رواية سلاسل وجع بقلمي الكاتبه ✍️نازز لاتنسون التصويت والتعليق للبارت حبايبي \_\_\_\_\_\_\_\_\_\_\_♡♡♡♡♡♡\_\_\_\_\_\_\_\_\_\_\_\_\_ "بداية ما بيها طُفولة" اني بنت من الجنوب… \_من يوم وعيت عالدنيا، ما شفت راحة ما عرفت شنو يعني حضن أم، لأن أول شي گالو الي "امچ متوفية\." \_من عمري سبع سنوات اتحملت مسؤليه اكبر من عمري عد مرة ابوي انسانه ضالمه بمعنى الكلمه تكرهني كره مو طبيعي وانه ما مسويتلها شي ابد تعاملني مثل خدامه عدها وانه طفله ماعرف شنو ذنبي احس بنفسي وحده جبيره مو طفله اني كلش حلوه عيوني كبار شعري اسود طويل وثخين بس ضعيفه هيفاء:: كوووومي ولج كومي نضفي البيت وغسلي مواعين لو بس اكل ونوووم ماكاعده بفندق تره واشتغل خدامه عندج بسرررعه كومي شجن:: كمت بدون لا احجي واني ماعرف اغسل مواعين زغيره غسلتهن واجت شافتهن مامغسولات عدل \_شنوو من غسسل هذا شوفي الوصخ شلووون ياجلبه تغسلين من وره خشمج اليوم اريد اطييح حظج \_ لزمتني من شعري وجرتني حيل للكاع وجابت كيبل كطعتني تكطع خلت الكيبل يطبع على ضهري ورجعت غسلتهن واشهك من البجي اجت بنتها جنان تضحك عليه ازغر مني بسنه 6سنوات متخليها تشيل الطاسه من الكاع وعدها ولد ثنين سنان عمره 5سنوات وباسل سنتين كملت شغل اجيت اروح لغرفتنا وصاحت هيفاء:: وييين تعاي سبحي سنان وباسل وغسلي ملابسهم وراج ولاتخلين باسل يبجي شجن:: دموعي تصب وعيوني غوشن كد ما بجيت وكمت سبحتهم وغسلت ملابسهم وضليت كاعده يمهم خاف يبجون او يوصخون ملابسهم وجنان بس تلعب اجه ابوي من الشغل واني عيوني مورمه من البجي بس اخاف اكله هي ضربتني لان تذبحني عواد:: السلام عليكم شلونكم بويه هيفاء:: هلا عيوني شلونك روح اسبح بين ما اصبن غده الكم عواد:: شجن بويه شو عيونج مورمه شبيج\. هيفاء:: عدها حساسيه توني غسلت وجهاا وصار هيج \_راح ابوي سبح واجه كعدنا نتغده بس اكلي لكمه تخزرني نفضت ايدي وكمت اخاف اكل \_ها شبعتي بساع شنو ماكله شي قبل الغده \_توني اريد احجي وحجت من مكانها \_اي كالت يمه جوعانه وصبيتلها ماعون كبل الغده \_رحت للغرفه وكعدت اشهك بجي ياربي ليش ماعندي ام حالي حال البنات مخليني يم مرت ابوي واتعذب بيه والله تعبت منها ومن كلامها وتعذيبها غفيت ودموعي على خدي ما حسيت للصبح دفره براسي \_كووومي يلا لمي حطب للتنور وترسي ماي من الشط \_اني زغيره يمه وين اكدر اجيب ماي وحدي والم حطب خل جنان تجي وياي \_هم عايزه اخلي بنتي تطلع تلم حطب انتي شنو شغلج لعد فضل مني ملفيتج يمي امج عافتج وابتليت \_تحجي عن امي وعبالك عايشه وعايفتني بهذا الذل هي ميته شبيدها ماجان هسه انه مذوله لو عايشه امي كمت كوه من نومي حتى ماخلتني اتريك طلعت بره الم حطب وعيوني تصب ميته من النعاس جمعت الحطب ورجعت للبيت ب 10الصبح \_يلا روحي انكلي ماي ماعدنا ولا تتاخرين بسااع \_ كتلها يمه والله حاره مابيه امشي