بيت من غير كاتالوج
_فين التيشيرت الابيض بتاعي يا ليلي؟
=هتلاقيه عندك في البلكونة كنت نشراه بعد ما غسلته
بعد عشر دقايق:
_مفيش اي تيشيرت ابيض في البلكونة
= و لو جيت و جيبتوهلك؟
_يا ريت
راحت ليلي و اول ما دخلت البلكونة شاورت له على تيشيرت بينك و قالت:
_ما هو قدامك اهو يا سيف
=قدامي فين ده تيشيرت بينك
_هو انا نسيت اقولك؟ اصلى غسلت الغسيل الالوان مع الابيض و اهو دي النتيجة زي ما انت شايف مبقاش في تيشيرت ابيض بقى بينك
=نعم يختي؟ هو في حد عاقل يغسل اللبس الابيض مع الالوان
_ايوة انا يكونش عندك اعتراض؟
=لا يا حبيبتي معنديش اعتراض و ربنا على الظالم و المفتري
_نهارك اسود يا سيف انت بتدعي عليا؟
=لا يا حبيبتي بدعي علي نفسي
_احسن بردو
=يخربيت برودك يا شيخة انا عارف ايه اللى رماني الرمية السوداء دي و اتجوزتك
_علشان بتحبني عرفت ايه اللى رماك الرمية السوداء دي؟
=ماشي يا حبيبتي ماشي و مالو
»»»»»»»»»»»»»»»»»»»»»»»»»»»»
بقلمي مايا محمد
_فين الاكل يا ليلي عايز اكل
=هغرف اهو بعدين هو ايه اللى عايز تاكل ما انا لسه مأكلاك من خمس ساعات
_حد قالك عني عايز اعمل دايت؟ عايز اكل يا ليلي عايز اكل يا حبيبتي
=طيب بطل زن
ليلي غرفت الاكل و كان عبارة عن رز محروق و جنبه فرخة متفحمة على الاخر
_ايه ده يا ليلي؟
=ايه يا حبيبي؟ مش عاجبك الاكل ولا ايه؟
_اكل ايه يا ليلي؟ ده الفرخة تحسي انها طالعة من جهنم
=مالها الفرخة يا سيف ما هي فرخة مشوية اهو حلوة زي الفل
_مشوية؟ مشوية في نار جهنم يا حبيبتي مش في الفرن
=مش عجباك يا حبيبي؟ كل الرز هاكل انا الفرخة خسارة فيك
_طب ما الرز كمان محروق يا ليلي بعدين هو ايه اللى خسارة فيك؟ دي متفحمة يا ليلي فوقي
=حد قالك اني نايمة؟ بعدين قولت لك انها مشوية
_طب قولتك بردو انها مشوية في نار جهنم مش الفرن ابدا
=طيب قولتك مش عايز تاكلها كل الرز
_طب ما هو محروق هو كمان
=خلاص يا حبيبي روح كل عند خالتو
_هو ايه اللى اكل عند خالتو يا ليلي؟ المفروض اكل في بيتي
=طب ما الاكل قدامك اهو يا سيف انت اللى مش عايز تاكل
_يا حبيبتي ده مش اكل بني ادمين ده
=طيب خلاص قولت لك لو مش عاجبك روح كل عند مامتك
_مامتي دي اللى هي خالتك على فكرة
=طب ما انا عارفة
_عوض عليا عوض الصابرين يا رب
=يعني مش هتاكل بردو؟
_مش هاكل يا ليلي مش هاكل!
