ملتقى

هلووو حبيباتي ومتابعيني الغوالي شلونكم رجعتلكم وبقصه جديده بس والله فدشي ونشالله تعجبكم مثل ماعجبتني وارجع واكول لا تنسون التصويت والتعليق وكل ماشوف التعليقات والتصويت يعجبني راح يكون التنزيل اسرع وهاا أول بارتين راح يكونون عن حيات بدريه وبعدين تبدي ودمتم في رعاية الله وحفظه

_______________________

#جنات الحسن

___________________

رغم ذيچَ مرورتك و لـ هسه آحن !

و ذكريآتكُ ظآله بـ گلبيّ شخآبيط بـ سَجن .

من بين كُل ألعالم أختارك قلبي حبيبً تمردتُ على العادات والتقاليدِ فقط أردت ألجؤ لأحظانكَ

جنات الحسن

بكُل بيت عراقي موجود الحب والحنان وايضآ موجود الكره والغدر والخيانة واصعب شي لمن يكون الظلم م̷ـــِْن شخص قريب عليك ويخصك والأصعب لمن يكون لحمك ودمك وتشوف علـّى. ايده اقسى انواع الظلم والضرب وتشوف تعامُلة ويه أولاده يتعامل وياهم بكُل حنية وحب وياك لا بل عكس  واكثر شي يقهر م̷ـــِْن تنجبر تسكت وتتحمل الظلم، لن مابيدك شي تسوي لا حول ولا قوه  تحملنا ظلم وضرب وتعذيب وجوع! و سكتنا   بسبب الخوف ولن ماعدنه أبو، سند،  يحاميلنه تحملنا كُلشي وكثر شخص تعذب. وانظلم هوه هارون أخوي الچبير احنا ثلاثة، ثنين بنات والد

اني اسمي روح

وأخوي هارون ،

واختي الصغيرة سالي

ابوي مات من احنا صغار هارون جان بوقتها عمره 10 سنوات واني 3 سنوات وماما حامل بـ أختي سالي

كان ابوي طالع الشُغلة هوه كان مُحامي وكان شخص نزيه وشريف وأيضًا كان عنده هواي اصدقاء واعداء أيضًا ومن اعدائه خالي اي خالي اكثر شخص جان يكره ابويه ودائما يريد يخرب امي ويا بس هيه تحبه وما تنطي بي ابد ودائما تتعارك ويا خالي وكان يهدد بـ امي انو راح تندمين ومن هل وهي ماتهتم اهم شيء انها معا حبيبها وزوجا  كانت حالتنا الماديه كلش زينة وكنا مدللين كلش وامي متروسة ذهب ألا بيوم وليله تغير كُلشي

خالد - يحجي وهوه يلبس بل قمصلة الجلد وهوا  ويباوع انعكاس شكلة بل المرايا، ،،،

حبيبتي ديري بالج على الجهال وعلى نفسج أن شاء الله ما أتأخر بس اليوم واجي باجر واذا تردين روحي لهلج اليوم وغيري جو يمهم

بدرية _ وهي تنطي المحفظة وتحجي بحزن

،والله شكلك يا خالد اشو كلبي لٱ جمني خلي هاي الروحة تولي وظل لا تروح

خالد، دار. بكامل جسمة عليها وحتظن وجها بكفوف أدي وحجة بحب

،ول يابه اموت علي يخاف عليه اني انوب حچي عمارة  يرد الروح يابه

بدرية_ وخرت أدي بزعل وحجت وهي دير عيونها من عيونة

انتَ گلبك بارد واني گلبي احسه نار وموجرة والله ما مرتاحة يا خالد لا تروح يابعد حيلي حيلك گلبي ما مطمئن :تحجي وتتوسله  بعيونها

خالد_  خلة أدي على جتافها وحجة بأبتسامة وهو يدير وجها علي

اشو عيديها بويه خلي أسمعها بعد يمكن راح أجل روحتي وما أمشي اليوم بس عيدي شكلتي خلي اسمع الغزل ليرد الروح

