بداية الجحيم

رجعنه بارت جديد رغم التصويت قليل جداا والمشاهدات هم بس أن شاءلله تصعد لن هاي القصه عزيزة على قلبي ولا تنسون التصويت والتعليق احبكم موووت دمتم في رعاية الله وحفضة

____________

#جنات الحسن

_____________________

رغم ذيچَ مرورتك و لـ هسه آحن !

و ذكريآتكُ ظآله بـ گلبيّ شخآبيط بـ سَجن .

_______________

.. بدريه.. فزيت من النوم خليت ايدي على صدري وحجيت برعب واني الهث .. بسم الله..

بدر.. يباوع الهارون بغضب وحجة.. من يجي من المدرسه خلي يلحكني للبستان عندي شغل هواي

بدريه.. ما يگدر انه حتى للمدرسه ما اخلي يمشي راح اطلب اله اجازه حيل تعبان

بدر.. ما ادري بالمدرسه اني بس ورا الغداء يجي وراي لو تردين اكتله حلال والله

بدريه.. بدر اذا اهله يدرون ما يرضون

بدر.. والله تسوين فضل من تودي الهم تخلصيني منه

طلع وركع الباب وراه حيل

درت وجهي على هارون لگيته گاعد وعيونة أدور بخوف حجيت واني امسح على راسة بحنيه..

ها يمه كعدت

هارون.. اي من زمان گاعد .. يمه ليش ما اروح البيت جدي ما اريد هنا

بدريه.وهي تمسح على راسه بحنية حجت وعيونها دمع، ،. يمه اذا رحت انت

اني خالك ما يخليني اروح وياك بكيفك يمه تروح وتخلص من هل عذاب؟ماريد أزيدك ضيم

هارون..هز راسه وحجه برفض،،، لا يمه ما اعوفج انتِ و اخواتي اني زلمتكم بعد أبوي

بدريه.بسته بعيونه ودموعي بعيني..

. يحيلي انتَ اني گايمه اسويلكم ريوك گعد حازم وأخواتك

هارون.. هز راسه ب إي وهو يكوم من فراشة

مرت الايام والشهور بدر ما خله شي ما سوى لــ هارون ما ادري ليش هيج يكرهه وأني رواني الويل

جان كل شهر شهرين يجون اهل خالد اخوته وامه خطية ما يخلون شي ما يجيبون ملابس وكل شي وينطوني مصرف للجهال

وجان بدر ياخذه

ابوي مستقر بغداد هو وزوجته وابنه لو جان موجود اهون شوي وبدر كل ما يجيله يطغى ويجبر وظلمة وجبروته يزيد

ما اعرف ليش هذا الكره والحقد بداخله

وكل ما يجي السنين تركض صار عمر هارون 14 وبدر ما خله حبس حبسه ، ضرب ضربه ، و شوه جسمه من الحرك

وبيوم جان نهار شتاء بارد وكت عصر جنه كلنا گاعدين وهارون وحازم طالعين والبنات يمنا روح وسالي وخزامي شوي واجه بدر فات لــ غرفته وهو يدور وسوه الاغراض هوسه طلع يصيح ويا طلعته اجو هارون وحازم

وين فلوسي وينهن احجن

زهره .. ياا يا فلوس

بدر.. ولج فلوسي ماكو نبكت

بدريه،،. خويه وين يروحن تلكاهن

بدر ،،، ما اظن الكاهن والحرامي بيتي

صاح بصوت واجو ازلامة گال الهم فتشوا البيت

فتشوا البيت وطلعوا حجة واحد منهم

...ماكو شي بالغرف

بدر.. هز راسه وحجه ...

