الفصل الاول(صدمة) السلام عليكم ورحمة الله وبركاته دي أول روايه هتكون ليا أتمني الدعم من الجميع وأتمني إن روايتي تعجبكم متنسوش الفوت، وهيا بنا نبدأ عزيزي القارئ، في القاهره، وبالتحديد في بيت خالد الذي ليس بالفخم ولكن يفي بالغرض ، في منزل مثل أي منزل من منازل الطبقه المتوسطه مكون من ثلاث غرف تعيش فيه أسره مكونه من أب وأم وفتاتان " الأب خالد والأم شمس و عهد ولورين البنتين" شمس والدة عهد كانت تجلس بجوار إبنتها على الأريكه يتكلمون ويتحاورون في أشياء كثيره عن الدنيا وغلو الاسعار وهذه الأشياء كانت عهد تستمع الى والدتها شمس بإنصات وهي تمسك بهاتفها بيدها، ولكن قطع حوارهما رنين هاتف شمس والدة عهد فأجابت شمس على المتصل وكانت "جارتهم الي فالدور الخامس شمس: الو ازيك يا أسماء عامله إيه وحشتيني والله أسماء: الحمدالله يحبيبتي انت عامله اي وحشتيني اكتر شمس: كلو كويس الحمدالله في نعمه اسماء: بقولك يختي بصراحه انا كونت حابه اكلمك فموضوع كدا شمس بقلق: قوليلي يحبيبتي خير كفالله الشر قلقتيني في حاجه عندك؟ اسماء: لا والله كلو تمام متقلقيش نفسك أنا بس عايزه أكلمك في موضوع يخص عهد بنتك شمس: قولي يا أسماء قلقتيني مالها عهد بنتي اسماء: متقلقيش بصي ياستي هدْخلك في الموضوع على طول بنتك عهد متقدملها عريس وبصراحه انا شايفه إن البت كبرت وبقت ٢٠سنه مشاء الله عروسه أهيه ومش مخطوبه ولا في إيديها دبله وبعدين ده الجواز ستره يختي وأه أنا بقولك كدا عشان بعتبرها زي بنتي لتفهميني غلط ولا حاجه شمس: أه فهماكي، طب العريس ده شافها فين أو يعرفها إزاي اسماء: والله ياختي هو كان جاري فالعماره القديمه قبل ما أَعَزِّل وآجي هنا وأمه الله يمسيها بالخير جت تسأل عليا وتسلم عليا وهو كان معاها فشاف عهد وهيه رايحه الكلية وقال عايز يخطبها وربنا يقدم الي فيه النصيب شمس: بصي يا أسماء والله مش هقدر أديكي قرار غير لما أعرف رأي أبو عهد ورأيها وهقولك اسماء: براحتك يحبيبتي بس إبقي ردي عليا فأسرع الوقت ده الواد لقطه بصراحه ميتفوتش وأهو معلش يعني يرفعكوا شوية بفلوسوا بدل الفقر الي إنتوا فيه صمتت لبرهه تلتقط أنفاسها ثم أكملت: أنا مش قصدي حاجه طبعا إوعي تفهميني غلط دا أنا عاوزه مصلحتك وبعدين بلا رأيها بلا بتاع ناس كتير إتجوزوا صالونات وبقوا حابين بعض ولو على أبو عهد فالزن علي الودان أمر من السحر يا أم عهد وهو محترم وأخلاق وابن ناس ومتربي ، والجواز أحسن من كمان كام يوم تجيلك وتقولك حبيبي في الجامعه واتجوزنا إسمعي كلامي وكلمي ابو عهد وإن شاء الله خير شمس: أه عندك حق فعلا أحسن ما يحصلها حاجه وحشه وتقولي حبيبي ومش عارفه اي ويهربوا مع بعض زي بتوع الايام دي هقول لي أبو عهد بردوا وأقولك وربنا يقدم الي فيه النصيب اسماء: ماشي يحبيبتي يلا تعوزي حاجه شمس: لا سلامتك مع السلامه وأغلقت شمس المكالمه معها وهي في حيره من أمرها فكل كلمه نطقت بها أسماء صحيحه والزواج لها سترة حقا فماذا تفعل الأن؟ بعد حلول المساء جاء خالد والد عهد من العمل وكانت شمس تريد أن تفتتح معه الموضوع ولكن لا تعرف ماذا تقول فتتكلمت بارتباك: _ بص يا خالد بصراحه أنا عايزه أفاتحك في موضوع خالد: موضوع إيه الي يخليكي مش على بعضك ومتوترة كدا؟ شمس:ها لا أبدا عادي هو بس يعنى كل الموضوع إن أسماء جارتنا الله يمسيها بالخير إتصلت تسأل علينا إنهارده وقالتي حاجة بخصوص عهد خالد بغضب: عهد عملت إيه فهميني شمس بتوجس: بس بس إهدا يا أبو عهد معملتش حاجه، هيهط بس متقدملها عريس خالد: عريس؟ وده شافها فين؟ وعرفها ازاي؟ شمس: هو غني مشاء الله ومحترم وتخلاق وأصيل وكويس وجدع اسماء قالتلي كدا باين عليه راجل كويس أوي يا أخويا ما نجوز البت ونسترها ده الجواز إيه غير إن هو ستر خالد: لا البنت لسه صغيره أما تخلص تعليم شمس: صغيره إيه يا خويا دا إنت الي صغير البت بقت٢٠سنه ومفيش فإديها حتت دبله حتا إسمع كلامي يا أبو عهد أحسن ما نلاقيها بكره خارجلنا مع ده ولا بتحب في ده ولا هربت مع حد وتنزل راسنا فالطين خالد: سيبيني افكر شمس: يا خالد ماتضيعش الفرصه وأهو يشيلنا بدل الفقر والقرف الي إحنا فيه ويعيشها عيشه كويسه يا خالد إسمع مني نجوزها وهو عايزها بشنطه هدومها مش هنجيب جهاز ولا حاجه إنت شايف الحال على القد والي داخل قد الي طالع مش حمل نجهز ولا نعمل وأهي جوازه لقطه خالد: هفكر وارد عليكي شمس: ماشي يخويا براحتك ___________________ بعد مرور يوم بكل اشغاله وتعبة وفرحتة وحزنة هناك من نام براحة، وهناك من يحدد مصير، وهناك من يفكر، ويبدء اليوم التالي بقرارات جديده ومصير متحدد شمس: صباح الخير يا خالد خالد: صباح النور خالد: أنا عارف الي عايزه تقوليه أنا قعدت طول الليل أفكر في الي إنتي قولتيه وفي الادأخر ااا شمس: إيه يخويا وافقت وافقت بالله الله اكبر خالد: أنا لسه مكملتش كلامي أنا وافقت اه البنت تتستر عشان ما تقعدش أكتر من كدا ويطلع علينا كلام البت ملهاش إلا سمعتها لو قعدت أكتر من كدا هيطلعوا عليها كلام شمس: صح أيوه عندك حق يخويا كده إنت فهمت صح خالد: يلا بقا عشن نازل الشغل شمس: في رعايه الله يخويا حدثت شمس نفسها بعد أن أغلقت الباب:أما الحق أصحيها وأفاتحها فالموضوع وذهبت الى غرفتها ودخلت عليها قائله: _عهد بت ياعهد يلا قومي يا بت عهد: لا إنهارده مش هروح الكلية سبيني شمس: طب خلاص قومي إفطري وساعديني واقعدي معايا يلا قومي عهد: حاضر يا شموسه يا قمر إنتي شمس: إتلمي يابت واحترمي نفسك قال شموسه قال عهد: والله إنتي عسل شمس وهي ترفع سلاح الأمهات الرسمي لتقذفه عليها عهد: يلهوي ياست الكل ده إنتي قفوشه أوي سلام أنا بقا يلهوي واسرعت في دخولها المرحاض وأغلقته عليها شمس: إنما بت عبيطه بصحيح عهد بعد خروجها من المرحاض عهد: حضرتي الفطار يا شمس شمس: اه يختي تعالي كلي يلا اتجهت عهد الى مائدة الطعام لتجلس كي تأكل شمس: بقولك ياعهد يحببتي عهد: عهد وحببتي؟ ربنا يستر شمس: إتلمي