بدرية گلبت عيونها بزعل وحجت وهي دير وجها عنه

، اهوو شكثر تقلد عليه هس شكلت اني

خالد_  ول يابه منو يقلد عليج غير حجاياتج ترد روحي

بدرية_ انتَ كل ما احجي أحجايه تكلي عيديها  شمالني ما اعرف احجي اشو حجيي شحلاته

خالد_ ول يابه أني شخبلني غير الچا خلتني مخبل ما أندل دربي الله وكيلج خلتني هايم بل عشگ ومتسودن

بدرية، حجت بدلع وعيونعا بعيونة، وهي تعدل بياخة القميص

، اي ومن اخذتني مليت مني مبين همم

خالد، مسك أديها وباسهم بشمة وحجة بهيام

أني أمل منج أمل روحي وما أملج

، نسيتي شسويت علـّى. مودچ هاا نسيتي بدريتي

بدرية نزلت راسها بخجل و خدودها  شتعلو نار ...لاما نسيت

خالد_رفع حاجبة وحجة بابتسامة

، اي عبالي نسيتي شكد عانيت يالله قبل اخوچ العله ينطيج

بدرية_ لا تحجي عليه اخوي ما رضه ترى امم

خالد _ لا والله اخوج شل حالي ياله رحمني وما ترضين عليه مـن احجي؟

بدرية_ اي ما رضه هذا اخوي و سندي من بعد رَبّي وانتَ شعندي غيركم اني؟

خالد_ امم ما تنطين بي ابد

بدرية_ابد اخوي هذا ما أضن  يجي يوم تسمع مني حجاية عليه

خالد_ نسيتي شسوا بينه والج الهس حاقد علينه وحتى عليج

بدريه_ اي خلي اني راضيه خلي يكرهني يحقد عليه بس يضل اخوي وحزام ضهري

خالد، ،حبيبي براحتچ اليعجبج سوي اني بعد خلي امشي لن فات وكت هوااي كلش وصاحبي ينتظرني

بدريه، ،اللّـه وياك يابعد حيلي تردلي سالم غانم يارب

بدريه_مشى وهو يباوعلي مبتسم شمرلي بوسه بل هوا وطلع واني گلبي اهيسه نار مامرتاحه

طلع خالد واني روحي راحت ويا ما ادري ليش كلبي لاچمني كمت نضفت بيتي وجهالي نايمين شوي وكعدت روح تبچي رحتلها اركض

ها يمه ها يروحي انتِ شبيج تبچين يله يله يله سكتي يحيلي

وعلى بچيها  گعد هارون مطنكر هذا طبعه من يكعد من النوم ميتحاجه وبس مغنتب

هف شبيكم واحد مطنكر والثانيه تبجي موتوني يايمه

شوي وندك الباب شلت روح ورحت اشوف منو

بدرية.. ياهوو

.. اني بدر

بدرية.. فتحت الباب بسرعه واني مكيفة بجيته..... بدر؟ هلا خويه هلا بيك تفضل ينظر عيني

بدر بغرور.. هلا هلا شلونج زينه أن شاء الله

_الحمدالله

ودخل البيت وخال أدي وره ضهره ويمشي رافع خشمه ويباوع بكل أرجاء البيت رجلج الشفيه وين

بدرية.. راح بشغل البغداد باچر لو عگبه يجي

بدر.. ضحك بمكر.. هه وأنتِ باقيه وحدج هنا شنو؟ عفية رجال ماعندة غيرة شلون يعوفج وحدج ويروح

بدرية .. دنكت بزعل وحجت : هاا اي چا شعليه اني وفريخاتي ماعلينه شي

بدر.. روحي لمي ملابسج وملابس جهالج وتعالي وياي ماخليج هنا وحدج

بدرية،. لا خويه ماكدر ماكايله الخالد

بدر.. ابتسم بمكر وخبث..... هه لا تخافين هوه لا كاني وكال راح يتاخر هناك وكلي اخذج يمنا

بدرية بشك.. بس ماكالي كال يوم واحد واجي وانتَ هستوك تنشد علي

بدر.تكلم أبضيق، ،،. اهوو هوه تحقيق شني تلبسي وتعالي وياي ومن يجي رجلج عود ردي البيتج

بدرية.. هزيت راسي إي ومشيت اخذت هدوم جهالي وإلي هم ورحت ويه بدر وأني خايفة وكلبي يلوب منه