روحوا انتوا اني اكمل الغرف

راح يفتش ورجع علينا وكف يمي وحجه

الفلوس لو عندج لو عند ابنج

بدريه . حجيت متعجبة مهضومة؟

.. يااا صدك عود صدك بدر صدك تحجي

بدر .. اي كل شي اتوقع منكم شنو يضمن لي يعني

عفته يحجي وسكتت واني أدنك راسي بأنكسار

دنه يمي وكال وهو يباوعلي بحقد

اريد أفتشچ بدرية

خنكتني العبره و الغصة مسيطرة على صوتي . بدر صدك تفتشني اني. ؟اختك

حجيت آخر كلمة ودمعتي نزلت حارة دمعة هضم وخيبة

ما اهتم الكلامي وگعد يفتش ملابسي كدام عيون جهالي وزوجته ما تحملت بجيت بسكتة اباوع لــ هارون يريد يهجم وحازم كاضه يخاف عليه من ابو يموته ودموعه تجري بــ هضم ويلهث

فلت روحه گوه وهجم على بدر وهو يصيح ويضربه على بطنه بيده ..

عوف امي عوف امي يا كلب

دار بدر مني بغضب اخذ هارون جر وضرب للمخزن وهو نار واني كاضه بي وابجي وصيح وهو ما يسمعني ذبه بالمخزن وقفل الباب

التفت عليه وحجه..

بسج بجي لا احط طلقة براسج وروح امي

حجيت واني ابجي ونشغ.. فدوه اغديلك طلعه منا خليني اني بمچانه بروح امك يابدر لا تزيد كسري كسر

دفعني حيل طحت بالگاع موجوعة باوع عليه بحقد وراح

اجيت على باب المخزن واني ابجي ونشغ وحجيت.. يمه هارون تسمعني يا روح امك حاجيني ولك يمه

اي يمه اسمعج روحي ما بيه شي اني روحي لا يجي ويطكج

لا ما اروح اضل يمك المخزن اظلم يابعد حيلي انت

يمه روحي بداعت ابوي اذا تحبيني روحي يم اخواتي لا تعوفيهن

رحت من يم المخزن اجر بروحي جر ودموعي ما بطلن صوت نشغتي يكسر الگلب

لگيت بناتي يبجن والبيت محد بي عرفته مدخل مرته وجهاله للغرفة وساد الباب

مراً يوم ويومين وهارون بالمخزن و مقفول الباب ما اگدر اوصل حتى الباب المخزن وهو كل يومين ثلاثه ياخذله خبزه وماي تانيته يجي اريد احجي ويا للعصر واجه تلكيته واني أتوسله بعيوني

خويه بدر اريد احاجيك اسمعني فدوه اغديلك

احجي اسمعج

حجيت واني ابجي. اريد ابني خويه كافي طلعه المخزن اظلم وكله فار و جريذي وحتى حيايه بي طلعه خويه لا يتسودن

ما أطلعه وياريت لو تكرصه حيه واخلص منه

عافني وراح بجيت بحركه رحت اركض للمخزن

جان اكو باب قبل باب المخزن ضليت ادك عليه وصيح وصوت نشغتي يسبق صياحي

هارووون ولك يمه حاجيني يا بعد روحي راح اموت يمه حاجيني

بجيت منا لحد ما نبح صوتي سمعته يحاجيني جان صوته تعبان

يمه.. روحي اني زين روحي لا يجي ويشوفج روحي يم خواتي

بجيت بحركه. وصوت عالي هارون يمه انت زين ولك يمه جوعان عطشان يمه عزيزي حاجيني شيوجعك

هارون.. اي يمه زين اني روحي يم اخواتي

مر شهر وشهرين وهارون بالمخزن جنت من امشي يحاجيني هسه حتى الحجي گطعه

واني مثل ام ولد مكتول الوب وما بأيدي ودموعي مابطلن وبدر بلا رحمه اخير شي خليته راح لـ شغله لبست عباتي ورحت لــ جارنا يصير صاحب خالد قبل رحت دكيت الباب طلعلي هو سلمت علي واني مدنكة وگتلة