تعبت حيل طكتني راشدي طبعت اصابعها بوجهي وضليت اشهك من البجي وخلت الجدر بيدي اجيب ماي رحت ترسته والطريق كله يوكع منه ماي ماوصلته اله بالضيم \_بعد مرور فتره بده التسجيل للمدرسه واتسجلت وجنت طايره من الفرح راح ادرس واشوف بنات العب وياهن اطلع من هذا السجن \_بلش الدوام وكوه جابتلي ملابس يلعبن النفس مبهذلات ودفاتر ماجابتليى هم فرحت عادي اهم شي ادرس رحت للمدرسه اشوف البنات ملابسهن تجنن وكل وحده مسويه تسريحه تخبل وجنط جديده اله اني من الباله ملابسي وياريت حلوات واني طفله تحز بنفسي \_رجعت للبيت فرحانه منطيني كتب اول بدلت ملابسي وكعدت اتغده وياهم كوه ابلع اللكمه من الخوف مكابلتني وتخزر بيه عالسريع شبعت وغسلت وطفرت لكتبي اشوفهن حتى اكتب الواجب جرت الكتب مني هيفاء:: كووومي صايره شاطره براسي غسلي المواعين ورتبي البيت شجن:: بس خل اكتب الواجب واكوم والله هيفاء:: ولللج تردين بوجهي شجن:: عفتها وكمت اشتغل كلت لجنان حبابه تعاي اشتغلي وياي جان تكوم تبجي وركضت لامها كالتلها شجن طكتني واجتني متخبله \_ولللللج انتي تطكين بنتتي اليوم اذببحج والله اله احركج \_جرتني من شعري تسحل بيه سحل كطعت شعري تكطع وكل راشدي يطبع بخدي وشعلت الطباخ وحمت الخاشوكه وجوتني بايدي احسس شاغت روحي من الوجع ضليت ابجي واتوسل بيه تعوفني بس ولا اهتمت اجه سنان ابنها يجرني من ايدها واني ميته من البجي وماتهدني كوه عافتني وركعتني بالكاه رحت زحف للغرفه ومتخبله بلبجي وجنان تضحك عليه مرت الايام وحياتي كلها استمرت بهيج تعب وكبرت وصرت سادس ابتدائي وكله اعفاء اطلع وجنان بالكوه تنجح هيه خامس وانه سادس اجت النتائج مال نصف السنه وانه ناجه بتفوق وبتها راسبه جرت الشهاده من ايدي وجرتني للمطبخ اغسل مواعين حتى ماخلتني افرح كمت نضفت المطبخ والبيت وطايره من الفرح رغم الضلم العشته بس فخوره بنفسي\.\. \_اجو كرايبنا علينا مسيرين وهي هددتني اذا طلعتي من الغرفه افنج اني سالو عليه وكالتلهم معقده متحب تطلع لاحد\.وجانت الدنيا حاره تسمط هي عاجبنه وكالت افتري لمي حطب واخبزي بهاي الفتره اتعلمت اخبز وكلشي اسوي بدون ما احتاج مساعده ركضت لميت حطب وشعلت التنور انتضره يهفت حتى اخبزز \_ماتخببزززين شمنتضره نريد نصب غدده \_يمه والله حار ما اكدر اخلي ايدي خل يهفت شويه جرتني من شعري وكالت والله اخليج بنص التنور لو ماخبزتي هسه بنت الجلبه \_بجيت ودعيت ربي ياخذ، روحي ويخلصني من هذا العذااب والله ماجاي اتحمل الضلم وانه مامسويه شي بار يبلش الدوام متامله اخلص منها عاد جم ساعه \_خبزت وكملت وديت الخبز الها ورجعت للغرفه اتسحب لان اذا واحد شافني تذبحني حسيت بطني تكرصني من الجوع محد جابلي اكل ولا اكدر اطلع سمعت صوتهم راحو طلعت اريد اكل فتحت الجدر وتوني اكلت لكمتين واجت تركض \_ولللج ساقططه انتي منو كالج اكلي لاشغل لاعمللل بس اكل كوووومي