وضليت جم يوم عد اهلي وخالد ماكو مامنه خبر گاعدة على فراشي وأحجي بقلق بيني وبين روحي

_خلني اروح البدر انشده عليه بلكت يعرف عنه خبر شي منا منا

بدرية..طلعت من الغرفة لكيته  بل صالة رحت يمة وحجيت واني اگعد گباله

. اكلك خويه بدر مامش خبر عن خالد شوهاي سبوع وهوه ماكو وبگلبي النار عليه

بدر.. يحجي أبرود، ،،،لا تخافين علي عار مايصيبه شي

بدرية بانفعال.. بدر لا تحجي هيج جدام فروخي على بوهم مارضىه ترى

بدر.. اهوو وعاد ياهو ابوهم خويلد السني هه

بدرية.. چاشني السني مو بشر شني هوه هذا حجي يبدر

بدر.. اني ما كلت مو بشر بس ما ردت تاخذينه جيف سني وانتِ وانتِ علويه مايصير وانه الهاذه اليوم ماريده ولا ريد فروخه فهمتي يبدرية

بدرية.بنفعال  ،،. چا خليني اخذ فروخي وروح البيت ابوهم مادام حجيك هيج يخالهم وخوي

بدر.. تكعدي عود من يجي رجلج ولي ويا

بدريه.. هضمني حجي اخوي بس مابيدي شي كعدت وسكتت وأني الوب ونار وسط دلالي تسعر

وبل يوم العاشر گاعد نتغدى واني كلبي نار وحس ما مرتاحه ابد الگمة ما اگدر ابلعها  ودك التليفون الأرضي ما ادري ليش نقبض گلبي وعيني صارت علي بخوف

بدر.. رفع السماعه وحجه بتمثيل الصدمه.. لاااا شلون ليمته هل حجي هذا لا لا لا مايستاهل والله اي اي تجؤ جؤ جؤ. مع الأسف والله مو خوش خبر  في أمان الله ....وسد الخط

بدرية ...بخوف وصوت مرتجف: هاا خويه شكو ترى گلبي بعد مابي حيل  هبطات احجي خويه فتت گلبي

بدر وهوه يمثل الحزن.. والله ما ادري يا خويه شكلج بس لاگين جثة رجلج بل زباله مشموره

بدرية.. خرطت اخدودي واني اصرخ بفزع ....يممه يمه رجلي بدر احجي الصدك خوية  بروح امي عليك ....ولدموع تجري

بدر.. چاشني اجذب عليج شني

بدريه..بدموع وحرگه.. بدر ترى حجيك مرد كلبي خويه صدك لو تشاقة بروح امك

بدر.. توخري مني خلي روح نشوف شني سالفه بله

بدريه.. بيومهه مثل الصاعقه وجتني بسنة 1999/1/28بمثل هذا اليوم اجاني بي خبر موت خالد رجلي وحبيبي عمري ماراح انسا  هل تاريخ واني الطم وابجي واباوع الجهالي يباوعولي ويبچون بخوف اجو اهل خالد وسوو الفاتحة بيتة لن عندة معارف وهم علمودي وكامو بل فاتحة ماخلو شي منا صارت عشرة ايام ورجعو للأنبار بعد ما حاولو وياي  اروح وياهم ورفضت

  جنت گاعدة بغرفتي عد اهلي وجهالي نايمين بحضني واني صافنة عل فراغ والدمعة بعيني  وذكريات خالد تمر كبال عيوني اول ماالتقينه شلون وشلون حاربنا الكل حتى نتزوج بسنة1986جنت كاعدة عل شط اغسل برجليه كملت وكعدت عل جرف وخليت رجليه بلشط العب بل ماي نزعت شيلتي والعب بكصايبي وأغني

خدري الچاي خدري عيوني المن اخدره داده المن اخدره

وحسيت اكو حركه وراي خفت درت وجهي بسرعة باوعت وراي محد خفت كلش بوكتها جنت يومية اروح عل شط اغني والعب بل ماي واحس حركة وراي مرت عشرة ايام على هل حاله واني احس احد يراقبني وبيوم جنت ضايجة لن ابوي راح البغداد وماأخذني ويا وهوه مواعدني ياخذني جان وكت عصر اجيت گعدت على جرف الشط نزعت شيلتي وضليت صافنة عل فراغ وما احس اله دموعي نزلن على خدي بهضم بعد اني ماتحملت وبجيت بصوت عالي ونشغ  بجيت وقت طويل وحسيت واحد جاي يمشي وراي وصار وراي مباشرة خفت ضليت فاتحه عيوني بخوف وشوف خيال واحد وراي ومبين بل ماي بس معانيه مامبينه سمعته يحاجيني

