بيت من غير كتالوج
الحلقة الرابعة:
بقلمي مايا محمد
<<<<<<<<<<<<<<<<<<<<<<<<<<<<<<<<<
_يا ليلي يلا اتأخرنا
=حاضر جاية
_طيب انا هنزل اسبقك انا و اشغل العربية
=ماشي
بعد شوية ليلي بتنزل و بتركب العربية
_هاتي المفتاح
=مفتاح ايه؟
_مفتاح الشقة؟
=ايه ده انت ماخدوش معاك؟
_لا تخيلي ماخدوش معايا
=طيب بسيطة يبقى هو جوا الشقة
_بسيطة؟؟؟؟ ليلي حبيبتي انتي عبيطة؟؟؟
=لا ليه؟
_يا ليلي فوقي انتي نسيتي المفتاح في الشقة
=طب ما انا فايقة حد قالك اني نايمة؟ بعدين ايه المشكلة ما هو في الشقة مش هيطير يعني؟
_يا رب صبرني
=نفسي تقولى انت ليه عايز تبقى صبارة معرفش ليه كل ما اسألك تتعصب و متردش
_مش هرد بردو
=احسن متردش
_طب هنعمل ايه دلوقتي؟
=هنروح نعمل شوبينج عادي جدا و لما نروح نبقى نشوف حل
_يخربيت برودك يا شيخة يا ليلي فوقي انتي نسيتي المفتاح في الشقة هندخل الشقة ازاي و معناش مفتاح!!!
=تصدق صح مجتش في بالى
_طب ايه؟
=بسيطة تسلق البلكونة و ادخل الشقة و جيب المفتاح
_انتي يا بنتي حد قالك اني سوبرمان او سبايدر مان؟
=لا ليه
_ما هو ايه جو افلام مارفل اللى انتي عايشة فيه ده هتسلق البلكونة ازاي
=مش عارفة اتصرف انت بقى
_و انتي من امتى عارفة حاجة اصلا انا هتصرف و خلاص
<<<<<<<<<<<<<<<<<<<<<<<<<<<<<<<<<<<
بقلمي مايا محمد
سيف حاول يتسلق و يوصل للبلكونة لحد ما وصل اخيرا و لسه يا دوب بيقف في البلكونة واحدة من الجيران شافته
_حرامي!!في حرامي بيحاول يدخل الشقة اللى جنبنا!!
بعد خمس دقايق بالظبط كان الشارع كله ملموم على سيف علشان فكروه حرامي
_ما تقولى حاجة يا ليلي؟ ولا انتي موافقة يعني اني حرامي؟
=اه على فكرة انت حرامي و انا معرفكش
_وحياة امك يا ليلي؟ ليلي مش وقت هزار
=مش بهزر انت حرامي و انا معرفكش
_بقى كده؟
=اه
_تمام صبرك عليا يا ليلي
=اما نشوف
<<<<<<<<<<<<<<<<<<<<<<<<<<<<<<
بقلمي مايا محمد
_بقى انتي يا ليلي تقولى لهم اني حرامي و توافقي يودوني القسم؟
=طب ما انا قولت لهم في الاخر انك جوزي و مش حرامي ولا حاجة ايه المشكلة بقى؟
_لا يا شيخة كتر خيرك كنتي استنى لما يرموني في الحبس احسن
=تصدق فكرة حلوة؟
_بتقولى حاجة يا ليلي؟
=لا لا مبقولش
_بحسب بس
=لا متحسبش
<<<<<<<<<<<<<<<<<
تاني يوم سيف كان داخل الحمام و ميعرفش ان ليلي حاطة صابون على الارض علشان توقعه
<<<<<<<<<<<<<<<<<<<<<<<<<<<<<
بقلمي مايا محمد
_بقى انتي يا ليلي توقعيني و تكسري لي رجلي؟
=فدايا مش انت سليم اهو؟ ايه المشكلة بقى ده حتي كان مقلب صغير
_سليم؟ امال الجبس اللى في رجلي ده ايه؟ ديكور؟
=تصدق ممكن فعلا يكون ديكور؟
_يا رب صبرني
=ليه عايز تبقى صبارة؟ بعدين احمد ربنا انها قد على قد كده
_لا يا شيخة موتيني احسن
=لما تموت ابقى اكلم
_كريمة اوي انتي
=طبعا
_عوض عليا عوض الصابرين يا رب
_بس يا صبارة اسكت
<<<<<<<<<<<<<<<<<<<<<<<<<<<<<
بقلمي مايا محمد