=احسن بردو خسارة فيك
_يا رب صبرني
=ليه عايز تبقى صبارة
_انا ماشي قبل ما اتشل بسببك
=سكة السلامة يا روحي
»»»»»»»»»»»»»»»»»»»»»»»»»»»»
بقلمي مايا محمد
_يا ليلي فين القميص بتاعي اللى قولت لك تكويه
=بص يا سيف هو انا كنت بكويه بس روحت اكلم صحبتي ف
اول ما خلصت كلامها فردت القميص بتاعه اللى كان فيه فتحة بنفس شكل المكوة و حجمها
_نهارك اسود يا ليلي حرقتي القميص؟
=فدايا يعني مش مشكلة
_فداكي يا حبيبتي بس انتي خلصتى على كل لبسي بوظتيه المفروض اروح الشغل ب ايه دلوقتي؟
=بسيطة روح بالبجامة
_و حياة امك يا ليلي؟
=امي دي خالتك على فكرة
_ما انا عارف على فكرة
=طب كويس انك عارف على فكرة
_صبرني يا رب متجوز مجنونة
=مرديتش علي سؤالي بردو ليه عايز تبقى صبارة؟
_عوض عليا عوض الصابرين يا رب
=في ايه محسسني اني قرفاك في عيشتك
_لا يا حبيبتي متقوليش كده انتي مسودة عيشتي بس
=بقى كده يا سيف؟ طب تمام شوف بقى مين هيطبخ لك
_هطبخ انا! هطبخ انا يا ليلي! اي حاجة احسن من الاكل اللى بتطبخيه
=نهارك اسود و منيل انت بتغلط في الاكل بتاعي؟
_اه بغلط في الاكل بتاعك
=طيب ماشي يا سيف انا هوريك ازاي تغلط في الاكل بتاعي
»»»»»»»»»»»»»»»»»»»»»»»»»»»»
بقلمي مايا محمد
بعد شوية جرس الشقة رن ف سيف راح يفتح الباب و لقى مامته ف خمن ان ليلي ورا الموضوع
_فين ليلي يا سيف؟
=ايه يا ماما الدخلة دي بدل ما تسلمي على ابنك
_بقى انا اقعد اقول ل ليلي سيف بيحبك و هيخلي باله منك و الاقيها متصلة تشتكي لي منك؟
=هي اللى بتشتكيني ؟ امال انا اقول ايه
_متقولش حاجة انا هاخدها تقعد معايا كام يوم لحد ما تعرف قيمتها
=مش هيحصل بعدين هي اللى مفترية و قادرة
_ليلي؟ ليلي مفترية و قادرة؟ دي نسمة
=ماما انتي بتكلمي بجد؟ ليلي نسمة؟ انتي بتكلمي عن ليلي مراتي ولا واحدة تانية؟
_لا مرات الجيران يا خفيف ايوة ليلي مراتك يا سيف
=ليلي مراتي بقت نسمة؟ لا حول ولا قوة الا بالله اضرب كف على كف يا حاج
ليلي طلعت وقتها من اوضتها و هي شايلة شنطة اطول منها و قالت و هي بتعيط
_يلا يا خالتو نمشي
رد سيف هو قبل ما نجلاء مامته تكلم
= هو ايه اللى يلا تمشوا مش هتمشي من هنا امال لو مكنتش عاملة المصايب كلها اللى ممكن تتعمل
_قصدك اني بعمل مصايب؟
=اه
_ربنا يسامحك
=و يسامحك انتي كمان يا حبيبتي
ليلي التفتت لنجلاء تاني و قالت:
_شايفة ابنك يا خالتو؟ عاجبك كده ؟ ده يرضيكي؟
=لا يا حبيبتي ميرضنيش بس مصايب ايه اللى بيكلم عليها
ردت ليلي ببراءة: يا دوب بس يا خالتو حرقت له القميص و خليت التيشيرت الابيض بتاعه يبقى بينك و حرقت الاكل شوية صغيرين
سيف بصدمة: شوية صغيرين ايه ده انتي كنتي جيباهم من جهنم مش حراقهم بس
ليلي: قولت لك فرخة مشوية
=مشوية في نار جهنم مش الفرن ده الفرخة ماتت مرتين من كتر ما اتحرقت
_بطل ظلم شوية دي تحفة
=تحفة؟ طب ثواني
سيف راح المطبخ جاب صينية الفراخ اللى متفحمة و طلع بيها يوريها لمامته و قال:
_بصي يا ماما اهي الفرخة اللى بتقولك مشوية
نجلاء فضلت باصة للفرخة بصدمة شوية و قالت بحذر: هو دي فرخة؟
ليلي كانت هترد بس سيف سبقها
=اه فرخة مشوية في نار جهنم و ماتت 3 مرات قبل كده
ليلي بتذمر: هما مش كانوا مرتين من شوية بقوا تلاتة امتى؟!
=صبرني يا رب
_ليه عايز تبقى صبارة انا عايزة افهم؟
=عوض عليا عوض الصابرين يا رب
نجلاء قعدت تضحك و قالت: معلش يا حبيبي و بعدين فداها ايه يعني حرقت الفرخة
سيف بتذمر:هو انتي مامتي ولا مامتها؟ على فكرة انا اللى ابنك مش هي
نجلاء ضحكت اكتر و سابتهم و مشيت
سيف التفت لليلي و قال:
_رايحة تشتكيني؟ امال لو مكنتش عاملة المصايب كلها كنتي هتعملي فيا ايه؟
=فدايا
_فداكي يختي فداكي
»»»»»»»»»»»»»»»»»»»»»»»»»»»»
بقلمي: مايا محمد