خالد.. يبنيه شبيج تبجين منو ياج

بدرية كمت من يمه مرعوبة ورحت اركض على بيتنا وگلبي دكاتة الف

وستمرت هاي الحاله شهر وشهرين منا ضليت احب وجوده واذا مايجي اضوج وشوي شوي ضل يحجي وياي وانه هم أجاوبت ويا وبعد ما مرت الشهور حبيته حب عظيم وهوه اكثر  چان يسولفلي على بغداد وجمالهه وشلون حلوه واني روحي مسرسحة

بدرية.. احجي واني مخليه ادية ثنينهم جوه خدودي وعيوني تلمع : الله اموت على بغداد بدي امشيلها بس بدر ما يرضى :ختمت كلامها وهي تبرطم بزعل

خالد .. لا تخافين من ازوجك اخذج لهلي بل أنبار واخذج شهر العسل بغداد وفرفرج بكل مكان لا اخلي سينما لا كلشي افرفرج كل بغداد ومناطقها

بدرية بخجل وهيه مدنكه.. هاا الله كريم

زين الأنبار حلوه ؟

تجنن بحلاوة عيونج

بدرية :خزرته وخدودي نار من الخجل

خالد..ول بويه فدوه الهاي الخدود يابه سمره وتخجل صير حلاوة

بدرية بخجل.. خالدد شني

خالد.. ياعيونو الخالد

بدرية خالد انتَ تحبني مثل ماحبك صدگ لو تضحك علي

خالد..ول يابه  شهل حجي هذا بويه انتِ روحي والله تمشين ويه الدم لا تمشين بشراييني شلون ماحبج اني اهلي ماشايفهم.

بدريه.. وهيه خجلانه بشكل وخدوده حمر....... اني راح مشي لهلي بطيت صار غروب وبدر يضل يحجي

خالد.. ههههه روحي بابا روحي وگلبي وياج وين ماترحين

ومرت الشهور وخالد بين العماره والأنبار يروح ويجي وصار ست اشهر على علاقتنا والعرفتة اهله معارضين زواجنا وقانعهم ومهددهم انو يروح للعماره وما يجي بعد وصايرين أمام الأمر الواقع وحاجاني كال راح يجي لهلي ايحاجيهم وراح ايودي امه وخواته ومرت اخو ونوب تجي الزلم

واجو امه واخواته ومرت اخو وامه وجها ثكيل عليه وصار حجي انو يردون مره البنهم والمره هيه اني كالتلهم مرة ابوي بوقتها جانو جايين يمنة اكول لأبوها وخوها ويصير خير

واجه ابوي وبدر وكالتله ابوي كيف لن محامي ومن الأنبار وناس معروفين وما يهتم سني شيعي يمشي على قول

" من ترضون دينه وخلقه زوجو "

بس بدر رفض رفض قاطع والعب جوله وبعد من يجون اطردهم وماعدنه مره للزواج ومن هل حجي ورفضهم

وبعد شهرين هم رجعو خطبو وهم رفضهم وصارت هوسه ومشاكل وخطبني خالد اكثر من خمس مرات وجان جواب بدر واحد ماعدنه بنات للزواج

وخالد ماستسلم وده اعمامه وشيوخ كبار ونفس الشي بدر لا يستحي ولا يغير قرارة وبيوم جان نهار صيف وجنه كاعدين بل حوش وماحس اله بدر اجه

_.. بدريه حضري روحج حاجوني ناس عليج ويجوز اوافق عليهم احسن لج من هذا الساقط

اني هنا ماضل حيل بيه بهتت ملامحي ماعرفت شنو أحجي بس دموعي تجري

تمرضت بوقتهه كلش اصخن وماكدر اشيل روحي بل فراش وبيوم اهلي محتارين بيه مريضه كلش وندك الباب وني بغرفتي ممطوله على فراشي  وأبوي يمي وسمع صوت بجي مره وهوسة حجي اجت المره تركض طبت الغرفتي أبوي تفاجئ بدخولها اباوعلها هاي ام خالد تبجي ونزلت على رجلين ابوي وهيَ تحجي

