراد .."جمال " الي كنت بتضربه كل يوم وبتجر شكله اختفى فتره واحنا قلقانين وقولنا حصله حاجه جه بعد فتره الواد وهو بيعزف عزف ايييه مفيش منه اتنين ..يا اخي ده عزفه بيسحر ..افتكرت يمكن في حاجه غلط والواد ده لحق يتعلم امتى ؟ بعد ما كان ادائه في العزف عالناي بيضحك كل الفصل ..هي حاجه غريبه واعتقد حد سبقك وقالك الكلام ده بس الجديد اني وانا بتكلم معاه , قالي انا متعلمتش ده من فراغ ..وعطاني تيكيت او بطاقه دعوه شكلها غريب كده وقالي : دي الي هتغير حياتك , كل يوم تلات من كل اسبوع الساعه ٩ في الحي ده . وانت هتفهم كل حاجه بدأت منين , وقبل ما يمشي من المدرسه بصلي بصه كده استفزتني , الا اني قولت استنا لما اعرف الاول الي وراه ..

قولتله : لا يراجل يعني المكان ده اتعلم فيه مهارات العزف ؟ ..وحتى لو , ده واحد فاشل يا " مدحت " ازاي في فتره اسبوع حصل كل ده وبقى عزفه بالسحر والجمال ده , مش مرتاح ..

قالي :على اساس انا الي مرتاح ؟ , تيجي نروح ؟ مش هنخسر حاجه ..

يمكن نلاقي مصلحه منه انت فاهم , ده مش شخص يطلع منه غير مصلحه على قفاه الي بيتضرب عليها , ما هو مرتاح ماديا برضو .. قولتله : ماشي تمام ..

انتهى الحديث وفي نفس اللحظه دخل علينا الفصل "جمال " و بصلي بصه اقرب للي حكى عنها مدحت , زي ما يكون بيهني وبيقولي شوف انت فين وانا فين , النظره دي كانت جزء من ثانيه بعد كده بص لمدحت وهو بيوشوشه وبيقوله : الي اتفقنا عليه ..الساعه ٩ بكره في الحي , ورجع قعد مكانه ...

كنت متشوق اعرف ايه الي هنشوفه في المكان والمعاد واليوم ده بس اعتقد حاجه انا مقابلتهاش قبل كده وبالتالي هتبقى مغامره بالنسبالي ...

____________

سامر : ايه يممدوح بيه وقفت ليه متكمل ..

ممدوح : انت مش شايف ان احنا اتأخرنا عالأرضاء ؟ هات الواد ده بس وانا اكملك قصته الي عرفتها من عمك مسعود .. رد عليا وقالي : تمام يا بيه .

معداش ٣ دقايق وكان سامر فتح الباب وهو بيجر مراد ده كأن بيجر جثه ..عارف انت احساس الشخص الي بيروح وهو عارف انه هيتعدم فا مش قادر يشيل نفسه ولا يتحرك ..حركه سامر بالعافيه خصوصا انه كان تقيل لحد ما وصل للبيدروم الي كان شبيه للقبر ورماه ..

ممدوح : تمام كده روح انت بقا شويه وهبقى اناديك نكمل الحكايه ..خدته كان مربوط بجنزير ربطت طرفه في مقبض الباب وشرحته وهو حي كأني بشرح جثه ..خرجت عظمه ..وده حرفيه الي عملته , عظمه بالكامل قدرت اخرجه بطريقه معينه وانا كان عندي خبره في كده وحطيت مكانه العضم المصنوع من اغصان شجره معينه , تحديدا شجره البلوط , معروفه عند السحره , وبدأت اخيط الجثه وبالنسبه للراس كانت زي ما هي ..اهم حاجه انه تم تشريجه ونجحت العمليه .

خدته ورميته في كيس اسود وركنته لحد ما يجي عم مسعود ياخده ويوصله في المعاد المطلوب الي اتفقنا عليه الساعه تسعه !!!!

, طلعت عشان اقابل سامر , كان بيحضر كوبايتين شاي , وطلعت انا اقعد بره لحد ما جه بالشاي وقالي : انا شايف ان انت بقيت كفائه دلوقتي والعمليه مخدتش منك كتير , كملي بقا الحكايه يا ممدوح بيه واتفضل خد كوبايتك .

