دم في كل حته ...شاشه مكسورة والبيت كله كان اشبه بالمقبرة ..
عالأرض , سعد فاقد للوعي بعد نوبه صرع .. صوت رسايل بتتبعت واحده ورا التانيه ..
: انا فين ؟ ايه الي جابني هنا ؟
فلاشباك من اول الي حصل خلال يوم كامل .
: امي , فين امي ؟ ..مين الي عمل فيكي كده ؟
انا مش هسكت غير لما اعرف مين وهعذبه من غير ما يشم ريحه الموت .
رساله تانيه بتتبعت قومت فاتح التلفون عشان اعرف في ايه , مين بيبعت من مجهول ؟ ..اكونت جديد باسم illuminated moon
بيقول : اهلا
: اظن انا عندي كل الأجوبه للأسئله الي بتدور في دماغك دلوقتي
: الي قتل والدتك مش واحد ولا اتنين .. دي طائفه كامله ..
illuminated moon " " افتكر الاسم ده كويس
كتبتله : انا قولتلكو مش هوافق , انا حر انا مش عايز اوافق على العهد ولا اخد بيه كمان تقتلو امي؟ ..
انا مش هرحم حد فيكو وهفضحكم واحد واحد .
: بس انت مش مطالب انت مجبر ..
كلام غير منطقي انك تفضح منظمه كامله وانت مهدد من كل حته حتى وانت في بيتك ..كبرناك وشبه عملناك وخلقناك من جديد , شخص فاشل مش عارف يعمل اي حاجه في الحياه , فاشل في دراسته , مش لاقيلك شغل عشان تصرف على امك المريضه .
بقيت واحد من اشهر اليوتويبرز وصناع المحتوى في العالم العربي ودلوقتي انت بتطالب بالغاء تجديد العهد ؟
ههه مش بالسهوله دي يا سعد , والي عطيناهولك هناخد مقابله .. مش محتاج اقولك ان مقابله هو روحك , على الجبهه التانيه عذاب بشع متتحملهوش ..
ده لو يعني نفترض ان انت حاولت تفضحنا فعلا زي ما بتقول ..
يا تكمل العهد وتلتزم بيه وتنسى كل ماضي وحدث حصل .
انا كنت شبه انسان بدون روح وبدور على روحي وفي نفس الوقت مطالب اني ارجعها وابيعها تاني , في الحاله دي انت بتعمل ايه ؟
شخص مفقود فيه الامل , ماسك شفره حاده وبمشيها على دراعي من اولها لأخرها ..سمعت صوت رساله تانيه .
طشاش وغياب عن الوعي , قبل ما ادخل المرحله دي قولت لنفسي : انت لو انتحرت هتبقى ضيعت كل الي تعبت عشانه وخسرتها , فكر قبل ما تعملها .
__________________________
شخص ادخل البهجه على كل الشباب والمراهقين والمراهقات بعد سنه كامله من انقطاعه عن الغناء رجع تاني بألبوم ..
اقل ما يقال عليه , احسن البوم لعام ٢٠٢١ .
ودخوله قايمه ال billboard في اول خمس مراكز .
حاصل على جوايز "غرامي " , ايه تاني ؟ الكلام ده قليل جدا على شخص زي ده .. اقدملكو "نيثان ريك "
الانسان الي بأقل مجهود عنده بيظهر للعامه اعماله بطابع دسم .. اتفضل يا نيثان اتكلم عن البدايه الي ابتديتها من زمان ..
: شكرا جدا على الترحيب ده , انا موصلتش لوحدي, انا وصلت بمساعده ناس كتير ليا معنويا كتير ونفسيا خلوني افكر في تحقيق حلمي بعد ما كنت قولت ان انا مش هبقى مؤهل اني ابقى مغني او مؤثر اصلا .. طبعا حصلت مشاكل زي ما انتو كنتو متابعين زمان وكل المشاكل دي اتحلت , في البدايه بتتعرض لمشاكل كتير , مشاكل نفسيه , مبتعرفش تسيطر على نفسك وبتعمل غلطات كتير بتفتكر انها بتعلي من مقامك لكن هي في الحقيقه شعور مؤقت وهيزول وهتدمر بعديها لحد ما تخسر ..وانا كنت من ضمن الخاسرين , لكن اقنعت محبيني عكس كده , قعدت فتره طويله وسط ضغوطات وتهديدات بس قومت وبدأت كل حاجه من أول تاني لحد ما استسلمت..
