# حارة الورده البيضاء #
يوم من ايام حارة الورده البيضاء وكل طلاب الثانويه متوترين ولما لا فإنه يوم النتيجه أمام باب المدرسه الثانويه المشتركه في إحدي القري الشعبيه تقف عده من البنات والشباب في انتظار اعلان النتيجه الشمس كانت واقفه فوق رأس ملك وهي ماسكه ايد تالا قدام باب المدرسه ،وقلبها بيدق اسرع من
صوت عربيه الكشري اللي معديه في الشارع
تالا/ بطلي رجلك دي ،هتكسري البلاط.
ملك/ مش قادره يا تالا ... لو سقطت السنه دي ابويا هيبيع القهوه .
تالا/ اسكتي يا مجنونه انتي الاولي علي الفصل ، هتسقطي أزاي يعني .
من بعيد وقف سيف بعجلته ،نزل من عليها وعندها علي سور المدرسه ، ووشه كله عرق بس عينيه بتضحك.
يلا بينا نتعرف علي الشخصيات ونكمل .
ملك رضا السقا -17سنه (البطله )
بنت ثانويه ،شاطره ولسانها حامي شويه بس قلبها طيب ابوها صاحب قهوة الحاره .مامتها متوفيه وهيا وحيده معندهاش اخوات بتحب ابوها قوي .
بتحب الرسم وبتحلم تطلع من الحره لكلية فنون
سيف كمال -18 سنه
صاحب محل عجل قديم في الحاره قدام محل القهوه .جدع بيحب يساعد اي حد بس عصبي لو حد جيه علي حد تبعه ياكله . كان صاحب ملك من وهما صغيرين .
رضا السقا -45 سنه ( والد البطله )
ابو ملك راجل علي قد حاله صاحب محل قهوة "الرضا" كل الحاره بتحبه وبتحترمه لانه عمره ما ظلم حد .
فايزه 42 سنه
جارة ملك وصحبة امها الله يرحمها ست لسانها متبري منها بس قلبها ابيض بتعرف كل حاجه بتحصل في الحاره حتي قبل ما تحصل حتي .
حربي 30 سنه
شغال في الورشه معروف إنه بتاع مشاكل بس جدع مع اللي بيحبه بغير علي الحاره كأنها بيته .
تالا 17 سنه
صاحبة ملك المقربه هاديه وتسمع اكتر ما تتكلم خجوله جدا وكيوت .
ادم .
شقي في فصل ملك بيحب يرخم علي سيف وبيعمل مشاكل من لا حاجه .
جنا
البنت الغنيه اللي جت المدرسه جديد وبتعمل قلق في الفصل .
و الباقي نعرفه خلال القصه
يلا نكمل
قرب عليهم سيف/ خضيتوا البلد كلها بالوقفه دي .إيه ،هتطلعوا الاولي والتانيه مافيش شك .
ملك / من غير تريقه يا سيف .
سيف / تريقه ؟انا جاي اقولك لونجحتي ليكي عندي عجله جديده وانتي اتختاري اللون كمان .
تالا / شايفه ؟ حتي سيف واثق فيكي اكتر منك .
هنا باب المدرسه يفتح ،وتدخل البنات مندفعه للداخل زي ما يكون سيل أو بركان انفجر.
ملك وقفت مكانها ،رجليها تقلت .
سيف . يا ملك .
ملك . نعم ؟
سيف . حتي لو سقطي القهوه بتاع عمي رضا مش اتقفل واتفضل فاتحه واقف كول الوقت قدامها بالعجله .
ملك . أنت عبيط ؟
سيف. واهبل كمان بس انا بتكلم جد .
ملك. بصتله ثانيه ،وضحكت ضحكه مكتومه لاول مره من الصبح ، قبل ما ترد اسمها اتنداه من جوه .
" ملك رضا السقا..... الاولي علي المدرسه !"
الدنيا سكتت في ودنها .
تالا. صوتت وحركتها من دراعها وسيف وراها خد العجله ومشي وهو بيقول : قولتلك ! العجله الحمرا بتاعتك ياست ملك "
وهنا وفي هذا الوقت ملك كانت في عالم أخري ملئ بالمشاعر والأحاسيس الحقيقية كان نفسها انها تكون موجوده وتفرح بيها وفي نفس الوقت مبسوطه فاقت من شرودها علي صوت تالا ملك مبروك
انتي الاولي وانا التانيه الحمد لله
ملك. مبرووك علينا يا قلبي ❤️
تعالي نفرح بابا .
مشيوا ملك وتالا وسيف لداخل الحاره المليئه بالجو المريح والناس الطيبه متجهين الا القهوه
علشان ملك تفرح ابوها وأهل الحاره
وكده تم الفصل الاول
عايزه رايكم ❤️
وكتيير من التفاعل .
الروايه للكاتبه / شيماء عماد
