chapter one

\*ـ

روايه احببت مصاص الدماء البارت الاول

تستيقظ مليكه من النوم الساعه العاشره صباحا بعد غلبه لانها بتحب النوم جدا وبتروح عند مامتها في المطبخ وتقولها بصوت شبه نائم: صباح الخير يا ماما

امها ميار: صباح النور يا لوكا ايه انتي عاوزه تنامي تاني ولا ايه

مليكه: لا انا صحيت بس حاسه اني تعبانه وجسمي كله مكسر

ميار: طبيعي جدا يا لوكا علشان انتي نايمه بقالك كتير

مليكه بهزار: انا عارفه بس حضرتك عارفه اني بحب اشتيكي

ميار بضحك: يالمضه انتي تعالي في حضني

مليكه: الله يا ماما عارفه حضنك ده بينسيني اي وجع انا بحسه ربنا يخليكي ليا وميحرمنيش منك ابدا

ميار: ويخليكي ليا ياقلبي انتي عارفه اني مليش غيرك يا لوكا انتي وباباكي اغلي حاجه في حياتي

ويدخل حسام والد مليكه ويقول بمشاكسه: ايه ده انا مش مصدق انا خلفت حراميه صغيره

مليكه: ليه يا بابا انا عملت ايه

حسام وهو يضم مليكه وميار الي حضنه ويقول: علشان واخده مراتي مني

ميار: محدش يقدر يخدني منك يا عمري

حسام برومانسيه: انتي قلبي يا ميار انا بحمد ربنا انك في حياتي

مليكه بغيره من تصرفات والدها: بابا انا قعده علي فكره وحضرتك عمال تعاكس ماما قدامي طب وانا مليش نصيب يعني ولا ايه

حسام بحنان الاب يضم مليكه ويقول: عارفه يا مليكه انا قلبي مقصوم نصفين نص ليكي ونص لماما انتي اغلي واجمل هديه جتلي من عند ربنا عن طريق والدتك

مليكه بحب: عارف يا بابا انا بحمد ربنا ان حضرتك في حياتي وماما كمان انا بحبكم اوي

ميار وحسام معا: واحنا كمان بنحبك اوي يا لوكا

تقوم مليكه وتقول: طيب بعد الكلام الحلو ده انا اللي هطبخ النهارده تبحبوا تاكلوا ايه

حسام: اي رايك يا ميار ناكل مسقعه لوكا بتعملها حلو اوي

ميار: اوكي كل حاجه عندك يا مليكه في التلاجه

مليكه: بس عندي طلب

حسام: اتفضلي

مليكه: هعمل الاكل بس اروح المكتبه ممكن

حسام ينظر الي ميار وهي تهز رأسها بالموافقه ويقول حسام: ماشي بس متتاخريش تمام

مليكه بفرحه عارمه: تمام اوي

وتدخل مليكه المطبخ وتقوم بعمل الاكل وتدخل غرفتها تاخذ حمام سريع وبعدها تلبس قميص كشمير وبنطلون اسود وحذاء رياضي لون ابيض وشنطه ظهر نفس لون الحذاء تعمل شعرها ذيل حصان وتخروج تسلم علي وابوها وامها وتاخذ فلوس من والدها وتروح المكتبه وتفضل قاعده تقراء عن العوالم الاخري التي هي خارقه للطبيعه بس هي دايما كانت بتحب مصاصين الدماء وتقراء عنهم وهي تقلب في الكتاب بتشوف صوره لمصاص دماء شكله جميل جدا وتعجب بيه وتقول: ايه القمر ده معقول في كده نفسي اقابل حد قمر كده وتاخد الصوره معاها في الشنطه وتقوم تروح وتدخل بيتها وامها تقول: ايه يا لوكا اجبلك تاكلي

مليكه وهي سرحانه في الصوره تقول: لا انا كلت موز علي فراوله علي مانجا لا وكمان مكسرات

ميار: انتي بتقولي ايه يا مليكه

مليكه تفوق وتقول: انا بهزر مع حضرتك يا ماما لا انا هدخل انام

تدخل الغرفه وتنام ولكن لا تدري ان هناك شخص يراقبها عن بعد

في نفس اليوم مليكه كانت نايمه بس قلقت لكن فضلت علي السرير وفجاءه حست ان في حد في الاوضه معاها ولما بصت ملقتش حد قالت في نفسها انها ممكن يكون بتتخيل وبعدها جت تنام بس حست ان نفس الحد ده معاها علي السرير جنبه وسمعت صوت نفسه قريب منها اوي في فضلت مسكه نفسها لحد ما الشخص ده اتكلم وقالها متخفيش فجاءه وبدون اي مقدمات مليكه صوتت باعلي صوت عندها لحد ما والدها والدتها جم عندها ومليكه قالت برعب: في حد معايا في الاوضه والله العظيم في حد معايا في الاوضه

حسام: اهدي بس يا مليكه مفيش حد في الاوضه

مليكه بعياط: لا يا بابا والله انا سمعته وكان جنبي علي السرير وقالي متخفيش والله يا ماما قالي كده والنبي انا خايفه

ميار: طيب اهدي بصي تعالي نامي معانا

حسام: اها يلا يلا تعالي يا قلبي

وتروح مليكه معاهم الاوضه ونامت بس كانت خايفه لكنها نامت في الاخر وبعدها صحت من النوم لقت امها وابوها نايمين لسه والنهار طلع وراحت علي الاوضه وكانت ناسيه اللي حصل وبعدها دخلت الحمام بس في الحمام حصلت حاجه غريبه لقت مكتوب علي مرايه الحمام \(شكرا علي كلامك عليا\) وقتها هي اتصدمت وخافت وفضلت تفكر كلام ايه ومين اللي قالت عليه كلام وبس افتكرت انها اتكلمت علي الصوره وقالت: معقول يكون هو لا مستحيل هما مش حقيقين

