سلاسل وجع بقلمي الكاتبه ✍️نازز لاتنسون التصويت للروايه \_\_\_\_\_\_\_\_\_\_\_\_♡♡♡♡♡\_\_\_\_\_\_\_\_\_\_\_\_ »»» \(المشهد الأول\)««« چنت راجعة من المدرسة تعبانة حيل، شفتها تباوعلي بتك عين كالت \_يلا بسرعه بدلي ملابسج وتعاي نضفي البيت واعجني ماعدنا خبز \_اني ماحجيت لان تعودت عليها ماجاوبتها بدلت ملابسي وهمه كعدو يتغدون وانه كمت عجنت ونضفت البيت كله وغسلت ملابسهم ورجعت اريد اتغده لكيتها مامخليتلي غده كالت اكلي بالمواعين هذا الزايد \_ماريد ماجوعانه راح انام \_طبج مرض عساج لاكعدتي ان شاءلله \_عفتها وصعدت لغرفتي لكيت بنتها مشككه دفاتري وكتبي مال المدرسه اني اتخبلت من صدك كتلتها وراحت لامها تبجي واجت عليه سحلتني من شعري كطعتني تكطع كل جزء بجسمي ضل يوجعني بقيت ابجي وادعي ربي ياخذ روحي ويخلصني عدنا غرفه فارغه بيها تنور غاز قفلتها وشعلت الغاز توني اريد اشعلها واجو يركضون \_ليشش شبيج بويه احجيلي شكووو \_لكيتها وي ابن الجيران وخافت وتريد تحرك نفسها \_ضربها راشدي وكعت للكاع وضلت تتمسكن وتبجي وكاللها \_تخسسسين تطلع منها هيج سوالف انتي ام الزلم مو هيه \_ضلت ساكته ماحجت واني بقه كلامه براسي ليشش كاللها ام الزلم وسكتت\.\.\.\. \_\_\_\_\_\_\_\_\_\_\_♡♡♡♡♡♡\_\_\_\_\_\_\_\_\_\_\_\_ »»» \(المشهد الثاني\)««« \_ اجرتلي فستان حتى البسه بالعرس وهي شافتني اخذته اول ما وصلنه للبيت حتى ابدل والبسه جرتني من اذاني ونترت بيه حيل \_ماتلبسينه فهمتي واذا سالوج كولي مو على قياسي او اي عذر فهمتييي \_ضلت دموعي تصب من القهر وماكدر احجي محد يهتملي ولا احد يدافعلي لبست دشداشه تلعب النفس بس ماعندي غيرها شسوي لبستها وكعدت \_امشييي صبي العصير للنسوان وللزلم بسررعه \_اني هم ماحجيت رحت للمطبخ وحدي من دون البنات مبهذله واشتغل صبيت العصير ووزعت للنسوان ورجعت اصب للزلم \_ليش من دون البنات انتي تشتغلين \_اريدد اصب عصير للزلم \_روحي اني اصبلهم \_توني اريد اطلع وكبت العيطه \_يااااا يممممه الحكووووووو لكيته يبوس بيهاا مايستحووون يماااا سودتي وجوووووهنه ولججج \_ضليت متجمده بمكاني من الصدمه العالم التمت وكلها تباوعلي ضليت ابجي واحلف وابررر محد صدكني كطعوني تكطع \_كالولها تحلفين بالقران شفتيهم واحد يبوس الثاني \_اي احلف احللف جيبوو القراان احلف\.\. \_\_\_\_\_\_\_\_\_♡♡♡♡♡♡\_\_\_\_\_\_\_\_\_\_ »»» \(المشهد الثالث\)««« \_اندك الباب صحت منوو كال اني صوته خشن وماسامعته ابد تدنا كتله محد بلبيت كال ادري اني جيت عليج لان عرفت محد هنا \_اهلج مايخلوني اشوفج وجيت عليج \_فتحت الباب وحظني وباسني وانطاني فلوس مارضيت اخذهن لان اخاف منها تكتلني وكالي \_سلميلي على ابوج وكليله يسلم عليك\.\.\.\.\.\. \_رجعوو وكتله وجها كام ينطي الوان ماحجه شي وهي كالت \_ حبيبتي روحي ارتاحي باعي تلفزيون انتي \_ضليت مصدومه هاي من شوكت هيج تعاملني بس لازم اعرف السبب وياريتني ماعرفته\.\.\. \_رحت للغرفه بس ضليت افكر صح اني زغيره بس عقلي جبير ماتفوتني اي كلمه \_كعدت الصبح حسبالي صدك تضل تعاملني زين الجو بارددد ثلج وماحسيت اله ميييي بارد حيل عله وجهي ملابسي فزيت ميته برد سنوني ضلن يطكطكن من ابىجفه وبجيتت \_بنتتت الخاسيه ما اسمممع صوتج شلون تردين اكعدج مثلا يلا بسرررعه كومي نضفي البيت \_\_\_\_\_\_\_\_\_♡♡♡♡♡\_\_\_\_\_\_\_\_\_\_ حبايبيي هاي مشاهد من القصه الي كل حرف بيها يعيشكم الم حقيقيه 100٪ وياريت تنطوها حقها للقصه وتقروها بتاني وتصوتون للبارتات وتعلقون تعليق حلو من ايدكم الحلوه\.\.\.\. احبكم سنداتي ✨ حساباتي انستكرام\.\. naazz\_313