اريد تروح لأهل خالد تگلهم يجون هارون مو زين بدر حبسه بالمخزن

ايمن عيوني يا أم هارون تانيني بس بعد ثلاث ايام وروح للأنبار تانيني خويه ؟

حجيت بسرعه ودموعي تسابق للنزول ...اي اتانيك

وصدك ثلاث ايام واجو اهل خالد اخوانه وابو

وحتى ولد عمه اجو مسلحين جان بدر بالبستان عنده شغل فاتوا للبيت وهم يصيحون ويهددون

ولك بدر وين ابنه وين جهال اخونه

طلعت وانه اركض وابجي حجيت

بدر مو هنا بس هارون بالمخزن جوه طلعوا راح يموت

راحو سريع وانه وياهم جان الباب مقفول كسروا

وفاتوا و اشوف هارون طايح بالگاع حيله مهدود ولام جسمة مثل الجنين

راحوا اله ركض يصحون بي

واني شفته وما گدرت اوكف على رجليه طحت على ركبي ابجي واحس صوتي مخنوك ما تطلع الكلمة وزحف زحف احس رجليه ما تشيلني وصلتله واني أحضنه الصدري وبجي حيل كوموني و شالوا هارون و طلعوا

صار بدر بـ وجهنا هجموا عليه وهو ما انطى بروحه ابد

صارت هوسه وبدر يهدد وهم يهددون اخذوا هارون وهو جلب بيه وگال بصوت تعبان

امي ما اروح اريد امي

حجه عم هارون الجبير.. خويه ام هارون ترحين ويانا

حجه بدر.. اكصص رجليها من تخطي خطوه منا

حجه الجد.. انت اسكت والله الا ابهذلك بالحبس يا ظالم اذا ماخليك اتعفن بل حبوس ما اطلع ابو حمدان

امشي جدي هارون امشي ويانا انت واخواتك

جدي اريد امي ما اخليها اني زلمته من بعد ابوي

بدر. ما تطلع من هذا البيت لو تموت اخذو جهالكم ولو منا

الجد.. ما عندي حجي وياك يا عار ..دار على بدرية وحجة .... بويه بدريه ترحين ويا جهالج

- باوعت لــ بدر يخزرني دنگت وبجيت بقلة حيلة

الجد تنهد وحجه بضيق التفت لــ بدر وجهله الكلام.. خليها تروح ويانا وكل شي يطيح لا نحاسبك ولا نكاتبك بس ناخذ ابنه ومرتنا

بدر.. سكت شوي وحجه..بدريه ترحين يولا

اي اروح اروح

بدر بغضب.. روحي يا بنت امي وابوي بس انتِ هسه حالج حال ناهبه عندي وين ما اشوفج اكتلج حلال

بدريه طحت على ركبي بجيت بصوت عالي. حجه عمي

بويه لا تبجين كومي زهبي روحج ولمي اغراضج وتعالي ويانا هذول اخوانج واني ابوج

بدريه.. كمت هزيت راسي ورحت الغرفتي لگيت بناتي بحضن زهره وهي تبجي كامت حضنتني وتبجي حضنتها شوي وابتعدت

لميت اغراضي كلها وملابس جهالي اجو اخذوهن

لبست عبايتي اجت زهره حضنتني وهي تبجي حجت.. لا ترحين بدريه مالي غيرج انتي اختي

مسحت دمعتي وحجيت بغصه.. الخاطر جهالي والله.

عفتها وطلعت حمويني وعمي داير مدايري

كاضين هارون يمشوا و شايلين البنات

باوعت للبيت اخر مره اجت عيني بعين بدر باوعلي بغضب وراح

اجه حازم يمي دموعه بعينه وحجه عمه ضلي والله بعد ما اخلي ابوي يحجي وياكم

جرني عمي من ايدي ودخلني السياره و انطلقنا للأنبار

وبعد ساعات وصلنا للمنطقه ساكنين عيالي بيها منطقتهم حلوه وبيوتهم جبيره مثل القصور

دخلنا واحنه نباوع للوجوه شوي وطلعت عمتي تبجي وتلطم وتكول... ولك يمه خالد ما رحموا بنياتك

يمه خالد تعال وشوف ابنك

اجت تركض وتحضن بيهم وتبجي اخذتنا لـ غرفتها وحجت

محاسن زهبي العشه لــ هارون وامه واخواته

محاسن.. هسه يمه دقايق وجيبه

شوي وجابت الصينيه كل شي بيها گعدوا الجهال ياكلون واني مالي نفس عمتي جبرتني گوه اكلت لكمتين .