ام خالد.. دخيلك سيد داخلة على بيتك ولا تردني أترجاك طالبتكم لا تردني

ابو بدر.. استغفرالله كومي بويه كومي شخيرج كولي وطولي بل اكدرله أن شاء الله

ام خالد..مسحت دموعها وهي تحجي:دخيلك سيد ابني راح يروح مني فدوه اروحلك ارحم بحاله

ابو بدر.. كولي شبي ابنج ومايصير خاطرج اله طيب

ام خالد وهيه تنشغ.. سيد ابني مريض كلش على فراش الموت من سمع بتكم جاييها ناس ليجاي وهوه ماجته عافيه واريدها من الله ومنك اريد ابنيتك لوليدي داخله على بختك

ابو بدر.. باوع البدريه بشك ويباوع على دموعها وجهه الشاحب وحجه ...

.. چاا بويه انتِ صارلج شهر طريحة الفراش لن راد بدر يزوجج وانتِ هاويه خالد يابوية

بدريه دارت وجهه ودموعها تجري وبس نشغتها مسموعه

ام خالد.. ها سيد حاجيني واني جيتك بطلب وانت ِسيد وچبير اعمامك وزحمه تردني وطلبي يمك

ابو بدر ساكت وعينه على بدريه بحيرة يباوعلها

ام خالد.. احلفك ابجدك الحسين احلفك بفاطمة الزهراء لا تردني

ابو بدر.. ابشري ام خالد خلي بس البنيه صير زينه وجيبو وادم وتعالو خطبو

بدر..من وراهم حجه : بس اني مو راضي ومستحيل هذا الزوج يصير واني اشم الهوا مستحيييل

ابو بدر.. بعد اني حجيت چلمتي ومستحيل ارد بيها ومو انتِ التكسرها،،. ودار وجهه على ام خالد.. روحي بويه روحي الوليدج وبشري

بدرية رجعت بأفكاري على فتحت الباب وشوف بدر اجا كعد اگبالي ويا مرته وابنة زغير عمره 12 سنه ضل يسولف وياي وكال المرته تاخذ ابنها وتطلع وهيه راحت بقينا اني ويا

بدر.. خويه بعد انتِ مالج احد غيري وفروخج وديهم لهلهم ونتِ اطلعي العده وزوجج ابن الحلال اليصونج وينسيج خالد وبزرتة الزفرة

بدرية فتحت اعيوني بصدمه.. شنووو شتحجي انتَ بدر تحجي صدك عود ؟!

بدر..اي جاشلون دمرين شبابج على مود فروخ خالد

بدرية.. هذول فروخي اني ماطيهم لأحد لو اموت واذا تعاجزت من لكمتهم اخذهم وروح البيتي واكدر اعيشهم ابوهم خلالي خير من الله وأهلهم موجودين ميخلونهم

بدر.. مستحيل بعد مالج رجعه الهذاك الببت انسي وجهالج اذا مايرحون اليوم لهلهم بعد اسبوع يرحون وگام بعصبية

بدرية وكفت بحركه وصحت.. اسمع بدر اذا سويت شي لفروخي انهزم وماضل هنا لوكتل روحي وبليك

بدر.. خزرهه وسد الباب حيل

وبعد اشهور مرت وبدر سوى المستحيل حتى يودي جهالي لهلهم بس جنت بل مرصاد اله وسويت المستحيل حتى اخذهم الحضني تنازلت عن البيت وكل املاك خالد العندي.  البدر يله قبل يخلي جهالي عدي وبيوم گاعدين بل حوش وصار عندي وجع قوي من الصبح وجلب وياي للعصر وبعد ما تحملت جابو الجده ومنا الثمانية لليل جبت بنتي الثانية سالي سميتها مثل ماجان ابوها يريد جان هارون فرحان بيها كلش وروح تغار منها وبعد شهور زوجة بدر حبلت وخطيه جان حملها صعب كلش لن صار هواي ما حبلانه

زهره. بتعب.. تعبت يابدرية ماصارت حباله

بدرية.. الله كريم أن شاء الله تخلص وتصير سوالف

زهره.. أن شاء الله

........

