بيت من غير كاتالوج
الحلقة الثانية:
_يا سيف!
=نعم يا ليلي
_تعالى صلح الغسالة مش انت مهندس؟ اتفضل صلحها
=انا مهندس برمجيات يا ليلي مش غسالات
_زي بعضه مخلتفناش اتفضل صلحها
=يا بنتي بقولك مهندس برمجة مش غسالات
_مش اسمك مهندس في الاخر؟ يبقى اتفضل صلحها
=يا رب صبرني انا كان ايه اللى خلاني اوافق على الجوازة المنيلة دي
_ليه عايز تبقى صبارة؟ و بعدين احمد ربنا اني وافقت عليك اصلا انا مليون حد يتمناني اصلا و لو دورت في العالم كله مش هتلاقي زيي
=ما هو مش هلاقي حد يشلني و يعمل مصايب زيك فعلا
_بتقول حاجة يا سيف؟
=ولا حاجة يا حبيبتي مبقولش حاجة
_طب اتفضل صلح الغسالة
=يا بنتي انا مش بتاع غسالات و ربنا
_مش مشكلتي انت اللى هتصلحها يعني انت اللى هتصلحها
=عوض عليا عوض الصابرين يا رب, حاضر يا ليلي هصلحها و مالو
»»»»»»»»»»»»»»»»»»»»»»»»»»»»
بقلمي مايا محمد
_صلحت الغسالة خلاص يا ليلي
=شوفت الموضوع سهل ازاي؟ امال مكنتش عايز تصلحها ليه؟
_سهل ايه يا ليلي انا بوظتها مرتين لحد ما عرفت اشغلها تاني الغسالة ماتت يا حبيبتي قال صلحتها قال
=زي بعضه مختلفناش المهم انها اشتغلت تاني
_يا رب صبرني
=طب انا عايزة افهم انت ليه عايز تبقى صبارة!!
_كده كتير انا ماشي
=سكة السلامة يا حبيبي
_يا شيخة يخربيت برودك بقى
=فدايا
_ و مالو و مالو تحرقي دمي و تشليني و ترفعي لي الضغط و تعملى مصايب و فداكي
=ايوة طبعا فدايا يكونش عندك اعتراض ولا حاجة؟
_لا يا حبيبتي معنديش اعتراض
»»»»»»»»»»»»»»»»»»»»»»»»»»»»
بقلمي مايا محمد
صحي سيف بليل و قرر ينتقم من ليلي و يعمل مصيبة هو كمان من نفسه و راح جاب اللبس بتاع ليلي و حطه في الغسالة و حط عليه كلور و سابه و راح ينام
»»»»»»»»»»»»»»»»»»»»»»»»»»»»
بقلمي مايا محمد
_سيف!!!!!!!!!
اول ما سمعها بتنده باسمه عرف انها اكتشفت المصيبة اللى عملها و راح جري يشوف مكان يستخبى فيه بس قبل ما يلحق يستخبى كانت لقته
_بتبوظ الهدوم بتاعتي يا سيف؟
=انا؟ انا كنت نايم اصلا معملتش حاجة و بعدين هي الهدوم بتاعتك باظت؟
_و حياة امك يا سيف؟ انت هتستهبل؟ العفريت مثلا هو اللى حط الهدوم في الغسالة و عليها كلور؟
=اديكي قولتي العفريت و بعدين يا حبيبتي قولت لك مليون مره امي هي خالتك على فكرة
_طب و انا قولت لك مليون مره اني عارفة على فكرة؟
=ماشي اسيبك انا بقى و اروح الشغل
_استنى هنا يا سيف انت هتوه في الموضوع؟ انت فكرك انك هتبوظ الهدوم بتاعتي و تطلع منها زي الشعرة في العجين عادي؟ انسى يا سيف
=طيب يا حبيبتي انا ولا الهدوم؟
_الهدوم طبعا مش محتاجة سؤال
=و نعم الحب يا حبيبتي و نعم الحب
_حب مين و كلام فارغ مين؟ الهدوم اغلى منك يا حبيبي
=تسلمي يا ليلي تسلمي يا حبيبتي كلك ذوق
_خلصت؟
=خلصت ايه؟
_خلصت خلاص تتويه في الكلام؟
=اه
_تعجبني صراحتك
ليلي مسكت الشبشب
_استهدي بالله بس يا ليلي انتي هتعملي ايه نزلى الشبشب ده لحسن السلاح يطول
ليلي مردتش عليه و فضلت تجري وراه بالشبشب و هو بيجري منها
_يا ليلي يا حبيبتي اهدي مكنوش شوية هدوم يعني فدايا
=لا مش فداك مش فداك يا سيف
_اشمعنى انتي اللى كل مصيبة و التانية بتبقى فداكي
=انت عايز تقارن نفسك بيا يا سيف؟
_معلش يا حاضرة الاميرة اصلي من عامة الشعب مينفعش اقارن نفسي بيكي
=هتستهبل يا سيف؟
_طب ما هو انا قولت اعمل مصيبة من نفسي ايه المشكلة ما انتي بتعملي كل مصيبة و التانية و مبتكلمش
=فدايا
_طب ما هو فدايا انا كمان
=لا مش فداك قولنا
_طب نزلي الشبشب و هجيب لك هدوم تانية بدالهم
=هفكر
_هتفكري ايه هو عرض لمره واحدة مش هيكرر
=طيب موافقة هاخد الكريتد كارت بتاعتك و اعمل شوبينج بيها اتفقنا؟
_طيب اتفقنا
=طيب هات الكريتد كارت و الباسورد بتاعها
_اتفضلى الكريتد كارت و ربنا على الظالم و المفتري
=الباسورد بتاعها ايه؟
_ الباسورد **********
=اوكي
»»»»»»»»»»»»»»»»»»
بقلمي مايا محمد
_صرفتي عشر تلاف جنية يا ليلي!
=فدايا مش انت اللى بوظت لي هدومي؟ استحمل
_ربنا على الظالم و المفتري
=بتقول حاجة يا حبيبي؟
_لا ابدا
بقلمي مايا محمد
