الاقتراب من الحلم

(البـ16ــارت)

وفي صباح يوم جديد كانت الساعة 3 العصر كانت شام بترسم فستان جديد و رن تلفونها ردت

شام : مساء الخير يا فندم خير

هيثم : مساء النور يا استاذة حضرتك كنتي مستنيا تنسيق الجميعات

شام بسرعة : نزل

هيثم : اول بدلة تعمليها ليا

شام بفرح : احلف اني اتقبلت

هيثم : طبعاً اتقبلتي في جامعة القاهرة كمان

شام : الحمدلله بجد تعبتك معيا

هيثم : لو قولتي كدة تاني هزعل منك انا متعبتش ولو عوزاني اجي معاكي تقدمي الورق عادي

شام : لا هروح مع نور هيا كدة كدة هتقدم هناك تربية

هيثم : ماشي يستي روحي فرحي طنط بق

قفلت معا و خرجت بسرعة لي ولدتها الي كانت بتتفرج علي التلفزيون

شام : زغرطي يا ماما اتقبلت في الكلية جامعة القاهرة

مني بفرح : بجد لولوللللللللللللللي الف حمد وشكر ليك يارب مبروك يا حبيبتي شوفتي ربنا مضيعش تعبك علي الفاضي و حقق حلمك

شام : الحمدلله كلمي سيف بق وعرفي وانا هدخل اكلم نور علشان نقدم بكرة بسرعة

و فعلاً دخلت ورنت علي نور الي ردت بسرعة

نور و شام في نفس الوقت : الف مبروك

نور بضحك : مبروك يا قلبي معا بعض من ابتدائي لي التخرج

شام : الله يبارك فيكي يا روحي مبروك انتي كمان

نور : نروح نقدم بكرة بق

شام : اة انا هعرف الاوراق المطلوبة و ابعتلك علي طول نجهزها و نروح بكرة بدري

وقفلت معها و نزلت استوري واتساب و فيس (اي الاوراق المطلوبة لي تقديم الجامعة) وبعد دقيقة جلها رسالة من هيثم

هيثم : بصي يستي الاراق هيا بيان بي الشهاده و...............

شام : دول من المدرسة و المكتبة

هيثم : اة هتقدمي بكرة

شام : اة هروح المدرسة بكرة و اجهز الاوراق ولو خلصنا بدري هنروح او ممكن بعد بكرة

هيثم : لو خلصتو بدري روحي احسن من بكرة

شام : ان شاءلله حاضر هروح انام انا بق علشان مكنتش بنام

هيثم بضحك : روحي يختي لم تصحي كلميني

قفلت تلفونها و راحت لي السرير ونامت بي راحة كاملة فعلاً اما هيثم فا كان في مكتبه و قفل معها و قعد يقرا الشات بتعهم وهو مبتسم بحب و دخل علية يوسف فجاة

يوسف بصوت الخالة نوسة : اثبت مكانك لتولع وانت واقف اي الضحكة دي يواد انت

هيثم : يلعن شكلك يشيخ فصلتني عاوز اي

يوسف : سيبك من عاوز اي انت مالك بس احكيلي

هيثم : ما انت زنان و مش هخلص منك هحكيلك (و قال لي علي حبه لي شام وانه بدا بكلمها قرب منها اكتر و مبسوط من دة)

يوسف : دة انت واقع خالص

هيثم بحب : مختلفة عن اي حد شفته ليها ابتسامة مختلفة طريقة غير اي حد مش قادر اوصفلك انا من اول ما خبطت فيا في الفرح وانا اعجبت بيها و مبقتش عارف ابطل تفكير فيها

يوسف : قول ليها يا هيثم علشان لو الحب مش متبادل تنسها يا صحبي

هيثم وهو بيبص قدامو : هعمل كدة بس مش دلوقتي

يوسف : ناوي علي اي

هيثم : كل خير ان شاءلله

و في صباح اليوم التالي صحيت شام بنشاط و فرح انها خلاص هتاخد اول خطوة لي تحقيق احلمها و لبست بنطلون بوي فرند و شميز ابيض في بيبي بلو و كانت قفلة و طرحة بيضاء و حطت مكب خفيف و خرجت وكانت ولدتها بتحظر الفطار و سيف ماسك الفون

سيف اول ما شفها : اي النشاط دة صحيتي لوحدك

شام : طبعاً مش رايحة اقدم لي الكلية

سيف : طيب يستي تحبي اوصلك

شام : لا هروح انا و نور و بعدها هنخرج نتغدا مع بعض بارة

ولدتها خرجت : بس متتاخريش و تطمنيني اول ما تخرجي من الكلية

شام : متقلقيش عليا يا ست الكل انا دلوقتي خلاص بقيت طالبة جامعية

ولدتها : هفضل اقلق عليكم لحد اخر يوم في عمري

سيف : بعد الشر عليكي يا حبيبتي يلا بق نفطر

و قعدت وهما بيتكلمه و بعدها نزلت شام مع سيف بعد ما بعت ليها هيثم يصبح عليها كلعادة و هيا ردت عليه و عرفته انها هتروح الجامعة و ركبت مع نور الاوبر الي طالبته و وصلت لي جامعة القاهرة وبعد مع عدا الوقت و كل واحدة قدمت في التخصص الي عاوزة و بعدها راحت لي كافية حلو و هما بيتكلموا جلها رساله

هيثم : اي الاخبار يا احسن فاشون ديزينر في مصر

شام ابتسمت : الحمدلله قدمت و كلو تمام

هيثم : الف مبروك بس انا عاوز مكافأة

شام : بس كدة انت تومر

هيثم : عاوز نخرج سوا في يوم

شام : خلاص ماشي هقول لي ماما و اقولك علي معاد و نتفق

هيثم : اتفقنا اسيبك بق مع صحبتك ولم ترجعي كلميني

ابتسمت شام و سابت التلفون و بصت ليها نور الي كانت بتكلم خطبها فون و شافت ابتسامت شام

شام بستغراب : اي بتبصي كدة لي

نور : كنتي بتكلمي مين ومبتسمة اوي كدة

شام بضحك : لا والله مفيش حاجة دة هيثم الي جابلي التنسيك و انتي عارفه

نور : .......