لليل الكل تجمعوا صاحولي رحت للديوان وبدأت الأسئله وحجه عمي

اي يابه بدريه سولفيلي كل شي لا تضمين عليه

بدريه دنكت راسي بخجل ودمعتي بعيني

تنهد عمي وحجه. احجي يابه اسمعج

رفعت راسي وحجيت كل شي لعمي وحمويني واني عيني ما بطلت بجي ونشغ بجه عمي بصوت عالي وهو يضرب فخذه بحرگه

يا بويه يا خالد متولين على عيالك واحنا ما نِدري يا فشلتي منك يا ابو هارون يا فشلتي

حجه حماي الجبير..عجل ليش ما گلتي من نجيكم ليش ما حجيتي قابله بظلم اخوج الويلادنا

بدريه.. جان بدر يهددني بــ هارون وما گدرت احجي شي

عجل ابوج وين؟ يدري بلي يصير

هزت راسي بنفي : لا ما يدري ابوي بغداد وما يجي بس بالعطله الصيفية مال المدارس وجان بدر حذر گدامه ما يحاجينه ومن يروح ابوي يرجع نفس المعامله

الجد.. ااااخ لو ما هارون يريدج جان عرفت شلون اتصرف ويا بدر ااخ

بدريه. ترخصت وطلعت رحت لـ غرفه عمتي لگيت بناتي نايمات وهارون صافن بالفراغ

دنيت يمه وبسته من راسه وهو ما تحرك ساكن شوي وتمدد بفراشه

كمت اطفي الضوء طفيته وجيت حجه هارون وصوته يرجف

شغلي الضوا يمه شغلي

كمت اركض شغلت الضوء وجيت يمه

حجيت بخوف يمه حبيبي تخاف من الظلمه شبيك

لا ما اخاف بس اختنك

تمددت يمه واني عيني عليه گوه نام وكل ساع يفز مرعوب ويرجع ينام وهيج للصبح

خليته نام وطلعت ويا ام عبد هي وبنتها محاسن تساعدهم

سويت ريوك وهن ينظفن البيت

شوي واجو اربع ولد تقريب اعمارهم نفس هارون بس واحد صغير عمره خمسة سنين تقريبا

گعدوا خليت ريوك گدامهم واني ابتسم الهم

رحت لـ غرفة لگيت روح وسالي گاعدات وهارون هم گاعد صافن بالسكف خفت عليه ابني مو طبيعي

شافني و گام اخذت البنات اغسل الهم وهو وياي غسل وجه ورحنه المطبخ اريكهم ولولد على گعدتهم ما ماكلين شي حجيت متعجبه

ليش ما ماكلين يمه اكلوا يلا ..

ضلوا يباوعون بوجهي حسيت الجبير ضاج ما ادري ليش گعدوا هارون والبنات بديت اوكل بيهم

باوعت على لولد يباوعولي شلون اسوي لـ هارون لفات صغار وللبنات

جريت خبزه بديت اسوي الهم واني مبتسمه اخذوا مني بس الجبير دنك راسه واكل جبت الصغير يمي واني اوكله كملوا ريوك وراحوا يغسلون وهارون وياهم

مرت ايام واسابيع اني عند عيالي عرفت هذول الولد الأربعة ولد حماي ابو يوشع

امهم ميته بالولاده وهو ما متزوج يخاف على جهاله من مرة الاب

جانو حبابين كلش ويموتون على هارون ااخ يا هارون ما اعرف شنو بي صاير متوحش كلش وبس يصفن

ويسوي حركات ما اعرف شنو وبيوم گاعدين حجه عمي

اگول يابا بدريه عندي حجي وياج

اي عمي اسمعك احجي

تَعالي وياي لـغرفة الحجيه

رحت ويا واني ما اعرف شنو بيه گلبي يدك متوتره گعدت على كرويته اجه عمي گعد يمي وگال

