السلام عليكم اهداء الي اصدقائي وقطعه من قلبي وأحبائي ريمي، عائش، ايسو، عهدي. اشكركم من اعماق قلبي علي مساعدتكم لي احبكم اصدقائي واتمني الله ان يديمكم في حياتي🤍. قبل ما نبدأ متنسوش الصلاة عالنبي ومتنسوش الفوت ويلا نبدا أهلا بك عزيزي القارئ مرة أخرى أتمني أن ينال الفصل الأول الذي كتب بكل حب إعجابك واتمني الدعم منك عزيزي القارئ لأكمل هذه المسيرة ... أتركك انا لقرائة هذا الفصل ونتقابل في نهاية الفصل عهد بصدمه: ماما إنتي ضربتيني ماما إنتي متخيلة عملتي فيا إيه ماما إنتي طول عمرك بتحميني من بابا عشان ميضربنيش وتيجي إنتي تضربيني ليه كدا يا ماما شمس: أحميكي ليه هيعضك مثلا إنتي الي قليله الأدب وتستاهلي عهد بعدم فهم أو إدراك: يعضني!!! إيه يا ماما الي إنتي بتقوليه دا إنتي طول عمرك بتحميني من بابا لإنه عصبي جدا ومش بيستحمل كلمه وبيضرب على طول إنتي نسيتي ولا إيه وبعدين قليلة الأدب ف إيه أنا ماعملتش حاجه كل الي قولتله إني رافضه الجواز ومش عاوزه أتجبر على حاجه أنا مش قليلة الأدب إنتي مش واثقه فيا إزاي إزاي بجد مش مصد.... شمس: ششش إخرسي هاتفتحيلي محاضره ولا إيه قومي غوري من قدامي وأول ما العريس ييجي هتوافقي يا عهد غصبٍ عنك أو برضاكي مش هيفرق معايا عهد: ماما إنتي إزاي بقيتي كدا إنتي حضنك كان أماني كلمه منك كانت زي الشاش لقلبي ماما طبطتك عليا كانت زي المسكن بيهديني؟ ليه كدا إيه الي غيرك عليا أنا بنتك يا ماما شمس: لانا هقوم عشان إنتي قرف وقرفتيني إيه القرف بتاعك دا بس بس بلاش كلام اهبل زيك وبالفعل ذهبت شمس وتركت عهد على الارض التي حدثت نفسها بانهيار : يارب لا بعشان خاطري أنا مش عايزه أتجوز يارب مش عايز والله أي حاجه تانيه غير كدا لا يارب يارب ساعدني يارب اللهم لا اعتراض وفي الطرف الاخر وبالتحديد فيلا عائلة ابراهيم كان يرتدي ملابسه المكونه من قميص باللون الاسود وبنطال بالون الاسود ومعطف باللون البني الغامق ولكن ليس بالكثير ("الهافان") وحذاء ذو رقبة عاليه باللون الأسود نعم هو من محبي اللون الاسود حتما ما هذا، بعد إنتهائه من إرتداء ملابسه أخذ يرش العطر الخاص به (البارفيوم) ولكن قاطعه طرق الباب سراج: ادخل وكان الطارق هيه والدته مدام(أريج) أريج بتفحص: إيه ده لابس ومتشيك ورايح على فين كدا يا سنيور سراج؟ سراج: سنيور ولابس ومتشيك؟ على العموم رايح الشركه عندي شغل كتير أوي محتاج يتعمل معلش بقا أريج: ماشي يحبيبي ربنا معاك يارب تعالى بدري عشان نتعشا سوا ماشي سراج وهو يستعد للنزول: حاضر هحاول والله ادعيلي ها أريج ب دعاء: حاضر يا حبيبي ربنا يكرمك يرب ويرزقك ويوقفلك ولاد الحلال قادر ي كريم سراج: ربنا يخليكي ليا يا ست قلبي وست البنات اريج بابتسام وأعينها تمتلئ بالدموع: سلام يحبيبي ربنا يستر طريقك يارب ومشوفش فيك حاجه وحشه خرج سراج من الفيلا وأخذ يركب سيارته ال Bmw في الطريق رن هاتف سراج سراج: الو عمر: إيه يا سرجوجي فينك سراج: اه ياحيوان والله لأوريك عامل نفسك روش وبترن من رقم غريب وبعدين إيه سرجوجي دي بطل شغل تلزيق يا معفن بقا عمر:يوه أنا غلطان إني بتصل اعاكسك وبعدين مالو سرجوجي ده حتى حلو ومسمسم سراج ب عصبية بعد ان نفذت كل طاقة صبر لديه: والله يا عمر الكلب لو مقولتش متصل ليه إنت حر هاجي أدلعك عمر بخوف: لا تدلعني ولا أدلعك يعم خلاص خلاص هات معاك باتون سليه وإنت جاي أصل نفسي فيه وكام كيس شيبسي كدا وااا سراج:يابن ال*** إقفل ياحيوان والله لوريك عمر: طب إستنى بس ي سرجوجي هفهم... سراج بعدما أغلق الهاتف في وجهه: والله لوريك ي عمر الكلب بعد مرور وقت زمني ليس بالكثير وصل سراج شركتة ودخل بهيبتة المعتادة جدا وفي طريقه وهو يذهب الى مكتبة الخاص عمر عند باب المكتب: إخس عليك أزعل منك كدا بردو يا سروجتي تقفل السكه في وشي سراج بخبث : أها ده انا قالب عليك الشركة تعالى معايا المكتب يا عموري هاقولك حاجه مهمه عمر بخوف وقلق: إيه دا يا سراج إنت ماسكني كدا لييي إنت الوان ولا إيه يلهوييي شرفيي يا ناسي الحقونييي سراج ب اعين حمراء من الضحك: ياحيوان مش قادر هاعمل فيك إيه يعني يزباله خش المكتب عشان هيبتي بس خش وبعد أن دلفوا الى المكتب أمسك سراج بياقة قميص عمر بعصبيه وهو يقول: تعالى بقا عشان أنا جيبت أخري منك أعطاه ضربه علي مؤخره رأسه ("قفاه") ثم رد اليه عمر الضربه وأخذوا يتشاجرون ويجرون وراء حتى وصل عمر وأخيرا الى باب المكتب ورحل تاركا سراج يضحك بشده وهو يقول: مجنون واهبل وهايموتني معاه يرب صبرني علي الإبتلاء داا بدأ سراج في عمله وانغمس فيه حتى سرقَهُ الوقت وأصبحت الساعه التاسعه والنصف... نظر سراج الى هاتفه بإرهاق شديد ليرى تلك الساعه فيقرر الرجوع الى بيته وفي الطرف الاخر عهد في غرفة شمس وخالد: هنزل أجيب حاجه وآجي بعد إذنكم وتركتهم ورحلت خالد بغضب وصوت عالي: إنتي يابت أصبري رايحه فين عهد:هنزل أجيب حاجه حلوه خالد:حاجه حلوة إيه إنتي هبله يبت إنتي مش عيب على سنك عهد ببكاء: يبابا نفسي فيها أنا ولورين هننزل بسرعه بالله عليك عشان خاطري حلفتك بالله خالد بعد إصراها: إتفضلي خمس دقايق وتبقي هنا إنتي ولورين يلا عهد ببكاء وحزن علي حالها: شكرا تركتة ورحلت دالفه الى غرفتها لتخبر أختها لورين بالتجهز للنزول ارتدت عهد عباءتها الواسعه وحاجبها الذي يميزها ولورين كذلك وقرروا الذهاب لورين: بصي يا عهودتي يحبيبتي تعالي هجيبلك كل الي إنتي عايزاه عهد: مش عايزه لورين: متعصبنيش بقا يلا عهد: قولت مش عايزه لورين:أنا نزلتك عشان تفكي إخلصي بقا صمتت لبرهه ثم أكملت: غمضي عينيكي ثانيه عهد: ماشي أخرجت لورين من وراء ظهرها حلوى من الحلويات التي تحبها عهد وظرف مغلق مكتوب بداخله لورين: فتحي وخدي دول رمقت عهد الحلوى ب فرحه شديده متناسيه حزنها ولو لبعض الوقت: الله يا لوري بحبك أوي بجد ربنا يخليكي ليا يرب ثم فتحت الظرف والذي كان يحتوي على بعض الكلمات وقد كانت: "عهد حبيبت قلبي