بمكان ثاني

حازم.. انتَ عندك ثنين اخوات واني اتمنى صير عندي اخت وحدة

هارون.. عجل اخذ روح خلي صير اختك

روح بصوت طفولي منزعج .. مااا ماريد

حازم.. اني هم ماريد تصيرين اختي وحدة بجاية مانريدج

هارون.. أحتضنها وحجة بحنية،،،، لا تبچين اني أجذب احبچ ما أنطيج الحازم خوش أنت اختي

حازم.. اني هم راح صير عندي اخت ما اريدها هاي البجاية هههه

هارون.. حازم شنو أسمها اختك شراح يسموها

حازم.. ما ادري ابوي كال بكيفك انتَ سميها

هارون.. خلي نروح الامي اسألها  

حازم.. يله

حازم دخلنا الغرفه عمتي جانت توكل بسالي

عمه عمه

بدرية.. ها يروح عمتك

حازم.. اختي شنسميها ابوي كال انتَ سميها إذا بنيه

بدرية.. ذكرت خالد جان يكلي اريد ثنين بنات بعد سالي وخزامي

بدرية.. سالي بله سامعة بي بس خزامي غريب

خالد.. خزامي نوع من انواع الورد

بدرية .. هاا

خالد.. اي وهذا الطفل البطنج اذا بنيه نسميها سالي واذا ولد نسمي علي مثل ما تحبين

ونوب هم اريد بنيه اسميها خزامي لن حيل حلو هذا الاسم ومختلف

حازم.. هاا عمه شنسميها

بدرية.. ها راح انطيك ثلاثة  اسماء وختار

خزامي. ورغد و منى

هارون.. لا خزامي حلوو حازم سميها خزامي عفيه

حازم.. بس شني خزامي

بدرية،.أبتسمت وحجيت، ،،، نوع من انواع الورد

حازم.. خوش بس لا تكولين لأبوي هارون ختار هذا الاسم ترى ما يرضى

بدرية.. صفنت بكلام حازم وذكرت شلون بدر يعامل هارون

بدر.. بنتر.. روح ويه الفلاليح عاونهم

بدرية ،،خويه شيعرف بعده زغير عل شغل

بدر.. ماكو زغير يتعلم لو تردينه ياكل وينام

بدرية.. بس

بدر.. ماكو بس يله كوم گدامي

بدرية.. اني امشي بمچانه خلي فدوه غديلك

بدر والله خوش بت السيد علي تشتغل ويه الفلاليح هه اخر وكت خلي يصير زلمه ويتعلم يشتغل

بدرية،،، اخذ هارون دفع وماجابه منا للعصر جان سوده عليه مبين التعب بوجهه والتراب مغطي اجه يمي أعاين خده احمر وبي زراك

بدرية..حجت بخوف وهي تباوع على وجها  يمه شبي خدك يحيلي

هارون.. دنك وبجه.بهدؤ.. خالي طگني لني ما اعرف اشتغل

بدريه.. شلوون وكامت تركض البدر الگاعد بل صاله .....

بدر ليش هيج مسوي بهارون هاا ليش بعد ماتاخذه يشتغل هوه شيعرف بعدة طفل والله حرام عليك

بدر.. ههههه اي مو اني امشي بشورج اشو سكتي لا عرف شغلي وياج

بدريه..ما سكت كلشي ولا ابني وبناتي جهالي خط احمر يابدر  اخذت كلشي عوفنه بحالنا ردناك بس خيمة لا تصير كابوس

بدر.. كام بانفعال ولزمها من شعرها ويعت بي احترمي نفسج لا كتله حلال وخلي بحضنج وعرفي ويامن تحجين

بدريه.. تفلت بوجهه ( اجلكم الله)

بدرية.. من تفلت عليه تخبل وضربني ضرب خله جسمي كله ازرگ ضليت ماكدر اشيل ايد ولا رجل بس اون من الوجع وجهي مزورك ومجرج

ومن يومها وهارون يتعامل ويا بدر مثل الحيوان وبس يضرب بي ومرت سنة على موتت خالد وهارون صار عمره 11 سنه وأخ يا هارون شاف المحد شافه واني مو اقل منه جنت كل ما احمي يرجع عليه يكطعني ضرب