يابا اني جاي اشوف شلون مهتمه بـ ولد حمدان كثر خيرج وجزاج خير

لا عمي شهل حجي مثل ولدي هم والله واحبهم اني

ادري وانه ابوج أدري اريد اطلب طلب منج گولي تم

گول عمي اسمعك أن شاء الله تم

شوفي يابا هل تشوفين حمدان ماتت مرته من جابت عبد الحي ولـهسع وهو ما متزوج يخاف على وليداتو من مرة الاب

واني اريد تلمون فريخاتكم يا بويه ياخذج حليله الو ويحافظ على ولد اخو وانتي ديرين بالج على وليداته شگلتي

بدريه... كل الحجي واني اباوع لـ عمي بصدمه

ذبيت حسره حسيتها طلعت من گلبي وهدمت حيلي وحجيت.. عمي انت على راسي من فوك بس مستحيل يصير هذا الشي

ليش يا بويه ما بيها شي انتي مو اول وحده تاخذ حماها

حجيت بقهر وحزن ودمعتي بعيني.. عمي ما تدري بهذا حجيك شسويت بگلبي يعني اني يجي يوم وتزوج ؟!

واشوف حياتي چا وخالد ؟!

شلون انسى انسى حبه اليه لو سوالفنا واعيش حياتي لا والله اضل عمر على الذكرى وما تزوج واصير مره لـ غيره لو على گطع النحر

بس يا ام هارون انتي بعدج صغيره واني ما دايم وحمدان هل تشوفين زلمه حوك ويصونج

اي عمي حمدان ما عليه قصور زلمه واخو خيته بس الصوج بيه اني اني ما اگدر تعذرني عمي بس والله كونك ضاربني طلقه ولا گايل هل حجي هذا وجعت گلبي بي

الجد.. هاي هي بويه بس اني علمودج

مرت الأيام واني اشوف نسوان حمويني يخافن على رجولتهن مني هه عبالهن اخذ واحد منهم

ضلن يسمعني حجي لـ درجه اضل ابجي طول الليل من اسمعه وكل ما تطول الأيام يزيد الحجي ويصير جارح اكثر وعمي يلح عليه اتزوج حمدان

دريت بي هو هم ما يقبل يگول ما اريد اتزوج مرة اخوي

و انجبرت اوافق على حمدان بس بشرط

عمي.. شنو شرطج بويه

بدريه.. صيح لـ حمدان واني اگلك بشرطي اذا وافق عليه راح اقبل بي

الجد.. هاي هي هسع يجيج

طلع عمي واجه حمدان مبين غصبا عليه .. حجيت بغصه واني متوتره من الموقف

خويه حمدان راح اگلك بشرطي وانت بكيفك

حمدان.. هز راسه وهو ساكت

اني موافقه اتزوج بس يعني بس گدام الناس ما اتخيل نفسي بيوم من الايام اصير حرمه الغير خالد

الجد.. شلون شني هل الحجي بدريه

عمي خليني اكمل فدوة غديلك

الجد.. هز راسه وسكت

نتزوج گدام الناس بس لان صعبه عليه ما اگدر اتقبل غير شخص بحياتي غير خالد واني مجبوره وافقت ما اگدر اوعدك بشي لان مستحيل يجي يوم واشوف روحي ويا زلمه غير خالد ألي اريده منك بس تكون سند لـ جهالي واني لولدك خليهم بنص عيني وحتى لو ما قبلت بالشرط هم خليهم بعيوني

حمدان.. هاي هي واني راضي بشرطج اني هم صعبه عليه أخذ حرمة اخوي

بدريه.. ذبت حسره وحجت.. توعدني گدام عمي ما تجبرني على شي ما اريده ولا تباوع الي بغير نظره اريدك تشوفني اختك وشوكت ما تريد تزوج اني اخطبلك بأيدي

هذا هو اصلا اني هم ما اگدر اخذج واخوي كتل نفسه عليج احس روحي خونه

هزيت راسي بحسره ودنكت

مرت ايام وعقدولنه اني وحمدان بس كل واحد غرفته

اني وجهالي وهو بغرفته ينام وشهاده لله ما رفع عينه عليه ولا شفت بعيونه غير نظرة الاخ لـ بدر حرمني منها اهلي ما دريت عليهم شي بس مستغربه ابوي ما سئل عليه ولا اجه يشوفني الله اعلم شنو گاله بدر