اغسلي المواعين وكونج تمدين ايدج للجدر اكسرهااا \_يمه راح اموت من الجوع والله خل اكل شويه \_جرتني من ايدي للطباخ وشعلت الطباخ وخلت ايددي على الناررر واني ابجب متخبله واصيح \_ووالله بعددد ما اكل وولا اكلج اريد شي ووالله يمممه عوفيييني راااح اموووت \_عساج متي ومالكينالج اثررر وخلصنا منج ادبسسسزز \_طلعت وعافتني كعدت بم الطباخ ابجي واندب حظي شوكت اموت واخلص مو والله تعبببت تعببت كملت المطبخ وايدي احسها راح تنشل من الوجع رجعت للغرفه انام حتى انسى الوجع كعدت الصبح بدلت حتى اروح للمدرسه وايدي كوه احركها ابوي سالني شبيها ايدج \_سوده عليه جاي تسوي جاي وانجوت بالطبااخ بس خليتلها عصاره هسه تطيب \_اباوعلها متعجبه شكدد جذابه الحقيره الله ياخذج واخلص منج ان شاءلله طلعت للمدرسه وانطونا واجبات ودروس رجعت للبيت ابوي مو هنا ركضت للغرفه بدلت وطلعت لكيتها صابه غده كعدت اكل وبس تخزز بيه حاولت اضيع نضراتي عنها بقت تسال جنان شلونج بالدراسه وسنان هم وانه ماجني موجوده \_كمت شلت الصينيه وخليتلها جاي على الطباخ تشرب سم ان شاءلله راسها دايخ اله جاي وغسلت المواعين صبيت الجاي وركضت اريد اقره واجباتي ماخلتني اقره كالت كومي اعجني الخبز مخلص \_والله مساع شفته عدناا هواي خبز ليش اخبزز \_عضت اصبعا واجتني كرصتني من زندي احس شلعت لحم وجرتني للمطبخ بجيت وكتلها راح اعجنن والله اعجنن هديني \_خل اشوفج تعاندين بعد اله امووتج والله اموتتج \_طلعت الطحين وعجنت ودموعي تصب وادعي الله ياخذ حكي منها كملت ورجعت نمت من الالم للصبح يلا كعدت حتى دروسي ماقاريتهن بدلت بسرعه ورحت للمدرسه اني وجنان اسميها جنيه وهي فعلا هيج \_وصلت المدرسه واني جسمي يوجعني من الطك وكلساع بالي يروح لغير مكان دك الجرس طلعت اخذت كتبي حتى اقره دروسي ما امشي وي وحده ولاعندي صديقه اخلص الفرص بس اقره لان متخليني هيفاء الجلبه اقره بلبيت كملت دوامي ورجعت للبيت لكيتها كاضتلي الباب واني طبيت وكطعتني تكطع بالصونده ابجي واصرخ \_ووالله ماسووويت شيي ووالله لييش تطكينيي \_بايككه فلوووس من ابووج مووو احجيي \_والله ماماخذه ولابايكه ولامشترريه والله \_لاتجذبببين كتتلج لاتجذبين \_رجعت كطعتني وانكسرت الصونده على ضهرري من الضرب اتمنيت من كل كلبي امووت والله تمنيت اخلص من عيشتي ماعندي شي اعيش لخاطره لا اهل لاسند المن عايشه طبت للبيت وانه ضليت بالحوش ابجي شردت لبيت جدي يصيرون بصفنا جدي يمووت عليه لكيت جدتي ام ابوي هناك واني ابجي واشهك \_شبييج جده منوو طاكج ليش تبجيين احجي \_هييفااء هييفاء طكتني موتتني تمووت والله مامسويه شي جده \_كافي جده كافي هسه يجي جدج واكله كومي غسلي خل اصبلج غده كومي يمه غسلت وتغديت اول مره اتغده ومحد يخزر بيه واكل براحه اجه جدي سلم عليه وباسني اني اكله بويه وجده سولفتله على هيفاء الحيه رحيم:: وليييش طكتج