باللون الأبيض

فوقت من غيابي عن الوعي .

كنت حاسس بوجع جامد في ايدي ، قومت لقيت الارض كلها عباره عن بحر من الدم ..ودراعي مفتوح من اوله لأخره ..حاولت اقوم ووقفت بالعافيه وكنت بمشي وانا مش قادر اشيل نفسي وكل اما امشي خطوه احس بدوخه واني هقع بس كنت بحاول مفقدش الوعي ورحت دخلت الحمام وغسلت ايدي من الجرح ده كله ..غسلت وشي لغرض اني عايز افوق ..

خبط ورزع رهيب على الباب ..اتكلمت بالعافيه

وقولت : مين ؟

الرزع استمر لحد ما الباب اتخبط خبطه عنيفه واتكسر

روحت قفلت باب الحمام وتربسته ..بيدورو عليا

عايزني ..عايزين يعذبوني ويجبروني اني ارجعلهم بعد كل الي حصل ..

مواريش غير الحل ده , فتحت الشباك الحمام وانا لسه هنط عايز اخلص حتى لو هموت .

انا مش عايز اتعذب اكتر من كده خلاص , باب الحمام اتكسر من اول خبطه ودخلو ٣ رجاله طول بعرض ولابسين بدل سودا وشدوني من هدومي تزامنٱ محاوله نطي من الشباك , كنت بعافر على قد ما اقدر عشان ارمي نفسي بس كنت ضعيف جدٱ بسبب الالم الي في دراعي , دخلوني جوه وربطو ايديا وانا كنت زي المشلول مش قادر اعمل حاجه والالم مخليني مش عارف اقاومهم .

التلاته ماسكني من كل اتجاه وبينزلوني للشارع , قولتلهم : انا مش هرجع للتنظيم بتعكو , حتى لو هموت ميهمنيش , انا معنديش حاجه اخسرها ..

محاوله فاشله منكو لأني مفيش حاجه تستاهل اني اتهدد عشانها , اهل وقتلتو ..سمعه وشوهتوها , ايه تاني ؟

واحد منهم نطق وقال : اسكت وبلاش كلام كتير وتعالى معانا ..

: وحتى لو جيت هموت نفسي , او انتو الي تقتلوني ..

مش هتبع اي امر تملوه عليا . كممو بوقي ودخلوني عربيه سودا واول ما ركبت العربيه طارت الشارع كان فاضي , وده الي كان عاملين حسابهم عليه , يمكن قبل ما حد يبدأ ياخد خطوه بعد اخر لايف عملته .

فوقت من فقدان الوعي تاني وفي لمح البصر النور رجع ..انا كنت مربوط في كرسي تصنيعه غريب وميكانكيته غريبه .

اقرب تشبيه ليه كرسي من كراسي التعذيب في العصور الوسطى بس متضاف عليه شويه تعديلات ..

لاحظت من المنظر الي قدامي اني جوه اوضه عاديه جدٱ ...

صوت الخطواط بتقرب ..الباب الي كان من يميني فتح ودخل مكنش باين من ملامحه غير رداء او جلبيه سودا وقناع لكلب , حواليه ٢ من رجالته الضخام .

: ازيك يا سعد , انا مش محتاج اقولك انت جاي هنا ليه , لان انت عارف انك غدرت بينا واختارت انك تتخلى عننا بعد ما اكتفيت من نعيمنا .

انت واحد شبعت بعد جوع وضربت الايد الي خلتك تعيش وتقف من تاني .

اقسمت بالعهد واي حد يقسم بالعهد مش هيكسره الا على روحه وعلى ارواح اقرب ناس ليه .

وقرصه الودن كانت امك .

المره الجايه انت مش هتموت بس , انت هتتعذب نفسيا وجسديا في حياتك لحد ما تموت , انا بديك فرصه ذهبيه تاني مش كتير بياخدوها ..

انت لو كملت العهد هتكمل مسار حياتك من جديد , وكل الي حصل ده هيعاد صياغته وتبريره في الأعلام وهيتم استبعادك من التحقيقات , اعتبر كل الي حصل ده اتمسح من حياتك ..

قولتله : مستحيل , الغلطه الي غلطها عمري ما هكررها تاني , قولي انتو خليتو ايه اعيش عشانه ؟؟

اعيش حياتي كلها مكسور ومتألم في نعيمكم المزيف المؤقت ولا اموت واعيش مع كل الناس الي بحبهم لو اتكتبلي ...

قالي : يبقى عيش الجحيم الي عمرك ما هتنساه لحد ما نحققلك امنيتك , الموت , هو اخر مرحله هتمر بيها في حياتك ....

وفاه مغني الراب" نيثان ريك " مصتدمٱ بسياره بجانب تعاطيه للكحول اثناء السير ...

شوفت يا ممدوح ؟ ايه رأيك ؟ متعاطي كحول يعني هو مكنش بيعدي الطريق على رجله واتخبط ده كان ملتزم بمسافه الرصيف على حسب الكلام الي اتقال ..

مش حاجه ممكن تكون متخططلها ..