خلصت من حجي نسوان حماي و صارا يموتن عليه وهارون على حاله و اسوء ما اعرف شبي

صار مثل المخبل وجان كل الوكت ويا خضر ويوشع وبلال عبد الحي صغير جان مو دائما وياهم

بس اكثر شي ويا خضر عمي اخذه لـ دكتور النفسي گال هاي حاله نفسيه بس اهتموا بي زين وان شاء لله بمرور الوقت يتعافى

مرت سنين وهارون على حاله كبر وصار شاب وهو يسمع كلمة مخبل جان يگلب الدنيا حتى عليه يرجع بالحجي هو يعني مو مخبل فد نوب لا بس جان عنده حركات مو طبيعيه جان عنده وسواس يسبح ساعتين منا لحد ما يخلص لـماي ويكره اصوات طكطكه يتخبل يضل يصرخ ويتعصب حتى من صوت الحب ولـ علج

اخذه حمدان مره ومرتين لـدكتور النفسي وكل ساعه شكل بس شوي شوي بدا يتحسن ويصير احسن ماخلو دكاترة حتى للبصرة والبغداد منا تحسن واليوم صار عمره 30 سنه

بدريه.. يالله يمه لـخاطري گوم

هارون نايم على بطنه بدون غطه وبس بشورت..يمه مليت من الطبيب وسوالفو الطايح حظها عوفيني بلكت اموت وارتاح يرحم والديج

يايمه اسم الله عليك جعل يومي كبل يومك يابعد حيلي

گام من فراشه وحجه لا تگولين هيج يمه اني الخاطرج لحد هسه عايش

چا گوم بس هاي المره بعد ما اگلك ولك يمه اخاف عليك خاف گلبك بي شي وتخبل

باسها براسها وحجه.. ان شاء لله يا نور عيوني انتي ما يصير خاطرج الا طيب..

اي خوش اني رايحه لـ خضر يمشي ويانا

شني يمه انتي ترحين

اي اروح ولا تفتح حلكك بكلمه..

بس يمه

وغمه وعلي امشي مو بكيفك عود ليش ما تخليني امشي وياك شني اخرب كشختك ولك

هارون.. هههه لا انتي كشختي بس..

دنك راسه وحجه بهدوء ... ما اريد اضيك خلكج

يا يمه. شتحجي فدوه الك كل عمري شني تضوج خلكي انت اذا ما تاخذني وياك اني اضوج

زين يله مدام بدور روحي گعدي خضر ترا يشلع مصارينج وما يگعد

خوش رايحه بس مو هاي هي بالحمام والاحسن لا تسبح يمه نتأخر

اه يمه عود صدك بس اني رايح لــ بغداد بدون سبح يمه شهل حجي فدوه اروحلج

خوش بس مو تبطي تره ادخل عليك للحمام واطلعك

لا ما ابطي وداعتج بدريتي

ههه بسك تغشني ولك يله اني رايحه... طلعت من غرفة هارون وهي تصيح... يوشع ولك يمه يوشع وينك.... طلع من غرفته وهو يحجي.. هاا يمه

ولك يمه صحي اخوتك يشلعون گلبي وما يگعدون

صار. حجيه دقايق وهم يمج

يوشع.. رحت للصاله واشوفهم كلهم نايمين ومسوينهه هوسه من كشور حب وكواغد الحلويات.. هزيت راسي بضوجه مشيت عليهم سحكتهم واحد واحد

خضر.. اااخ بطني

بلال... اخخخ ولك مردتني ااخ

عبد الحي... ااااخ بووويه بعد ما اخلف ااخ مردني

يوشع.. نجب لك زعطوط وينك وين خلفه يلا كوموا يالله . وهو يرفع الـغطه.. يلااااا

كاموا وهم يدردمون

يوشع.. بلا لغوه يلاا ... وراح للمطبخ..

فتت للمطبخ لگيت روح مثل الفراشه تفتر تخلي الريوك على ميز ودندن اباوعلها واني مبتسم وفجأة حسيت ايد على جتفي انداريت وجان