ما قبل المواجهة

( رن هاتف ليالي، كانت مكالمة من نور. تجاهلتها ليالي في البداية، لكن الإصرار دفعها للرد.)

* "أيوة يا نور."

ـ "ايه يا ليالي... أنا بكلمك من الصبح، كنت عايزة أعرف عرفتي حاجة عن موضوع عمر وحمزة؟"

* "لأ، معرفتش. ومش فارق معايا أعرف." أجابت ليالي ببرود، وهي تحاول أن تقنع نفسها .

ـ "إزاي مش فارق يا ليالي؟ ده عمر! وبعدين، أنا كنت عايزة أكلمك في موضوع الجلسات تاني. أنا شايفة إن الموضوع ده مهم "

* قاطعتها ليالي بعصبية: "اسمعي يا نور، لو هتتكلمي في الموضوع ده تاني، مش هتردد لحظة اني اقفل السكة . أنا مش هرجع تاني لأي جلسات. الموضوع ده مستحيل. أنا عايزة أفضل منعزلة عن العالم في كوكبي الصغير المكون من تلات اربع اشخاص مش اكتر ، بعيد عن كل المشاكل."

(فجأة، تحول رنين الهاتف إلى مكالمة جديدة من رقم مجهول. نظرت ليالي إلى الشاشة للحظة، ثم أجابت بتردد و اضافت نور للمكالمة لتكون شاهدا على هذا الحدث الغريب)

* " ألو؟"

ـ "مساء الخير يا ليالي، أنا دليلة الدكتورة اللي حضرتي الجلسة معاها النهارده. عارفة إنك مستغربة مكالمتي، بس كان لازم أكلمك."

( تجمدت ليالي في مكانها، وعيناها اتسعت من الصدمة. )

* " أنا... أنا آسفة، بس أنا مش هرجع تاني."

ـ "عارفة. بس الموضوع دلوقتي أكبر من جلسة علاج شخصية ليكي يا ليالي. علي فكرة أنا كنت بدور عليكي بقالي فتره . "

* " انا مش فاهمه.. قصدك ايه ؟؟ "

ـ " انتي عارفه ان عمر بيتعالج عندي و شوفتيه و هو داخل ليا …علاج عمر مش هيكمل غير لما أفهم القصة كلها منك، وأنتوا الاتنين تواجهوا بعض في جلسة واحدة ...  اسمعيني …عشان القصة دي تخلص، لازم تتتكلموا .. علي العموم  انا مستنياكي بكرة في نفس الميعاد... مع عمر."

( قالت الدكتورة دليلة بهدوء، وكأنها تترك قنبلة ثم ترحل.

أغلقت ليالي، وما زالت يديها ترتجف. تعجبت نور من المكالمة و كانت منتظرة رد ليالي عليها )

ـ "ليالي … انتي هتعملي إيه؟" سألت نور، وهي تعلم أن إجابة ليالي لن تكون سهلة.

* "لازم اروح."

         ~•~•~•~•~•~•~•~•~•~•~•~•~•~•