رد ممدوح وقال : لا لان ببساطه انت لو ركزت هتلاقي ان موقع الحادثه في الرصيف يعني مكنش بيعدي الشارع وهو متعاطي الكحول ..هو كان ماشي عالرصيف وعربيه اكيد مش بالغباء انها تسيب الطريق وتدوس واحد فوق الرصيف نفسه يعني مقصوده وانت بتقول متعاطي كحول ؟ .. الطبيعي الي بيتعاطى كحول بيتعاطى كميه كبيره , وجسمه لما اجروا كل الفحوصات اكتشفو كميه قليله جدا , نيثان كان محقون بكحول عشان ميتشكش ان حادثه الاستطدام مقصوده وانه كان غايب عن الوعي عشان متتصنفش عمليه اختيال ودي مصادر , اما بالنسبه للميديا ...متفتكرش ان الميديا بتقول رايها الشخصي ..المديا بتقول الي هما عايزينه ..زي ما بيشتروا مشاهير ونجوم يقدرو يشترو الاخبار ..صح كلامي يا "جمال "؟

جمال : كلامك مظبوط ومقنع فعلا ..بس محدش يقدر يتكلم .

احنا نفسنا مينفعش نتكلم ..خلينا في حياتنا احسن ومنشغلش نفسنا في الحاجات الي هتجبلنا المشاكل ...كل عيش واسكت ..احنا الاتنين مش هنغير العالم .

____________

سامع صوت انا عارفه كويس وحطيت راسي في البطانيه زي الاطفال لما سمعته

بتقولي : انت السبب في موتي ياسعد ..انت الي دخلت نفسك في الدايره دي وانا الي اتأذيت ..ليه عملت كده ؟ ..ليه ضحيت بأمك ؟

انا مش هرضى عنك مهما حصل وهتتعذب طول حياتك في الدنيا والاخره ..

شيلت البطانيه وانا بترعش لقيتها قدامي , واقفه وبتبصلي وفي اثار لشق في رقبتها متخيط .

قولتلها : اسف انا , انا مليش ذنب , هما الي اجبروني على اوامرهم ومكنتش اعرف انهم هيقتلوكي , لو كنت اعرف كنت مبدأتش كل ده ..

صدقيني انا مظلوم ..وانا الي بتعذب بعد موتك ..

: كداب ..هتفضل طوووول عمرررك كداب يعابد الفلوس .. صوتها اتغير بشكل ملحوظ , ساعتها عرفت انها مش امي , لا دي اكيد مش امي , منظرها اتحول ..جلدها بيتقطع وبيسيح وبيظهر مظهرها من غير جلد , جسم دموي بيتحول شكله كأنه بيتفحم للون اسود فحم ..

كائن اسود رفيع بيبصلي وهو بيقولي لازم تدوق العذاب الي اتعذبته لااازم تدوقه ههههه ... بتقرب او بيقرب الكائن ده حبل المشنقه بني وانقضت عليا وهي بتخنقني بيه ....

صحيت وانا بمسك رقبتي ..مكنش في حاجه .بس انا كنت حاسس بشعور الاختناق وكنت هموت فعلا.. بس ثواني انا مصحتش لقيت نفسي في السرير ..انا كنت مربوط في نفس الكرسي ..انا نسيت اني كنت مخطوف منهم اساسا , الاختلاف التاني ان الاوضه كلها ابيض في ابيض مفيش اي لون تاني في الاوضه غير اللون الابيض

..حتى الاكل الي محطوطلي ابيض ..ايه ده ..ايه الي بيجرى ..انا عايز اخرج من هنا ..انا عايز اخرج ..مكنتش عارف اتحرك وكنت مشلول لحد ما لقيت الكرسي اتفك بس لما اتفك كان في جنازير مكانها ..

.والي هو الجنازير مربوطه بطريقه تخلي مداها لحد باب الاوضه عشان معرفش اخرج منها ..باب الاوضه الي انا مش لاقيه اصلٱ من اللون الابيض الموحد ده .. لكن الاجابه لكل الي انا شايفه ونتيجته اني نفسيتي سائت ..نفس الانسان الابيض الي بيخش الاوضه بالوجبات بتاعتي الي لونها ابيض ..

كل حاجه لونها ابيض ..اسابيع وشهور بتعدي وانا لسه في نفس الروتين ..انا عايش في جحيم نفسي ..حتى الانتحار والموت مش عارف اموته ..انا بحاول اموت مش قادر ..كنت بموت كل يوم من التعذيب النفسي في جحيم ابيض ..

انا بكره اللون ده بكرهه انا عايز اشوف لون تاني مش قادر ..انا وصلت لدرجه اني كنت عايز اخبط راسي في الارض او في الجدران عشان اشوف لون الدم ..انا بتعذب بطريقه مموتش منها مهما كان ..حتى الجدران والارض مصنوعين من ماده مطاطيه متسببليش اذى واي وسيله اذى مش موجوده حتى الجنازير عليها طبقه مانعه للاذى ..معرفش ايه مغزاهم من تجربتهم الشيطانيه الاشد عذابٱ دي . .....يتبع

الي عرفتو ان دول تنظيم من التنظيمات المدمنين لشهوه التعذيب النفسي والجسدي وعندهم خبرات في تصنيع الألات والحيل للتعذيب ودي احداها , حياه كلها بلون واحد , بدون موت , تعذيب نفسي فقط , سنه بتعذب ,

مستني الوقت الي يفرجو عني فيه , او المعنى الاصح يقتلوني ..بتخيل اللحظه السعيده دي تيجي لأنها هتبقى النعيم بالنسبالي ........