شمسويه انتي شجن:: وووالله بويه ماسويت شي تكلي بايكه ابوج وانت تعرف بيه عمري مامديت ايدي على اي شي \_العتب مو عليها جدي على ابوج طايح الحظ مالج رده يمهم ضلي هنا بعد \_طرت من الفرح راح اخلص منها وما اشوفها اسبوع كامل اكل وانام مرتاحه والعب محد يحاجيني بعدها ودت ابوي عليه حتى ياخذني رحيم:: ماتاخذها خلها عدنا مرتك مو خوش ادميه تطك بلبت وانت ساكت عواد:: لابويه محد يطكها بعد خل تجي صيحها \_صاحني جدي واني ضلت دموعي تنزل طبيت وكضيت بايد\. جدي اهز راسي لاا ماريد اروح كال ابوي تعاي حبيبتي شجون محد يطكج بعد بس اعرف هذا مجرد حجي وراح تزيد عذابي اكثر لان شردت رحت لكيت سنان وباسل منتضريني بلباب يحبوني كلشش ومايرضون امهم تطكني بس جنيه وامها يكرهني حظنتهم وبستهم وطبيت لكيتها بالهول هيه وبنتها كالبات خلقتهن عليه اول ماوصلت كالت هيفاء \_كوومي اخبزي عجنت انه ماعدنا خبزز \_بدون ما اجاوبها كمت خبزت وكملت توني ردت اكعد وصاحت عليه \_سوووي عشه بسااع لو تردين انه اسويلج \_كمت سويت عشه بدون لا اعاندها مالي خلط تطكني كلساع واني شوي عود مرتاحه منها صار اسبوع تعشينا ورحت نمت كعدت الصبح اريد ابدل ملابسي واروح للمدرسه باوعت ملابسي مشككاات جنان الجنيه شاكتهن وعندي امتحان لازم اروح وملابس ماعدي غيرهن اتخبلت صيحت عليها وغلطت هليها ولبست ملابسها وطلعت من الغرفه \_ ليشش لابسه ملابس بنتي منوو سمحلج \_هي شاكه ملابسي عندي امتحان شلبس لعددد وزت ابوي عليه كظني كطعني تكطع وماخلاني اروح للمدرسه شبعت بجي خلتني اكوم انضف واشهك من البجي للضهر اجت بنتها من المدرسه تحظنها وتتلكاها اباوع عليها صفكت اديها وحده بوحده وغمتني خلصت ليلي كله ابجي وره ايام اجت علينا عمتي ميسون هي وبناتها لينا وديما ميسون:: تعاي عمه احبنج صايره مره ما شاء الله حظنتني وباستني وطلعت العب وي لينا وديما راحن لاهلهن طلعن بلباب وكالت هيفاء \_روحي وي عمتج لعبي وي البنات \_ضليت اباوعلها باستغراب شعجب بس اني فرحت ركضت رحت وياهن فرحانه بس ياريتني ما رحت ابوي من جاي سال عليه كالتله \_حجي راحت وي عمتها ميسون وكتلها ابوج مايرضى عاندت وراحت حتى اخوانها دزيتهم عليها وما قبلت تجي شسويلها \_وزت ابوي عليه متفقات هي وجنيه عليه اجاني سنان كال \_ليش ابووي يودي عليج وماترضبن تجين \_والله محد جايني ولا صايحني \_رجعت وي سنان وارجف من الخوف اعرف بيها توزه عليه واني طبيت لزمني من شعري وطكني بالكاع موتني تمووت وطلعهم بره وقفل الباب عليه وربط اديه ورجليه بحبل ويدك بيه راشديات وجلاليق طلع السجينه وحماها ع الطباخ صارت حمررره حيل وانه اتوسل بي \_بووويه فدووه لاتجويني بوييه عليك الله عوفني ابوس\. رجلك بويه لاتجويني ولا يسمع \_بيت جدي جانو قريبين علينا وجانت عمتي اقبال الزغيره يمهم هي ورجلها كمال سنان كايليهم ابوي راح يموت شجن وهمه اجو