_____________

صحيت من النوم ولبست احسن لبس على اساس اني هروح حفله او مكان سري على حسب التذكره , وكلمت صاحبي مدحت وخدته معايا ..وصلنا الساعه ٩ او قبل المعاد ب٥ دقايق تحديدٱ ..مكان اشبه بقاعه او هو فعلا قاعه في منطقه زي تقدر تقول نادي خاص وانا عرفت مهمه التذكره الغريبه الي كانت مع مدحت وادالي واحده هو كمان , ودخلت

..ناس لابسين بدل على ابواب النادي وكل مكان ادخله الاقي صف يتفحص التذكره الي معايا ويسمحلي بالدخول الصف الي بعديه وكان ده اخر باب عليه فرد امن تفحص التذكر بتاعتي انا ومدحت .. قالي انت نفسك تبقى ايه ؟

قولتله : دايمٱ بحلم ابقى رسام عالمي وابهر العالم برسوماتي , ايه يا سيدي , تقدر تعمل ده ؟

..

قالي : نفذ عهد من العهود الي من خلالها هتقدر تاخد الأمنيه دي ..قولتله : بجد ؟ هو ده بقا الي ممكن يخليني احقق حلمي فعلا ؟ .. قالي : هنا انت تقدر تحقق كل الي نفسك فيه , اعتبر نفسك في جنه وبتطلب كل حاجه انت عايزها ..

قولتله : وانا موافق على اي حاجه تطلب , بس عرفني انتو بتعملو ايه ..

وصلت لمكان اصغر شويه وكانت دي القاعه , بعد ما عديت من الباب افتكرت اني هشوف ناس كتير وحفله لقيت مكان كله كأنه تجسيد لشكل بيت مهجور , في شئ ملفوف في ملايه وحواليه تلاته راكعين قدامه , وهما بيرتلو بكلام مش فاهمه , والي اتضح انها جثه .. بعديها شالو الملايه وقطعو دراع الجثه اليمين وهما بيشرحوها وبيطلعوها منها عضمه حرقوها قدامي , بينما طلعو عضمه تانيه وزي ما يكون بيزرعوها في مكان العضمه القديمه ..بس الاغرب الي انا شوفته ده مكنش عضم عادي , الي انا شوفته مكنش عضم اصلا , ده كان خشب واخد شكل العضم , انا , انا مش غبي عشان مفرقش شكل العضم من الخشب , ده طقس معين مش فاهمو بس ده اهم ما في الطقوس وفي قمه تركيزهم , روحت عشان احضر معاهم مع اني خايف , انا اتحطيت في الأمر الواقع وشبه حسيت ان الي بيحصل بجد فعلا والسحر وراه كنز مستنيني , بس دي الجلسه الاولى الي هتخليني اكمل معاهم ويدوني العقد الي هوقع بيه على اتفاقيتهم , حضرت وكان مدحت مش معايا , ايوه مش معايا متستغربش ..وهخرج من غيره برضو ههه ..انا اصلا مضيت العقد .. مضيته بدم مدحت ..بدم واحد صاحبي عيشت معاه طفولتي كلها ..

قبل ما يجي مدحت ويحكيلي كنت انا مقابل جمال قبلها , ووراني حاجات مكنتش متخيل اني اشوفها شكيت لوهله انه بيوقعني خصوصا انه شخص حامل ضغينه تجاهي , بس الي انا شوفته في عينه , شوفت جواها مفوذ وحلم اكتر من مجرد مال , وبمجرد ما قابلته , اشتغل جوايا فتيل القتل , وانا هنا مش قصدي على جمال , انا قابلت شيطان , كان حاطت ايده على كتفي , مقدرتش اشوفه كويس وملامحه مشوهه بالنسبالي , لكني ادركت انه هو , مدحت كان واقف في المكان الي اتفق فيه اننا هنقابل جمال , و قتلي لمدحت في ساحه النادي دي كانت البدايه والمرحله الي قبلوني وشافوني مناسب فيها ..واتوافق على العقد

_________________

..... يسامر يبهيمه هو انا بحكيلك حدوته قبل النوم عشان تنام ؟

سامر : ايوه ايوه معاك يا بيه كمل ..

ممدوح : بس كده , سيدنا الي قالو عنه انه

فضل ملازم لطقوسهم ... حظه انه كان عايش في بيت عيله , استغل مرض امه ودبحها وهي مش قادره تعمل حاجه او تقاوم ...لقا بنت اخته الصغيره كانت في المطبخ وبتشرب ولما عدت وشافت المنظر وكانت هتصرخ , دبحها ودخل كمل على بقيت العيله وهي نايمه ...