المذيع : تهديدات من مين ؟
: انا مش هتعمق لكنت كانت غلطه وقعت فيها ,
معلش يا استاذ مارك بس انا مش هغوط , مش هقول حاجه غير اني متهدد .
انا مش جاي هنا احكي قصه حياتي زي كل البرامج الي طلعت فيها وكدبت نفس الكدبه .. بس جه الوقت اني اتكلم واقول الحقيقه ..
انا مش هعيش كتير وهموت زي اي حد مات قبليا ومتاخدش حقه نظرا لأننا مجرد اشخاص ضعفه وعاشو في ستار الشهره يمكن تحمينا .
روحت اتحاميت في ناس وطلبت المساعده منهم , خلوني معروف , سلطاتهم محولتش ضعفي انما غطتها بستار القوه .
مقابل اني انفذ مطالبهم واقايضهم بأغلى حاجه في الكون .
السلطه بتعمل كتير , بتحولك من شخص ملهوش لازمه وضعيف لكياان بيسيطر على الشعوب ويكون المؤثر ليهم , الي بيرشدهم , ايا كان الطريق لو على حساب تغير العقيده والسلوك والتحكم فيهم من العولمه , غرضهم تقليد قضوتهم بس .
اكتر الناس المشاهير الي زي امثالي ملهومش لازمه مجرد ناس قايدو كل ما يملكو من صلحيات روحهم بصفقه او عقد بيتوقع بالدم , مقابل انهم يزرعولك جنه خاصه بيك وسلطه , هتقولي ايه الوحش في كده ؟ هقولك ان النعيم والجنه الي انت بتاخده دي مؤقته ويجي الوقت انك تنفذلهم مطلبهم ايٱ كان , حتى لو هيتم تقطيعك اجزاء , انت بتقسم انك هتديهم الصلاحيه انهم يعملو كده لو اشائو , احنا كا بشر اسوء من اننا نفكر غير كده , مبتفكرش انت هتعيش مرتاح لحد امتى او هيكون مقابله ايه على قد ما انت بتبقى مستعجل وجعان للنعيم الي عايز تعيش فيه دلوقتي .
احساس انك تقدر تاخد وتعمل الي انت عايزه بيعمي ضميرك واي شئ حتى لو هتأذي نفسك ... انا , انا , انا مش متخيل انا عملت كده ازاي , انا بعترف اني غلطت لكن مش عايز حد تاني يغلط نفس غلطتي ..انا كنت من ضمن الاغبياء الي استعجلت وخدت جنه مؤقته وبيعت مع ان كان بأمكاني اني اعمل العكس واخد جنه دائمه في الاخر .." انا مش مجرد مغني الراب المشهور الي بتحلمو تكونو زيو في مهارته , انا شخص متوظف عشان أثر في عقول الناس واضمهم للتنظيم لو طلبت منهم "
انا مش هقول اني اتغيرت وبقيت شخص جديد بيشتغل على نفسه بجد ..لأني مش هلحق حتى اعمل كده , كلكو عارفين ليه , هيحصل ايه غير ان يطلع عليا اشاعات واطلع شخص مكروه وفي الاخر اموت , السلطه بتعمل كتير يساده , دي مش مجرد نظريه مؤامره بس , دي تغير جزري للعالم كله وتحويله تحت اسم النظام الموحد . ..ناس كتير بقت تسقف ومنهم الي بيعيط متأثر بالكلام .
مذيع البرنامج كان بيسقف وبيقول : خلصت الكلام ولا لسه في كلام تاني ؟
: لسه ..هقول حاجه اخيره بس تثبتلك الحقيقه الكامله للسلطه دي ..معلش على الدموع دي بس الخبر فعلا يستحق ..
انا اتطلب مني اقتل اعز اتنين عندي والي كانو : اخويا الصغير الي عنده ١٠ سنين , وصاحبي الي كان صديق طفوله من بدايه دراستي .
اتطلب مني كده عشان ابدأ العقد , ونفذته .. مش عارف ازاي انا عملت كده , انا كنت عايز اعرف كنت حاسس بأيه وقتها , وانا كنت بقول لأخويا تعالى نخرج هوديك الملاهي ..
وروحت لحد الصحرى ودبحته بشفره حاده وصورته وبعتها ليهم ..
انا مكنتش انسان ..
انا كنت الكيان المتوحش الي اتصنع بواسطتهم ...بالنسبه لصاحبي .
_____________
يلا بسرعه يا راكان عشان الاسبوع ده هنقضيه احلى مصيف في حياتنا ..