يركضون اجه كمال كسر الباب عليه وطبو كلهم همه وجدي \_رجل عمتي شالني منه وجرني واني بساعتها حقددت عليهم حقد مو طبيعي اتمنيت امي عايشه تمنيت امي ماميته وتشوف حالي وشصار بيه رحيم:: ولللك جلب تطك الفرخه علييمن ماتستحي انت صايرر مجررم والله مامحسوب ع الزلم ياعاارر بعد ما انطيها الك واريد اشوفك توصلها \_جرني جدي كوه امشي من الطكات وصلت للبيت شمرت روحي بحظن جدتي وضليت\. ابجي من كل كلبي وجدتي ضلت تبجي وياي \_بقيت يم بيت جدي وبصفهم بيت عمي سعيد اروحلهم العب وي باسم و ومروه بكدي همه يشترولي ويحبوني كلش معتبريني اختهم \_وره ايام بقت هيفاء تجي لبيت جدي جنها كلشي مامسويه واصلا محد يحبها اني اتجنبها ابد ماريد التقي بيها مالي خلج المشاكل \_بقى جدي كل ما يطلع يجيبلي ملابس ويشتريلي حلويات وينطيني فلوس ومونسني كلش \_هيفاء حبلت وماعدهم وحده تخدمهم اجه ابوي يريد يرجعني يمهم اني اخاف اكله شسوي رحت اغسل واكنس وانضف واطبخ وهي كلشي ماتسوي لاهي ولا الجنيه جنان واني عندي امتحانات السادس بس تريدني ارسب والله قرايه متخليني اقره تريدني ارسب انام من وكت واكعد بالاربعه اقره لان كلها نايمه احفظ دروسي وكملت امتحاناتي بلضيم \_اجت النتائج اني ناجحه الحمدلله وطرررت من الفرح رغم حاربتني بس حتى ارسب مارسبت وحلمي اصير دكتوره وبنتها رسبت بقت بالخامس \_اني صرت بالمتوسطه لوو هي تخبلت هي وبتها الجنيه راوتني نجووم الضهر وتوز بابوي يبطلني بس ابوي بعدما اخذني من بيت جدي صار زين وياي \_لا ما ابطلها اريد اجيب شهادتها وارفع راسي بيها وهي تخبلتت الدنيا شته والجو ثلج تطلعلي الملابس برره كلها وتخليني اغسل الملابس قطعه قطعه بصابونه اديني ما احس بيهن من البرد كل هذا ومتحمله مسؤلية جهالها والبيت وما احجي \_ضل ابوي ينطيني مصرف بالبوكه وانه اجمعهن بطل كزاز مال الببسي اضمهن بي لان اعرف ماتشتريلي ملابس للمدرسه لو اموت كلت اجمعهن عواد:: شجنن بوويه وينج بدلي خل نسويلج فايل مال المدرسه حتى تداومين بالمتوسطه شجن:: اي بووويه جايه ركضت بدلت وطلعت وي ابوي سوالي فايل وصور مال مدرسه ورجعت وهي تخبلت شلون اني اداوم هنا صار عمري 13 سنه \_من بده الدوام كسرت البطل الي مجمعه بي الفلوس واشتريت بي ملابس وداومت اول ما رجعت للبيت كالت:: هيفاء:: كوومي يلا بدلي واخبزي ماعدنا خبززز بسساع وغسلي المواعين بدربج \_كمت بدلت وعجنت وغسلت المواعين اكلت من فضالتهم ماخلتلي اكل واختمر العجين وطلعت اخبز بالف ياعلي خلصت اول تلث اشهر من الاول متوسط \_كاعده بالغرفه اسمعها تكول لابوي بس الكح\.\.\. يدرسن بالمدررسه عواد:: شجننن تعالي هنا شجن:: ها بوويه جيتك شرايد عواد:: من اليوم انتي\.\.\.\.\.\.\. يتببببع\.\.\.\.\.\. حبايبي لاتنسوت التصويت للبارت وتعليق حلو مثلكم احبكم سنداتي✨ القصه حقيقيه وخاليه من اي خيااال بقلمي الكاتبة ✍️ناززز