دبح ابوه واخته , جوزها كان لسه هيقاوم فات الاوان واتدبح هو كمان في لمحه ..

كان زي الشيطان متجسد في زي بشري متعطش لملذات الدنيا ...استعمل دمهم كلهم وخلطهم مع الالوان ورسم اللوح الاحترافيه الي خدت شهره عالميه , واتسلط عليها الضوء واتشهر شهره عمياء .. كل عطاء بيجي بيروح فجأه زي ما كان في

سنين استمتاع بالشهره والمال والأهواء ..كان من ضمن بنود العقد لو اتطلب منه انه يضحي بنفسه او يتقطع اشلاء من اجل الولاء للشيطان , ينفذها من غير تفكير ..وده الي حصل , وطبعا انت عارف مفيش بشري بيقرأ البنود كامله ..

رفض , مش عشان ضميره رجع , عشان هو ادرك ان اخرته هتبقى زي ضحيه قبليه حضرها وهي بتتنفذ فيها طقوس الأرضاء وبيقطعوها اجزائها ويخلوها من العظم ويستبدلوها ..الدايره بتلف ويجي بعده وبعده , طقوس بتتنفذ شهره واسعه دايره تلف يجي الدور عليه ويتم التضحيه بيه للشيطان واراقه دمه المسموم , والي اتنفذ فيه يجي غيره وغيره والدايره هتفضل على نفس المسار ..الطلب على الجنه المؤقته كبير , والضحايا بتزيد ..

باب بيتفتح قدامي وبيخرج منهم اتنين لابسين لبس ملون عادي مش لابسين نفس اللون الابيض اللعين ..حسيت ساعتها احساس اني بشوف اللون ده لأول مره كأني معرفهوش وانا مصدوم ..سنه كامله من الحبسه في المكان ده كافي انه يخلي اي شخص يبقى مجنون وينسى كل تفصيله في حياته ..كل الي فكرت فيه ان هما اخيرٱ هياخدوني وهيحرروني اخيرٱ خدوني في العربيه ..بدأت اشوف كل العالم من حوليا اخيرٱ.... الحبسه رغم انها نسيتني شكل الحياه عامله ازاي وكأني بشوف العالم لأول مره , بس ادركت اني كنت غير راضي عن الحياه الي عايشها قبل الشهر وخلالها وطمعان في المزيد ..

خدوني ورموني في سرداب ..الحاجه الي لاحظتها في المكان اوي عضم ....هو شيئ اقرب للعضم لكنه في الحقيقه مظهره بعيد عن العضم الي اعرفه شوفت شكله واستعدت كل الذكريات من. تاني .. من اول محفل روحته وشوفت العضم ده وهو بيختار مكانه في الجثه .....قرب شخص وحط جنزير في ايدي وربطه في الباب وجه راجل شكله غريب بدقن طويله بيقرب مني وفي ايده اداه حاده عريضه ..

سعد : ايه يا عم ممدوح , ايدك الزفره لسه زي ما هي من ساعتها ؟

ممدوح : يمكن ده ولاء مني انت نفسك كنت تتمنى توصله في يوم من الايام , الأخلاص مش مجبر انك تنحني ليه , ولكن مد دراعاتك لما يمنحك الخلاص , عسى انه يطهرك من جديد , والأختيار وقع عليك في الدايره , والقرض الي خدته جه الشيطان في وقته لأسترداد مستحقاته .

سعد : الجنه المؤقته بتسموها , اشبه بالمخدر الي بيعمينا عن الواقع , حاسس اني متقبل الموت , بس مش ايمانا بمواثيق العقد , لكن لأني شوفت بما يكفي يدي انطباع لفكره الروح المعلقه الي انا هايم بيها في نقطه فاضيه , مفيهاش ارواح تانيه ولا طعم ولا لون .

رد صوت : ولكن في روح هائمه بتفضل موجوده دايما , هي الي بتراقب وبتأمر وبتحكم في صمت .

والحقيقه ان ده كان صوتي , الروح الي بتروي بأسم سعد واي شخصيه تانيه وبتراقب احداثهم , الشيطان الي بيبدأ يحرك الجثه بعظامه المصنوعه من خشب البلوط وتبدأ الجثه تقف من تاني , انا الي بتحرك بيها وبأمر الخدم بتشريح الجثه الجديده , وتبتدي مرحله انطلاق الأشاره مني بأحضار شخص مختار جديد , لأكمال الدايره , ومنحهم القروض الغير قابله للسداد , فا هي حيله اي نظام ساعي للحكم .