جهزت كل حاجه انت محتاجها ؟
: اه كل حاجه جاهزه
نيثان : طب يلا نبدأ دلوقتي .
راكان : ايه ينجم ؟ امتى نشوفلك اغاني والبومات بقا ....
نيثان : قريب ..قريب جدا , الفتره دي بحاول اجمع فيها شتات نفسي عشان اركز في الي جي .
راكان : فاكر ياض ايام ابتدائي لما كنت مسيطك ومخليك انت النجم العالمي الي بتغنيلنا في الفصل ونسقفلك وكنا نمثل قدامك ان احنا عايزينك توقعلنا ..
نيثان : ياااه بتفكرني بأيام كانت من اسعد ايام حياتي
راكان : البت ساره بتاعت ابتدائي الي كنت عايز تخليها تحبك بأي طريقه , بعديها كنا عاملين حفله غنائيه ليك على الضيق في الجنينه , وجت قالتك انا من اكبر المعجبين وعايزه اتصور معاك .. انا فاكر اياميها انت مكنتش شايل نفسك من كتر الفرحه والتوتر في نفس الوقت ..
نيثان : ههه ولحد دلوقتي بحلم اني اوصل للمكانه دي فعلا عشان تبقى فخوره بيا واتجوزها ..
راكان : عارف يا نيثان انا اكتر واحد بتمنالك كده فعلا واكتر واحد بيشجعك وهيشجعك لحد ما توصل , شايفك نجم قدامي كده ورافع راسي ..
بس اياك تتكبر عليا بقا لما توصل , فاهم ؟
بعد ما قال الجملتين دول تلقائي عيني دمعت .
حاولت اخفي باي طريقه عشان مياخدش باله , لحد ما وصلنا ..
ساعتها , ساعتها اتظاهرت ان العربيه وقفت وقولتله العربيه فيها حاجه غلط ولا ايه ؟
قالي : ثواني هشوفلك مالها , يارب بس ميكونش في عطل كبير ..
قولتله : لا استنا انا هشوفها , هي علطول بتحصل معايا وانا عارف احلها ازاي .
خليك انت في العربيه بس .
روحت فتحت شنطه العربيه وخرجت منها مسدس وحطيته في هدومي ..
دموعي مغرقاني بس بحاول اقاوم نفسي على قد ما اقدر ..
نيثان : راكان ..انا محتاجك تساعدني بس في حاجه في العربيه ..
نزل راكان من العربيه وجالي
وقالي : منا قولتلك من الاول هنزل انا اشوفها , سيبته يتفحصها وانا ايدي بتترعش لأقصى درجه , مش مستحمل الخطوه الجايه ..
خرجت المسدس من هدومي وهو قدامي , ايدي لسه بتترعش ..المسدس في ضهره .
راكان : كل حاجه سليمه ومظبوطه ميه في الميه , اومال العطل في ايه ؟
قبل ما يرفع راسه كنت ضاربه طلقه في دماغه ..
بحر , بحر من دم واحد عشت معاه ١٥ سنه اكتر من اخويا ودايمٱ كان في جنبي وبيتمنالي الخير ..عشان ايه
شويه فلوس وشهره ؟
صورته وهو ميت وبعتها ليهم , معلش يصاحبي انا مش عارف انا عملت كده ازاي ..
بدون ضمير موته واتخلصت منه في طريق مقطوع , ومن هنا بالفعل مضيت العقد بتاعهم وابتدت شهرتي من اللحظه دي ..
هو ده الانسان الي بتحبوه ؟
هو ده الحقير الي اكتركم بياخدوه قدوه ؟
انا ميهمنيش حد هيحبني بعد كلامي ده ولا يكرهني ويتف في وشي , لو كان يهمني مكنتش اتكلمت ولا يفرق بعد الكلام ده هيقتلوني ولا يلفقولي اي جريمه ..
مش ده الي خايف منه ,
شايف على وجهكو الصدمه , صدمه الحقيقه , الي متعودش حد فيكو يشوفها لأنه اعتاد على غسيل الدماغ بالكدب .
الجماهير الي كانت في الاستوديو والي بيتابعو البرنامج مباشر مذهولين ..اكيد الاحساس ده هتحسه لما تسمع كل الكلام ده من واحد انت بتعشقه ونفسك تبقى زيه
المزيع ارتبك مره واحده زي ما يكون جاله انزار
وقال : محتاجين ننهي الحلقه دلوقتي وبعتزر عن اي حاجه حصلت في الحلقه ..كان معاكم مارك من برنامج " خلف اسوار الفن "