شخص: لا حقيقين

مليكه لفت بسرعه لقت الشاب اللي في الصوره واقف قدمها وقالها: مش عيب يعني بعد ما قولتي علي مز ومانجا وقمر ترجعي في كلامك مش عيب

مليكه واقفه مصدومه مش مصدقه وهتموت من الرعب بس قالت بصوت مرتعش: انت مين

قالها: انا براد

مليكه: براد مين

براد: انا الشخص اللي في الصوره اللي في شنطتك

مليكه باحراج: وانت عرفت منين انها معايا

براد بابتسامه جميله: انا عارف كل حاجه

مليكه بتوهان من ابتسامته: انت حلو كده ازاي انت جميل اوي وبدون مقدمات قربت منه ومسكته دراعه وقالت: لا وكمان عندك عضلات لا كده كتير عليا اوي

براد بابتسامه: شكرا يا لوكا انتي كمان زي القمر علي فكره

مليكه: انت عرفت دلعي منين

براد: مانا قولتلك انا عارف كل حاجه

مليكه: بس ازاي اسمك براد

براد: انا من اصول امريكيه زي مانتي عارفه اننا من اصل أمريكي بس انتي اللي جبتيني هنا

مليكه بصدمه: انا ازاي

براد: من الكتاب اللي كنتي بتقرائي ده كتاب عني انا ولما انتي قرائتي انا جيت وده من حسن حظي

مليكه: ومن حسن حظي انا كمان

وبعدها مليكه سمعت صوت امها وفي لحظتها فتحت الباب ولقت

ودخلت ميار الاوضه علي مليكه بس الغريبه انها ملقتش حد مع مليكه ومليكه كانت خايفه لحد ما ميار اتكلمت وقالت: ايه يا لوكا انتي صحتي امتي

هنا مليكه استغربت انها مشفتش براد ولما هي بصت ملقتهوش بس سكتت وقالت: من ساعه يا ماما ومحبتش اقلق حضرتك كفايه اللي انا عملته امبارح

ميار: تقلقيني ايه بس يا حبيبتي وبعدين انا لو مكانك اكيد كنت هعمل كده بس خدي بالك انتي من نفسك وان شاء الله تدخلي الكليه اللي انتي عاوزاها

مليكه: اها والنبي يا ماما ادعيلي لاحسن انا شايله همها اوي انا عارفه ان مجموعي مش قد كده متزعليش مني

ميار: بس يا بنت متقوليش كده مجموع ايه اللي هنتكلم عنه اللي راح راح خلاص المهم نركز في اللي جي تمام

مليكه تمام هو حضرتك وبابا صحيتوا ولا هتكملوا نوم

ميار: بصراحه انا عاوزه انام ايه رايك انتي ادخل ولا اصحي

مليكه: لا اتفضلي حضرتك نامي وانا هعمل الغدا وهصحيكوا اول ما الاكل يخلص

ميار: ماشي يا لوكا يلا انا هدخل

وتمشي ميار ومليكه تنادي علي براد ولكنه مزهرش فقالت يمكن يكون بيعمل حاجه المهم راحت علي المطبخ علشان تعمل الاكل فجاءه لقت حد بيقول ابقي زودي الاكل عشاني بتبص لقته براد قاعد علي الكرسي قدامها وبيقول: علي فكره الدم ده اساسي لكن عادي انا باكل زيكوا بردو

مليكه: طب حلو علشان تدوق اكلي الله صحيح انت روحت فين لما ماما دخلت الاوضه

براد: مفيش كنت بشوف حاجه ولما خلصت جيت

مليكه: وانت هتفضل تيجي كل شويه كده ولا ايه

براد: ايه زهقتي مني ولا انا مش عجبك

مليكه: لا طبعا ايه الكلام ده انا قصدي يعني انت هتعيش معايا ولا عندك بيت

براد: والله انا ممكن اعيش معاكي عادي بس انا فعلا عندي بيت وعايش فيه بس بجيلك علشان اشوف

مليكه: ممكن اسالك سؤال

براد: طبعا

مليكه: هو انت عندك كام سنه وازاي بقيت مصاص دماء

براد: انا عندي 600 سنه وازاي بقي دي مفيش كنت تعبانه وعلي مشارف الموت وكنت في المستشفى والدكتور هو اللي عمل كده ويعتبر هو اللي انقذني

مليكه: ياه كل ده اكيد كنت زعلان اوي علشان بقيت مصاص دماء مش كده ولا الموضوع كان عادي بالنسبالك

براد: لا طبعا مكنش عادي خالص بس مع الوقت بقي عادي

مليكه: طيب انا اسمع ان كل مصاص دماء لي قدرات خاصه بيه انت بقي ايه قدراتك

براد بضحك: تفتكري ايه

مليكه: مش عارفه والله بس بجد انا عاوزه اعرف

براد: انا قدارتي اني ابقي درع

مليكه: يعني ايه مش فاهمه

براد: درع يعني اقدر احمي نفسي من اي قدارت المصاصين التانين ومن اي خطر كمان

مليكه: زي بيلا من الفيلم

براد: ايوه شطوره

مليكه: طيب هو ينفع تمشي دلوقتي ونتقابل في المكتبه عشان اهلي هدخل اصحيهم دلوقتي

براد: تمام مفيش مشكله هستناكي هناك الساعه 5

مليكه: اوكي

ويمشي براد وياخد قلب مليكه معاه وتفضل مستنيه لحد الساعه 5 وهناك في المكتبه بيحصل العجائب

يتبع\.\.\.\.\.\.\.\.\.\.