واجه وكت المدارس وبدر خبث مارضا يرجعه للمدرسة بس هم زين جان ابوي موجود وقتها وتعارك ويا ورجعه بس بدر شرط مايصرف علي دينار

ابوي كله مالك شغل عليه كل مصاريفه هوه واخواته

.زادت قساوة بدر على هارون اكثر وجان يخلي يشتغل ويه الفلاح بل بستان منا يهلك من التعب وكوه يخلي يجي. ومره اجا هارون ولونه مخطوف وگعد يمي ومبين خايف حاجيته واني مرعوبه علي

شبيك يمه.. (خليت وجهه بين اديه) حبيبي ليش خايف منو وياك

هارون.. يمه خالي. ( ويه حجايته دخل بدر والشر بعيونه) رفع عيونه بخوف البدر

بدرية.. درت وجهي اشوف عليمن ايباوع. وشفت بدر واگف حجيت بخوف..

شكو شصاير

بدر...اجه عليه وجر هارن من وراي يعت بي عت

بدريه.. عوفة بدر بروح امي احلفك عوفة اكتلني اني وعوفة

وهوه ما يسمع مثل الثور الهايج ايجر بي واني اركض ورا ودموعي تجري.. اخذه للصاله ونزع احزامه وتولا ضرب جان مخلي حديدة الحزام من جه الي يضرب بيها هارون جان يصرخ من الوجع واني كل ما ركض علي يدفعني بدر ما يخليني اوصل يمه حاصرة بزاوية ويضرب بي واني ملخت روحي كل ما اتقرب يدفعني عنه وروحي مفرفحه مثل المخبله ابجي واصرخ ومايفيد

يضرب بي بدون رحمه اخير شي اجت الضربه على وجها بحديدة الحزام وضل الدم يجري ركضت علي وبدر دفعني عنه رجعت اركض وحضنته الصدري احس بي نغمه علي وبدر ماسكت ضل يصيح ويعيط يريدني اميل حتى ايكمل علي ماوخرت وستمر يضربني تجي الضربات على ظهري احس تجرح

جانت سالي تبجي وروح  هم يريدن يجني وزوجة بدر حاضنتهن تخاف عليهن يضربهن وياي

عافني بدر بعد مانهاني من الضرب واني حاضنة هارون الصدري وهوه ماكو مغمض وبس صوت النفس على صدري احس حيلي باد ودموعي مالحلة تسمطني  جسمي رخه واني حاضنه هارون بقوه بعد ماطلع بدر اجت زوجة بدر زهره وابنها حازم جانت تبجي وتمسح الدموع من وجهي وحازم يمسح الدم من وجه هارون والدم مابطل وبناتي مفرفحات بجي وحاضناتني

حجت زهره

والج بدريه ابنج وجهه ينزف سوده عليه

بدريه.. كمت كوه واني حاضنه هارون وهوه كوه كام وياي اخذته الغرفتنة واني امسح بوجها من الدم وكوه نكطع الدم جانت زهره زوجة بدر يمي تمسح وجه هارون بوصلة مبلله هيه وحازم وبناتي خانسات مصتكات من الخوف بس ينشغن  اباوع الهارون وكل جسمه ازرك ومجرح والضربه الي بوجهة جانت جبيره ومبينه تبقه اثر جانت معوره حاجبه ونازله النص خده هوه ايباوعلي بوهن مايكدر حته يحجي شوي وسمعنه صوت بدر يعيط

زهره وينج والج زهره

خطيه هيه كامت تركض والخوف مبين بيهة وحازم ابنهة كاعد يمنة وعينه على هارون مبين مقهور علي حاجيته بهدوء

روح عمه لا يجي ابوك ويشوفك هنا ويعيط بيك

حازم.. لا عمه خليني هنا يمكم ماكدر اخلي هارون هيج وروح اريد انام يمكم فدوه

بدريه.. بس خاف ابوك ايطكك

حازم.. لا عمه راح ينام ابوي لن يكعد من الصبح للشغل واني اضل يمكم

بدريه.. بكيفك يمه

صبح الصبح وكعدنه على دفعت الباب